|
متردد في السفر السلام عليكم ورحمة الله اخواني انا عريس ومرتب وضعي وجدول رحلتي جاهز لماليزيا لكني متردد او متخوف من السفر خصوصا في ظل اوضاع العالم المضطربة وبعد ماسمعت عن احباط تفجير بماليزيا لكبار العسكر ، وذلك لاني ماسافرت قبل خارج المملكة العربية السعودية ، علما بان تاريخ سفري 31 اغسطس الى 13 سيبتمبر وماني عارف حقيقة كيف الوضع اقدم على السفر او اكنسل الى ان تهدأ الاوضاع ؟ سااااعدوووني جزاكم الله خير |
توكل على الله وسافر وأستأنس أرسلت بواسطة iPhone بإستخدام Tapatalk |
في ظل الاوضاع الراهنة في العالم شرق اسيا هو انسب مكان للسفر لكن فعلا الفترة الاخيرة صرنا نسمع فيها بعض الاخبار :20:وانا استخرت ولسى ماحجزت والخيرة فيما اختاره الله .. الله يحفظ المسلمين يارب |
بإذن الله الوضع مطمئن و الناس رايحه جايه |
استخير الله وتوكل علي الله نحن الآن في ماليزيا ماشعرنا بأي شي والاوضاع عادية في الاسواق والشارع آمن ولله الحمد |
اهلين وسهلين فيك توكل على الله الاوضاع طيبه جداً خلي الخوف وراك ماليزيا بلد امن جداً |
وعليكم السلام ورحمة و بركاته اول شي الف الف مبروك ي عريس والله يتمملك على خير و بما اني حجزت لأكثر من خمس عرسان و اول مره يسافرون فالخوف هذا عندهم شي طبيعي فالواحد يدور على اي شي عشان يكنسل الروحه ههههههههههههههههههههههههه بس خذ هذي النصايح مني وانت بإذن الله ما تندم :- اولا : اجعل توكلك واعتمادك على الله فوق كل شي ثانيا : ما خاب من استشار و ما شاء الله منتدانا زاخر بالخبرات ثالثا : رتب جدول الرحله وتأكد من التواريخ وترتيب المدن الاقرب ثم فالاقرب او الابعد والعوده نزولا مثال : للاقرب فالاقرب سلانجور - الكاميرون - بينانج - لنكاوي - كوالا او سلانجور - بينانج - لنكاوي - كوالا مثال الابعد فالاقرب سلانجور - لنكاوي - بينانج - كوالا رابعاً : معرفة وسائل النقل بين المدن و الاستقرار على واحده منها خامسا : معرفة النشاطات الموجوده في كل مدينه وافضل خيارات لسكن من ناحية الموقع القريب للفعاليات سادسا : استمتع والله يوفقك وتوكل على الله فمن توكل على الله فهوه حسبه تحياتي |
الله يعطيكم العافية ماقصرتوا حقيقة ... واحب ابشركم اني توكلت على الله وحجزت 13 يوم 3 ليالي سلانجور في صن واي لاقون 4 ليالي لنكاوي في لنكاوي لاغون اومباك فيلا 3 ليالي بياننج في بارك رويال 2 ليلة كوالالمبور في تريدرز :14::14: |
ماعليش داخل متأخر ..... 2سلانجور 3لنكاوي 3بينانج 4كوالالمبور كذا أرى أنها أفضل 12 ليلة أرسلت بواسطة iPhone بإستخدام Tapatalk |
مبرووك الله يتمم لك على خير نصيحه لاتحجز في لنكاوي لاقون بعيد عن الخدمات سبق وسكنت فيه وتندمت اني ماحجزت في فنادق شارع سيانغ شارع حيوي مطاعم والشاطئ فيه العاب ويوجد فيه الاكواريوم |
مبروك واستخراج وتوكل علي الله انا فيها ماشاءالله ماشفنا شي يخوف |
الله يتمم لكم على خير توكل على الله واستخر والأمور إن شاء الله كلها خير أنا رحلتي بعدك مباشرة وباذن الله تسنانس وتدعي لنا |
| الساعة الآن 10:33 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO