|
أول مره اسافر لماليزيا وشهر عسل محتاجكم السلام عليكم ورحمة الله وبركاته أولاً : اشكر إدارة المنتدى على هذا الصرح الشامخ ، كذلك الشكر للأعضاء المتفاعلين ، يقدمون نصائح هامة ومفيدة.. ثانياً :بإذن الله زواجي شهر اغسطس القادم وهذه راح تكون أو سفرية لي خارج حدود دول الخليج،، محتاج جدول مرتب ومنسق لماليزيا وتحديداً كوالالمبور لمدة 5 أيام ،، مع العلم أنه تم حجز الطيران بتاريخ 5 اغسطس الوصول الى كوالالمبور والعودة 11 اغسطس ، هذا اللي اقدر عليه أعرف ان فيه ناس بيقولون زود شوي بالايام أو وزعها على مدينتين مثل لانكاوي وغيرها ،، ولكن تم حجز الفندق والدفع عن طريق الفيزا .. طبعاً تم حجز فندق تريدرز ،، الأسئلة المهمة ، حين وصولي للمطار هل توجد شركة تكاسي موثوقه ومعتمدة توصلني إلى الفندق ؟ التنقلات على مدار الاسبوع عن طريق التكاسي أو أفضل انسق مع شركة سياحيه وسائق خاص ؟ الأفضل صرف المبلغ من السعودية أو حين وصولي لكوالالمبور ؟ أتمنى اللي راح يساعدوني في الجدول يركزون على أهم الاماكن رومانسية وهيك يعني هههههههه أما مدينة الألعاب وغيرها ما احبها ولا معي أطفال عشان أحتاج زيارتها ... كانت النية برلين في ألمانيا بعدين كنسلت الفكرة وثبت على ماليزيا والله يكتب لي ولكم اللي فيه خير.. والله يسعدكم ويوفقكم جميعاً... |
الله يتمم على خير ويجمع مابينكما ع الود والسعد ... مطار كوالالمبور .. مخدوم بشكل مثالي جداً .. لذلك ستجد مكتب للتاكسي معتمد فقط تعطيه اسم الفندق وعدد الركاب والحقائب ويحسب لك القيمة والدفع بالمكتب .. طبعاً هناك عند البوابات تاكسي غير رسمي يحتاج مفاصلة قوية ( إن رغبت به ) لا تحتاج لشركة سياحية أبداً .. الأهم رتب جدولك والمعالم التي تناسبك وحاول تنسق يومياتك واستخدم التاكسي أو تطبيق ( جراب ) مجرَّب والأعضاء يثنون عليه كثييير .. بالنسبة للصرف .. عن نفسي أستخدم بطاقات الصراف ( الراجحي ) بمعنى كأني بالسعودية ريّحت بالي بخصوص الصرف والطوابير والبحث عن مكاتب الصرافة .. وبطاقة الفيزا لمبالغ الفنادق وبعض المشتريات ... طبعاً كل ماذكرته لكل عملية بنكية رسم .. لكن بالنسبة لي شخصياً لامانع لديَّ مقابل الراحة .. فندق تريدرز مميز جداً وراح يعجبك بإذن الله ... بالنسبة للجدول واليوميات .. أتمنى قراءة التقارير المطروحة بالبوابة ستجد فيها كنز وثراء معلوماتي لا يقدَّر بثمن .. ماعليك إلاَّ ورقة وقلم وتسجيل مايناسب ذوقك وميزانيتك ... دعواتي لك بالتوفيق .. |
وعليكم السلام ورحمه الله وبركاتو الف الف مبروك اخوي ربي يتمم لك على خير ويوفقك ويرزقكم الذريه الصالحه صراحه المده قصيييره جدا جدا وما تسوى دفعت التذاكر عليها لو تزيده على الاقل 10 ايام لكن بما ان مافي مجال الله يسهل لك طيب انت حجزت الفندق من اي موقع حنى اذا كان الدقع عن طريق الفيزه والالغاء مجاني تقدر تعدل بالحجز الفندق ممتاز جدا جد ا الغرض من السؤال عن الحجز اذا قابل للتعديل انك تكنسل يومين وتسكنهم في ذافيلاز القريب من صنواي فيلا بمسبح خاص اذا ميزانيتك تسمح او ممكن نخلي اخر يوم في فيلا بمسبح خاص في فندق غراند ليكسس بورت ديكنسون او في فندق ليكسيز هيبيسكوس بورت ديكسون وجميع ماذكرته قريب من كوالالمبور جواب السؤال الاول الوصول للقندق من المطار توجد عند المخرج مكتب تكسي المطار تعطيه عدد الركاب وعدد الشنط ويعطيك ورقه تروح عند الباب ونلقى الموقف الخاص لتكسي المطار واحذر احذر من المندوبين والمسوقين اللي عند باب الخروج ويحاول يعرض عليك خدمات او يبيعك بكج مواصلات او غيره لابسين بدلات كلهم اسعارهم غاليه ونصابين ممكن يمسكك من يدك ويسحبك او يمسك الشنط انت طنشهم ولا كأنك تشوفهم ولا تسمح لهم يضيعون وقتك حتى اذا قالك انا يوصلك لتكسي قول انا ادل طريقي ادخل الموضوع المثبت عن اجراءات المطار https://www.arabtrvl.com/vb/t669.html يالنسبه للتنقل على مدار الاسبوع فافضل واوفر طريقه هي عن طريق اوبر او جراب البرنامجين بطل وأبعد عن الشركات السياحيه او السايق الخاص حتى التكسي https://www.arabtrvl.com/vb/t26663.html بالنسبه للصرفيه دام مدتك قصيره وتم دفع الفندق ماراح تحتاج مبلغ كبير كل اللي يتحتاجه 6 ايام * 500 رينجيت تقريبا للشخصين =3000 رينجيت يتكفيك وبتويد باذن الله شامله المواصلات ودخول الفعاليات والاكل ممكن تز بايام وممكن تقل وخل بحسابك ميلغ للطوارئ تقريبا 2000 ريال ممكن تحب تتسوق زيد ونقدر تسحب من جهاز السحب للللي بماليزيا ولكن بلغ البنك بسفرك واسحب المبلغ كامل اوفر لك بالصراقه اذا بتسحب او حطه بالفيزا ونقس الشي بابد من ان تبلغ البنك بسفرك الله يوفقك والخيره فيما لختاره الله لكن خذ ينصيحتي وخل ليله واحده في احد فنادق بورت ديكسون ليله واحده فقط لان المنطقه بعيده عن الاماكن السياحيه واذا دخلته ماراح تطلغ منه ماحوله شي او ليلتين في فيلا بمسبح في ذافيلاز للن في سيلانجور اقرب لكوالمبور وتقدر تروح لها وحولها مول ومطاعم بالتوفيق بعد ماترد علي راح احاول ارتب لك جدول تم الإرسال من SM-G935F باستخدام Tapatalk |
نفس المشكلة اول مره اسافر برا ومحتاج نصائحكم |
اقتباس:
سوف ارد علر موضوعك بالتوفيق تم الإرسال من SM-G935F باستخدام Tapatalk |
اقتباس:
|
اقتباس:
وأنا الان اجري محاولات لتعديل حجز الطيران ، راح اخليها يومين كوالالمبور و 3 ايام بينانغ و 3 ايام كوالالمبور وراح احاول في الفندق يشوفون لي حل مع الحجز ، او الله يكون بعوني احجز واحد ثاني .. انتظروا مستجداتي خلال الساعات القادمة وراح اشوف وش اللي يصير معي ، لاني محتاج جدول في بينانغ وكذلك كوالالمبور .. الله يسعدكم ويوفقكم جميعاً.. |
بالتوفيق اخوي ربي يسهلك يارب ليه ما تخليها 2يوم سيلانجور وهي جنب كوالالمبور والاقرب للمطار وبالباص او تكسي الى بينانج 3 ايام والفنادق خذ احد هذي الخيارات سانديز جولدن شانغريا او الهارد روك او رويال بارك او هارد روك وبعدين باص او تاكسي الى كوالالمبور حاول بالفندق انه تقلص عدد الايام يعني قدم رحلة الوصول وبكذا حتى اذا مارضى يكنسل راسلهم على انك ما راح تستلم السكن اول 3 ايام بل بتستلمه اخر 3 ايام وشوف الرد وممكن تاخذ رقمهم ونكلمهم ممكن يكون اسرع بالرد زباذن الله نرتب لك جدول يماسب ايامك تم الإرسال من SM-G935F باستخدام Tapatalk |
ان شاء الله ابي اعدل الحجز ، واسوي حجز طيران داخلي لبينانج واجلس فيها 3 ايام ،، بس انتظر التعديل وان شاء الله ماتقصرين انتِ وبقية الشباب في الجدول والنصائح.. كل الشكر والتقدير لك أختي الكريمة.. |
اللهم لك الحمد عدلت حجز الطيران وخليته يوم 13 اغسطس وراح تكون اول ليلتين كوالالمبور في فندق تريدرز ، و3 ليال في بينانج فندق قولدن ساندس ، وبعدها ليلتين في كوالالمبور لان رحلة العوده يوم 13 اغسطس الساعه 2 بالليل ، يعني لازم اكون في المطار يوم 12 اغسطس الساعه 11 تقريباً.. من كوالالمبور إلى بينانج كيف تعامل المطار والجوازات هناك ؟ سمعت انهم مشددين على مسأله العفش..؟ وشو افضل الأماكن السياحيه اللي لازم ازورها في بينانج وكذلك كوالالمبور .؟ اخر يوم في كوالالمبور 11 اغسطس ابي اخليه تسووووق وهدايا ، وشو افضل مول أو منطقة ورخيصه ههههههه لاتبخلون علّي مالي إلا الله ثم أنتم .. أكثر شئ شايل همه التكاسي والنقل خصوصاً في المطار وبينانج .. تحياتي لكم جميعاً... |
اقتباس:
الحمد لله قدرت تعدل من كوالالمبور إلى بينانج كيف تعامل المطار والجوازات هناك ؟ سمعت انهم مشددين على مسأله العفش..؟ طيران اير اسيا اذا انت مشتري وزن زيادة لاتشيل هم واذا كنت حاجز على الخطوط الماليزية لاتشيل هم ابد الوزن المسموح 30 كيلو اما تعامل المطار سواء ببينانج او كوالالمبور جدا رائع وسلس ولايوجد اي تعقيد وشو افضل الأماكن السياحيه اللي لازم ازورها في بينانج وكذلك كوالالمبور .؟ بينانج البيت المقلوب متحف الخدع الثري دي والهضبة بيوم واحد حديقة التوابل والفراشات والفواكه بيوم واحد رحلة الصيد والايكو سكيب بيوم واحد الانشطة البحرية باي يوم اعملها وقت تشوف عندك وقت في عندك مول الكوبنسي فيه سينما ومول الجرني بلازا كوالالمبور القبه والطيور والمنارة بيوم واحد والحيوان ورحلة بوتراجايا بيوم واحد والاكواريوم وعرض النافورة بيوم واحد وهو يوم الوصول في عندك ملاهي التايمز سكوير وعندك سينما في البافليون ممكن تروح ليوم لجنتنغ وتمر على القرية الفرنسية وحديقة الفراولة وترجع مساء تريح وتخرج تتعشي وسينما مع العلم افضل تستبعد اللكواريوم لانه ضغير ومايسوى حتى حديقة الحيوان مالها داعي انتم عرسان قضوا وقتكم بشي ثاني وجهة نظري اقرا عن كل مزار قبل ورتب اللماكن اللي بتروحها حسب ميولك واهتمامك انت والمدام اخر يوم في كوالالمبور 11 اغسطس ابي اخليه تسووووق وهدايا ، وشو افضل مول أو منطقة ورخيصه ههههههه بصفة عامة العطور ومنتجات التجميل ارخص من هنا بكثير عندك محل اسمه باركنسون جدا رائع واسعاره بطله ودام ايام التسوق قليلة التايمز سكوير سونقوا وانقوا والبي بي بلازا ورحلة سعيدة يارب |
اقتباس:
الله يسعدك ويوفقك يابو حسن ،، بالنسبة لي أهم شئ راح اكون حريص عليه الأماكن السياحية والتسوق ، ومثل المطعم الدوار اعتقد في البرجين كذلك صعود المناره على ما اعتقد كذا اسمها هههههه أما بالنسبة لرحلة الصيد موب جوي هههههه الشئ المهم سمعت أنه اذا تسوقت احتفظ بالفواتير عشان اذا رجعت الضرائب في المطار أو شئ من هذا القبيل ..؟ شكراً مره اخرى ابو حسن وبإنتظار بقية الاعضاء ،، مالي إلا الله ثم أنتم في هذه الرحلة.. ملاحظه مهمة : نصحوني بعض الاخوان في شراء "شطاف" من ساكو لأن بعض الفنادق لاتتوفر فيها ،، هل فيه مشكله بشيل الشطاف بالشنطة في المطار ؟ |
اقتباس:
الجدول المنقترح : اليوم الاول يوم الوصول 5 اغسطس التوجه الى فندق ترايديز اذا وصولكم الصباح الراحه الى العصر التوجه الى حديقه البرجين والبرجين ومجمع سوريا كلها قريبه من الفندق اليوم الثاني : 6 اغسطس راح احط لك 3 خيارات الاول اليوم هذا تخصصه لزيارة الحديقه المائيه صنواي ومول البراميد تطلع من الساعه 8 وتتجه الى المدينه المائيه في سيلانجور 25 دقيقه عن كولالمبور وقضاء اليوم في المدينه هناك الى العصر ثم التوجه الى براميد مول الملاصق للمدينه وتناول الطعام وممكن التسوق البسيط ثم التوجه الى الفندق اذا حاب تطلع بالليل بعد الراحه التوجه الى حديقه البرجين او العشاء في شارع العرب ولعوده ممكن تحجز تذاكر الدخول ان لاين من موقع اسيا ترفل وتحصل سهر كويس او الخيار الثاني هو : حديقه الحيوان (حديقة الحيوان زو نيجار) ثم حديقة الطيور – الزهور (انا هنا الغيت حديقة الفراشات لان بحطها بجدول بينانج وهي اجدد من اللي هنا ) وكلها جنب بعض وفي منطقة واحد ثم التوجه الى المناره وممكن العشاء بالمطعم الدوار ولكن لابد الحجز المسبق حسب علمي الخيار الثالث : او تخلي اليوم رحله الى جنتينج وركوب التلفريك وبعدها زيارة حديقه الفروله القريه الفرنسيه القريه الصينيه وهذي الافضل تاخذ رقم من ارقام السواقين المجربين من المنتدى وتراسله وتتفق معاه على اليوم والسعر ويضل معاكم طول الراحله اليوم الثالث :7 اغسطس الفطور بالفندق تم التوجه الى مطار الرحلات الداخليه قبل الرحله ب ساعتين ونصف تفاديا للزحام الوصول الى بينانج والتوجه من الممطار الى الفندق والراحه وهنا اكتشاف الفندق وشارع الباتو فرنجي يوجد به شارع الليل ومطاعم الشارع حي وكله مطاعم اختار اللي تبي لكن انتبه للسرقات داخل السوق ولا تطلع بمبلغ كبير ولا تطلع من الشنطه مبلغ كبير قدامه وكاسر بالسعر الى النص اليوم الرابع 8 اغسطس الخروج في الصباح الباكر الى حديقة التوابل +الفراشات + الشلالات واذا في وقت ممكن تزور معرض الفهوه والشوكلاته اذا حاب تتذوق وتشتري قهوة بينانج الشهيه والشهيره وبعد كذا في خيارين 1 اذا بتروح الرحله البحرية : (+الغداء في منطقه جورج تاون ثم الى +هضبة بينانج ومنضر الغروب هناك +سد ايريتام ثم العوده للفندق والعشاء اما بالفندق مطعمهم ممتاز وفي بوفيه اطلع على انواع البوفيهات اللي عندهم لان كل يوم نوع او بالمطاعم القريبه ) اذا كنت بتروح الرحله البحريه 2- اذا ماراح تروح الرحله البحريه اما اذا مو حاب الرحله بعد الانتهاء من معرض القهوه التوجه الى مول و مطعم كومتار والغداء هناك او الى مول كوينسبي مول اليوم الخامس 9 اغسطس هذا اليوم خذ رحله الجزيرة القرود والصيد شوف تفاصيل عن الرحله من هنا https://www.arabtrvl.com/vb/t24641-19.html وذا مو حاب الرحله ممكن تخلي هذا الوقت في هضبة بينانج ومنضر الغروب هناك +سد ايريتام ثم التوجه الى مول مجمع قيرني بلازا او العشاء بمطعم قريب اليوم السادس 10 اغسطس الفطور التمتع بالشاطئ والعاب الشاطئ واذا حابين المساج للارجل او تروحون السبا وبعدها الذهاب للمطار فبل الرحله بساعتين الوصول الى كوالالمبور والى الفندق الراححه الى المغرب ثم التوجه الى احد مطاعم شارع العرب والعشا او الى البارفون الغرض من الزياره العشاء فقط واخد فكره من المكان لان هذا المول ماركات اليوم الثامن 11 اغسطس اليوم يوم التسوق انا رايي التايم سكوير يغنيك عن كل المولات يبيلك اكثر من يوم تغطيه او بي بي بلازا و لكن هذا راي مميزنا ابو حسن بالمولات تايمز سكوير الملاهي روعة روعة اما التسوق مو مرة واو واسعاره مو مرة رخيصة واغلبه محلات مقفله بالذات الادوار من 5 وفوق ممكن تسبتدليه بالسوق الصيني السوق الصيني الكل قال لاتروحيه لانه بمكان مفتوح والجو حار وروائح وقرف وفوقها سرقة وحاله Kenanga Wholesale City هذا السوق حاليا اخت زوجي توها راجعة واقدر اقلك رايها تقول يجنن الاسعار خرافيه والمكان مغلق وبارد مول سونقوا ونقوا وبي بي بلازا هما متصلين ببعض اسعارهم طيبة ومتنوعين والبايعين يقبلوا المكاسرة اشتريت منه فساتين افراح بنزل صور لبعض صور الفساتين بالمحل بجزء كوالالمبور اليوم 12 والاخير هنا بعد الفطور ممكن تسجل خروج وتضع امتعتك عند تخزين الامتعه بالفندق وهنا ممكن تضع الخيار الثاني من اليوم الثاني حديقه الحيوان (حديقة الحيوان زو نيجار) ثم حديقة الطيور – الزهور (انا هنا الغيت حديقة الفراشات لان بحطها بجدول بينانج وهي اجدد من اللي هنا ) وكلها جنب بعض وفي منطقة واحد ثم التوجه الى المناره وممكن العشاء بالمطعم الدوار ولكن لابد الحجز المسبق حسب علمي وقضاء الوقت هناك الى وقت التوجه الى المطار راح يكون عند بعض الاعضاء ملاحظه لى هذا اليوم وان الاماكن هذي في طريق المطار ثم العوده لكن هذي افضل طريقه لقيتها لقضاء اليوم من غير ما يضيع عليك وصعبه تشيل الشنط معاك هذا اجتهاد شخصي ان اصبت فمن الله وان اخطأت فمن نفسي بالتوفيق |
فكر بالرحله البحريه يمكن مايكون مزاجك لكن العروسه تحب تجربها تم الإرسال من SM-G935F باستخدام Tapatalk |
شكراً من الأعماق : أبو حسن ، و عشقي السفر الله يسعدكم ويوفقكم ويجزاكم خير .. الجو عادةً شهر اغسطس حار أو لا ؟ إذا فيه أي تعديل أو اضافات من الاخوان مانستغني عن دعمكم ونصائحكم.. |
الاخوان جزاهم الله خير افادوا واجادوا لكن لدي نقطه بسيطه بخصوص اخر يوم وهي بعد عمل الخروج من الفندق وترك العفش بالفندق ( الساعه 12 الظهر تقريبا ) .. : لا احبذ المزارات التي تكون تحت اشعه الشمس ( للحفاظ على نظافة الملابس والجسم من الاتربه او من التعرق الناتج من الحر والتعب ) قبل التوجه للمطار والسفر. موفق |
رحله موفقه |
شكرا الف شكر استفدت كثير من ردودكم واقتراحاتكم أرسلت بواسطة iPhone بإستخدام Tapatalk |
| الساعة الآن 10:45 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO