|
استشاره سريعه السلام عليكم بااذن الله مسافره ؏ ماليزيا ولاول مره اسافر ومتخوفه انا وزوجي وبنتي وولدي ابي منكم ترتبون لي جدول سياحي ومع الاسعار وابي تكاليف اقتصاديه الميزانيه عشرون الف فقط مع الطيران الدولي ولمدة14 يوم وهل تكفي او لا :58: |
عليكم السلام ورحمه الله ماليزيا بلد جدا جميل وانصح به بالعكس ماليزيا بلد سهل تعامل فيها وما تخوف ابدا قبل كل شي تحدد اختي تواريخ السفر للذهاب والعوده والمده الي حاب تجلس فيها هناك وانا اشوف بين 12 -14 يوم مناسبه لماليزيا اشوف ميزانية غير كافية لسفره ل اربعه اشخاص حسب وجهة نظري اذا خاصه اذا كان اطفال كبارا 10- 12يوم كافية . بعدها تتابعي مواقع الانترنت لحجوزات الطيران - الخطوط السعوديه-الماليزيه-الاتحاد-الاماراتيه-القطريه وغيره شهر 9 و10 ترخص اسعار تذاكر ناهيك عن عروض فنادق وقله الزحام هناك بعدها تقسيم الايام واختيار المدن بين كوالا -سلانجور-بياننج-لنكاوي -جنتنج- بعدها اختيار الفنادق والفعاليات اليوميه والتكلفه على حسب صرفك وتواقيت اقترح عليكي الجدول التالي 2 ليلتين في سيلانجور 3 ليالي في لنكاوي 3 ليالي في بينانغ 4 ليالي في كوالالمبور اقترح عليك ان تقضيها التالي .. - ليلتين بسيلانجور .. الصن واي ريسورت ( من 550 الى 950 ) فندق البراميد او الماينز ( من 400 الى 600) او امباير او هوليداي ( 250 الى 350 ) او فندق ريموز بحدود 200 رنجت ثم بالباص او طيران الى بينانج - 3 ليالي بينانج .. - فنادق الباتوفرنجي (( شاطيء شهير جدا ببينانج ويفضل السكن هناك )) راسا ساينج ( من 750 الى 1200 ) جولدن ساندس او البارك رويال ( 550 الى 850 ) بفندق البايفيو بيتش او الهوليداي ان او هارد روك (450الى600) - وهذه فنادق قريبه من شاطيء الباتو فرنجي .. 10 دقائق بالسياره او فلامنجو او برادايس (300الى400) ... او نازا(200الى300) ثم بالفيري او طيران الى لنكاوي - 3 ليالي بلنكاوي .. الوستن ( من 750 الى 1200 ) او بلانجي بيتش ( من 650 الى 950 ) او برجايا ( من 550 الى 750 )بفندق لنكاوي لاجون او هوليدي فيلا او الشراتون او الفور بوينت ( من 350 الى 500 رنجت ) ثم طيران الى كوالا - 4 ليالي بكوالا .. بفندق تريدرز او البرنس او رويال شولان او الماريوت او الوستن او جراند ملينيوم ( من 550 الى 950 ) او بفندق امبيانا او توريست رجنسي او بيكلو ( 300الى 450) او بفندق او فيورما بفندق سنترال بادو ( 250 الى 350 ) ممكن زيارة جنتنج .. من كوالا .. من الصباح الى المساء بباص او مع تكسي ساعة من كوالا ...هي مدينة ملاهي والعاب تفتح سنة جاية الاسعار اعلاه تقريبه .. تختلف على حسب التاريخ ونوع الغرف __---_______________ اسعار المواصلات من والى من كوالا الى بينانج .. بالباص 60 رنجت للشخص ذهاب من كوالا الى بينانج .. بالطائره من 100الى 200 رنجت للشخص ذهاب من بينانج الى لنكاوي .. بالفيري 60 رنجت للشخص من بينانج الى لنكاوي .. بالطائره من 100 الى 200 رنجت للشخص عوده من لنكاوي الى كوالا .. طيران من 100 الى 200 رنجت للشخص ذهاب من كوالا الى جنتنج .. بالباص مع تلفريك مع العاب الدخلية فقط الالعاب الخارجية مغلقة للتجديد بحدود 60 رنجت على حسب البكج للشخص من كوالا الى جنتنح بالتاكسي من 70 الى 100 رنجت فقط .. بدون اي شيء اخر 4 راكب او اخذ سيارة نصف يوم بمبلغ 200الى 250رنجت حسب اماكن والوقت اللي تاخذوه ممكن دمج منطقة بوكت تنجي اليها فهي قريبه منها وياريت لو تاخذي لك جوله في تقارير اعضاء الكرام تفيدك اكثر كذلك المواضيع المثبته في بوابه ماليزيا والخيار راجع لكي في الاول والاخير وحددي الخطوط عريضه لك واكتبي الملاحظات وبنساعدكـ الأهم تكون على أطلاع كامل من خلال التقارير وهذا لمصلحتكـ والاخوة مايقصروا إن شاء الله |
المبلغ يكفي أو لا يكفي فهو يعتمد على وقت السفر والحجز واستغلال عروض الطيران ونوعية الفنادق المحجوزة ومقدار التسوق وشراء الهدايا ... وبعد حجز الطيران والفنادق يمكن وضع ميزانية للصرف في اليوم الواحد في حدود 700 رنجت لأن معكم أطفال ممكن في بعض الأيام تقل أو تزيد قليلا .. فممكن تقسيم 14 ليلة إلى : ليلتين سيلانجور 3 ليالي لنكاوي 3 ليالي بينانج ليلتين مرتفعات الكاميرون 4 ليالي كوالالمبور |
الاخوان ماقصروا الله يسعدهم التذاكر تقريبا هي اللي تثقل ميزانية السفر فحاولي بشراء التذاكر المخفضة وبعدها بباقي المبلغ تتضح لك الميزانية لانه تقدري تتحكمي في اختيار الفنادق والمصاريف اليومية 14 ليلة حلوة 2 سلانجور 4 لنكاوي 3 بينانج 5 كوالا رحلة ممتعة هاي مزمز |
السلام عليكم ورحمة الله وبركاته الاخوة ما قصرو يعطيهم العافية واي مساعدة نحن بالخدمة ورحلة موفقة ان شاء الله |
الله يسعد كل من رد علي وطمني تاريخ السفر بيكون ٢٢ محرم ١٤٣٨ ولمده ١٤ يوم والطيران ابغى رايكم فيه ايات الافضل والمريح لاني اخااااف من الطيران عموما والفنادق م تفرق عندي ٤ نجوم التسوق انا لاغيته من البرنامج وياليت السعار تكون بالريال م اعرف بالريجنت :50: وابغى اهم الاماكن اللي تناسب الاطفال :e030: |
والفنادق بااخذ لي فكره ؏ البوكينج وبااقول لكم وتعطوني راايكم فيهم |
بالنسبة للطيران شوفي الأرخص في أحد الطيران السعودية أو الإماراتية أو القطرية أو الإتحاد أو العُمانية .. بإختصار 500 رنجت تقريبا تساوي 500 ريال .. الأماكن التي تناسب الأطفال مثل الصنواي لاجون وآي سيتي في سيلانجور ، وحديقة الطيور وكيدزانيا وألعاب مول التايمز سكوير في كوالالمبور ، وحديقة الفراشات في بينانج والتوفيق إن شاء الله |
السلام عليكم حصلت الطيران ؏ الخطوط السعوديه الاربعه ب٧٦٨٠ ريال ذهاب واياب هل السعر مناسب وكيف الطيران السعودي الدولي وخدماتهم بما اني درجه سياحيه ومعاي اطفال وايات ارخص بين الاماراتيه والسعوديه والاريحً بينهم |
الخطوط السعودية ممتازة واسعار التذاكر ل 2 كبار و 2 اطفال 7680 كويس ... يعني تقريبا تذكرة الكبير 2200 ريال ممكن تحصلي اقل بس السعر من 1800 ريال للكبير الى 2500 يعتبر مررة كويس مقارنة بالصيف ... السعر 4000 وزيادة |
انصحك بما ان معلك اطفال تاخذي دايركت لان الترانزيت متتتتتتعب معاهم اتوقع التذاكر حتنزل مع نهاية الاجازه فلا تستعجلي بالحجز الا اذا لقيتي عرض حلو |
وتقريبا اعتمدت الفنادق وتكلفتها بحدود 4000 ريال ابغى اعرف الرحلات الداخليه والتنقل بين المدن واذا كان الباص ممتع ومناظر الطريق حلوه باعتمده مو حابه كلها طيران ابغى اغير الروتين مره عباره ومره باص ومره سياره يعني اللي عنده خبره يفيدني وكم ساعه بين المدن يعني المتبقي من الميزانيه 8000 ريال هل هي كافيه للتنزه والاكل فقط لان التسوق ماابغى رحلتي ترفيه وليس تسوق واعذروني ؏ الازعاج بس بحاجتكم الله يشهد علي ولا عندي خبره |
ماقلتي لنا ع ايش استقريتي فالجدول عموما التنقل من سلانجور للنكاوي طيران من لنكاوي لبينانج عباره من بينانج للكاميرون باص ومن الكاميرون لكوالمبور سياره لو كان هذا ترتيب جدولك 8000 لو لشخصين اقولك تكفي لكن معاك اطفال مااتوقع تكفي زوديها شويه أرسلت بواسطة iPhone بإستخدام Tapatalk |
الاطفال صغار سبع سنين وثلاث سنين والجدول كوالا لنكاوي بينانغ سيلانجور وشفت كثير يمدحون جوهور وماادري كيف اعتمدها مع الجدول ولا بيكون زحمه |
اختي الكريمة ام فهودي المدة 14 يوم حلوين انصح بثلاث مناطق بس حتى تنبسطوا اكثر وتقللوا من التنقل خصوصا معاك صغار كوالا خليها اخر محطة والأولى سيلانقور يعني خط الرحلة يكون : سيلانقور لنكاوي او بينانغ كوالا الا اذا عندك مجال تزيدين عدد الأيام وتدخلين منطقة رابعه بالجدول واي مساعدة حاضرة ،،، سفرة موفقة ان شاء الله |
احترت كثير يمدح في منطقه جوهور وانها ثاني منطقه كبيره بعد كوالا وفيها فعاليات للصغار كثيره وسفاري تشتت راسي ؏ العموم اللي زارها يخبرني وشاكره لكم جميعاً |
اختي الكريمة باختصار جوهور ما فيها الا ليغو لاند .. و هيلوكيتي واشوف انها مالها داعي الا اذا البنات يحبوها جدا واذا تبغي تسوق ماركات اصلية مخفضة عندك اوت لوت غير كدا كله عادي ولايستحق الزيارة لانه تقريبا موجود في المدن والجزر المتعارف عليها كوالا وبينانج ولنكاوي |
اووك بعد مشورتكم شلتها من الجدول جوهور |
السلام عليكم بخصوص الفنادق حجزت ليلتين في لنكاوي بمنتجع ذا فرينغباني لنكاوي ب1094 ريال في بينانغ ثلاث ليال في فندق هارد روك ب1211 ريال وفي سيلانجور ثلاث ليال في منتجع فيلا هوليداي سوبانغ ب807 ريال باقي لي كوالالمبور احترت والاسعار شوي مرتفعه فاابغىٌ راايكم ايات افضل وبااقسمها ؏ زيارتين كوالا اول مااوصل بااجلس ثلاث ليال واروح سيلانجور ثم لنكاوي ثم بينانغ ثم ارجع كوالا يومين ونغادر ان شاءالله هل الجدول كذا اووك وايش خبراتكم ؏ الفنادق المذكوره |
الافضل سيلانجور ليلتين و لنكاوي ٣ ليالي |
طيب ليش كوالا قسمتيها !؟احس كذا تععب لو تخلي الجدول سلانجور لنكاوي بينانق كوالمبور افضل وليلتين كاافيه لسلانجور بالنسبه لفندق كوالا شوفي تقريري عن فندق التايم سكوير أرسلت بواسطة iPhone بإستخدام Tapatalk |
السلام عليكم بالنسبه لكوالا افضل ااخذ شقه صغيرونه اللي عندو خبره لا يبخل علي تسلمي ي lamo ؏ الردود والله يسعد كل من رد عليا برضو وفي استفسار برضو ثاني زوجي حاب نطلع يوم فقط لسنغافوره من فين نروح لها وكيف الاجراءات وبايش نطلع هل فيه باصات او عباره او تكسي مهمة ترتيب السفر احسها صعبه ازعجتكم بس تحملوني جديده ؏ السفر ومتخوووووفه جدا |
الشقق في كوالا عندك ايه اند اوه - شقق اسكوت - شقق التايمز كوير - شقق سوهو - شقق موندو - شقق فرايز لانسون وكثير من الشقق بالنسبة لسانغفورة لازم تخلص اجراءات الفيزا من بلدك وتكون جاهزة بالنسبة لزيارتها من ماليزيا ... تتجهوا لمدينة جوهور باهرو فمثلا لوكنتو في كوالا تروحوا لها بالباص او سيارة وهناك فرصة لزيارة العاب ليجو لاند الرائعة ومن جوهور الى سانغفورة بالسيارة او الباص والمسافة زي جسر البحرين والسعودية يعني قصيرة جدا بس عاد يعتمد على زحمة الجسر وممكن طيران من كوالا الى سانغفورة |
طيب كم ساعه من كوالا لجوهور وكم التكلفه اذا كانت باص او سياره |
اقتباس:
بالباص من 5 الى 6 ساعات من 50 الى 70 حسب نوع الباص هذا والله اعلم |
اقتباس:
وممكن حجزها من الموقع على الانترنت على الرابط التالي Bus from KL to Johor Bahru | BusOnlineTicket.com ويتم توضيح نقطة الانطلاق ونقطة التوصيل تحياتي |
طيب ايات اقرب لجوهور بينانج ولا كوالا ولا لنكاوي |
اقتباس:
|
يعطيكم العافيه م تقصرون وعندي استفسار بسيط عشان اعتمد الفنادق النجوم ووش تفرق يعني لو بااحجز فندق ثلاث نجوم ايش خدماته وايش سلبياته وباايش يختلف عن الاربع والخمس نجوم هل هو من ناحية الامان ولا الافطار فقط ارجو التوضيح :24: |
ثلاث نجوم وأربع نجوم وخمس نجوم كلها مصنفات يحددها أولاً مستوى فخامة الفندق ونظافته وموقعه ومستوى الأمان بالدرجة الأولى يعني فندق الخمس نجوم لابد يكون فخم ونظيف وموقعه ممتاز وعلى درجة عالية من الأمان والعكس لفندق الثلاث نجوم يكون متواضع جداً والنظافة مش ولا بد ونفس الشي الموقع والأمان وهالأمور تدخل معاها أشياء أخرى مثل مستوى الخدمة والطعام المقدم وغيره فأتوقع اللي مايقدر على الخمس نجوم يروح للأربعة بس لا ينزل للثلاث نجوم وهذي من وجهة نظري الشخصية خصوووووصاً للعوائل الله يسعدج أختي العزيزة ويسمح دروبج إن شاء الله |
اذا الميزانية اقتصادية خليك على الاربع نجوم يوجد فنادق من هذه الفئة كويسة جدا |
نعم اقتصاديه والفنادق وقت النوم فقط عشان كذا انا محتاره فيهم شويات وخلاص ؏ مشورتكم اربع نجوم اخذ المهم من السفره الاستمتاع يعني بالعاميه التمشيات والملاهي هي الاهم |
عندك في سلانجور فنادق ممتازة ونظيفة ومواقعها كويسة واسعارها اقتصاديةويست براميد ... اجنحة منتجع في بندر صنواي ( سويت ريزوت) -- دورسيت غراند سوبانغ - هيلتون بيتالينغ جايا - هوليدي فيلا سوبانغ في لنكاوي فندق ايديا من غير شاطي - هوليدي فيلا ان بشاطيء بينانغ فلامنجو ان باي فيو بيتش كوالا : اعطيتك اسماء شقق في رد سابق |
طيب معليش احد يشرح لنا كيف طريقة هذه الباصات وفين مكانها Bus from KL to Johor Bahru | BusOnlineTicket.com |
تحجز عبر النت وتختار الشركة اللي ترغب بها وراح يكون الانطلاق من كوالالمبور في محطة الباصات الجديدة TBS الى محطة باصات اللي في جوهور ومن هناك تاخذ تاكسي للفندق انا انصحك بباصات ايرولاين وتحجز عبر موقعهم الرسمي لانهم غير موجودين في المواقع الاخرى ... فقط الحجز عبر موقعهم الرسمي او عبر مكتبهم والانطلاق يكون من كوالا عند فندق كوراس او من سلانجور من عند الالعاب المائية صن وي لاجون https://www.aeroline.com.sg/ |
والله مااعرف الناس اذواق انا مريت جانب فندق ايديا وشفته عند جهوزيته قبل الافتتاح جميل لكن كيف اكون بلنكاوي ومنتجعي ماهو على البحر فما الفائدة |
عدد ايامك في كوالا مشتتة حاول تخليها اخر الرحلة 5 أيام كلها لكوالا ويكون اول محطة لك سلانجور مثل ماقالت المشرفة قصة حب... شقق فندقية في كوالا انصحك بفندق ( فريزر رسندس ) رجعت منها قبل شهر وخذيت شقة من غرفتي نوم وصالة كبيرة ومطبخ.. بالنسبة كيف تعرفي الفنادق نظافتها وكل مايتعلق بها شوفي تقييم العملاء لكل فندق موجودة في موقع كل فندق في بوكنج... |
السلام عليكم الحمدلله تم اختيار الفنادق كالتالي وبالايام خمس ليال كوالا شقق اجنحه بارك رويال المخدومه شامل الافطار 1486 بينانغ ثلاث ليال هارد روك شامل 1212 لنكاوي ثلاث ليال فندق ايديا لنكاوي شامل 657 سيلانجور ثلاث ليال فندق سيتادينًديبولز 579 شامل بس متردده بالفندق اللي في سيلانجور ابغى فندق يكون فخم وهل ثلاث تكفي بسيلانجور ولا ليلتين والجدول من المطار ؏ سيلانجور ثم لنكاوي ثم بينانغ ثم كوالا اذا قدرت وفيه فرصه رحنا ؏ جوهور ليله او ليلتين ونقسمها بين جوهور وليله في سنغافوره الفنادق مع الطيران الدولي 11680 ريال باقي التنقلات الداخليه ابغى شي اقتصادي ومريح ويكون ممتع وسامحوني ؏ الاطاله واسالتي الكثيره وباقي اهم سؤال الصرف من فين يكون واذا قلتو من السعوديه المبلغ وين اوديه لاتضحكون على سوالي بس متوهقه مررا ومن فيكم جرب يحط اشياءه بخزنة الفندق وكيف الامان وبرضو ابي منكم جدول بالاماكن في جدولي كامل كوالا ولنكاوي وبينانا وسيلانجور والصرف اليومي للاكل واللعب كم يكون بالريال وبس وشكرا :48: |
بالنسبه لفندق سلانجور ارشحلك البرايميد بالنسبه للتنقلات من سلانجور للنكاوي طيران لنكاوي بينانق طيران او فيري بينانق كوالا باص الصرف من السعوديه افضل خلي مبلغ مع زوجك ومبلغ معاك هذا وقت السفر اذا وصلتم وزعيه عالشناط ومعاك ومع زوجك انا جربت الخزنه كنت احط فيها الكام والايباد والجوازت احيانا او بأمانات الفندق بالنسبه للاماكن سلانجور اول ليله اذا وصولكم بدري العشا بمجمع البرايميد ثاني يوم الصن واي لاقون ثالث يوم برجايا واذا حابين الشلالات وبالليل الاي ستي لنكاوي اول يوم الراحه بالفندق وقبل الغروب الذهاب لنصب النسر والعشا من اي مطعم ولاتفوتي مطعم الصقر ثاني يوم القريه الشرقيه والدبابات رباعية الدفع ثالث يوم المانقروف وحديقة الفواكه بينانق مازرتها بس الاماكن الهضبه حديقة التوابل حديقة الفراشات كوالا تذكرة يومين في باص الهوب هوب يوم لجنتنق الالعاب الخارجيه مافتحت بس فيه القريه الفرنسيه وحديقة الفراوله وتسوق وانصحك بالتايم سكوير شامل لكل شي الصرف اليوم مااعرف صراحه بالتوفيق تروحي وترجعي بالسلامه أرسلت بواسطة iPhone بإستخدام Tapatalk |
الجدول على حسب مااادري هل بتضيفون جوهر وسنغافوره لانكاوي كاجزيرة حلو وتكفي وافضل زيادة الميزانيه والسكن في فندق حلو سلانجور شوفوا وان ورلد كافندق انصحكم في الترتيب التالي سلانجور بينانغ لانكاوي كوالا التنقل طيران داخلي بعد حجز الفنادق الافضل تنزيل موضوع مستقل للاماكن والخبراء مايقصرون |
| الساعة الآن 02:15 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO