|
إستشاره السلام عليكم ورحمة الله وبركاته لقيت عرض لماليزيا وابي رايكم فيه من ناحية الاماكن والسعر البرنامج ل 11 يوم 10 ليله كالتالي : اليوم 1: استقبال اليوم 2: جوله السن واي اليوم 3: التوجه للمطار لذهاب الئ بينانج اليوم 4: جوله بينانج 8 ساعات اليوم 5:التوجه الئ لانكاي بالعباره اليوم6: جوله لانكاوي 8 ساعات اليوم7 : جوله المنجروف اليوم8: التوجه الئ كوالا والاستقبال هناك اليوم9 :جوله كوالالمبور + جنتينح اليوم10:يوم حر اليوم 11: التوجه للمطار الدولي الفنادق: سلانجور: دورست جراند بينانج: بارادايس / فور بوينت شيراتون لانكاوي: اديا كوالالمبور: سيري باسفيك شامل الطيران الداخلي + العباره لـ 2 اشخاص قيمة البرنامج /6600 ريال |
اقتباس:
بالتوفيق |
اتفق مع رأي اختي عشق السفر |
باختصار .... اسمح لي يالغالي ... عرض لا يعطيك متعة ماليزيا كما يجب .. |
دامها 10 ايام خذ هذا التوزيع اليوم الاول التوجه للفندق وزيارة مول الصن وي في نفس الفندق اليوم الثاني الالعاب المائيه لصن وي اليوم الثالث تحجز رحله على الساعه 12 الظهر الى لنكاوي عشان تستفيد من اليوم تروح الفندق وتاخذلك جوله حولين الفندق و شوف مطعم من مطاعم لنكاوي الي رشحوها الاخوان و الاخوات خليها وجبة غدا وعشاء . مهم انك تحدد كل يوم ايش بتسوي عشان ما تضيع الوقت اليوم الرابع اخذ جولة على المنجروف و القرية الشرقيه و التلفريك اليوم الخامس حجز فيلا مع مسبح و ارشحلك وستن وتكسب الايجار من اوله من 2 ظهر الى اليوم الثاني 2 او 3 ظهرا الخروج خلال هذا اليوم ابدا مافي اي نشاط سوا انك تروق في الفله و الفندق حتى وجباتك داخل الفندق اليوم السادس ممكن تغير فئة الفندق الى فندق اقل تكلفه والذهاب الى الالعاب البحريه جت سكي برشوت رحله بحريه اليوم السابع التوجه الى كوالا و اكمال ما تبقى الى يوم المغادره تحياتي |
أدخل بالبوكنق وشوف الاسعار والتقييم وبعدها حدد قرارك وأرجح رأي الأخت عشق السفر |
نفس ما قالت اختنا عشق السفر الجدول جداً مزدحم راح يضيع بالتنقلات |
اقتباس:
انا ابغى غرفه مطله ع البحر يعني لها شرفه افتحها واطلع الشاطئ ع طول من غير مامر ع لوبي الفندق ان شاء الله فهمتوا قصدي بس يكون السعر مناسب طبعا في لنكاوي وجدولي الي انا حاطاه يبدا بلنكاوي مو زي المتعارف عليه سلانجور اشوف انها مايحتاج سكن فيها وتكلفه فندق طالما قريبه من كوالا وكوالا مخليها اخر شي طلعات وشابنق وزياره السن واي ياريت رايكم واقتراحتكم بالنسبه للفندق والمعذره من الاخ كاتب الموضوع مشاركاتي قليله ماتسمحلي اكتب موضوع مستقل |
اب أرسلت بواسطة iPhone بإستخدام Tapatalk |
اقتباس:
بالنسبه للفيلا تكون بمسبح وراح تكوم مكلفه اذا خذتها لمده اربع ايام سعرها يتراوح بين 2000 الى 2500 ريال لليله الواحده وهي اطلاله جزئيه للبحر في فندق ذاويستن وممكن تلقاها بسعر ارخص بقليل انت ابحث بين المواقع الحجز وكلم كذا مكتب لين تلقى سعر مناسب انا مره لقيتها عند مكتب ب 1800 تقريبا ولكن قبل السفر بخمس شهور اما لما قرب السفر ارتفع السعر لذلك دائما ننصح بأن تسكن اول ثلاث ايام بغرفه بفندق اخر وتخلي اخر ليله في الفيلا بالنسبه للانكاوي الاسعار فيها اما مرتفعه وجودة السكن ممتازه وخدمات ممتازه او السعر اقتصادي لكن للاسف اما بعيد عن البحر ونظيف او قريب من البحر ومن غير اطلاله لكن مستهلك وغير نظيف ولا تتامل كثير بالاقتصادي ولا يوجد فيها سعر متوسط بخدمات ونظافه جيده لذلك دايما اعلى سعر للفنادق يكون بلنكاوي بالنسبه لغرفه مطله على البحر فطلبك موجود بللنكاوي طبعا الفنادق اللي على البحر والسعر دائما لهذي الغرف المطله اعلى من الغرف العاديه المطله على الحديقه انتي حطي ميزانيتك لليله الواحده ونرشح لك القندق الي يناسبك لكن حطي في بالك السعر يترواح بين 700 ريال لليله الواحده هذا الاقل طبعا في موسم الصيف بالنسبه لسيلانجور عادة توضع بالبداية حتى يرتاح المسافر من رحله مدتها تتراوح بين سبع ساعات ونصف الى تسع ساعات اذا جاي من جده غير اذا كانت رحلتك الدوليه تكون ترنزيت ساعتين او ثلاث فمرهق انك تواصل لانكاوي واذا عزمت تواصل انتبه لابد ان تحجز في الخطوط الماليزيه حتى تكون الرحله من نفس مطار الرحله الدوليه واذا بتسافر للنكاوي في الخطوط اير اسيا تحتاج وقت اربع ساعات على الاقل بين وقت الوصول الرحله الدوليه وتستلم الشنط وتنتقل الى مطار الرحلات الداخليه بالتكسي او الباص حتى تركب للرحله المتوجهه الى للنكاوي وبرايي بالحالتين ارهاق على الاقل خذ يوم راحه بفندق قريب من المطار وثاني يوك توجه الى لانكاوي بالتوفيق تم الإرسال من SM-G935F باستخدام Tapatalk |
| الساعة الآن 11:30 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO