|
تم الرجوع من ماليزيا ولكن الحمد الله نم الرجوع من ماليزيا قبل امس الفجر بعد رحلة ممتعة بعض الشيء اولا ملاحظة على برنامج اوبرا وجراب برنامج رهيب جدا وموفر داخل المدينة فقط ولكن ان احببت تخرج خارج كوالا فاعمل حسابك ان TOOL عليك يعني كمثال انت اردت ان تذهب الى مدينة الأضواء من شارع العرب سيطلع لك السعر 25 رينغت ومع TOOL ممكن 35 رينغت على حسب كم تول حتمر عليها واذا كنت بتروح داخل كوالا ماتخرج منها تري جراب وسعات اوبر حتوفر كثير من مبالغ اللي يطلبها التاكسي مثلا من عند البافليون الى klcc التاكسي ب 30 رينغت اوبر 5 رينغت جراب 6رينغت ثانيا :- الأسعار صارت مجملا زي النار واللهب علبة شكولا كانت السنة اللي فاتت ب 13.50 رينغت الأن ب 22 رينغت ثالثا : اغلب الفنادق ماصار يطلب تأمين رابعا : يأخوان انتبهو من ناحية طيران اير اسيا لازم تشتري الوزن من النت والا ستلبس مبلغا غير طبيعي زي مصار فيا انا سويت حق الروحة وماسويت وزن حق الجاية وتلبست مبلغ 180 رينغت عشان اشتري وزن 30 كيلو . خامسا:- طيران Malindo air ارخص واحلي ويعطيك 15 كيلو للفرد رايح وجي سادسا :- البيت المقلوب اللي في بيناج والتصوير الثلاثي الأبعاد يقع في حي صيني قذر جدا وكل واحدة بعيده عن الثاني مش جنب بعض فلازم تنادي اوبر اوجراب عشان ياخك مرا اخري . سابعا :- شاينا تاون اللي في كوالا صار اسعارهم مبالغ فيها فانتبهوا ياخوان شنطة اف سلوران درجة اولي يقول لزوجتي ب 350 رينغت وجيت تدخلت في الموضوع :24: وقلت له 80 رينغت اشيل قال لا قلت مع السلامة الا وشوي يلحق فيا يقول 100 شيل قلت له 80 قال طيب مافي مشكلة شيل . |
شكرا على ذكر تجربتك |
مشكور على ذكر ملاحظات وحمدلله على السلامه |
الحمد لله عَل السلامة شكرًا لذكرك تجربتك والتنبيهات بالتوفيق |
ربي يسلمكم جميعا اريد ان اضع راي في ولاية جوهر هي ولايه حلوة وهادئة جدا والمدينة نظيفة واهتمام عالي بس لا تستحق فعلا الايومين فقط لاغير واريد ان انبهكم ان العاب المائية في ليجو لاند انتبهوا اذا عندكم حساسية من الكلور اللي في المسبح لانه كمية الكلور جدا عالية وبسببها احترق كل جلد جسمي وجبلي انهيار عصبي خلاني زي المجنون اخبط راسي في الحيط وذهبت الى الطبيب وكلفني العلاج 520 رينجت عشان يروح الألم فانتبهوا اخواني من هذه النقطة . |
من طيبك ذكر ملاحظات ونقاط مهمه للسائح أشكرك من اعماق قلبي وكثر الله من امثالك والله يرزقك ع نيتك الطيبه |
اقتباس:
وحمدلله على سلامتك اجر وعافيه ان شاءالله |
الحمد لله على سلامتكم وشاكر لك نقل تجربتك وبالنسبة للاسعار الى الان تعتبر مقبوله اللي صرفته انا في ماليزيا في عشرين يوم السنه الماضيه صرفته في تسعه ايام في دوله خليجيه السنه هاذي وبالتوفيق للجميع |
ياهلا وغلا اخوي Nassif والحمدلله على السلامه وشاكر لك حرصك على إفادة أخوانك واخواتك .. # ماجربت قراب وأوبر خارج كوالا ولكن اخذت سايق خاص لجوهر ودفع رسوم الطريق قريب 42 رنقت باتجاه واحد .. وفهمت منه ان الحسبة حدود 12 سنت كل كيلو .. # الأسعار فعلا لاحظتها ارتفعت عن زيارتي السابقة قبل سنوات لكن الأمر يهون اذا قلت لك اللي كنت اصرفه يوميا مع 10 افراد مقارب للي كنت اصرفه مع زوجتي في دول أوربا أو على ما قال الأخ السليم في دول الخليج .. # الوحيد اللي ماطلب مني تأمين فندق كوالا, في البداية طلب لكن تراجع من نفسه, بقية الفنادق كانوا يطلبون على الغرفة حدود 200 رنقت وانزل معاهم بعض الاحيان لـ 100, لكن ما جربت اني افاوضهم على عدم الدفع و لو ابغى شي ابحاسب كاش # Malindo Air كان ممتاز جدا وأسعاره رخيصه وتتوفر رحلات من مطار KLIA الرئيسي ومطار Subang ومريح واعطونا 30 كيلو لرحلة كوالا لنكاوي .. طبعا كانوا موضحين ان الوزن يعتمد على نوع الطيارة # شكرا على رأيك بالنسبة لجوهر وفعلا حسيت بالأمر هذا قبل السفر فألغيت فكرة الذهاب لها لكن ربما لها زيارة في المستقبل إن شاءالله .. ومسألة الكلور مهمة جدا لأن فعلا أعرف اصدقاء ما يقدر يسبح في المسابح العامة بسبب هذا الأمر .. تقبل مروري وتحياتي .. |
بالنسبة للارتفاع هذا شي متوقع خصوصا للعرب لأن الرنجت نازل فـ يبغون يعوضون عن طريقنا .. يعطيك العافيه |
الحمد لله عَلى السلامة ومشكور على الملاحظات |
حمدلله علي السلامه شكرا علي النصائح بارك الله فيك |
الحمدالله ع السلامة مشكور على معلوماتك الفايده تعم المنتداء عندي سوال هل تطبيق قرواب او اوبر عربي عشان اخوكم لك عليه مع اللغه |
:11: |
جزاك الله خير معلومات مهمه���� |
شكراا لذكر تجربتك اخوي وأكيد بتنفع غيرك |
الحمد لله على سلامتكم شكرا لك Sent from my iPhone using Tapatalk |
مشكور على النصائح |
كمان انا عندي نصيحة , لاحد ياخذ تاكسي من المطار غغاليه احنا 2 بالغين و3 اطفال كان ممكن نركب بسيارة صغيرة اصروا علينا انه ممنوع وهم ممكن ياخذون غرامة واول مره صراحة اسمع ذا الشي وواضح انه كذب واستسلمنا لاننا كنا مرهقين جدا وكان الوصول بآخر الليل ودفعنا 250 رينقت من المطار إلى الفندق !! بعد م رجعنا وحده من اقاربي اخذت من اوبر من المطار للفندق كلفها 75 رينقت :10::31: ف نصيحة ابدا م تركبون معهم واطلبوا من اوبر اوفر وارخص لكم ,, وبالتوفيق للجميع ~ |
اقتباس:
لكن الاحظ قليلين يستخدمون خدمات الباص من المطار رغم انها رخيصه ( حوالى 11 رنجت فقط ) فهل من سبب ؟! |
الحمدلله على السلامة مشكور على ذكر تجربتك |
تجارب ونصائح ستفيد الكثير من المسافرين شكرا لك |
بالنسبة للمطار خذ تاكسي المطار والأسعار واضحة |
الحمد لله عَل السلامة شكرًا لذكرك تجربتك والتنبيهات |
| الساعة الآن 01:51 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO