|
البديل الافضل للخطوط القطرية؟ السلام عليكم ورحمة الله حجزت على الخطوط القطرية والى الان ماغيرت والغيت حجز القطرية بعد المنع بحثت عن بديل لقيت الاماراتيه من القصيم (انا من سكان القصيم ) بسعر ثلاث الاف تقرييا اما الخطوط السعودية من الرياض وبسعر 4 الاف تقريبا والخطوط العمانية من الرياض بالفين ريال تقريبا رايكم اي الخطوط افضل وانسب ؟ |
كلهم ممتازين الطيران السعودي والإماراتي والعماني ، اختار أقل وقت ترانزيت في الذهاب والعودة مع أفضل سعر ممكن .. وبالتوفيق |
وعليكم السلام ورحمة الله وبركاته اذا ماعندك مشكله في مشوار القصيم - الرياض والعودة بعد السفر ان شاء الله ومدة الترانزيت قليله في عمان خذ العمانيه وتوكل على الله نتمنى لك رحله سعيده تحياتي |
السلام عليكم ورحمة الله وبركاتو مثل ماقالو الاخوان جميع الخطوط المذكوره منتازه اخذ الاقل وقت ترانزيت والاقل سعر ودام ماعندك مشكله بالاقلاع من الرياض العمانيه الفتره الاخيره المدح عليها كثير واذا ميزانيتك تسمح للحجز بالامراتيه بعد افضل لك من مشوار الرياض اربع ساعات قبل الرحله بثلاث ساعات يعني يبيلك تروح قبل بيوم الرياض تم الإرسال من SM-G935F باستخدام Tapatalk |
السعوديه ( 4000 ريال للشخص .. يعني الشخصين 8000 ريال ) تعتبر غاليه ... فتلغى من الاختيارات اذا الاختيار يكون بين ( الاماراتيه من القصيم بسعر 3000 ريال للشخص ... بالتالي الشخصين 6000 ريال) او ( العمانيه من الرياض بسعر 2000 ريال للشخص ... بالتالي الشخصين 4000 ريال ) الفرق بينهما 2000 ريال فالنقاط المهمه للاختيار: - وقت الاقلاع ووقت الوصول: بالنسبه لي افضل الاقلاع مساء .... والوصول يكون صباحا او ظهرا. - مده الترانزيت : الاقل ترانزيت هو الافضل طبعا. - التكلفه . # افترضت ان الطيران العماني مناسب من حيث وقت الاقلاع والترانزيت ..... فعملت حسبه بسيطه علشان اعرف هل التكلفه مناسبه او لا .. اولا: الطيران الدولي لشخصين ذهابا وايابا يكلف : 4000 ريال تقريبا ثانيا: السفر عن طريق الخطوط السعوديه من القصيم الى الرياض للشخصين ذهابا وايابا= 700 ريال ثالثا: السكن بفندق مكارم بمطار الرياض مع الافطار للشخصين يكلف = 550ريال ( في رحله الذهاب ) رابعا : السكن بفندق مكارم بمطار الرياض مع الافطار للشخصين يكلف = 550ريال ( في رحله الاياب ) ملاحظه: فندق مكارم يوفر مواصلات مجانيه من المطار الى الفندق والعكس. مجموع التكاليف = 4000 + 700 + 550 + 550 = 5800 ريال ممكن هذه الحسبه تفيدك وتعطيك تصور ... وممكن اصلا ما تحتاج الى طيران من القصيم الى الرياض وممكن كمان تسكن بفندق رخيص .. مع ايجار سياره من المطار بسعر 70 ريال لليله فاحسبها صح ... وشوف اللي يناسبك موفق |
انا الى الان مالغيت حجزي با اذن الله الأمور تنحل سفري با اغسطس أرسلت بواسطة iPhone بإستخدام Tapatalk |
اقتباس:
باذن الله ربي يسهل وتنحل الامور كلنا اخوان وفي منطقه واحده ولكن الى الان الوضع متوتر ولا توجد اي بوادر تدل على قرب حل الخلاف لذلك الاغلب يفضل اعادة ترتيب والوضع خصوصا انه حاجز فنادق ويخاف اذا جاوقت السفر يتوهق ولا يلقى رحلات او يلقى اسعار مدبله بالتوفيق تم الإرسال من SM-G935F باستخدام Tapatalk |
صحيح فيه ناس غيرو رحلتهم على طيران ثاني من غير زيادة ولا اشاعات واللي يعرف آش الطيران اللي متحالف مع القطرية أرسلت بواسطة iPhone بإستخدام Tapatalk |
العمانيه يمدحونها مقاونه باسعار الباقين |
الافضل تكلمين الخطوط القطريه بنفسك اعرفي بنفسك هم اصلا يخيرونك انا ابوي عنده حجز على القطريه بالعيد وكنسل الحجز ورجعله المبلغ كامل لذلك كلميهم بنفسك وشزفي الخيارات وانا لم اقل ان في زيادة او انشر اي اشاعات انا اتكلم انك اذا تاخرتي باتخاذ اي تصرف وقرب وقت السفر ولا لقيتي خيارات تناسبك عند القطريه راح تضطرين تلغين الحجز وتبحثين عن حجز جديد وبكذا بتكون الاسعار بالخطوط الثانيه مرتفعه لقرب وقت السفر من الحجز اتمنى ان مايكون انفهم كلامي غلط انا اتمنى ان تنحل الامور باسرع وقت لان احنا مو بس جيران احنا عوايل متدداخله في بعض فكثير منا من يكون متزوج من قطريه او متزوجه من قطري وعوايلهم بالخليج فمستظرين من عدم قدرتهم راية اهله خصوصا مع قرب العيد الله يسهل وتنحل الامور باسرع وقت ويبعد الفتن عن الاسلام والمسلمين تم الإرسال من SM-G935F باستخدام Tapatalk |
| الساعة الآن 01:33 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO