|
ترتيب جدول شهر عسل 🌹 سلام عليكم ان شاء الله كلكم بخير المهم اتمنى منكم ومن الاشخاص اصحاب الخبرة في ماليزيا والمناطق السياحية والفنادق انهم يعملون لي جدول محترم لشخص اول مرة يسافر لماليزيا شهر عسل . يكون خليط بين افضل الفنادق والمطاعم والمناطق السياحية اللي تستحق الزيارة موعد السفر بعد رمضان المدة 15 يوم وانا ودي احجز هالفترة حتى تطلع عليه ارخص وحتى اخلص منها وانشغل في امور اخرى الميزانية 20 الف شاملة التذاكر والفنادق هل هي كافيه ...؟! ويعطيكم العافية جميعاً |
عليكم السلام اهلاً ياعريس اول شي الف مبرووووووووك الزواج الله يوفقكم ويتمم لكم بخير الفنادق والجدول السياحي والمطاعم لا تشيل همه سهل ترتيبه والجميع هنا ما راح يقصر معك الله يعطيهم العافية جميعاً بس حتى تحصل على اجابات وافيه وجدول جهاز ومضبوط 100% فيه حاجات لازم نعرفها منك في الاول هل حجزت تذاكر السفر ام لا ؟ اذا لم تحجز التذاكر من اي مدينة انت حتى نبحث لك عن رحلة مناسبة بسعر جيد اذا حجزت التذاكر عطني تواريخ السفر (الوصول والمغادرة) اذا وفرت هذه المعلومات اي شخص يسوي لك جدول بسهوله تامه وتبقى عليك انك تتفق مع معد الجدول على تقسيم المدن بعد راح تأخذ اسعار مقاربة للواقع وتعرف ان الميزانية تكفي ام لا وانت جالس في بيتك اما من واقع تجارب نعم الميزانية تكفي وزيادة للاشخاص العاديين اما اذا كان شخص عريس ويبغى يدلع المدام شوي لازم نعرف التواريخ بعدها نحسب لك التكلفة بالضبط اتمنى لكم التوفيق |
وعليكم السلام ورحمه الله وبركاتو الف مبروك مقدما اخونا الردادي ماقصر كفا ووفى ومثل ماقال لازم تحدد وقت السفر بدقه مع ساعة الوصول وانصحك اذا ماشريت تذاكر انتظر لان بشهر فبرلير تجي عروض جدا ممتازه عل الاماراتيه والاتحاد والعمانيه انت اشترك بالنشره الاخباريه بموقع الخطوط السابقه واول ماتطيك العروض احجز المناسب اما بالنسبه للفنادق بعد حجز التذاكر نقترح عليك افضل الخيارات تم الإرسال من SM-G935F باستخدام Tapatalk |
اقتباس:
وانا من جدة ونسبياً راح يكون موعد السفر يوم 1439/10/15 الموافق 29 يونيو والله يعطيك العافية |
اقتباس:
وقت السفر وضحته في الرد السابق ووقت الوصول ما اقدر احدد من الان .. |
اعتذر منك نسيت الموضوع الان متوفر في الخطوط السعودية الذهاب 2018/6/29 والعودة يوم 2018/7/14 سعرها 4952 ريال للشخصين جدة كوالا مباشرة بدون توقف ميزه الرحلة ان مباشرة وعيبها انها غالية شوي ولو تنتظر على الاقل الى بداية الشهر القادم لعله تنزل عروض ارخص |
اهلا راح ارشح لك الفنادق لكل منطقه وحسب طلبك 5نجوم اولا ليلتين في سيلانجور خيارات الفنادق منتجع صنواي لاجون او الفلل الخاصه في واسمها ذافيلاز وهذا الخيار اذا حاب تدلع نفسك اكثر الفله مع مسبح خاص لكن سعرها غالي ثانيا اربع ليالي لانكاوي خيارات الفنادق فندق ذا ويستن ...فندق ذادانا ...فندق اندمان ....فندق كاسا ديل ....تانجونغ راهو خيارات فنادق خمس نجوم لكن اسعارها غاليه وفخامه ريتز كارلتون .....فندق الفورسيزون ...فندق سانت ريجنس ممكن تقسم المده وتاخذ ليله واحده في فله بمسبح في فندق ذاويستن ...او لافيلا ..... ثالثا اربع ايام بينانج منتجع وسبا شانغريا راسا سيانج منتجع غولدن ساندس باي شانجريا منتجع بارك رويال ممكن تاخذ يوم في فندق غرفه بمسبح خاص وهو السعر الرخيص بفندق لكسيسز سزيت بينانج رابعا خمس ايام الباقيه فندق جراند الحياه فندق ترايديز فندق ماندارين اورينتال لو ميريديان جيه دبليو ماريوت فندق ذاويستن رويال شولان كوالالمبور فندق امبيانا ذا سانت ريجنسي فندق اي اند او نظام شقق وكثير مثير من الخيارات في كوالالمبور منها الغالي ومنها الاقتصادي والممتاز لكن المرشح في الاعلى هو المشهور وبالتوفيق تم الإرسال من SM-G935F باستخدام Tapatalk |
اقتباس:
السلام عليكم ورحمة الله وبركاته يعطيك الف عافية من افضل المقترحات واشهرها ، ما قصرت خالص التحية |
حلو |
انا مثلك شهر عسل لكن نصيحة فرفر تقارير الاعضاء وراح تعمل جدولك بنفسك |
| الساعة الآن 12:29 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO