|
شوفوا العرض حق المكتب السياحي مناسب سعره او يلعبون علي؟ السلام عليكم تعبتكم معاي في موضوعي وماقصرتوا والله واستفدت من كل الردود وحجزت وقصيت تذاكر ورتبت افكاري راسلت مكتب بناءً ع نصايح في الموضوع الاول قلت انا حجزت11 ليله ماليزيا وابي افضل 3 مدن اقدر اروح لها بدوووون طيران داخلي او سفينه( عباره) مع حجز الفنادق غرفتين كونكتد في كل فندق شوفوا الفنادق الي ارسلوا لي كويسه ولالا ---------------------- (3) ليالي سيلانجور/فندق فوربوينت باي شيراتون / نوع الغرفة: ديلكس كورنر عدد (2) / الافطار: نعم ---------------------- (4) ليالي بينانج/فندق رانبو بارادايس بيتش ريزورت بينانق / نوع الغرفة: ديلكس بارادايس عدد (2) / الافطار: نعم ---------------------- ---------------------- (4) ليالي كوالالمبور/فندق سويس قاردن كوالالمبور / نوع الغرفة: شقة غرفتين بريمير عدد (1) / الافطار: نعم ---------------------- ملاحظة: الغرفة الواحده عبارة عن سرير مزدوج او سريرين منفصلين والإفطار لشخصين فقط بكج المواصلات البرية والجولات السياحية استقبال وتوديع مطارات \فنادق جوله في سيلانجور 8 ساعات جولتين في بينانج 8 ساعات للجولة جولتين في كوالالمبور 8 ساعات للجولة جميع الجولات غير شاملا اسعار تذاكر الاماكن السياحية ______________________ ملاحظه الايام الحرة لا تشمل سواق البنزين ومصاريف السواق على الشركه لدينا سواقين عرب واجانب بعضهم يتحدثون العربية ---------------------- التكلفة الكلية = 11293 ريال ولتأكيد حجزكم يتطلب منكم تحويل قيمة العربون كدفعة مقدمة من التكلفة الإجمالية ويساوي (2140.14 رنجت ) ---------------------- وحده من ليالي كوالالمبور راح يودونا افاموسا وبيقعد معنا السواق٨ ساعات السعر يشمل الاستقبال من المطار والتوديع.. والتنقل بين المدن الثلاث |
عليكم السلام انا اشوف سعرة غالي حسبة بسيطه اسعار الفنادق اللي ذكرتي لمدة 11 ليلة 6054 ريال بحث في موقع بوكنق ممكن فيه مواقع اخرى ارخص الافطار 4 اشخاص اسعار الجولات اسعارها من 25 الى 30 رنجيت واغلب السواقين اذا اخذة اكثر من 3 ساعات يحسبها 25 رنجيت السفر من كوالا الى بينانج بالباص الشخص حدود 45 رنجيت اما اذا تبغى ميكروباص خاص في حدود 500 الى 600 رنجيت في فترة الصيف في الايام العادية حدود 350 الى 400 طيب نحسب انك رايحة بينانج بميكروباص خاص اعلى شي 600 رنجيت والرجعه مثلها صار المجموع 1200 كوالا وسيلانجور في مدينة واحدة التكسي يوصل 30 رنجيت تقريباً الجولات ثلاث مدن 8 ساعات 200 رنجيت 3 مدن المجموع 1000 رنجيت توصيل من المطار الى الفندق 160 بميكروباص السيارة العادية ارخص بس نحسب اعلى شي احنا ونزود شوي خليها روحوة ورجعه من المطار 400 رنجيت حتى ما نظلم الرجال 6305 رنجيت فنادق توصيل من بينانج الى كوالا والعكس 1200 رنجيت جولات 1000 رنجيت توصيل من المطار 400 رنجيت المجموع 8905 رنجيت وليس ريال لاحظي الفرق والشي المهم الاخر انا مزود كثير في بعض الاسعار |
اخوي الردادي ما قصر غير كدا ان المكتب حاجز لكم فنادق اقتصادية فيه افضل منها |
اهلين وسهلين فيك رأيي اسحب عليهم ومثل ما تفضل مشرفنا الفرق كبير بين انك تنظم لك رحله وبين ان شركة تنظم لك انت راح توفر كثير والمسأله سهله جداً |
أخوي الردادي ما قصر وكفى ووفى فعلا فنادق اقتصادية ما تستاهل وازيدك من الشعر بيت أنا سكنت في السويس قاردن شخصيا وكان سيئ جدا للغاية واذكر ان فيه مجموعة من الاخوان لهم تحفظ في الفندق ذا توكلي على الله واحجزي الفنادق المعروفة والاخوان ان شاء الله ما راح يقصروا معاك |
نصيحة ددائماً خذ منهم اسعار للفنادق فقط و قارنها مع المواقع في النت و المواصلات و التمشيات كلها نصب في نصب و يودوك اماكن ما تحبها ولا ضمن اهتماماتك و اساسا ما تحتاج جولة 8 ساعات في اليوم |
وعليكم السلام ورحمة الله وبركاااااااااتة ماشاء الله تبارك الله الاخوان ماقصروا جزاهم الله خير نصيحة غيري جميع الفنادق , فندق سيلانجورجيد جداً بس موقعة مو ذاك الزود ايضاً فندق بينانغ وكوالا متواضع في فنادق كثيرة أفضل بنفس السعر او زيادة حاجة بسيطة |
الفنادق اقتصادية ودائماً نكرر لا تحجزون جولات مع الشركات فقط مثل ما ذكروا الشباب فنادق وقارني الأسعار أنا مثلاً أحجز مع شركة ولكن أنا اللي اختار الفنادق ونوعية الغرف والاطلالة وآخذ السعر وأقارنه مع موقع الحجوزات إن كان السعر أفضل حجزت معهم وإن كان أغلى تركتهم وحجزت عن طريق المواقع وفي حال الحجز مع شركة سياحية وكان سعر الفنادق أفضل يفضل هم من يقوم بحجز الطيران الداخلي أو الباصات ( التنقلات الرئيسية بين المدن ) ولكن أيضاً مقارنتها مع الأسعار عن طريق مواقعهم |
انا رحلتي 19 يوم حاجز 7 فنادق و 5 رحلات داخليه طيران التكلفه الى الان 9500 ريال تحياتي |
فندق بينانج براديس سكنت فيه قبل 3 سنوات ماانصحك به بعيد عن كل الفعاليات وعن السوق الليلي يعني تحتاج تكسي |
اختي اختيارات الفنادق غير موفقة ابدا لو تحجزي بنفسك من المواقع افضل او تحددي الفنادق انتي زي ماتفضل الاخوان وتشوفين عرضهم ورحلة سعيدة يارب:e304: |
الحمدلله الحمدلله اني سألتكم قبل احول له الفلوس.. ربي رحمني بكم الله يفرج لكم كرب الدنيا والاخره طيب هل هذي الخطة كويسه الي سواها المكتب لنا ٣ سلانجور ٤ بينانغ ٤ كوالالمبور هل هذي المدن فقط الي اقدر اروح لها بالسياره |
اقتباس:
من وين احجز الميكروباص الي يوديني بين المدن؟؟ |
خليها 2 سيلانجور فندق هوليداي فيلا صوبانج غرفتين Booking.com: ظپظ†ط¯ظ‚ ظˆط£ط¬ظ†طط© ظ‡ظˆظ„ظٹط¯ط§ظٹ ظپظٹظ„ط§ ط³ظˆط¨ط§ظ†ط؛ - ط³ظˆط¨ط§ظ†ط؛ ط¬ط§ظٹط§, ظ…ط§ظ„ظٹط²ظٹط§ 4 بينانج فندق باي فيو بيتش جناح عائلي مع اطلاله جانبيه على البحر و المسبح Booking.com: ظ…ظ†طھط¬ط¹ ط´ط§ط·ط¦ ط°ط§ ط¨ط§ظٹ ظپظٹظˆ - ط¨ط§طھظˆ ظپظٹط±ظٹظ†ط؛ظٹ, ظ…ط§ظ„ظٹط²ظٹط§ 5 كوالالمبور فندق و شقق E & O ممتازة جناح عائلي بغرفتين نوم Booking.com: ط³ظƒظ† ط¥ظٹ ط¢ظ†ط¯ ط£ظˆظ‡ ظƒظˆط§ظ„ط§ظ„ظ…ط¨ظˆط± - ظƒظˆط§ظ„ط§ظ„ظ…ط¨ظˆط±, ظ…ط§ظ„ظٹط²ظٹط§ منها يوم الى جنتنج بالسيارة و الاستمتاع بالاجواء و يوم الى افاموسا و حضور العروض و الفعاليات هناك حسبت حسبه بسيطة من بوكينج و زودت من عندي كم رينجت طلع 6800 رينجت تقريبا مع الافطار و الالغاء المجاني و الضرائب |
ممكن تروحوا بالسياره الى ايبوه و الكاميرون. |
اخوي سوى الرحلة بنفسك واحجزها عن طريق النت او مكتب سفريات الفنادف الي تبيها والباقي من قرائتك للاعضاء راح تستفيد انا اشوف انها غاليه اول رحلة لي قبل 9 شهور وبنفسي خططت واول مرة اروح لها كلفتني الفنادق 4500 بالكثير وهي فنادق فخمة |
السلام عليكم ورحمة الله وبركاته تحياتي للجميع طبعا بعدما قراءت ردود جميع الاخوة حبيت اعطي وجهة نظري ملاحظة : طبعا هذا العرض ليس من مكتبنا فقط علشان ما تقولون ادافع عن انفسنا دعوني اتحدث بشكل عام .. يفضل قبل ان نرد على استفسارات الاعضاء وبذات عندما يكونو جدد ان نتطلع على تفاصيل اكثير علشان نكون عادلين بالحكم والنصيحة ... اولا : يحب ان يكون هناك تفاصيل لاسعار الغرفة وسعر الليله بالنسبة للفنادق حتى تقارن مع المواقع او مكاتب اخرى ثانيا : يكون موضح التنقل بين المدن طيران او سيارة ..الخ ثالثا : يكون موضح حجم السيارة .. انا لي ملاحظة عن الاخ اللي يقول ان الجولة سعرها 200 رنجت ..!! سيارة صغيرة سعرها اكثر من 200 وهذا السعر كان زمان وطالما الاخت معاها غرفتين بكل فندق اكيد عددهم كبير يحتاجون فان وسعره اغلى كمان .. لهذا يجب ان نعرف التفاصيل والصنف والاسعار الحقيقية عن الواقع وبعدها نفيد الاخرين حتى ما نظلم احد .. ومن حيث مجالنا بالسياحة وكثر الشكاوي الذي تصلنا اتحدث بكل صدق وامانه : كثير جدا يسمعون لنصائحكم و لكلامكم ويحجزون من مواقع على النت باسعار خيالية وقد تكون بالمكاتب ارخص النص .. وايضا اصحاب التاكسي يخدعوهم باسعار خيالية كمان ... ويتندمون عن ذالك بالذات الاخوة الذي غير متعودين دائما على السفر لهذا اخواني الكرام اتمنى اتمنى اتمنى ان يكون ردودكم دائما فيها نوع من العدالة والامانة والانصاف ودائما حثو الاعضاء على المقارنة العادلة بالصنف والمميزات فلا تقتصر نصائحكم على تنفير الناس عن المكاتب وتخلوهم يحجزون باسعار باهضه من المواقع لطالما المكاتب اغلب الاوقات اسعارهم افضل ، وخدماتهم الاسهل .. واخذ بعين الاعتبار الضرائب والخدمات بمواقع الحجوزات ..الخ وشكرا لكم اخواني واخواتي |
اتفق معك فيما ذكرت وهذا ما نقوله دائم حدد اختياراتك واطلب السعر من الشركة ثم قارنها مع المواقع بنفس الاختيارات والوصف للغرف واختار الأفضل أنا اتحدث عن نفسي شخصياً العام الماضي أخذت السعر من الشركة وقارنت السعر مع مواقع الحجوزات وكانوا هم الأفضل وحجزت معهم وحصلت على ليلتين مجانية لغرفتين وهذا أنا أكررها لهذا العام بعد اخذ السعر تمت مقارنته أيضاً وكان السعر بالنسبة لي أفضل وتم الحجز معهم وحجوزاتي تشمل الفنادق والتنقلات الرئيسية بين المدن في النهاية أنا المستفيد وأنا من يبحث عن السعر الأفضل لذلك لا يهمني أحجز بنفسي من المواقع أو أحجز مع شركة سأتجه للأفضل فقط ملاحظتي على موضوع الجولات لا تروقني بسبب ربما برنامجي يتغير وربما أخرج لزيارة ولكن لأي ظرف أريد الرجوع للفندق خصوصاً مع وجود الأطفال في الرحلة لذلك أنا من يعد برنامج الجولات والزيارات تحياتي للجميع وسفر سعيد بإذن الله للجميع |
كلام الاخ صاحب المكتب فيه من الصحة لكن الفنادق يوجد افضل منها بمرااااحل |
انا رديت في موضوع سابق و ارجع اكرر وجهت نظري انو لما تبغى تقارن بين شركة او المواقع الي على النت لاااااازم يكون نفس الفندق ونفس الفئه من الغرف وهل يشمل الافطار والالغاء او لا وزي ما اسلف الاستاذ طريقة التنقل بين المدن و حجم السياره او عدد الاشخاص اغلب الردود الي فالمنتدى لأشخاص سافرو كشهر عسل او عائله صغيره. وفيه العوائل الكبيره بس الي اقصده لما تقراء الموضوع ويكون عدد الاشخاص في الرحله شخصين او ثلاثه و يقول اخذت السياره او التكسي ب 250 او 300 اعرف انو انت ي صاحب الخمس او ال 6 اشخاص تحتاج لسياره اكبر وطبعا ما راح تقل عن ال 500 وكذالك الغرف و الفنادق فيجب مراعات كل هذه الاشياء في المقارنات لتحصل على نتيجه منصفه وعادله والله يوفق الجميع تحياتي |
اقتباس:
مانبي نقطع رزق احد،، بس انا ماعمري سافرت فقلت قبل احول المبلغ استشير اصحاب الخبره في السعر والحاااصل ان المشكله مو السعر وبس صارت الفنادق مو ذاك الزود وانا فعلا خايفه جدا من نصب اصحاب التكاسي ومدري كيف انتقل بين المدن وماراح نحتاج فان انا قلت للموظفه معاي3 اطفال بتكفينا السياره الصغيره.. وهي حسبتها لي كذا عموما هذا عملكم ومن حقك الدفاع عنه والله يرزق الجميع من واسع فضله |
اقتباس:
واسعارها.. فرج الله عنك كرب الدنيا والاخره وجميييع من شارك ولو بكلمه واحده:60: |
اقتباس:
اقتراح سوي جدولك واختاري الفنادق وطريقة التنقل بين المدن و شوفي كم التكلفه و اعرضي نفس المخطط على الشركة الي موجوده هنا و شوفي الارخص و توكلي على الله لاااازم تراعين الكلام الي انا كتبته في ردي تحياتي |
اقتباس:
عليكم السلام استاذي الكريم انا اتحدث من الواقع كنت في ماليزيا قبل اقل من 3 اسابيع واسعار الجولات كما ذكرت الساعة 30 رنجيت اذا كانت اقل 3 ساعات و 25 رنجيت اذاكانت الجولة 4 ساعات واكثر السعر ليس زمان قبل اقل من 3 اسابيع ؟؟ هذا السعر وجدته في كوالا وبينانج ولنكاوي هذا السعر للسيارة العادية لم اجد اي سائق قالي اكثر من هذا السعر ؟؟ مع العلم انهم لا يعرفون هل انا متمرس على السفر ام اول مره اسافر ؟؟ مواقع النت افضل بكثير من المكاتب لانها بكل صراحة واضحه في البيع الاسعار للجميع اما المكاتب مع الاسف الشديد غير واضحين في البيع يخفض لك في سعر الغرف ويرفع عليك السعر اما في الجولة او اسعار التذاكر او اي شي اخر احد الاخوة كان يرغب في حجز تذاكر داخلية على اير اسيا من كوالا الى لنكاوي ومن لنكاوي الى بينانج وجد سعرها 1500 ريال لشخصين من بعض المكاتب وعرض على السعر قلت جيب جوازاتكم وحجزتها لهم 670 ريال الرحلتين مع وزن 25 كيلو وموعد الرحلة في وقت الذروه ؟؟؟ هل النت ارخص ام المكاتب ؟؟؟ نرجع لمشكلة الاخت السائلة انت تقول ان ما فيه اي جولة 8 ساعات 200 رنجيت (الاسعار من 30 الى 25 ) طيب خلينا نكون طيبين ونزود سعر الجوله الى 50 رنجيت زادتة التكلفه عليها 1000 رنجيت اضافي طيب مازال يوجد فرق كبير ؟؟؟ اذا كانا نتحدث عن الامانة والمصادقية يجيب ان نقول الحقيقة هذا المكتب اسعارة غالية وبعيدة عن الواقع لماذا نختلق له الاعذار ؟؟ بالتوفيق للجميع |
| الساعة الآن 11:36 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO