|
افضل الاماكن السياحيه لشهر العسل السلام عليكم ، طالبتكم تساعدوني في تخطيط لافضل واحلى الاماكن السياحية في ماليزيا ، ابي اعرف الاماكن اللي تستحق الزياارة مابي تكون الجولة مزدحمة بالاماكن و على اشيا ماتسوى .. ابي نعطي كل محطه حقها .. جدولنا للمناطق بكون جذي * اول محطه بنكون ف سنغافوره لمدة 3ايام .. بعدها ؛ لنكاوي من تاريخ 3فبراير الى 6 فندق ويستن الاماكن اللي ف بالنا اهي القريه الشرقيه للتلفريك والجسر المعلق .. و رحلة المانغروف ورحلة الغروب ودبابات الدفع الرباعي ، اللي فهمته ان فيه اكثر من مكان وين افضل مكان واسعاره تمام .. وو خاطرنا نركب فيل هل القريه الشرقيه فيها ركوب فيل واسعارهم شلون اذا احد عنده فكره .. وشلالات Durian حلوه ، وجبل Gunung raya شنو فيه بالضبط ؟ ابي ترتيب هالاماكن شلون اوزعهم على 3 ايام .. بينانغ من 6-9 فندق بارك رويال ، الهضبة ، و سد اير ايتام ، حديقة الفواكه والفراشات تستحق الزياره ولا نخليها لكوالا ؟ المسجد العائم و الحديقة النباتيه و السوق الصيني .. شلون نوزع هالاماكن ع يومين ، وبنخلي يوم نقضيه ف الفندق بس سيلانجو من 9-11 فندق صن واي - الملاهي المائيه ، ومجمع براميد .. I city نروحها ولا مالها داعي ؟ ومجمع الماينز وبورتراجيا ؟ كوالالمبور فندق شانغريلا من 11-16 شنو افضل اماكن للتسوق .. ؟ والاماكن السياحيه الحلوه .. يسوى نتعنى لجنتغ ونرجع بمثل اليوم ؟ ومشكووورين مقدماً |
اقتباس:
اجبت على بعض الاشياء ولعل بقية الاخوة لديهم اجابات افضل مني بعض النصائح البسيطه اسعار الجولات في ماليزيا في 25 رنجيت للساعة يفضل استخدام تطبيق اوبر فهو افضل من التاكسي بكثير جنتنج فيه شركة توصلكم لها بسعر حدود 8 او 12 رنجيت للشخص بصراحة ناسي بس ما يزيد عن 12 رنجيت اما التكسي في حدود 200 رنجيت اي سؤال في الخدمة |
اقتباس:
|
اقتباس:
_استخدم اوبر او جراب جداً رخيص في التنقل وأفضل تعامل من سائقي الأجرة _في لنكاوي حدد للسائق الأماكن قبل تبدأ الجولة عشان لايضيعها لك في متاجر ويقنعك في أماكن هو مستفيد منها. _في الرحلات كاسر في السعر ولا تخجل لأن بيعطونك سعر عالي في البداية. |
ماشاء الله ماقصرو الاخوان لو فعلا تقدر تزيد لنكاوي راح تنبسط كثير خصوصا وستن:e204: رحلة سعيدة وموفقة يارب |
ما ازيد على كلام اخواني لكن حبيت اقولك اختيارك لفندق شانغريلا كوالالمبور إختيار رائع عن تجربه للأسف هذا الفندق مو ماخذ حقه في المنتدى يوجد خدمه توصيل مجانيه إلى البرجين و البافيليون كل ساعه وايضا ً محطه مونوريل بوكيت ناناس قريبه |
مشكووورين alradadi ، تركي ، blugrana ،عاشقة لنكاوي ، بوعبدلله ماقصرتون .. بالنسبة لزيادة ايام لنكاوي للاسف تم الحجز ، وو حجزنا في سيلانجور عشان فندق صن واي شايفين الكل يمدحه :24: |
وو نطمع بالمزيد من المشاركات :13: |
ما شاء الله الاخوان و الاخوات اعطوك المفيد . عندي اضافة بسيطة في لنكاوي شلالات داريان ممتازة مع اني مازرتها ولكن شفت مقاطع فيديو عنها . انا زرت شلالات الابار السبعه عند التلفريك وكانت ممتازة جداً .. ايضا قمة جبل جونجونق رايا اطلاله ممتعه و دائما الجو هناك غيوم و الكفي يعانق السحاب.فقط اطلاله ساحره ولا تتوقع اكثر من ذلك. و رحلة المانجروف تاخذ قارب خاص مع المواصلات لمده 3 ساعات ب 300 الى 350 رينجت من المكاتب الموجوده في المطار .. يوجد رحلات اخرى مميزة و هي رحله الهوبينق ايلاند يمر عليك في مواقع غير اللي تروح لها بالمانجروف ممتعه ايضاً ..... ولا تنسى سباق السيارات بجوار المطار تجربة جميلة مغامرات سكاي تريكس تسلق الحبال و المشي بين الاشجار في الغابة كمان تجربة ممتعه وجميلة لا تفوتها . ................................. اما في بينانج اقولك وانت خارج من المطار و رايح على الفندق مر على متحف البيت المقلوب و بيت الاشباح وكلها قريبة من بعض و بعدها روح على الفندق اتوقع التكسي ياخذ 20 رينجت زيادة عشان المشوار . |
هضبه بينانق جميله بس الافضل تزورها بدري انا زرتها متأخر وكان فيه مناطق بارده ومناطق فيها شمس والهضبه تفتح بدري جدا ممكن تروحها من الساعه ٩ الصباح او العصر فتره الظهر اتجنبها عن تجربه حديقه الفراشات الاغلبيه بيقولوا حق بينانق افضل خصوصا انهم جددوها لا تنسى تروح البيت المقلوب وال ٣ دي تريك ارت المكان جميل جدا وفي متحف الشمع في بينانق تايمز سكوير وموجود متحف الشمع في اي سيتي كمان انا كتفيت اني ادخل اللي في بينانق جنتنق رحتها بس ما جمعتها مع الحديقه الفرنسيه لاني كنت تعبانه وللاسف كانت غلطه مني جنتنق حلوه بس الالعاب الداخليه فقط للاطفال وانا كنت متوقعه الاقي لعبه الجندولا و الباص والاشياء اللي زي كذا بس كلها معلقه وباقي كم لعبه والالعاب الخارجه معلقه تماما ويبقى عندك عالم الثلج جميل صراحه بس برضو في الاي سيتي موجود فالافضل اذا بتروح جنتنق تروح معاها الحديقه الفرنسيه والسعر المعروف المشوار ٣٥٠ وجه نظري جنتنق لحالها لا مافيها شي مهم الاي سيتي جميله وفيها انشطه مختلفه بس المسا هو الوقت المفضل لذهاب مجمع الماينز ما رحته بس فيه الرحله البحريه اما الحديقه مغلقه بوتراجايا جميله المنطقه وفيها القوارب على البحيره وفي كذا مكان جنب بعض وفي المنطاد كمان انا حبيت المنطقه بس مطرت ورجعت السوق الليلي في بينانق اسعاره مبالغ فيها انصحك في التسوق في برجايا تايمز سكوير وفي محل احذيه وشنط وانت بكرامه اسمه باتا bata جودته عاليه واسعارهم رخيصه تعتبر تلاقيه في بافيليون و سوريا و في صن وي بىرمايد نصحيه لازم تاخذ لفه على المحل كوالالمبور فيها متاحف كثيره ورحت كثير منها بس للامانه ما عجبني غير القبه الفلكيه planetariumnegara و كوالالمبور سيتي جالري فيه اشياء مصنوعه بالخشب حلوه القبه الفلكيه شي علمي عن الفضا بس المهم فيه قاعه زي السينما على شكل القبه يتم عرص الفلم عليها تجربه ممتعه العرض علمي بس بسيط جدا |
| الساعة الآن 09:29 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO