|
اهل الخبره في ماليزيا كرما تعالوو السلام عليكم ورحمه الله وبركاته اخواني اعضاء المنتدي الرائع ناوي اسافر اسبوعين مع العائله شخصين وطفل 4 سنوات وقررنا ماليزيا عندي كم استفسار ارجو الافاده ايهم افضل حجز الفنادق وترتيب الجدول السياحي و السائق مباشرة او عن طريق مكاتب سياحية؟ خصوصا اول زياره لـ شرق اسياء ولا عندي خبره شركات مكتب اريج العالم و مكتب جنات اسياء هل سبق التعامل معهم او تجربتهم ؟؟؟ وقت السفر مرن عندي وبعد رمضان ان شاءالله وبالتحديد نهائة يونيو حتى منتصف اغسطس وش افضل توقيت اجواء ماليزيا والاسعار خلال هالفترة ولو احد عنده جدول مرتب عائلة صغيره اكون شاكر له * كم متوسط الميزانية تقريبا لي نحتاجها؟ والله يعطيكم العافيه |
اقتباس:
اخوك ابو حسن |
ياهلا اخوي وشكرا لمشاركتك |
اقتباس:
بالنسبه لي افضل الهدوء والراحه والتنقل الخفيف او التنقل كل كم يوم ماهو يوميا او يوم بعد يوم التسوق مافيه نيه غير على اخر يوم هدايا ومثلها فقط حتى الان مافيه ميزانيه محدد تقدر تقول 15 الف تزيد ماتنقص غير الطيران واكرر شكري لك على مساعدتك |
اقتباس:
تمام الجدول يكون كذا مبدئيا اول جدول يومين سلانجور ثلاث ايام لانكاوي خمسة ايام بينانغ خمسة ايام كوالالمبور او اذا ماتبغي تنتقل بالطيارة كثير خليه كذا ثاني جدول يومين سلانجور خمسة ايام بينانغ ثلاث ايام كاميرون هايلاند او ايبوة او جنتنغ ان افتتحوا الملاهي اللي فيها خمسة ايام كوالالمبور ومككن تخلي الجدول كذا ثالث جدول اربع ايام لانكاوي خمسة ايام بينانغ ستة ايام كوالامبور انت اختار الترتيب اللي يريحك طرق التنقل بين المدن الوصول للنكاوي من كوالالمبور وسلانجور فقط طيران الوصول لبينانغ من كوالا او سلاانجور باص او طيران والباص افضل لان ماتشيل هم الوزن الزائد الوصول لبينانغ من لانكاوي عبارة او طيارة والطيران افضل الوصول لكاميرون هايلاند او جنتنغ او ايبوة باص او تاكسي الفنادق الحلوة واللي تناسب ميزانيتك سلانجور فندق صنواي كيلو بينانغ قسم الايام بين فندق الشانغريلا يومين استرخاء وفندق الهاردورك او فندق تايمز سكوير او اي اندق رخيص كوالالمبور شقق اسكوت جدا رائعة او شقق سكن ايه ان كيو او سكن كيه ال سي سي كوندو ايدامان او سكن سويس غاردن ايبوة ذا هافن ايبوة التسوق تايمز سكوير بضائعة رخيصة بس عليك بالمكاسرة في ناس قالوا السوق الصيني بس انا مارحته بس زميل ليا قال رخيص وفيه عندك مجمع باركنسون في بيناننغ وفي كوالالمبور روعة روعة ينفع تاخذ منه هدايا محترمة او تشتري للاهل ذا اللي اعرفه وباذن الله الاعضاء مايقصروا اخوك ابو حسن أرسلت بواسطة iPhone بإستخدام Tapatalk |
انا اقترح اذا ماتبي تنقلات كثيرة سيلانجور ليلتين منتجع صن واي او صن واي كليو الذهاب للنكاوي4 ايام فندق ويستن ممكن اخذ ليلة فلة مع مسبح خاص 5 ايام كوالالمبور فندق جراند حياة هاذا كان جدولي لرحلتي الاخيرة وكانت الميزانية من غير التذاكر 14 الف للفنادق المذكورة والمصاريف وتسوق خفيف حبيت اعطيك فكرة عن الميزانية ولو اخترت فنادق اقل من ويستن لنكاوي وجراند حياة ممكن تقل اكثر مع العلم رحلتي كانت ايام مدارس اما الاجازات كل شي يرتفع ضروري الحجز مبكر اما اذا حبيت تضيف بينانج 3 ايام منتجع قولدن ساند : 2 سيلانجور 3 بينانج 3 لنكاوي 4 كوالالمبور الجدول الاول التنقل بالطيران الحجز سهل من الموقع اما في حالة اضافة بينانج ممكن الذهاب بالباص التسوق للهدايا تايم سكوير اي سؤال حاضرين ورحلة موفقة يارب |
شكرا لك اخوي ابو حسن ولي رجعه:6: |
اقتباس:
|
اقتباس:
خالص التحايا |
الافضل تحجز لنفسك وجدولك على حسب النشاطات اللي بتقوم فيها ممكن شخص يفضّل بينانج ٥ ايام وشخص تاني يفضلها ٣ ايام على حسب ميولك ونشاطاتك |
السلام عليكم شكرا الاعضاء الكرام لي اقترحو عليه الجداول والمدن بعد المشاورات والاطلاع قررت الجدول التالي 2 ايام سلانجور 3 ايام لانكاوي 4 ايام بيانغ 4 ايام كوالامبور وقررت احجز بنفسي الفنادق والطيران واوفر عموله الشركات بس فزعتكم اقترحو افضل الفنادق لي تناسب العوائل وموقعها يكون مناسب في كل مدينة فندق:13: ولكم جزيل الشكر |
وعليكم السلام ورحمه الله وبركاتو ياليت تذكر لنا 1 فتره السفر 2 عدد المسافرين 3 ميزانية السفره شامله السكن والمصاريف من غير الطيران أرسلت من SM-G935F بإستخدام تاباتلك |
اقتباس:
*فتره السفر شهر يوليو (لكن لحظت اسعار التذاكر خلال هالفتره مرتفعت اعتقد موسم:24: ) وفيه امكانية اجل السفر لـ شهر سبتمبر 9/2017 اسعار التذاكر منخفضه النصف تقريبا على السعودية 6 الف ريال * عدد المسافرين انا والمدام وطفل 4 سنوات * مافيه ميزانية محدده بس تقريبا 15 الف غير الطيران تزيد ماتنقص وشكرا على مشاركتك:13: |
العفو اخوي بالعكس احنا بالخدمه طبعا شهر يوليو موسم للنه يصادف شوال يعني اجازة الصيف والمدارس واللغلب يسافر بهالوقت بالنسبه لتوقيت شهر سبتمبر ممتاز جدا جدا من ناحية ان الناس رجعت استعداد للمدارس وتخف الزحمه وقرب عيد الاضحى وتنزل الاسعار وبنفس الوقت الجو بيكون اجمل من يوليو اوميزانيتك ممتازه جدا ومناسبه اولا احجز الطيران لان كل ماتاخرت زادة الاسعار ثانيا السكن 2 سيلانجور في صنواي لاجون او براميد الملاصق له تطلع في حدود 1500 ريال شامله الضريبه والفطور طيران داخلي في حدود 200 ريال مع شراء وزن للحقائب 3 ايام في للنكاوي توجد خيارات كثير منها ذاويستن او ذا اندمان او الدانا لاتزيد عن 2100 ريال طبديران داخلي في حدود 200 ريال مع شراء وزن للحقائب 4ايام بينانج في جولدن ساندز الخيار المثالي في حدود 1900 ريال شامله الفطور والضريبه والغاء مجاني طيران داخلي في حدود 200 ريال مع شراء وزن للحقائب 4 ايام كوالالمبور فندق ترايديز غرفه مطله على البرج 2200 ريال شامله المجموع في حدود 8400 ريال سعودي للسكن والطيران الداخلي وطبعا توجد خيارات اقتصاديه للسكن ولكن انا اخترت المناسب لك حسب ميزانيتك والنظافه والموقع اذا تبي سكن اقتصادي ممكن نرشح لك المصروف اليومي في حدود 500 ريال وممكن تقل حسب الفعاليات اللي تزورها والمطاعم اللي بتروحها فايام بتقل وايام تزيد شي بسيط 13*500=6500 ريال المجموع : 8400 +6500 = 14900 ريال سعودي تقريبا وممكن تقل لان الفنادق انا عطيت سعر تقريبي وبالنسبه للمواصلات كوالالمبور وبينانج عندهم تطبيق اوبر وايضا جراب وسعرهم مناسب جدا اما لانكاوي ممكن تتفق مع سايق بالساعه بالتوفيق أرسلت من SM-G935F بإستخدام تاباتلك |
انا جربت الشركة العربية للسفر مرره كويسه واغلب فنادقي تم ترقيتها لكلوب (يعني فطورك وتسجيل الدخول مختلف وغرف جيده ) |
| الساعة الآن 05:55 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO