|
بخصوص الطيران الداخلي .. السلام عليكم ورحمة الله طيران أسيا او الماليزيه لدي حجوزات تنقلات داخليه من كوالا الى بينانغ ومن بينانغ الى لنكاوي ومن لنكاوي الى كوالا استفساري عن الوقت المستغرق من حين الخروج من الفندق حتى انهاء الاجراءات في المطار انتم فاهمين علي ....! انا تعمدت ان جميع رحلاتي الداخليه تكون بعد فترة انتهاء اقامتي بالفندق وغالبية الفنادق الخروج منها الساعه 12 يعني متى اخرج من الفندق قبلها بكم والوقت الى المطار ووقت انهاء الاجراءات لكي لا اقع في مشكلة التأخير وذهاب الرحله بدوني وايضاً هل كل الرحلات من مطار كوالا الدولي للمدن الثلاث أفيدوني مأجورين |
انا اللي عندي في الرحلات الداخلية يعمل تشيك اوت قبل الرحلة ب3 ساعات ونص تفاديا لاي مشاكل او زحمة نخلص امورنا بدري طبعا الخارجية مافي داعي اقول :19: اما المطارات الخطوط الماليزية المطار الدولي اير اسيا مطار ثاني ناسية اسمه الاخوان يفيدوكي اكيد ورحلة سعيدة يارب |
بالنسبة لمطار اير آسيا قريب من المطار الدولي وإذا خرجتوا من الفندق ورحلتكم على طيران اير آسيا بمجرد ابلاغ التاكسي راح يوديكم مباشرة لمطار اير آسيا واسمه LCCT KL نصيحة يوم السفر أخرجوا بوقت كافي حتى لو جلستوا في المطار ساعة انتظار أو ساعتين أفضل من التأخير وربما يصادف خروجكم زحام في الطرقات أو غيره لذلك الخروج مبكر أفضل سفرة سعيدة بإذن الله |
انا عادتي اكون في المطار قبل الرحله بساعتين اول ما يفتح الكونتر وانا عندهم تلقى الموظفين لسى مروقين بس لو جيت متأخر بتلقى اخلاقهم قافله و مافي اي تعاون لو عندك مشكله بسيطه تحياتي |
اقتباس:
هذا هو الصح خلك في السليم وتواجد من بدري وبالنسبة للطيران الدولي في الرجعة من ماليزيا تأكدوا من أغراضكم مثل العطور أو أي شي سائل 100م أو أكثر اتركوها في الشنط الكبيرة مع الشحن ترى إذا كانت في الشنط اليدوية راح ياخذونها على باب الصالة ويرمونها قدامك وأنت تتفرج وصارت معي العام الماضي رغم إنهم نبهونا في الكاوتتر أثناء أخذ البوردنق لكن البنت الله يهديها نست منها ..مرره مافي تفاهم مثل مطاراتنا |
إذا اشتريتوا من المطار من السوق الحرة عطورات مثلاً سيتم وضعها في كيس ويتم اغلاقة لا تفتح الكيس قبل الصعود للطائرة لأنك أيضاً لو فتحت الكيس راح يسحبونها منك لذلك انتبهوا لهذي النقطة زين |
الافضل قبل الاقلاع 3 ساعات تحسبا لاي طاريء ساعة في الطريق وساعة بالكثير انهاء اجراءات وساعة تروق فيها ا لماليزية وطيران ماليندو في المطار الدولي klia 1 والبقية ومنها اير اسيا في مطار klia 2 ... وكان اسمه سابقا lcct ا |
ماقصرتوا الله يعطيكم العافيه طيب انا دخلت موقع طيران اسيا وسهل الحجز فيه لكن من ناحية الوزن هل مسموح الشنط ولا لازم اشتري وزن لاني قرات عن شي كذا |
لازم تشتري وزن |
اقتباس:
صدقت أخوي هاي مزمز لكن بعض المواقع للحجوزات مثلاً تطبيق اير آسيا للحجز لازال يستخدم نفس المسمى القديم للمطار |
| الساعة الآن 07:40 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO