|
وش سبب التحذير من المشي ليلا في شارع العرب وحوله ؟ السلام عليكم ورحمة الله وبركاتة احبتي قريت كثير بالمنتدى وبأكثر من موقع عن التحذير ان تمشي بالليل في ازقة شارع العرب او الشارع نفسه وش السبب يعني ؟ هل فيه سرقات ونشل ؟ طيب وين الشرطو والأمن بماليزيا ؟ |
اقتباس:
عليكم السلام دائماً وفي اي دولة مهما كان الامن فيها جيد لا تمشي في ازقه او شوارع صغيرة في الليل ولا تتحدث مع اي شخص يعرض لك خدماته و التحذير من شارع العرب في كوالا اولاً الشارع سياحي و مكتض وتجد فيه مختلف الجنسيات لذلك فهو هدف اول للسرقات وتروج الاشياء الممنوعه لذلك الواحد يكون حريص على نفسه ومن معه مع العلم اني مشيت في الشارع في اوقات مختلفه والحمد لله ما تعرضت لاي شي بس الحرص واجب |
وعليكم السلام السبب كثرة السرقات خاصة ان بعضهم يتابع السياح ويترصد لهم من اجل ذلك وايضا البعض يتبعك ليعرض عليك اشياء ممنوعة لذا التاكسي افضل من المشي ليلا وليلا تعني من بعد الساعة العاشرة مساء |
اهلا بك شارع العرب في كوالا نفس شارع الاستقلال في اسطنبول شارع حيوي ولكن يحتاج منك الحذر وعدم الاندفاع مع أي أحد تجربتي فيه ليست سيئة فبعض الزوايا مسلية وجميلة مثل الرسامين وبعض الشخصيات الكرتونية تتصور معاهم ولكن بعض الزوايا تكاد تكون بؤر منحطة أخلاقياً وأتذكر مقهى مقابل مطعم الطربوش منتشر فيه الشواذ والرقص والصخب فيفضل عدم المرور بجانبه ولا أعلم إذا لا زال موجود أو لا عموماً يمكنك المرور فيه ولكن كن حذر ولا تستجيب لبعض الطلبات أو النقاشات وبشكل عام شارع العرب يعتبر حيوي لأنه مكتظ بالمولات والمطاعم وتستطيع الانتقال منه بجسر مشاة إلى منطقة البرجين والنافورة الراقصة بالتوفيق |
ماليزيا من أكثر البلدان الي زرتها احس فيها بالأمان وننزل أخر الليل وفي شارع العرب تحديداً والحمدالله ماصدفنا اي شي يقلقنا ومع هذا لازم الواحد يكون حذر ومايمشي الى بالشوارع العمومية الكبيرة ويبتعد من اي احد يعرض عليه اي خدمات مو في ماليزيا بس في كل بلد يزوره ... |
ماليزيا انا كمان اشوفها امانه جدا وكنا بنقعد في شارع العرب الين الساعه 1 تقريبا والوضع عادي بس الواحد طبيعي يكون حريص وحذر مع الغريبين ومايكون لحاله ورحلة موفقه |
الحرص واجب في اي دولة بالنسبة لشارع العرب تجولت فيه ليل نهار وأنتهي من السينما في بعض الأوقات الساعة 2 ليلا والأمور تمام التمام |
السلام عليكم البلد جدا امان بس بعد الساعة 10 تقفل جميع المحلات التجارية ويفضى الشارع تقريبا ماعدا المطاعم و المقاهي 24 ساعة ويكثرون الى يبيعون المخدرات وكذلك المساج والدعارة مجرد الموافقه معه ياخذك في شقق وهناك يتم النصب عليك بسرقتك اذا حاب تطلع بعد الساعة 10 ممكن بس لاتاخذ جوازك معك صورة منه فقط ومبلغ قليل وبدون جوالك اذا حاب تدخل في الشوارع المتفرعة في شارع العرب اما اذا كنت على نفس الشارع ماحولك احد خذ كل شي معك امان حتى الساعة 3 فجرا |
اقتباس:
مافهمت هل ممكن يسرقون الجوال وهو بمخباي ؟ |
اقتباس:
ماليزيا دوله جدا امانه حتى لدرجه افكر في سفره نسائيه لها من كثر ماهي امانه بس نحن بنتكلم بشكل عام ان الحرص واجب للامانه ما صدفني اي موقف سرقه بس بشكل عام ما كنت اخذ مبالغ ماليه معايا كبيره جواز السفر ماكنت اشيله اكتفي بصوره منه يعني مجرد احتياطات وكثير اقاربنا الشباب بيدروس في ماليزيا وعاجبتهم الدراسة هناك بس مو في كوالالمبور بيدروس بيدروس في سيبرجايا |
| الساعة الآن 12:48 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO