|
اللمسات الاخيره لرحلة شهر العسل بعد اسبوعين السلام عليكم ورحمة الله وبركاته اولا اشكر القائمين على هذا المنتدى الغني بالمعلومات اللي تخليك تسافر للبلد وكانك زرتها من قبل والفضل يعود في تخطيط رحلتي لله اولا ثم لتقارير الاعضاء الغنيه والمفيده بفيتامين س (من سفر) 😂 ثانيا اعتذر مقدما عن الاطاله في الشرح ولكن راح افصل لكم تخطيط الرحله عشان يكون عندكم نظره كامله وبناء عليه يتم الاجابه عن استفساراتي بالبداية الحمد لله تم حجز الطيران الدولي والداخلي والفنادق والخطه كالتالي : الرحله 14 يوم مقسمه بين المدن التاليه : (يومين سيلانجور ، خمس ايام لنكاوي ، اربع ايام بينانج ، ثلاث ايام كوالا) وبما اني ما احب صخب المدينه قللت المده في كوالا قدر الامكان وانا اشوف ثلاث ايام كافيه معلومات رحله الذهاب رحلتي بإذن الله بعد اسبوعين تقريبا في تاريخ 19/01/2017 الساعه 9:30 مساءً على الخطوط القطريه طبعا ترانزيت في الدوحه تقريبا خمس ساعات وبعدها الاقلاع الساعه 3:00 الفجر الى كوالا والوصول راح يكون بتاريخ 20/01/2017 الساعه 3:30 العصر بتوقيت كوالا طبعا نسقت مع سواق للاستقبال فقط من المطار الى سيلانجور وتحديداً فندق صن واي ريزورت نوع الغرفه بريمير مع اطلاله على الحديقه وراح تكون المده يومين ان شاء الله تسجيل الخروج بتاريخ 22/01/2017 بعد تسجيل الخروج الانطلاق الساعه 10 صباحاً مع تاكسي من الفندق ياخذني للمطار لان رحلتي الى لنكاوي الساعه 1:20 على الخطوط الماليزيه الوصول الى لنكاوي الساعه 2:20 والترتيب مع تاكسي الى فندق ذا دانا لنكاوي نوع الغرفه Viceroy مطله على البحر لمده خمس ايام تسجيل الخروج بتاريخ 27/01/2017 والانطلاق الى بينانج بالعباره السريعه والوصول عصرا وتسجيل الدخول في فندق قولدن ساندس ريزورت نوع الغرفه تنفيذيه مطله على البحر لمدة اربع ايام وتسجيل الخروج بتاريخ 31/01/2016 والانطلاق في باص VIP نايس الى كوالا مدة الرحله ثلاث ساعات والوصول الى كوالا وتسجيل الدخول في فندق جراند حياة نوع الغرفه اطلاله على البرجين وتسجيل الخروج بتاريخ 03/02/2017 ورحلة العوده الثامنه مساءً الان نبدا بالاستفسارات وربي يبي يعينكم ان شاء الله ويفضل لو تنسخون الاسئله وتحطون الاجابه تحت كل سؤال عشان يستفيد اللي عنده نفس استفساري وتكون سهله الاستفسار الاول : رأيكم في الفنادق وفي انواع الغرف وهل هناك اقتراح لترقية انواع الغرف اذا كان هناك فرق بسيط بالمبلغ الاستفسار الثاني : هل وقت المغادره من سيلانجور باتجاه المطار كافي او اطلع قبل علما بان رحلتي الساعه 1:20 والمخطط الخروج الساعه 10 صباحا الاستفسار الثالث : اي مطار اتوجه للرحله الداخلية علما ان الخطوط الماليزيه الاستفسار الرابع : في ماليزيا هناك نشاطات متكرره مثل حدائق الفواكه والفراشات ومنعا للتكرار الرجاء تحديد اسم المدينه التي تكون فيها الحديقه مميزه حديقة الطيور : ............. حديقة الحيوانات : .............. حديقة الفراشات : ................ حديقة الزهور : ................. اذا فيه غيرها الرجاء ذكرها الاستفسار الخامس : ماهي النشاطات التي لا تتحمل اي نشاط ثاني معها بنفس اليوم الاستفسار السادس : سمعت عن رحلة الغروب في لنكاوي سؤالي هل هناك رحلات خاصه بدون قروب وجموعات وهل رحلة المانجروف تفي عنها الاستفسار السابع : الرجاء ذكر الفعاليات والانشطه التي لايمكن ان تفوتك مثل المانغروف لنكاوي وهضبة بينانج وغيرها الرجاء كتابة الانشطه بجانب كل مدينه سيلانجور : لنكاوي : بينانج : كوالا : الاستفسار الثامن والاخير : هل يحق لي طلب سيده للمطابقه على جواز زوجتي في المطارات؟ وشكرا جزيلا مقدما |
وعليكم السلام و رحمه الله وبركاته مبروك يا عريس بس الافضل من لانكاوي لبينانق تحجز طياره كثير يشتكوا من العباره بس اذا بتحجز على غير الخطوط الماليزيه لازم تحط في بالك تشتري وزن لان ماعندهم وزن مجاني لي عوده للاجابه على باقي الاسئله |
إختيارات الفنادق ممتازة بس عندي ملاحظة على الرحلة بالعبارة ياريت تعيد النظر فيها العبارة متعبة والبحر يلوع الجبد ويدور الراس لو بالطيارة واااااااااايد أفضل وأريح والملاحظة الثانية إن الرحلة من بينانغ إلى كوالا بالباص أكثر من 4 ساعات لكن الطريق جميل يسر الناظرين وقت المغادرة من سيلانغور إلى المطار أعتقد كافي بس لو تقدر تقدم شوي تحسباً لظروف إن أمكن الحدايق ماقدر أفيدك فيها لأني ماحبها ولا تعجبني تمللت وندمت على زيارتها بس الأذواق تختلف يمكن تعجبك النشاطات اللي ماتتحمل نشاط ثاني بنفس اليوم في نظري ملاهي الصنواي لاغون من تفتح الساعة 10 لين تسكر الساعة 5 نرجع تعبانين ومتكسرين ودايخين ومافينا حيل لمكان ثاني إلا أحياناً في الليل نروح مول البيراميد لأنه ملاصق الريزورت نتمشى ونتعشى عالسريع ونرجع رحلة سعيدة موفقة إن شاء الله |
اقتباس:
بالنسبه للطيران من لانكاوي لبينانج انا كان قصدي من الذهاب بالعباره الابتعاد من كثرة الذهاب للمطارات لكن اتوقع بغير الخطه واحجز طيران بحثت قبل شوي طلعت لشخصين ب540 ريال على الماليزيه وبإنتظار عودتك شكرا لك |
اقتباس:
ان الخطوط الماليزيه مالها رحلات مباشره من لانكاوي لبينانج وانهم بيستأجروا مقاعد من خطوط ثانيه ويدبلوا السعر ويعرضوا في موقعهم فالافضل جرب تشوف اسيا اير وحط الوزن كيلو او كيلو للشخص وشوف كم يطلعلك أرسلت من HUAWEI MT7-TL10 بإستخدام تاباتلك |
اقتباس:
بالفعل قريت كثير عن العباره بالاضافه الى انها متعبه قريت انهم مايهتمون بالشنط وفيه سرقه فلذلك باذن الله راح احجز على الخطوط الماليزيه واريح راسي شكرا لك على المعلومات المفيده وننتظر من الاخوه الرد على الاستفسارات |
اقتباس:
اير اسيا للشخصين 130 مع 20كيلو للشخص بينما الماليزيه لشخصين 540 مع 30كيلو للشخص فرق كبير والله لكن كيف اشتري وزن وهل موقعهم مضمون للدفع بالفيزا وشكرا |
اقتباس:
في من عائلتي اشتروا التذاكر منهم بس حدد خيار الوزن اللي يناسبك واختار المقاعد اتوقع ب رينجت تحديد المقعد واهم شي خففوا شنطكم لان من الاغلاط اللي تصير الناس تشيل وزن كثير لشخص كافيه أرسلت من HUAWEI MT7-TL10 بإستخدام تاباتلك |
وعليكم السلام بالتوفيق يا عريس الله يوفقكم وزواج ورحلة سعيدة بإذن الله.. ولابد اخذ انطباعك بحكم إني مخطط تقريبا نفس الجدول بعد كم شهر. استفسارات مهمة جدا اتمنى يفيدونا عنها الخبراء. أو انت لا رجعت بالسلامة إن شاء الله :29: ملاحظتي عالعبارة فعلا ما تحد نصح فيها وخذ طيران اريحلك. |
اقتباس:
العفو اذا حاب اطلع على تقريري اتكلمت فيه عن اوبر وجراب وعن الاي سيتي وحديقه الطيور والزهور ومتاحف في كوالالمبور وبينانق ممكن تستفيد شي |
اقتباس:
ان شاء الله اذا رجعت بكتب تقرير مفصل وبالنسبه للعباره الغيتها من الخطه وبشوف لي طيران اشكرك |
اهلين اختي ليمو بالنسبه للتوصيله ابى سيلانجور اخذ علي مية ريال وبالنسبه لبرامج المواصلات فعلا حملتها وان شاء الله تفيديني بخصوص الحدائق اشكرك على المعلومات وراح اقرا تقريرك اكيد فيه معلومات مفيده شكرا جزيلا اختي واللي عنده اضافات لا يبخل علينا |
اقتباس:
بس بما انه يوم الوصول وانتوا رحلتكم ترانزيت خلي السواق ينتظرك لكن وقت الروحه للانكاوي استخدم جراب http://uploads.tapatalk-cdn.com/2017...83a98ab937.jpg السعر وهذي الخاصيه في جراب ايكونومي ان السعر اللي يطلعلك تدفعه فقط بدون اي زياده انا في من مطار بينانق الى مكان السكن في الباتوفرينجي استخدمته لانكاوي مافيها اوبر او جراب فاستخدم تاكسي بس اشرط عليه بالمتر وممكن تستأجر سياره في تجارب كثيره للاخوان في السواقه هناك وما كان عندهم مشكله صحيح لازم تطلع على ساعات العمل قبل لا تروح المكان لان بعض الاماكن تغلق يوم في الاسبوع أرسلت من HUAWEI MT7-TL10 بإستخدام تاباتلك |
اقتباس:
اولا اشكرك على تقريرك المليء بالتفاصيل المهمه وكمية معلومات كبيره لازم اكمله بإذن الله وبالنسبه لجراب باذن الله راح استخدمه مع اوبر في كوالا وبينانج اما بالنسبه الى لنكاوي انا ماعندي مشكله في استئجار سياره لكن تقريبا ماراح استفيد منها كثير خاصه اني ماراح اكثر نشاطات في اليوم يمكن نشاط او نشاطين لكن فكره ممتازه وتستفيد منها بالتوصيل من والى المطار |
اخوي عندي لك اقتراح دام انت بتجلس في لانكاوي خمس ايام قسمها علي فندقين وعندي لك خيارين واتمني يناسبك اول يومين تخليها في فندق سعره وسط واغلب الاعضاء يمدحوا فندق ايديا لانكاوي والثلاث الايام الباقية تخليها في منتجع فيفانتا باي تاج جزيرة ريبوك الفندق خمس نجوم ورائق وينفع للعرسان والاسترخاء انت شوفه ممكن يعجبك او انك تختار اي فنادق اخرى بحيث تخلي الفندق المتوسط السعر للايام اللي بتحرجوا غيها وتمون للانشطةوالفندق الرائق اللي بتقعدوا فيه وتستمتعوا بمرافق الفندق |
اقتباس:
لكن للاسف حجز الفندق غير مسترد بس انا من كلام الاعضاء الصراحه اقتنعت في فندق ذا دانا الا اذا عندك وجهة نظر ثانيه نتقبل جميع الاراء وشكرا لك مره ثانيه |
حبيت أبارك لابو مشاري و ارحب فيه والكل من مشرفين وخبراء ما يقصرون و أكيد نطمح بتقرير على ذوقك يا هلا و مرحبا فيك يا عريس |
اقتباس:
بإذن الله ابشرو بالتقرير المفصل بإنتظار اهل الخبره يجاوبون على الاستفسارات |
ياجماعة الخير ياً اهل الخبره وينكم الاعضاء ماقصرو جاوبو على بعض الاسئله نبي فزعتكم الاستفسار الاول : رأيكم في الفنادق وفي انواع الغرف وهل هناك اقتراح لترقية انواع الغرف اذا كان هناك فرق بسيط بالمبلغ الاستفسار الثاني : هل وقت المغادره من سيلانجور باتجاه المطار كافي او اطلع قبل علما بان رحلتي الساعه 1:20 والمخطط الخروج الساعه 10 صباحا الاستفسار الثالث : اي مطار اتوجه للرحله الداخلية علما ان الخطوط الماليزيه الاستفسار الرابع : في ماليزيا هناك نشاطات متكرره مثل حدائق الفواكه والفراشات ومنعا للتكرار الرجاء تحديد اسم المدينه التي تكون فيها الحديقه مميزه حديقة الطيور : ............. حديقة الحيوانات : .............. حديقة الفراشات : ................ حديقة الزهور : ................. اذا فيه غيرها الرجاء ذكرها الاستفسار الخامس : ماهي النشاطات التي لا تتحمل اي نشاط ثاني معها بنفس اليوم الاستفسار السادس : سمعت عن رحلة الغروب في لنكاوي سؤالي هل هناك رحلات خاصه بدون قروب وجموعات وهل رحلة المانجروف تفي عنها الاستفسار السابع : الرجاء ذكر الفعاليات والانشطه التي لايمكن ان تفوتك مثل المانغروف لنكاوي وهضبة بينانج وغيرها الرجاء كتابة الانشطه بجانب كل مدينه سيلانجور : لنكاوي : بينانج : كوالا : الاستفسار الثامن والاخير : هل يحق لي طلب سيده للمطابقه على جواز زوجتي في المطارات؟ |
ماقصصصرت معاك الاخت ليمموو كل شي قالته لك صحيح ميه ف الميه ممكن اضيف لك في بينانغ عندهم ملاهي ايكو سكيب ملاهي حركيه تسلق ومشي على الحبال والعاب القرود وكل شي حركي روووعه للاطفال والكبار الملاهي جميله ونجربه حلوا وحديقه الفراشات نصيحه لاتفوتها على نفسسسسسك ابدا جميله وروعه قليله فيها ومتحف الالعاب اذا تحب الالعاب والشخصيات روح الي في بينانغ والهضبه لازم تطلعها تبردوا على عمركم خصوصا تجربه القطار الجبلي رائعه ممتعه يعني تطلع قطار على الجبال يمشي ،،، ولاتنسى تزور الكوفي تري محل القهوه البيضاء الماليزيه انصحك بالقهوه الساده فقط اذا تحب الكابتشينوا بتعجبك طعمها لانها قريبه منه واشربها بالحليب مو بالمويه :13: واممممم واش كمان ،، واحلى فندق في بينانغ الشانغريلا والهارد روك وفطورهم عالي العال فخم ونظيف ولذيذ ومتنوع ونظيف وفي كوالا انصحك بزياره المناره وصعود المكعب الزجاجي اللي في قمه المناره تجربه مخيفه جريئه فقط روح المناره ولاتروح التوام البرجين لانه المناره قمتها اعلى من الجسر اللي في البرجين ( للتوضيح في البرجين التوام يطلعوكم. في الجسر المتصل بين البرجين ) وقمه المناره اعلى من الجسر وياحبذا لو تروح في العصر وقت مغيب الشمس المنظر حيكون شيء من الخياااااال وحديقه الحيوانات زووو نيقارا لاتفوتهااا وكيدزانيا الاطفال في سيلانجور لانكاوي ما اعرف عنها شي لاني مازرتها وان شاء الله افدتك |
اقتباس:
|
سامحني ما انتبهت انكم شهر عسل حسبت معاكم طفل ابو 9 سنين احذف كيدزانيا من الخطه لخبطت بين موضوعك وموضع عضو اخر :7: والايكو سكيب تجربه جميله عادي حتى لو عرسان برضوا حلوو ايوا صح كلامك ليمووو الشوكولاته في كل مكان ما انصحهم يشتروا بس القهوه تمام وماتتفوت ... |
شايفه كيف شكل اجاباتي ما كانت مقنعه الله يهديك اختي ليمو مو القصد لاكن لا انتي ولا الاخت ام جسومي فادوني بالنسبه للنكاوي شكرا ام جسوم معلومات مفيده شكرا للكل :e022: |
اقتباس:
عادي اخوي امزح والله صحيح لانكاوي ما اقدرت افيدك فيها والعفو وان شاء الله نقدر نفيدك اكثر من كذا من اللي قريته قبل السفر أن المانغروف تغني عن كل الرحلات والافضل تحجزها من المطار انت ينقضي ٥ ايام ناوي تكون استرخاء أغلبها ولا تبغى انشطه فيها |
أهم فعاليات لنكاوي : - التعرف على الفندق والاستمتاع بفعاليات الشاطئ - زيارة حديقة ليجندا ونصب النسر - رحلة المانغروف - حلبة الفورموﻻ ون - التلفريك والقرية الشرقية بملحقاتها - شلال تيمرون - دبابات الدفع الرباعي - حديقة الفواكه - شلال دوريان أهم فعاليات كوالالمبور : - ركوب تلفريك جنتنج و القريه الفرنسيه - صعود المناره - حديقة تيتي وانجسا - البرجين و الحديقة التابعة لهما - إكواريا KL - حدائق بردانا وحديقة الطيور - حديقه الحيوانات زوو نيجارا وشلالات تمبلر بارك - المولات والمجمعات مثل : البافليون والتايمز سكوير أهم فعاليات بينانج : - هضبة بينانج - حديقة الفواكه - حديقة الفراشات - حديقة التوابل - المسجد العائم - شلالات بينانج - قلعة كورنواليس - جزيرة القرود ورحلة الصيد - رحلة الغروب - فعاليات شاطئ الفندق - محل كوفي تري - سد بحيرة ارتيم - مول الجيرني بلازا - مول الكوينسبي - مغامرات ايسكيب - البيت المقلوب - متحف 3D - السوق الليلي |
اقتباس:
كوالالمبور انشطتها كثيره بس كلها ثلاثه ايام على الغالب حتروح في المولات والتسوق وجهه نظري لا يروحوا جنتنق ولا الحديقه الفرنسيه التلفريك يجربوه في لانكاوي بس اذا حاب الاخ ابو مشاري يروحهم لازم يخليهم كلهم في يوم واحد ويتفق مع سواق السعر غالبا 350 للمنطقتين يوم كامل |
الله يسعدك ويوفقك افضل شي سويته انك الغيت العباره سيئه جدا ومتعبه من تجربه اتكلم وانصحك مثل ماقالوا الشباب جراب ثم جراب ثم جراب والله المشاوير على 12 الى 15 رنجت وعلى حسب المسافه !!! واستخدامه سهل جدا ومن ابسط مايكون بالنسبة للحدائق .. الفواكه بلنكاوي ممتازه وممتعه الفراشات ببينانج ما اعجبتني مع انها كبيره وتصمميها ممتاز الا اني مليت فيها رغم اننا عائله كيف لو شخصين بشهر عسل ! ممله اشوفها وماتستاهل وقتك والدخول الشخص ب40! بلنكاوي رحله المانجروف مهمه وممتعه وبرضوا الدبابات سعرها غالي شوي على 500 الجوله بس ممتعه وتستاهل والقرية الشرقية وركوب التلفريك ممتع .. و ميدان النسر رايع وفيه حديقه تقدر تقعد فيها ساعه وتتمشى وجنبها مول يعني ممكن تقضي نص يومك بالميدان بينانج .. اكثر صخب وزحمه من لنكاوي , الهضبة شي ضروري تروح له فيها والمولات فيها حلوه الكوينسيبي والقيرني بلازا .. البيت المقلوب ممتع ومضحك وتضيع فيه وقت اعجبني .. وانتبه من اسعار السوق الليلي عليك بالمكاسره كنصيحه لاترتب شي لكوالا لانها بتروح الثلاث ايام تقضي واسواق ومولات ويالله تكفي موفق .. |
| الساعة الآن 08:41 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO