|
طلب رأي ومشورة السادة والسيدات اعضاء المنتدى الكرام السلام عليكم ورحمة الله وبركاته اسعد الله اوقاتكم بكل خير بعد إذنكم احتاج للمشورة في سفري الى ماليزيا . طبعاً عملت الحجز وتاريخ السفر من الجمعة 24 مارس حتى الجمعة 7 ابريل . اعضاء الرحلة : 6 بالغين من ضمنهم الوالدة الله يشفيها ويحفظها . ممكن مساعدتي بتوزيع الأيام والفنادق المقترحة والأماكن التي بالإمكان زيارتها بحيث ما تكون كثرة التنقلات مرهقة على الوالدة .. بعد قراءة كذا تقرير حطيت التوزيع التالي : الذهاب 24 مارس من 24 الى 26 في سيلانجور 2 يوم من 26 الى 29 في لنكاوي 4 ايام من 29 الى 1 في بينانج 3 ايام من 1 الى 7 في كوالالمبور 6 ايام العوده 7 ابريل افكر احذف يا لنكاوي او بينانج عشان نخفف التنقل وش رأيكم ؟ اهم شيء عندي يكون المكان ذو طبيعة وخضرة وبحر وهواء يرد الروح زي ما يقولون ترتاح فيه الوالدة وش المدينة اللي تتوفر فيها هالمتطلبات ؟ اعتذر على الإطالة والإزعاج ولكن احتاج للنصيحة وجزاكم الله خير ووفقكم وأسعدكم . |
الله يحفظ لكم والدتكم ويكسبكم برها ورضاها 2 سيلانجور 4 بينانج 3 كاميرون هايلاند 6 كوالالمبور تحتاج رحلة طيران واحدة فقط من سيلانجور الى بينانج من بينانج الئ كاميرون سيارة وايضا كوالالمبور جدول جميل بدون تنقلات كثيرة وارهاق .. رحلة سعيدة :e030: |
الله يحفظ لكم الوالده انا من راي اخوي سنغافوره كاميرون هيلاند اضيفوها اتوقع بتناسبك بس سؤالي بخصوص الوالده واش تفضل التنقل طيران او ماعندها مشكله مع الباصات فرضا أن جدتي لو رحله الباص خمسه ساعات تختارها اهون عندها من قعده المطار يعني بينانغ كمان ممكن يروح لها عن طريق الباص |
اقتباس:
آمين ، الله يجزاك ووالديك الجنة .. ما قصرت بيض الله وجهك بعتمد ان شاء الله اقتراحك بخصوص التنقلات صعب علينا نتنقل بوسائل النقل العامة هل بالإمكان الاتفاق مع سائق في كل المدن وكم تكون يوميته ؟ وكرماً تزويدي بأرقام سائقين ثقات .. واحتاج رأيكم واقتراحاتكم في الفنادق في جميع المدن . اشكرك واعتذر على الإزعاج .. |
اقتباس:
آمين ويحفظك ووالديك .. وبخصوص التنقل صراحة صعب على الوالدة بالباص او السيارة ومثل ما تفضلتي قعدة المطار والانتظار مُتعبه ولكن اريح من الباص . وكرماً اقتراحاتك بأماكن السكن والأماكن اللي تستحق الزيارة . مع الشكر الجزيل |
اقتباس:
امين يارب لانكاوي اذا من 26 الى 29 3 ايام فقط مو اربعه صراحه انا مازرت غير بينانج و كوالالمبور وسيلانجور كنت اروحها وارجع على مطلبكم بينانج في شاطئ باتوفرينجي مدري اذا هذا ممكن يكون مطلبكم او لا الشاطئ فيه انشطه والصراحه نحن كنا ممنوعين ننزل فتره العصر لشاطئ بسبب المناظر اللي فيه بس ممكن تروحوا رحله شاطئ القرود والمكان يعتبر معزول عندي احساس بينانج ما بتكون مناسبه لمطلبكم اذا حابين انشطه بحريه وحيويه في الليل مناسبه لكم في جزيره صباح عمي زارها وسكنوا في منتجع معزول وما كان في غير الهدوء والطبيعه والبحر كاميرون هايلاند بارده وكلها طبيعه بس لازم بالباص مافيها طيران او ما سمعت احد راحها طيران الكل يقول باص السكن في موقع جميل اسمه airbnb.com انا اشوفه افضل للعوائل الكبيره لانها شقق تستأجرها من صاحبها وتكون شقه متكامله انا حجزت منها وفي منها الفخم وفي المتوسط ويعتمد على ميزانيتك مميزاتها فيها مطبخ بسيط وغساله وكل شي ممكن يكون في الشقه وطالما الوالده معاكم على الغالب الاكل ما بيناسبها انصحكم تشيلوا شنطه فيها معلبات ونواشف للاكل اذا عجبتك فكره الشقق ممكن افيدك اكثر انا شفتك بتسأل عن سواق خاص وثقه صراحه الكل يفضل اوبر او جراب وفي حالتكم اوبر اكس ال افضل لكم لان عندهم سيارات كبيره السواقيين الخاصيين بياخذوا مبلغ محترم ممكن يوصل 300 في اليوم وهذا ميزانيه لحالها وفي خيار ثاني انك تستاجر سياره وتسوقها بنفسك وفي العضوه ام جسومي زوجها طوال السفره كان بيسوق والموضوع سهل مو صعب رحله موفقه |
امين يارب يا مرحباً بالاخت الكريمة.. لانكاوي اذا من 26 الى 29 3 ايام فقط مو اربعه صحيح صدقتي .. صراحه انا مازرت غير بينانج و كوالالمبور وسيلانجور كنت اروحها وارجع على مطلبكم بينانج في شاطئ باتوفرينجي مدري اذا هذا ممكن يكون مطلبكم او لا الشاطئ فيه انشطه والصراحه نحن كنا ممنوعين ننزل فتره العصر لشاطئ بسبب المناظر اللي فيه بس ممكن تروحوا رحله شاطئ القرود والمكان يعتبر معزول اذا كان فيه مناظر خادشة للحياء فعلاً فهو غير مناسب ، وبخصوص شاطئ القرود هل هو جيد ويستحق ان يُقصد بدال شاطئ باتوفرينجي عندي احساس بينانج ما بتكون مناسبه لمطلبكم اذا حابين انشطه بحريه وحيويه في الليل مناسبه لكم طيب وش تقترحين بدال بينانج ؟ في جزيره صباح عمي زارها وسكنوا في منتجع معزول وما كان في غير الهدوء والطبيعه والبحر يا ليت تزوديني باسمها وكيفية الوصول لها .. كاميرون هايلاند بارده وكلها طبيعه بس لازم بالباص مافيها طيران او ما سمعت احد راحها طيران الكل يقول باص لو بنطلع لها من بينانج اعتقد بتكون قريبة صحيح ؟ السكن في موقع جميل اسمه airbnb.com انا اشوفه افضل للعوائل الكبيره لانها شقق تستأجرها من صاحبها وتكون شقه متكامله انا حجزت منها وفي منها الفخم وفي المتوسط ويعتمد على ميزانيتك مميزاتها فيها مطبخ بسيط وغساله وكل شي ممكن يكون في الشقه صدقتي ، اعرف الموقع ولكن هل بيكون فيه شقق فخمة وقريبة من الاماكن السياحية ؟ وطالما الوالده معاكم على الغالب الاكل ما بيناسبها انصحكم تشيلوا شنطه فيها معلبات ونواشف للاكل صحيح واقتراحك محل تقدير .. اذا عجبتك فكره الشقق ممكن افيدك اكثر ما نستغني .. انا شفتك بتسأل عن سواق خاص وثقه صراحه الكل يفضل اوبر او جراب وفي حالتكم اوبر اكس ال افضل لكم لان عندهم سيارات كبيره السواقيين الخاصيين بياخذوا مبلغ محترم ممكن يوصل 300 في اليوم وهذا ميزانيه لحالها فعلاً ميزانية عالية ولكن فكرة السائق مريحة من ناحية يكون جاهز في كل وقت وكذلك الاستفادة منه كدليل سياحي وفي خيار ثاني انك تستاجر سياره وتسوقها بنفسك وفي العضوه ام جسومي زوجها طوال السفره كان بيسوق والموضوع سهل مو صعب هل المواقف متوفرة عندهم والطرقات واضحة ؟ رحله موفقه أشكرك جزيل ، الشكر الله يسعدك .. |
اقتباس:
لا تشيل اهم المواصلات اذا انا بنت وبدون مبالغه كنت اخرج لحالي واستخدم اوبر والمواصلات العامه اهم شي قوقل ماب معايا |
اقتباس:
|
خذ في بالك أخوي أنت و عائلتك أنكم رايحين ألى بلد منفتح ع الاخر جميع الاعراق والاديان والجنسيات موجودة في مكان واحد المناظر الخادشة ليست محصورة في الشواطئ فقط بل الاسواق والفنادق و الشوارع في كل مكان وانت ماشي راح تشوف مثل هالمناظر .. عشان ماتنصدم لابد تحط في بالك انت و عائلتك انكم راح تشوفون كذا في كل مكان .. ونصيحة لا يعكر صفو رحلتك منظر او موقف .. أبتسم وأنبسط وكأنك ماشفت شي ؟؟ بخصوص التنقلات في ماليزيا جميع المواصلات موجودة ايش تحب بس !! بامكانك وقت وصولك الئ سيلانجور ان تتفق مع تاكسي ياخذك لبينانج و الكاميرون ثم كوالا الكل بيتكلم عربي الحياة هناك جدا سهلة . ! خصوصا الفنادق و التكاسي وجهة نظري تطلع من سيلانجور طيران ساعة الئ بينانج .. ومن بينانج تتفق مع تاكسي ياخذك الئ كاميرون ثم كوالالمبور الفنادق في ماليزيا وشرق اسيا عموما ادمان من نوع اخر .. فنادق 5 ستار رخيصة وفي المتناول من 300 -600 ريال في الليلة علئ حسب الموقع .. حدد ميزانيتك فالليلة أولا ؟ أنصحك في الحجوزات موقع أجودا ممتاز جدا سهل مرن يعطيك السعر شامل الضريبة ورسوم الخدمة يعني تروح الفندق وانت مطمئن ..! أرخص من بوكينق خصوصا واذا حملت تطبيقهم لأنو الحجز عن طريق تطبيق الجوال أرخص كمان من الحجز عن طريق الكمبيوتر لا تتردد في أي سؤال تحتاج فيه أجابة .. كلنا في خدمتك :e032: |
اقتباس:
وبخصوص المناظر الخادشة للحياء فعلاً في الخارج في الغالب تكون مألوفة ولكن بالشواطئ وضع خاص .. لو بضيف جزيرة صباح بدل احد المدن لاني قرأت عنها تقارير طبيعة خلابة تبارك الرحمن واعتقد بتعجب الوالدة والاخوان والاخوات ، وش الترتيب برأيك مع المدن التالية ، سيلانجور ، بينانج ، كاميرون هايلاند ، كوالالمبور .. وبخصوص التنقلات افضل السيارة الخاصة .. اشكرك واعتذر على الإزعاج .. |
اشوف كأول زياره لماليزيا تزور لنكاوي جوهرة ماليزيا جزيره هادئه وطبيعه اكثر من بينانغ وتقدر تستأجر سياره وتسوقها خصوصيه اكثر هذا رقم سواق بلنكاوي الساعه ب20اسمه محمد 60174552124 وهذا سواق بينانغ متعاملين معاه سنتين ررحنا معاه كاميرون ب450 0174182418 عبد الملك وزي ماقالت الاخت ليمو ماتحتاج دليل سياحي بماليزيا جدا واضحه بس رتب جدول والاماكن اللي حابب تزورها والمواصلات عند باب اي فندق مو مشكله بس اذا بتزور كاميرون تحتاج سواق لانه مو متوفره التكاسي بكثره زي مناطق ماليزيا والفنادق توفرلك بس اغلى رحله سعيده مقدما |
اقتباس:
صحيح الكلام المناظر الخادشه في كل مكان حتى لو ما نزلت الشاطى بالنسبه لجزيره صباح لو فكرت تروحها بدل بينانج او كاميرون هايلاند حط في بالك الجزيره طيران من كوالالمبور فقط يعني لو فكرت تروح بينانغ و صباح لازم تروح لكل وحده فيهم طيران من كوالالمبور مافي رحلات مباشره بينهم لو حتروح صباح و كاميرون هاي لاند لازم تروح طيران لصباح وترجع مطار كوالالمبور ومن هناك تروح بسياره أو باص لكاميرون هايلاند وانا اشوف هذا يضيع الوقت رحله طيران ساعتين و ٤٥ دقيقه مو ٤ ساعات اسفه |
اقتباس:
ومشكورة على اقتراحك واضافتك القيمة .. تقبلي فائق احترامي وتقديري .. |
اقتباس:
بما أنك تشوفين انها مضيعة وقت وش تقترحين لأن ودي صباح تكون من ضمن المخطط بدون مشقه .. اعتذر على الازعاج المتكرر وجزاك الله خير الجزاء .. |
اقتباس:
بتشوفتي هنا كثير الله يحفظ لك الوالده نتمنى تروح اماكن تعجبها في منطقه في ماليزيا بارده اسمها فريزر هيل من المطار ساعتين ونص منطقه جميله لما شفت صورها وحبيتها جدا بس مالقيت مواصلات عامه تودي لها اذا عجبتك اقترح عليك يوم الوصول تتوجه لها بدل سيلانجور فيصير خطتكم فريزر هيل يومين او ثلاثه وبعدين ترجعوا تروحوا صباح وبعدها باقي الايام كوالالمبور سيلانجور يمديكم تزورها من كوالا او انكم تروحوا سيلانجور وبعدها صباح وبعد صباح فريزر هيل وبعدها كوالالمبور Fraser's Hill, بهنج، ماليزيا بس ترى مافيها انشطه طبيعه وبس وتحتاج سياره معاك او سواق |
اقتباس:
قرأت عدة تقارير عن فريزر هيل وزي ما تفضلتي طبيعة وروعة بس مشكلتها نائية حسب ما قرأت لأن ودي بمكان تتعدد فيه خيارات السكن والأكل والتمشيه .. الله يعطيك العافية ويرضى عليك .. |
السلام عليكم ورحمة الله وبركاته اقترح عليكم 2 ليالي سيلانجور فندق صن واي لاقون - او صن واي براميد 3 ليالي لنكاوي فندق الويستن او برجايا 3 ليالي بينانج فندق جولدن ساندس 2 كاميرون فندق كاميرون ريزورت الباقي كوالالمبور فندق تريدرز او قراند حياة او الماريوت واي مساعدة نحن بالخدمة رحلة موفقة .. |
2 سيلانجور 3 كوالالمبور 2 لنقاوي 2 كوالالمبور انت معاك الوالده الله يخليها لك انصحك تقلل من الطيران الداخلي والرحلات اللي فوق ال4 ساعات وصباح بعيده عليك ويبيلها جدول بروحها وشكراً Sent from my iPhone using Tapatalk |
| الساعة الآن 02:28 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO