|
اول رحلة لماليزيا السلام عليكم هذي اول رحله لي لماليزيا وتقريبا راح اقعد 8الى10 ايام بالكثير راح تكون في كوالالمبور اول شي ولانكاوي مادري اروح مدينه ثالثه تستاهل الزياره من ناحيه طبيعه وثانياً السواقين والاماكن الجميله والمهمه كيف اوصل لها برايكم حصلت بكج من شركه شواطيء بسعر 1700رينقت وعليها مع الفندق تقريبا ثلاث او اربع مدن كل مدينه يومين اعتمد عليها او فيه جدول كويس تنصحوني فيه وهل التكلفه اقل مع الشركه السياحه او بدون المده بسيطه عشان كذا ابغى اهم الامكان واللي تستاهل الزياره |
طبعا راح نكون شخصين او ثلاثه |
وعليكم السلام ورحمة الله وبركاته .. عشرة أيام ممتازة كوالالمبور آرى أن تكون آخر شئ علشان منها على المطار يكون قريب .. أولاً : سلانجور يومين إقامة ( لا تفوتها ) ثانياً : لنكاوي اربع أيام لأنها جميلة وراح تطلع لها رحلة طيران بس انتبه لا تروح عليك الرحلة نفسي :32: وتورطت اطلع بالسفينة .. ومن أهم ماتزور ( رحلة المانغروف ) تبي يوم كامل ممتازة لأبعد الحدود .. ثالثاً : كوالالمبور مشكلة ماليزيا أغلب المدن بعيدة عن بعض ومتعب التنقل بينها والمدة عشرة أيام |
السواقين لا تأخذ من الفنادق غالين ؛ انزل من الفندق للشارع واخذ تاكسي يطلع بنصف التكلفة لنكاوي فيها سواق يتكلم عربي وممتاز إذا حصلت رقمه ازودك فيه |
اقتباس:
المدة قليلة الافضل تقلل التنقلات عشان تستمع بالرحلة خليها يومين سلانجور اربع لانكاوي اربع كوالالمبور او يومين سلانجور اربع بينانغ اربع كوالالمبور |
وعليكم السلام ورحمة الله وبركاته 10 ليالي افضل من 8 ليالي مثل ما تفضل به الاخوان لكن لو افترضنا ان الظروف اجبرتك على 8 ليالي ... فهناك اكثر من توزيع ... على سبيل المثال: # ( كوالالمبور 3 ليالي ثم لنكاوي 4 ليالي ثم سلانجور وتحديدا بفندق المطار ليله ) = 8 ليالي او # ( كوالالمبور او سيلانجور ليلتين ثم لنكاوي 3 ليالي ثم كوالالمبور 3 ليالي ) = 8 ليالي ملاحظات: - انا اميل الى التوزيع الاول. - ممكن تختار ( بينانج ) بديلة عن ( لنكاوي ) # اما بخصوص تكاليف المكتب السياحي : فلا علم لي عن الامور الماليه .. فقد يكون المكتب رخيص وقد يكون غالي ... لكن انا لا اعتمد على المكاتب طالما استطيع الحجز بنفسي عن طريق النت من المواقع العالميه المشهور مثل بوكنق و اقودا وغيرهما . موفق |
ما قصروا الربع و بيض الله وجيهم اقترح عليك بزيادة مدة رحلتك الى ماليزيا من 12 الى 14 يوم للاستمتاع باجمل مناطق و معالم ماليزيا السياحية و لا تنسى بان المثلث الذهبى لمعالم المناطق السياحية ماليزيا هى : كوالالمبور / بينانغ / لنكاوى اما بالنسبة لمكاتب السياحية من الافضل تاخذ لك طلة عليهم ربما تلاقى عندهم عروض افضل من النت و خصوصا مع دخول اجازة الصيف و لكن عليك اختيار المكاتب السياحية المجربة و الثقة بالتوفيق |
| الساعة الآن 02:42 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO