![]() |
تجربتي في بعض الفنادق السلام عليكم ورحمه الله وبركاته حبيت افيدكم بتجاربي بفنادق ماليزيا بما اني تعبت وانا ابحث عن افضل الفنادق حبيت بالبدايه اسكن نظام منتجعات وبحر واطلالات بالعشر الايام الاولئ والاسبوع المتبقي بكوالالمبور تعمدت انه يكون السكن اقتصادي يعني نظيف وموقعه مناسب رحلتي كانت عباره عن 16 يوم اول يوم وصلنا نزلنا بفندق صن واي لاقون ليلتين فندق رائع ويستحق كل شي دفعته فيه واشوف الي دفعته قليل بحقه خصوصاً الافطار والمسابح والاطلاله شي جمممميل بعدها طلعنا بيننق وسكنا بفندق قولدن ساندس غرفه مطله ع البحر اطلالته حكايه ثانيه موقعه حلو وكلشي قريب المطاعم والبقالات والسوق الليلي فندق نظيف وراقي وجميل واعطيه عشره من عشره وبعدها لنكاوي سكنا بفندق بلانجي بيتش لمده يومين دخلنا العصر وطولو ماسلمونا الغرفه وزحمه الناس كلهم مثلنا انتظرنا ساعه او ساعه ونص فندق مترامي الاطراف وموحش بليل وكلشي بعيد يعني الشاطي واللوبي لازم سياره قولف تنقلك للافطار او الدخول اذا وصلت الفندق اشوف سعره مبالغ فيه ولا يستحق هاذا السعر ولا افكر ارجع اسكن فيه ثاني بعدها كوالالمبور جربت فندق فيرلين لمده اربع ايام اعتبره شقق وليس فندق يعني نظامه جناح صاله وغرفتين نوم بسعر 400 بهالحدود تقريباً لليوم موقعه حلو قريب لكلشي بس عيبه قديم وغير نظيف يعني السجاد والرخام باهت وقديم كانه من عشرين سنه الجميل فيه الغساله والمجفف :18: وبقاله بجنبه وشارع العرب 3 دقايق مشي بعدها سكنت بفندق مترو :18: كنت مرررره خايفه منه بس طلع رووووعه نظيف ومجدد بالكامل واللوبي فخم تعاملهم راقي سعره ولا اروع ب150 باليوم او اقل بقليل موقعه مقابل تايم سكوير وبجانب مطعم القلعه والمعذره اذا كلامي غير مرتب بس حبيت افيد ولو بالقليل لانه اكثر شغله تعبت عليها هي موضوع الفنادق |
ما شاء الله يعطيك العافيه فندق مترو ممتاز و مجدد و فندق اقتصادي حلووووو يا ليت تعطينا انطباعك و تقييمك عليه من كل النواحي بشكل مفصل أرسلت من SM-N920C بإستخدام تاباتلك |
تسلمي ام تولين على هذا الموضوع المفيد عن الفنادق .:e306:..والحمدلله ما حجزت في بلانجي بيتش مع انه كثير شجعوني عليه وحجزت في الدانا :3:...بصراحه انا خفت يكون فيه حشرات أو زواحف ..:12: أختك من جد خوافه من هادي الاشياء...الله يعطيكي العافيه ويسعدك يارب .:e306::e306: |
الله يعطييك العافيه كفيتي ووفيتي حبيبتي ام تولين:yolks00310: هذي المواضيع اللي نحتاجها ولو اني اعاتبك ع نقطه لو موضوعك مزود بالصور بيصير برااايفكت:(89): |
الله يعطييك العافيه:e10e: |
يعطيك العافية على طرح التجربة |
شكراً ام تولين على الافاده |
ما شاء الله تبارك الله الله يعطيك العافيه و الحمدلله على السلامه تحياتي |
حمدلله عالسلامة وجزاك الله خير على ذكر تجربتك |
شكرا على ذكر المعلومات المهمة ام تولين. |
الساعة الآن 09:39 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO