|
هيلب السلام عليكم ورحمة الله وبركاته كل عام وانتم بخير وعاد عيدكم انا حاجز شهر عسل نوفمبر رحلتي اطلع من مطار جدة: باليل والعودة نوفمبر اوصل جدة الساعة الليل طبعا كله بتوقيت السعودية كيف التنقل للاماكن السياحية تنصحون بسواق ولا تاكسي ناوي ليلتين صن واي لاقون مرتفعات كاميرون ليلتين بيننغ 3 ليالي لنكاوي 3 ليالي كوالا 4 ليالي كيف التنقل بهالاماكن وايش افضل الاماكن اللي تنصحون فيها نزورها طبعا معالم وتاريخيه احس وقتها غلط لانه شهر عسل وش رايكم بالجدول هذا واذا شفتوه تمام تنصحون احجز لحالي من بوكنق ولا اشوف مكتب علما باني محدد الفنادق تقريبا وكل شي بس انه شايل هم التنقل للاماكن السياحية ... حتي التذاكر الداخلية اقدرد احجزها ف نصيحتكم ياشباب ويارب القي رد جلست نص ساعة اكتب ههههههه أرسلت بواسطة iPhone بإستخدام Tapatalk |
|
مبروك يا عريس جدولك حلو و لو انه كثير التنقلات بس موو مشكله عندك لنكاوي و بينانج و الكاميرون اتفق مع سائق بالساعه افضل و السعر من ٢٠ الى ٣٠ رنجت في الساعه. بالنسبه للحجز لا تعتمد على بوكينج فقط شوف المواقع الاخرى مثل اجودا و هوتيلز و لا يمنع تقارن الاسعار يلي تلقاها مع مكتب او اثنين يكون افضل و اختر الارخص. اهم الاماكن في لنكاوي: رحلة المنغروف و القريه الشرقيه و الدبابات الرباعيه و حديقه الفواكة و ملاعب القولف و رحلة الجزر الثلاث و الفورميلا و الانشطه البحريه على شاطئ سينانج. بينانج: حديقه الفواكة و الهضبه و مولات و شاطئ باتو فرينجي و حديقة الفراشات و رحلة جزيره القرود. الكاميرون: مزارع الشاي و الشلالات و مزرعه الفراوله. كوالا: البرجين و الاكواريوم و المناره و شارع العرب و المولات منها بافليون و تايمز سكوير و سورايا، حديقه الطيور و تجربه الباص السياحي. |
اقتباس:
الله يبارك فيك افكر الغي كاميرون بعيدة وحسبتي طلعت خطا يوم واحد يسير بكاميرو وش رايك أرسلت بواسطة iPhone بإستخدام Tapatalk |
الافضل الغائها و الاكتفاء بجينتنج و القريه الفرنسيه. |
اقتباس:
طيب توزيعك كيف أرسلت بواسطة iPhone بإستخدام Tapatalk |
مبروك ياعريس ... مشرفنا الجميل ماقصّر ... فقط أتفق معه بإلغاء الكاميرون .. ونقل ليلتها إلى لنكاوي .. وخط السير أشوفه ممتاز .. طبعاً نسخة من برنامجي في إحدى رحلاتي .. طبعاً بدون الكاميرون .. بالتوفيق يالغالي .. |
اقتباس:
الله يبارك فيك ماقصر الصراحة بس لو توضحون لي الاماكن السياحية الحلوة اللي تنصحون اروح لها ولو توضحون التنقل بالمناطق كيف يعني في كوالا ابي اتمشي شلون وكذا ويعطيكم العافية جميعا مافهمت كيف انقل ليلتها ل لنكاوي وشكرا أرسلت بواسطة iPhone بإستخدام Tapatalk |
هيلب شوف ياخوي اني هسة بماليزيا وباقي الى يوم سبتمبر صن واي لاقون مارحتها للاسف اما مرتفعات الكامرون رحتها رحلة يوم واحد من كوالا صراحة انصحك بيها خاصة لشهر العسل وهناك الاجواء مطر وضباب وغيوم مع برد ... الاجواء خيالية هناك اعتقد ليلتين كلش كافية .. التنقل كلش سهل بالنسبة للجولات الداخلية راح تحصل التكسي على برنامج uber اني هسة جاي استعملة وكلش وخيص ويوديك وين ماتريد تروح .. اما التنقل الخارجي فهو عن طريق air asia تروحلهم المكتب عن طريق التكسي وهناك تحجز تذكره الى المكان والزمان الي انت تريده .. والجولات السياحية ايضا راح تحصل مكاتب الجولات في الفندق لما تحجز عن طريق البوكنق شوف المرافق الي بالفندق وراح تعرف هل يوجد مكتب جولات ام لا .. اذا لايوجد تكدر تحجز جولات من خلال ترب ادفايزر وتكون طلبا اغلى شوي من المكاتب لكن تخليه اخر الحلول برنامج ترب ادفايزر .. انا بالنسبة الي حجزت عليه رحلة الكامرون و حجزت تذكرة لصعود برج التوام وحجزت ايضا رحلة هايكنج .. بعدين انت لما تنزل في المطار راح تحصل مكاتب سياحية كثيرة وتكدر تحجز رحلات شهر عسل برايي لا مكتب ولا هم يحزنون توكل على الله واحجز كل شي بنفسك لكن سؤالي : ليش ماتحجز بكج كامل مخصص لشهر العسل من احد شركات السياحة او شركات الطيران اما لنكاوي فطائرتي غدا باذن الله و بعدها الى بيننغ اسال الله العضيم رب العرش العضيم ان يبارك لك في زواجك ويجعله فاتحة خير لك وان يجعل زوجك عونا لك على الطاعة وطلب العلم وان يرزقكما الذرية الصالحة .. أرسلت بواسطة iPhone بإستخدام Tapatalk |
اقتباس:
يعطيك العافية ماقصرت ربي يسعدك ويوفقك الاغلب يمدحلي صن واي لاقون ف صراحة ماعاد ادري وش الوضع وشكلي بشوف الحجز بنفسي الصراحة ولو بشوف بكج متزوجين كلمت مكتب وقالي تكلفك 19 الف غير الحجز الدولي اسعار مبالغ فيها أرسلت بواسطة iPhone بإستخدام Tapatalk |
اقتباس:
خلاص مادام يمدحونها روح لها وانبسط وعندك ترب ادفايزر و uber شوف الاماكن السياحة واطلب تكسي واتنوس وادعيلي والمكاتب السياحية بكل مكان من المطار للفنادق وبكل مكان تحصل مكاتب يارب تتونس بسفرتك أرسلت بواسطة iPhone بإستخدام Tapatalk |
اقتباس:
الله يعطيكم العافية وش هذا ترب ادفايزر برنامج مثل اوبر ولا شنو بالضبط أرسلت بواسطة iPhone بإستخدام Tapatalk |
اي اي مثل اوبر بس مختص بالسياحة يعلمك الاماكن السياحية الموجودة بالمكان الي انت رايح له وجميع النشاطات الموجودة وحتى تكدر تحجز منه جولات سياحية وكل شي برنامج راح يخدمك كثير أرسلت بواسطة iPhone بإستخدام Tapatalk |
اقتباس:
يعطيك العافية راح اشوفه وراح اتواصل مع كذا مكتب لانه اول مرة اروح ماليزيا دايم سفراتي تركيا وماعمري استخدمت مكتب بس هالمرة شهر عسل يعني الوضع غير أرسلت بواسطة iPhone بإستخدام Tapatalk |
اقتباس:
هلا اخوي الغالي اولا الف مبروك الزواج والله يتمم لك على خير ومنك المال ومنها العيال ثانيا زين مااخترت ماليزيا جميله وممتعه للجميع وجهة نظري اتفق مع باقي الاعضاء لتوزيع الايام يومين سلانجور اربع بينانغ اربع لنكاوي اربع كوالالمبور استبعدت كاميرون لسببين اولا الطريق لها متعب ثانيا لتقليل التنقلات اما اذا انت حابب تزور الكاميرون او حابب تروح منطقة باردة فالجدول يكون زي ماانت مرتبه تمام التنقلات من سلانجور الى كاميرون باصات يونتيتي او تاكسي من سلانجور الى بينانغ باصات ايرويلاين ممتازة جدا جدا او طيران كلهم نفس الوقت من بينانغ الى لنكاوي طيران من لنكاوي لكوالالمبور طيران الطيران ثلاث انواع الماليزية ماتشيل هم الوزن اير اسيا لابد من شراء وزن ماليندوا لابد من شراء وزن دام انت رايح شهر عسل يومين سلانجور اليوم الاول الوصول والراحة ثم الغداء ثم الذهاب لحديقة شاه علم او الاي سيتي والعشاء والعودة للفندق اليوم الثاني ملاهي صنواي لاقون ثم الغداء ثم مول البراميد فيه سينما وفيه تزلج وممكن تسوق والعشاء اليوم الثالث الافطار ثم التوجه الى بينانغ اختار رحلة الساعة 8 صباحا لو اخترت باص عشان توصل الظهر بينانغ الوصول للفندق والراحة ثم الانشطة البحرية ثم السوق الليلي والعشاء اليوم الرابع الافطار ثم جولة الباص السياحي ثم العصر النزول الى الهضبة ثم المغرب الذهاب لمحلات الكوفي ثم الجورني بلازا والعشاء هناك اليوم الخامس الافطار ثم البيت المقلوب ثم برج كومتار ثم رحلة الصيد والشوي ثم العودة للفندق للراحة ثم الخروج للعشاء اليوم السادس الافطار ثم الذهاب للكوبنسي مول للغداء والعاب الليزر ثم العودة للفندق للراحة والانشطة البحرية اليوم السابع الافطار ثم التوجه الى لانكاوي الوصول للفندق ثم الخروج للغداء وبعدها التوجه لحديقة الفواكه ثم ميدان النسر ثم العشاء والعودة للفندق اليوم الثامن الافطار ثم رحلة المانغروف ثم العودة للراحة ثم الخروج للغداء ثم للفورملا ون ثم العشاء والعودة للفندق اليوم التاسع الافطار ثم القرية الشرقية والتلفريك والشلال والخيول والانشطة هناك ثم العودة للفندق اليوم العاشر الافطار ثم جولة الدبابات ثم الغداء والعودة للفندق والبقاء فيه اليوم الحادي عشر الافطار ثم التوجه الى كوالالمبور الوصول للفندق ثم الخروج للغداء ثم ركوب الباص السياحي ثم التوقف عند المنارة ثم اكمال جولة الباص ثم الوقوف عند النافورة وعرض النافورة الراقصه بعدها العشاء اليوم الثاني عشر الافطار ثم اكمال جولة الباص السياحي والتوجة لخديقة الطيور والحدايق حوليها ثم ركوب الباص والوقوف عند البافليون والغداء ثم التوجه الى بوتراجايا لزيارة المسحد وبعدها اخذ جوله عصرية ببحيرة بوتراجايا ثم الذهاب لاي مول للتسوق والعشاء اليوم الثالث عشر الافطار ثم التوجه الى جنتنج والقرية الفرنسيه واليابنيه ومزارع الفرواله وبعدها العودة للفندق وومكن الراحة او الخروج للعشاء اليوم الرابع عشر التايمز سكوير ملاهي وتسوق والعودة مبكرا لتجهيز الشنط اليوم الخامس عشر المطار والعودة للوطن ملاحظات الباص السياحي في بينانغ له خطئين خط الشاطي خط المدينة طالع الخطين وشوف اللي يناسبك واي مكان يعجبك ممكن تنزله وترجع تركب الباص الثاني تمام بس انتبه كل خط له لون على الباص فركز http://www.myhoponhopoff.com/pg/index.php?pageid=3 التنقلات الداخليه بكل المدن اعتمد على تطبيق جراب او اوبر رخيصة وماتكلفك الباص السياحي في كوالالمبور له 22 محطة توقف ركز على الاماكن اللي بتوقف فيها تمام http://www.myhoponhopoff.com/kl/tourmap.php وجهة نظري انت عريس وماله داعي ترهق نفسك بالمشاوير انت شوف ايش يناسبك رحلة المانغروف احجزها من مطار لانكاوي عندك كذا مكتب مر عليهم كلهم واتفق معاهم على اربع ساعات بالكثير وانهم ياخذوك ويرجعوك للفندق ويكون قارب خاص رحلة الصيد والشوي في بينانغ احجزها من اصحاب التكاسي في واحد انا حطيت رقمه في موضوعي او احجزها من فندق البارك رويال الاخت قصة حب مجربتهم وممتازين رحلة جنتنغ الافضل الاتفاق مع تاكسي يوم كامل يوديك ويرجعك لمدة 8-10 ساعات بمبلغ بين 250-350 رنجت بينهم لما تركب مع اي صاحب اوبر بعضهم بيعرضوا عليك يوصلوك اماكن معينه لاتوافق خصوصا انك مرتب جدولك حجز الباص للتنقل من مدينة لمدينة احجز قبل الرحلة باسبوع افضل والرحلات الداخليه قبل السفر باسبوعين افضل وممكن من الحين اذا اعتمدت ترتيب الايام اذا في اي مكان حابب تضيفة ممكن تضيفة شوف اللي يناسبك ورتب الحدول على اساسه مهمتنا نساعدك بترتيب الاماكن القريبه مع بعض هذا اللي عندي اذا اخطات اعذرني ورحلة سعيدة يارب وهذا موضوعي فيه ارقام سواقين في بينانغ وكوالالمبور https://www.arabtrvl.com/vb/t26188.html |
ماشاء الله عليك مشرفنا ( أبو حسن ) لا يشبهك أحد بالتميز والعطاء .. بوركتْ جهودك .. حبيبنا وعريسنا عاصم .. نصيحة مهمة .. بوابة ماليزيا في المنتدى تعتبر من أنشط وأميز البوابات ... ممتلئة بالتقارير والمعلومات .. أعطِ من نفسك بعض الوقت لقراءتها وأخذ تصوّر كامل عن البلد بحكم أنها أول زيارة .. والأهم يكون معك قلم ودفتر ( نوته ) لتسجيل مايعجبك ويوافق رغباتك .. أنت وحدك تضع مايناسبك في جدولك اليومي .. ولامانع من الاستشارة والاستئناس بآراء الأحبة .. على فكرة حبيبنا ( أبو حسن ) لديه تقرير فااااااخر عن البلد .. هذه الطريقة ياعاصم .. هي من تجعل رحلتك ناجحة بعد توفيق رب العالمين .. والجميع يالغالي معك خطوة بخطوة .. |
اقتباس:
صحيح كلامك يالغالي ونصائحك من ذهب ماانا الا تلميذ امام اساتذته الشكر موصول لجميع الاعضاء بالمنتدى |
| الساعة الآن 02:17 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO