|
فندق هوليدي ان بينانغ السلام عليكم ورحمه الله باختصار الفندق فاشل ندمانه حجزت فيه الريوق مو حلو والقلاصات تفتقر الى النظافه ولايستحق بنظري اربع نجوم ابدا ااااخ على بارك رويال وايامه فرق شاسع من كل النواحي تنظيف الغرف يرتبون السرير وشويه كنس ع الماشي تم رفع جميع الفوط ولم يتم وضع غيرهم طلبنا الفوط من الساعه السابعه المغرب والان اربع ونصف الفجر ولن نرى الفوط حتى هاللحظه لاحظت الغبار ع التسريحه والابجورات منذ وصولنا ولنا اليوم ثالث نفس الوضع الحمام تكرمون السيفون مره يشتغل ومره لا وطلبنا صيانه ولا اجد اي تصليح او فرق يعني باختصار ما صلحوه الشطاف مجنون يرش باستمرار بدون توقف واشتكينا ولم يتم التصليح للاسف حجزنا في مبنى الفرنجي hill veiw المبنى كئيب ع الاخر مبنى الشاطئ اشرح بالاستقبال ووجود حمام السباحة ومنظر البحر يشرح القلب ريحه الممرات مو حلوه بين الغرف لم يتم تنظيف الحمام او غسل المغسله واضح انهم حطوا الشامبو والبلسم ورشه ماي ع الارض وبس عاده تنظيف الحمام يكون بالترتيب وغسل كل شي ووضع النواقص بما انهم شافوا صابونه ع المغسله فمايحطون غيرها اعلب العاملين هنوود الاداره فاشله كانهم يحطون من جيبهم للنواقص والله ان علبه الكلينكس ماتحركت من مكانها وحوالينهاالصابون ملزق ع الرخام المصاعد اثنان فقط وبطيئه جدا والانتظار يطول لما نصعد ولما ننزل الميني بار كله نمل طلبت خدمه الغرف وشافت بعينها ورشوا مبيد واختفى النمل اتصلت الحين زفيتهم والصبح ان شاء الله بس انزل بيكون لي كلام ثاني اما احصل خدمات راقيه تليق بالنجوم الاربع او استرجع باقي قيمه الحجز وانتقل الى بارك رويال لو حصلت حجز للاسف ان معظم الحجوزات مو مو ترتيبي اكبر غلطه بهذه السفره السكن فيه والصور بعد ما ارجع ان شاء الله [emoji177]قصة حب[emoji177] |
لو تشوفون البراميد ويست الجديد عجييييب وتجربه ناجحه جدا انصح فيه وبقوة خدمات راقيه ونظافه وكل شي حلو فيه ياريت اكو منه في بينانغ [emoji177]قصة حب[emoji177] |
كله خير ان شاء الله هوني على نفسك و ما في شي يستاهل اهم شي حاولوا تستمتعوا ببقية رحلتكم و لا تلتفتوا الى مثل هذه الامور. رحلة سعيده و رجعه حميده ان شاء الله. |
والله مهونينها بس شي يقهر والامور ماشيه نطلع رحلات ونتمشى ونتعشى والحياة حلوه والحمد لله بس حبيت انصح للي بيسافرون قريب عشان ما يحجزون فيه وينصدمون مثلي[emoji24] [emoji177]قصة حب[emoji177] |
ياساتر حاجز فيه اربع ايام أرسلت من LG-H818 بإستخدام تاباتلك |
الله يعطيك العافية اختي الفاضلة على ذكر التجربة |
اختي قصة حب ممكن تلقي نظرة على مبنى الشاطيء اقترح عليك بدل البحث اطلبي النقل الى مبنى الشاطي سبق لي تجربتة ويختلف اختلاف كلي عن ما تفضلتي به |
بسيطة مشرفتنا إن شاء الله تنبسطوا وتعدي الأمور تساهيل بالنسبة للي باقي على سفرة وقت وحاب يغير عنده فرصة وأنصح بالعشق جولدن ساندس أو بارك رويال أو هارد روك هذي الفنادق اللي يستانس الواحد فيها رحلة موفقه إن شاء الله وترجعون بالسلامة إن شاء الله ....ومازلت انتظر يوم 17 اغسطس الله ييسرها يارب |
اختي لا تفكرين كثير في الموضوع عشان ما يصير همك ويخرب المود عليك طول اليوم واذا فيه فرصه تغيرون لبارك رويال يكون افضل لانه في رايي افضل فندق في الباتو فرنجي |
للاسف ماحصلنا في العشق الكبير بارك رويال انا دايم اسكن فيه بحاول انتقل لمبنى الشاطي والله يسهل لاتحاتون لن يعكر صفو الرحله امر الفندق بس لان تعودنا ع بارك رويال نشوف الفرق كبير حتى القولدن ساندس فل ماحصلت فيه اشكركم ع تفاعلكم ونصايحكم [emoji177]قصة حب[emoji177] |
وعليكم السلام ورحمة الله وبركاتة حصل خير مشرفتنا الفاضلة , لاتخلين موقف مثل كذا يعكر مزاج الرحلة أنجس خلق الله هالهندوس الهنوووووووووووود , حاولي تأخذين غرفة ثانية , كلموا الراس الكبير المدير |
الله يعطيك العافية اختي على ذكر التجربه وقتع ممتع نتمنه لكم |
اهلين اختي والله انا كنت ساكن فيه وكان جميل جدا بس تقريبا في 2012 بالعكس كان عندي ترتيبه بعد الصانوي لاجون فيمكن ما صار فيه صيانه او خدمتهم اتغيرت على العموم استمتعي وترجعي بالسلامه |
رحلة ممتعه الهوليدي أن سبق وأن جربته وكان رائع لكن مبنى الشاطئ بسئلك عن الجو كيف في جميع المدن الي زرتيها وهل يوجد أمطار وهل أضفتي الكاميرون |
هووووونيها وتهون لاتخلين شي ينكد عليكم والله والله ثم والله وحشتيني ووحشتني تقاريرج لا تحرمينا ترى مشتاااااااااقين وترجعين بالسلامة إن شاء الله :e32d: |
تسلمون لي يارب كلكم تفاعلكم شي يسعدني للاسف المبنى الثاني مافيه امكانيه كله محجوز ولازم زياده مئه وخمسه عشر رينجت لكل ليله لكن زفيتهم زفه معتبره وتم الاهتمام بالغرفه رجعت لقيتها نظيفه والفوط دبل العدد والحين بيصلحون هوز الحمام الحمد لله امورنا تمام ومستانسين والحياة حلوة لكن الجو حار ما احب ماليزيا بشهر يوليو ماصادفنا مطر لا بسيلانقور ولا بينانج والشمس الظهر حاااره نار [emoji177]قصة حب[emoji177] |
سنكتفي بثلاث محطات فقط لتقليل التنقلات عشان الصغار سيلانقور بينانغ كوالا والحمد لله ربي يتمم علينا وعليكم يارب [emoji177]قصة حب[emoji177] |
شكرا لذكر تجربتك أن شاء الله تنبسطون |
ترجعلينا بالسلامه يارب .:e306::e306:...منتظرين تقريرك عن رحلتك :13: |
احسن وقت من وجهة نظري شهر ابريل اذكر السنه الماضيه كان كل يوم من بعد الظهر مطر و الحمدلله |
شكرا على ذكر التجربة والملاحظات المهمة ان شاء الله ترجعون بالسلامة وتكتبيلنا احلى تقرير. |
مشكورة قصقوصة على ذكر تجربتك فعلا في كثير هاذي الايام في طور تخطيط رحلاتهم وتنبيهك لهم مهم ماقصرتي يالغلا ورحلة سعيدة يارب |
اولاً كل عام وانتم بخير ... رحله موفقة ان شاء الله واعرفك بما انك خبيرة في السفر وماليزيا بالتحديد فأمور مثل هذه لن تؤثر عليك او على رحلتك.. :3: ..... زعلت صراحة مما زكرتيه بخصوص هوليداي ان و بالتحديد مبنى الفرنجي قبل سنه كان من اروع ما يكون ما اعرف ممكن عشان موسم زحمة و قل اهتمامهم بالنزلاء؟؟؟ و حجزت فيه بعد شهر ان شاء الله -------- و بالنسبه للجو احد اصدقائي حالياً في لنكاوي يقول الجو حلو و مناسب للرحلات كلها امطار ماهي كثيرة و غير متواصله يعني اوقات و اوقات رحله موفقة مشرفتنا العزيزة |
زين اللي اهتموا بملاحظاتكم و تخطيطكم حلو للرحلة أحس الصيف ماش بدول شرق آسيا عموماً و الشتاء هو الوقت المناسب للسفر اليها رحلة سعيدة |
السنه الجو حار وايد اللهم اجرنا من نار جهنم شكرا لتفاعلكم ماقصرتوا ولازلت ما انصح بهذا الفندق [emoji177]قصة حب[emoji177] |
يعطيك العافيه يا قصة حب يا ليت تفيدنا اذا فيه افضل من هوليدي ان و سعره مقارب له دام متواجده في بييانغ أرسلت من SM-N920C بإستخدام تاباتلك |
استفسار بسيط اختي الكريمة هل اللي مضايقكم التعامل ولا نظافة الغرف لانه في اخر 2014 صاار تجديد لأحد المبنين ما اذكر بالضبط رحلة ممتعة هاي مزمز |
ترجعي بالسلامه يااارب معوضه يااارب بكوالمبور :e437: |
على مدى خمس زيارات لماليزيا إتضح لي إن أحسن فترة هي بداية السنة يناير أو فبراير صج يكون الجو حار بس حر محتمل خصوصاً إن حنا متعودين على درجات الحرارة اللي توصل الخمسين :29: |
سبحان الله الغرف حظوظ من افضل الفنادق اللي سكنتها في بينانق هو الهوليداي إن جربت فيها 5 انواع من الغرف و كلهم كانوا شرحين و خصوصاً مبنى الفرينجي اللي كانت به بلكونه جميله اذكر المره الاخيره عطوني غرفه مسكوب فيها دوا و ريحته قويه جداً على طول لما اشتكيت غيروا لي الغرفه وعملوا لي ابقريد إلى مبنى الشاطئ غرفه مطله عالبحر |
اللي مضايقني نظافه القلاصات في الريوق والاكل مو حلو لكن صارلنا يومين لما اشتكينا وصار واضح الفرق كلمت مسئول عربي شاب حاطينه في صاله الريوق وطلعت اللي بقلبي كله عن الفندق وبدلوا لي هوز الحمام فورا والاكل صار فيه اضافات تخص العرب وصار اطعم شوي اليوم جاني ع الفطور يتطمن شنو صار معانا وتأسف كثير وقال اي شي انا موجود اسمه توفيق خووش شاب وكل الخليجين يطلبونه لاي ملاحظه للاسف ماكو غرف فاضيه والا انتقلنا لمبنى الشاطئ المسبح عجيب امس قضينا يوم فيه مع المطر شي شي باختصار اذا ماتطلب حقك ماتحصل شي [emoji177]قصة حب[emoji177] |
ما أنصح فيه بتاتا وكل انسان له ذوق مختلف عن الأخر يعني القرار للمسافر بس حبيت انقل تجربتي لهالفندق المزعج سبحان الله خيرة كنت ناويه ادربه بسفرتي الاخيره 2013 لكن الترشيح الأقوى من الاهل للبارك رويال وصراحة لا تلوموني بحبه عجيب وخدماتهم واكلهم يفوق الهوليدي ان مرات ومراااااااااات |
انا الان لي 3 ايام فيه حجزي بدون افطار والاكل ماكل فيه ومرتاح عالاخر والحمد لله لاني ماني من النوع اللي مره يدقق على كل شي انا جاي استمتع |
اقتباس:
الناس اذواق عليكم بالعافيه فيه اشياء ماتقدر تطنشها خصوصا النظافه انا بعد رايحه استمتع بعد المدارس والدوام باجازتي لكن المطلوب شي يريحني مو ادفع فلوس وايد على خدمه ومكان لايستحق [emoji177]قصة حب[emoji177] |
اقتباس:
والله احد اصحابي ذكر لي البارك رويال ونصحني بالحجز فيه |
ياهلا وغلا اختي الغالية قصة حب فندق هوليدي المبنى على الشاطئ شغله رائع ونظيف نزلت فيه مرتين وايضا مايقارب اكثر من 20 شخص على الاقل نزلتهم بهذا الفندق والكل اثنى عليه الافضل عدم الحجز هوليدي ان الي على التل وبكل امانة اشكرك على نقلك ماشفتيه للتوضيح فبارك الله فيك |
الاخت قصة حب انا سكنت في فندق هوليدي ان في مبنى الشاطئ ومطل على المسبح والبحر والمنظر من الغرفة رائع جدا والغرفة واسعة ونظيفة ... اكيد ان ستاف لم يعجبوني وكلهم هنود واذا طلبت شيئ تنتضر اكثر من ربع ساعة لكني قضيت اجمل 4 ايام في هذا الفندق وفي النهاية نحن نزور ماليزيا للترفيه والسياحة والامور الصغيرة يجب ان لا تعكر صفونا لكن بالمجمل الفندق رائع من حيث الموقع والمنظر بالنسبة للغرف المطلة على البحر . |
|
:62::62: |
قاعد اقرأ التعليقات لاني حجزت في هذا الفندق ورحلتي بعد اسبوعين .... تقييمه في بوكنج ممتاز وانتم ما تمدحونه فكرت احجز في بارك رويال لكن اسرتهم كلها مزدوجه واحنا شباب .... هل في طريه يفصلوا الاسره عن بعض لان الخيار مو موجود بالحجز وشكرا |
| الساعة الآن 11:21 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO