|
الغاء لانكاوي السلام عليكم ورحمة الله وبركاته الى اعضاء المنتدى الكرام وزواره انا حجزت في منتجع مريتوس بلانجي بيتش لمدة ثلاث ليالي جناح حديقة ل 2 بالغين و 3 اطفال شامل الافطار بتاريخ الدخول 26- 1 - 2017 تاريخ المغادرة 29 - 1 - 2017 بمبلغ 2880 ريال تم دفعها ( طبعا بعد حدوث مشكلة مع اجودا وتغيرهم للحجز ومع الاصرار توصلنا لاتفاق اضافة الاطفال مع الافطار علما بانه اثناء الحجز تم حجز جناحين ولكن وصلني ايميل بحجز جناح وغير شامل الاطفال ) الحين توصلت لقرار نهائي بالغاء لانكاوي واستبدالها بجوهر لعدة اسباب اولها اكتشفت اطفالي يخافوا جدا من المرتفعات وذلك اثناء اخذ تجربة ركوب تلفريك الهدا وكذلك ان الرحلة انا مخصصها للاطفال بسبب سفري مرتين انا والمدام وتركهم عند الاقارب فقررت اختار انسب شي لهم و الغاء الذهاب للانكاوي الان لو في احد يبغي الحجز ويدفع ليا المبلغ وانا اغير الاسم فقط وكمان حجزت رحلة على طيران اير اسيا من لانكاوي الى كوالالمبور اذا احد يبغي الرحلة ممكن نتفاهم وجزيتم خيرا ارجو من المشرفين اذا كان المكان مو مناسب للموضوع تغيره دمتم بود |
طيب اخوي يخافو من المرتفعات ترى التلفريك مو احلى شي في لنكاوي وانا اولادي خوافين وركبتهم السنة اللي فاتت وهاذا فايدة السفر انو الاولاد يكسرو الخوف ويجربو والسنة هاذي 5 ايام في لنكاوي ولا طبينا التلفريك المانقروف والدبابات اجمل الرحلات واولادي انبسطو فيها جدا مع التلفريك ايضا وحرام يروح عليكم الفندق والتذاكر بما انها غير مسترجعه مع العلم جوهور ايضا ممتعة للاطفال لتواجد ليغلولاند وهيلوكاتي وغيرها الله يسهل امورك اخوي ورحلة سعيدة بارب:e030: |
الله يعافيك اختي استخرت ربي واحس ماني مرتاح خوفي على البزورة اول مرة اسافر بيهم حاولت اجرب موقع هنا بالمنتدى لبيع الحجز بس ماعرفت استخدمه وننتظر باقي الاعضاء |
توكل على الله أبو حسن بما إنك حجزت حجز غير مسترد ولا توتر نفسك والله هو الحافظ لكم إن شاء الله ومثل ما قالت لك عاشقة لنكاوي مو شرط تركبوا التلفريك فيه أماكن كثيرة بلنكاوي ممكن تروح لها المانجروف والشلالات والدبابات وحديقة ليجندا ونصب النسر وحديقة الفواكه والاستمتاع بشاطئ الفندق وغيرها من الفعاليات ورحلة موفقة بإذن الله |
بصراحة لن تجد مكان مناسب للأطفال أكثر من لنكاوي في ماليزياً!! جزيرة ومافيها مرتفعات ومليئة بالفعاليات والالعاب المختلفة والرحلات البحرية |
شكرا ل ارائكم ونكرر الاستخارة الواخد مايعرف ايش ربي كاتب له شكرا لكم |
كرر الاستخاره اخوي ابو حسن مع انه مافي مقارنه ابدا ولا حتى ربع مقارنه بين الهدا و لنكاوي الطابور حق تلفريك لنكاوي في حد ذاته متعه :14: ---------- وفي نشاطات ثانيه حلوه للاطفال في القرية الشرقية اللي يتواجد فيها التلفريك عرض ديناصورات و سينما 6 دي و غيرها كثير هذا غير الشاطئ تبع الفندق شي خيالي |
تسلم اخوي ابو سلين القصة مو في الطابور القصة برفضهم ركوب العربة قطعيا والله يقدم اللي فيه الخير |
اقتباس:
في سفرتي الاخيرة اخويا جلس منتظر تحت والباقي طلعو التلفريك بعد محاولات كثيرة لإقناعه ولكن بدون فائدة ...... بس المهم لا تفوت لنكاوي عشان تلفريك |
حياك الله اخوي حسافة لنكاوي حلوة وايد غير الفندق باتفاق مع الموقع وان شاء الله خيرة ولمكتوي مو بس التلفريك مثل ما قالوا الأخوان فيها رحلات حلوة تصلح للعيال ربي ييسر لكم وسهل سفرتكم |
حياك اختي مو ذا الشي كمان ماثر علي بزيادة اخاف واوصل هناك وفوقها مغيرين الاتفاقيه وانا ماودي اروح الا وانا متاكد من كل شي حتى للان مافكرت احجز الطيران الداخلي لسه بستخير واشوف لان يوم سالتهم لو باخذ جناح اضافي ثاني قالوا السعر للجناح الاضافيي لمدة 3 ليالي بيكون 3300 ريال واحس المبلغ كبير صراحة وولو تشوفي مساحة الجناح مااعتقد تتحمل الجميع طالبتهم بسريرين اضافيين وانا اتحمل التكلفة يقولوا المساحة ماتكفي الا سرير ومع ذي التجربة الغيت كل حجوزي مع اجودا مع ان اسعارهم ارخص من بوكينج بس بسبب ذي الحركة وعدم تعاونهم في ايجاد حل يرضي جميع الاطراف باذن الله ربي يقدم اللي فيه الخير |
وترا فعلا احس بوكينج عندهم مرونة في التعاون مع العميل بالنسبة للحجوزان كنت حاجز ببينانغ بارك رويال جناح حجز غير مسترد وبعد ثلاث اسابيع كنت اتصفح احد التقارير ولقيت انه مكتوب ان في اصلاحات بالفندق وكذا ورجعت شفت ببوكينغ لقيتهم حاطين ملاحظة بخط احمر صغير انو في اثناء تواجدي بيكون في اصلاحات والشاطي سيغلق وفورا راسلتهم وطالبت باسترداد المبلغ والمفروض يحطوا الملاحظة بخط كبير وفعلا تم الغاء طلبي ووضع الملاحظة بخط كبير وذا شي اللي خلاني اعتمد عليهم بحجوزات مع العلم اجودا كانت كل حجوزات عندهم لعدد بالغين و3 اطفال وكلها غرفتين بس هم غلطوا ومايبغوا يعترفوا بالغلط ولا بيحلوا المشكلة حبيت اقول الموضوع عشان الكل يستفيد |
موقع بوكينق مع التغييرات اللي سووها عليه صار عجيب واضح وسهل بالحجوزات وفعلا مرونتهم وتعاونكم يخليهم الأفضل رغم ارتفاع السعر احيانا |
الله يكتب لك الخير يارب لنكاوي جميلة جداً وطبيعتها جذابه .....طالما استخرت الله تعالى ووجدت أنك غير مرتاح فتوكل على الله وجوهور بالنسبة للأطفال روووووعه وراح تستمتعون فيها كثير بالألعاب المائية والملاهي والعاب الليغو للأطفال أنا أشوف إنك تتوكل على الله ولكن ياليت يكون زيارتك لها غير الويكند ابتعاد عن الزحمة وهو يومي السبت والاحد راح تنبسطون كثير وياليت تشيك في موقعهم لأنه واضح فيه الأيام وهل يوجد صيانه أم لا بالنسبة لي شخصياً وهذا رأيي أنا أفضل أماكن للأطفال الصن واي و ايبوه و جوهور و كوالالمبور هذا بخصوص الملاهي أما الفنادق في الجزر وتوفر المسابح الجميلة للأطفال والألعاب فيها بينانج جولدن ساندس وهارد روك وبارك رويال وباي فيو لنكاوي يوجد فيها الكثير من الفعاليات والفنادق الجميلة ولكن وجهة نظري للأطفال الأماكن السابقة أفضل أكرر للأطفال تحياتي لك |
السلام عليكم ورحمة الله وبركاته نصيحتي باختصار لا تفوت زيارة لنكاوي وهناك خيارات كثيرة بديلة عن التلفريك ملاحظة : التذاكر لا تستطيع تعديل الاسم او بيعها مستحيل رحلة موفقة |
شكرا اخوي علي الرد والخيرة فيما اختاره الله ان لقيت احد يشتري حجز الفندق بتوكل علي الله واغير الوجه واصلا جوهر كانت بالقائمة بس لغيتها بصعوبة بالغه واقناع الاطفال لانهم شافوا صور ومقاطع لبزورة خالتهم وكل شوي يسالوا بنروح او لا وبعد حركة اجودا بالحجز اخاف يغيروا كلامهم يوم اوصل هناك الله يكون بالعون شاكر ومقدر مرورك |
شكرا شركة شواطئ بس انا مختار التذكرة اللي اقدر اعدل عليها وكان عليها عرض اصلا وبشوف ان لقيت احد يشتري حجز الفندق بغير الوجه بالتذاكر من بينانغ لجوهر وشكرا لمرورك |
اقتباس:
|
| الساعة الآن 02:29 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO