شبكة و منتديات العرب المسافرون - نعود بالذكريات ... لعشق الروح ... مواقف و أحداث

- ماليزيا (https://www.arabtrvl.com/vb/f282.html)

نعود بالذكريات ... لعشق الروح ... مواقف و أحداث

بسم الله الرحمن الرحيم

العرب المسافرون ماليزيا

حبيت أسوي هذا الموضوع لنعيد الذكريات الجميلة والمخيفة والمواقف المحرجة والمضحكة لرحلتنا ل آسيا الحقيقية ... ولأنها كانت أول سفرة لي خارجية وكانت شهر العسل كان لها أثر كبير في قلبي ... وكل مانويت السفر لأي دولة أجد نفسي تلقائياً أُلقي نظرة عابرة على أسعار تذاكرها وتقاريرها لعلي أقنع من معي بالعودة إليها مجدداً ...

وسأذكر ثلاث مواقف حصلت لي كان منها المحرج والمخيف والطريف

وأول هذه المواقف كان في شهر العسل بعد زواجي بيومين توجهت إلى جدة وليلة السفر لماليزيا أكتشفت أن جواز المدام ماتجدد لأني كلمت أهلها يجددونه ... ومع الحوسه نسيوا وتورط ... ويالله من الصباح جرررري على الجوازات وأول واحد يدخل ... وأدخل للعسكري قال جيب صور جديدة
ياناس اليوم السفر والعسكري رااافض وأطلع وعلى أقرب محل يسحب الصورة من الجواز طبعاً نصحني واحد كان جنبي وأرجع في الطابور ولين جاء دوري ... قال ماتقبل لازم صورة جديدة
وجرررررررري على الفندق ياهو مشوار وكان شهر 8 إجازة والناس تقطع جوازات زحمة و آخذ المدام وعلى أقرب محل تصوير ويالله يالله حصلت ... وعلى الجوازات وطابور لين جاء الدور وأعطي العسكري قال تمام تعال بكرة يابن الحلال العصر رحلتي .... بكل برود ما أقدر أفيدك .... أروح للثاني قال الساعة 2 تعال ... ياولد رحلتي 4 العصر مايمديني ألم أغراضي ... وأطلع حزين و أدق على العروسة مالك إلا ربوع بلاد وأسمع أذان الظهر ... قلت خيره روح صلي بس ... وأنا خارج أحصل رحيمي أخو زوجتي جاي الجوازات معاه واسطة ... يبغى يجدد جوازه ... قلت يالحبيب خذ جواز أختك ... قال أبشر .. والحمد لله ما قامت الصلاة إلا جوازي في يدي ... وسبرنت على السيارة و تفحيط لين الفندق ... ولم الأغراض وخلي السيارة في مواقف الفندق و أقرب تاكسي على المطار ولله الحمد ... شيء عجيب أذن الظهر وأنا فاقد الأمل ... قامت الصلاة جوازي بيدي ... تخيل أول سفرة وبشهر العسل وربكة تمت ولله الحمد

لسى ماشفتوا شيء هههههههههههه الموقف الثاني ركبنا الطيارة وعلى أبوظبي وترانزيت وعلى كوالا ... ولمن وصلنا ولله الحمد أقرب تاكسي على القولند هورس فندق العرسان ...
أعطيتهم الحجز وكلي فخر واعتزاز بنفسي الأبيه المفاجأة الثانية ... مستر حجزك بكرة مو اليوم أفاااااا ياولد عريس وما أعرف للتاريخ الميلاد ودحلس منا وإلا منا ... لكن مافي أمل طيب بأحجز اليوم ... قالوا مافي فل .... وبعد جهد جهيد وواحد إماراتي يترجم الله يعطيه الصحة والعافية ... وجهونا لفندق ثاني إلي تروح له بالقارب الظاهر اسمه الملينيس وآخذ يوم ونووووووووووووم واليوم الثاني رجعنا للقولدن هورس

الموقف الثالث كنت أكلم المدام في رحلتنا الثانية نرجع ماليزيا لكن المدام رافضة الفكرة نبغى نجرب مكان جديد ... وعلى مضض وافقت وأخترنا أندونيسيا ... والحمد لله كانت سفرتنا في الحج عام 2013 على خطوط الإتحاد ... ولمن قربنامن أندونيسيا أشوف خط السير يتغير مرة يكتب كوالا ومرة سنغافورة ... وتطفي غالب الشاشات وشاشتي شغالة والأوكسجين والتكيف يقلل ... وطلع هذاك يبربر بالإنجليزي والناس يقولون أوووووووه ... عربي الله يهديك وأنا هلوست والمدام تهديني ... أنا عندي فوبيا من المرتفعات وهذي الرحلة زادت الوضع سوء ويارب سترك لين نزلنا وننزل في ماليزيا قلت للمدام مدام نزلونا في ماليزيا هذا أمر الله يالله نخليها في ماليزيا وتعطيني المدام النظرة الثاقبة وقلت سمعاً وطاعة ... ويبدلون الطايرة وعلى جاكرتا وأنا قلبي معلق بعشقي
والحمد لله إلي لطف ويسر لنا والحمد لله