|
احتاج مساعدتكم ضروري عريس ومسافر لاول مررره ماليزيا السلام عليكم. كل عام وانتم بخير. وشهر مبارك علينا وعليكم انا زواجي ان شاء الله رابع العيد يعني تقريبا بعد 20 يوم من الان ودي اسافر ماليزيا اتمشى فيها لشهر العسل. وابي اقضي فيها عشر ايام فقط بس مو عارف وين اروح وين اسكن وش الاماكن اللى تنصحوني اروحها. بما اني جديد للسفر ولاول مره. ارجو مساعدتي منكم ولكم حزيل الشكر وللعلم لم احجز الى الان وذلك لظروف العمل. والان بدات باستخراج جوازي وخلال يومين سوف يكون معي. واريد ان احجز ولكن لا اعرف الطريقه. ارجو مساعدتي انتظر. ردكم. |
رد: احتاج مساعدتكم ضروري عريس ومسافر لاول مررره ماليزيا عليكم السلام ما شاء الله تبارك الله اول شي مبروووووووك الزواج الله يوفقك ويتمم لك بخير . . اول خطوة حجز التذاكر هذا اهم شي الباقي بسيط ان شاء الله لا تشيل همه الشي الاخر ماليزيا بلد بعيد 10 أيام قليله عليه الا في حالة كان يوم الوصول ويوم المغادرة خارج الحساب . . لو تخلي تقسم الأيام وجدول الأماكن السياحية بعد حجز التذاكر يكون افضل حتى تعرف تحسب التكاليف بشكل افضل لكن مبدياً راح تكون بهذا الشكل يوم سلانجور . . ثلاث أيام لنكاوي . . ثلاث أيام بينانج . . ثلاث أيام كوالالمبور . . أي سؤال في خدمتك |
رد: احتاج مساعدتكم ضروري عريس ومسافر لاول مررره ماليزيا وعليكم السلام ورحمة الله وبركااااااااااتة وانت بصحة وسلامة مبرووووووووووك ياعريس مقدماً والله يتمملكم على خير ان شاء الله الجدول يكون كالاتي يومين سيلانجور فندق الصن واي لاجون ريزروت 5 نجوم او البيراميد 4 نجوووووووووم لنكاوي 4 ايام , الفنادق الفخمة ذا دانا , تانجون رهو , فور سيزون , داتاي , اندامان , ويستن فنادق مستواها جيد جداً بلانجي بيتش , ريباك ايسلاند , اديا فندق اقصادي نظيف وجديد ماله 6 شهور تقريباً ولكن بدون شاطئ فنادق مستواها جيد , فور بوينت شيراتون , لنكاوي لاجون , شيراتون للاسف بعد ماكان مستواه ممتاز اصبح جيد , هوليدي فيلا كوالا 4 ايام فنادق ع البرحين , جراند حياة ’ تريدرز ’ مندرين اورينتال , امبيانا , شقق اسكوت فنادق في شارع العرب ويستن , ماريوت , قراند ملينيوم , تايم سكوير ----------------------------------------------------------------------------------------------------------------------------- وهذا جدول الفعاليات من اخوي الغالي العزيز هاي مزمز الله يعطيه الصحه والعافية سلانجور: الفعاليات : الالعاب المائية صن واي لاجون ..... مجمع الماينز ورحلة الكروز – أي سيتي وهي عبارة مدينة الاضواء ومتحف الشمع للمشاهير وبيت الرعب وعالم الثلج وعالم الفضاء ) – حديقة الحيوان زو نيجارا - مسجد صلاح الدين(المسجد الازرق) براميد مول – كيد زانيا ويقع في كيرف مول حيث يمكن للصغار تجربة عالم الكبار طب رجل اطفاء طبخ طيار وغيره - بوتروجايا(كروز في البحيرة – جسر بوتراجايا وفي المساء يكون شكله جميل بالالوان – القصر الرئاسي - مسجد بوترا – حديقة نباتات بوتراجايا – منتزه بوتراجايا (بوتراجايا لاند مارك) – شلالات تمبلر بارك لنكاوي : رحلة المانغروف – رحلة الغروب :عشاء رومانسي على اليخت - رحلة الجزر الثلاث – القرية الشرقية والتلفريك والبطة البرمائية وسكاي دوم- ركوب الفيل – اسطبل الخيول – شلال الابار السبعة – شلال تيمرون –– شلال دوريان - دبابات الدفع الرباعي في مزارع الارز – حديقة لاجيندا – ميدان النسر - حديقة التماسيح – حديقة الحيوانات – عالم تحت الماء – حديقة الفواكه - رحلة جزيرة بولا بايار وفيها سباحة على الشاطي مع صغار القرش وايضا يوجد غوص - رحلة صيد سمك والغوص - الالعاب البحرية في شاطي سينانغ او تينغاه او تانجونج رهو – حلبة سباق الفورمولا ون - ركوب الهليلوكوبتر – قرية ايرهانجت: عين ساخنة – منزل الكريستال – جبل جونونق رايا – متحف السلطان - متحف مزارع الارز – مسجد الهنا المجمعات : لنكاوي فير – جيتي بوينت دوتي فري كوالالمبور: (حديقة الفراشات – الطيور – الزهور – بردانا – القبة الفلكية :بلانيتاريوم – وكلها جنب بعض وفي منطقة واحدة ) - الاكواريوم عالم تحت الماء - البرجين التوأم والحديقة التابعة لها والمجمع التجاري سوريا – النافورة الراقصة - برج المنارة –– باص الهوب اون هوب السياحي – ملاهي التايمز سكوير – جنتينج مغلقة للصيانة لكن يمكن تعدي على مزارع الفراولة في طريق جنتينج - وبوكيت تينجي (القرية الفرنسية واليابانية : منطقة طبيعة وباردة وتبعد ساعة ونص من كوالا)- افاموسا وفيها العاب مائية وسفاري الحيوانات وعروض الحيوانات وعروض الكابوي والهنود الحمر وتبعد ساعة ونص عن كوالالمبور – شارع العرب وفيه مجمع بافليون وبي بي بلازا وسونغاي ونج المجمعات : بافليون (غالي وماركات ) والرخيص وفيه شغلات طيبة وحلوة التايمز كوير وبي بي بلازا وسونغاي ونج ملاحظة : يمكن زيارة الفعاليات اللي في سلانجور من كوالا والعكس لان المسافة بين سلانجور وكوالا 25 دقيقة بالتاكسي |
رد: احتاج مساعدتكم ضروري عريس ومسافر لاول مررره ماليزيا ماشاء الله تبارك الله اخوي alradadi ماقصر وتوني اشوف ردك |
رد: احتاج مساعدتكم ضروري عريس ومسافر لاول مررره ماليزيا اقتباس:
|
رد: احتاج مساعدتكم ضروري عريس ومسافر لاول مررره ماليزيا الله يسعدك اخوي الردادي وانا معاك لو تزيد عدد الايام بيكون ممتاز وبتعجبك ماليزيا |
رد: احتاج مساعدتكم ضروري عريس ومسافر لاول مررره ماليزيا الحلوين ما قصروا جزاهم الله خير افضل تقسيم 2 سﻻنجور 4 لنكاوي 4 كواﻻ |
رد: احتاج مساعدتكم ضروري عريس ومسافر لاول مررره ماليزيا الله يعطيك العافيه اخوي الرادي على سرعه ردك عادي اقدر اخلي ١٠ ايام بدون الذهاب والعوده. بس وشلون طريقه الحجز وش الاحسن من المكاتب والا من المواقع وش احسن الفنادق اللى اروحها وتكون نظيفه ومريحه وسمعت انه لازم طيران داخلي ومدري ايش وانا انسان ما عندي خبره بالاشياء هذه وبعد ودي اسالك وش احسن خطوط احجز عليها وتكون مو غاليه مره ودي بعد اعرف كم تقريبا المبلغ اللى يكفيني لعشر ايام مع التذاكر والفنادق والتماشي والهدايا |
رد: احتاج مساعدتكم ضروري عريس ومسافر لاول مررره ماليزيا اخوي ابو عمر. يعطيك العافيه على مجهودك بس وشلون اروح هذه المناطق. يعني كلها قريبه من بعض واقدر ادور عليها كلها بعشر ايام |
رد: احتاج مساعدتكم ضروري عريس ومسافر لاول مررره ماليزيا Himzmz. اشكرك اخوي اشوف منكم اتفقتم على اكثر المتاطق. بس اختلفتم في المده الايام ودي اعرف الاكثر راحه ودي اعيش اجواء خياليه اكثر واجمل ودي تسوون لي جدول مرتب. فضلا ليس امرا من اول ما اسافر الين ارجع لين قصدي لما اسافر. وين اسافر على اي مدينه. وكذا يعني. فاهمين قصدي اكيد واشكركم على اهتمامكم بي. والله يجزاكم خير الجزاء ويجعله بميزان حسناتكم |
رد: احتاج مساعدتكم ضروري عريس ومسافر لاول مررره ماليزيا وعندي سوال اخر. هل تنصحوني بماليزيا. احسن من اندونسيا بالنسبه لواحد عريس مثلي واول مره اطلع هناك وسمعت ناس يقولون روح تركيا. والا يقول. روح مصر وخربط شوي واحسن انه ماليزيا اكثر الناس تروحها ودي تنصحوني |
رد: احتاج مساعدتكم ضروري عريس ومسافر لاول مررره ماليزيا اقتباس:
افضل شيء تحجز بنفسك عن طريق مواقع الحجز المعروفة , بوكينج اقودا , اسيا ترافل اذا ماتعرف روح مكتب سياحي وعطنا الاسعار واحنا نقارن لك الاسعار ويلزمك طيران داخلي من كوالا الى لنكاوي والعكس والسعر رخيص مو غالي حدود 200 ريال للشخص تكفيكم مصاريف تاكسي ومطاعم ومزارات في اليوم تقريبا 500 رينجت ممكن تزيد وممكن تنقص في بعض اﻻيام اما الفنادق حسب اختيارك للفنادق الجيدة تبدأ من 350 ريال وانت طالع , ويعتمد عليك كم حدك الاجمالي في الرحلة طبعاً ماليزيا افضل واجمل من مصر بكثير جداً اما اندونيسيا حلوة ورخيصه ولكن ماتقارن بماليزيا من ناحية التطور العمراني والبنية التحتية |
رد: احتاج مساعدتكم ضروري عريس ومسافر لاول مررره ماليزيا أكيد ماليزيا في طليعة هذي الخيارات ياخوي أندونيسيا سمعت إنها حلوة بس ماتشبه ماليزيا إلا في الطبيعة وماليزيا تتفوق عليها بالتطور العمراني والتحضر وأتوقع النظافة بعد بس مصر الله يسلمك صارت تخوف مثل ماصارت كل الدنيا تخوف :(58): والله ماليزيا بنظري هي البلد المتكامل المناسب للعوائل العربية المسلمة ديرة عائلية بلد إسلامي نسبة الأمان كبيرة الأسعار معقولة المزارات الترفيهية لا تعد ولا تحصى وفي تجدد مستمر الفنادق ماتخلص ويهتمون باناقتها وفخامتها وأروبا فنادقها الفايف ستار لاترقى للفايف ستار في ماليزيا والأكل الحلال متوفر بكثرة من مختلف المطابخ وبأسعار متفاوتة تناسب الجميع |
رد: احتاج مساعدتكم ضروري عريس ومسافر لاول مررره ماليزيا اقتباس:
يعطيك العافيه اخوي ابو عمر انا حجزت اخوي 8 العيد يعني يوم 24 يوليو والرجعه ان شاء الله 5 اغسطس يعني الاجمالي 13 يوم يومين حقت السفر ما تحسب يبقى لي 11 يوم. ابي منك يابو عمر تعطيني الاماكن اللى اقدر اروحها في هذه الايام بكل تفصيل. الله يخليك واحسن الفنادق وابي بعد المولات الزينه والرخيصه مو غاليه مره تعرف للتسوق والهدايا للاهل وهل اصرف معي عملات الماليزيا وانا رايح والا مالها داعي انتظر ردك والله يعطيك العافيه |
رد: احتاج مساعدتكم ضروري عريس ومسافر لاول مررره ماليزيا بعد اذنكم بعطيكم مشاركتي في هالموضوع.. 13يوم كامله. منها 11ليلة صافيه في ماليزيا.. الانسب تقسمها على اربع مدن. واذا تبي برنامج اقل تنقل واريح. بيكون 3 مدن. تقسيم الاربع مدن كالتالي: 2سلانقور براميد او صن واي او امباير او الاقتصادي فندق ريومز. 3لنكاوي وعندك فرينجباني او البلانجي او كاسادمار او الدانا وهو افخم. 3بينانغ عندك هوليدي ان او بارك رويال او هارد روك او فلامنقو الارخص. 3كوالا عندك امبيانا او بارك او تريدرز او رويال شولان او جراند حياه او التايم وهو الارخص. تقسيم 3 مدن. 3سلانقور 4لنكاوي 4كوالا.. اذا حددت وشفت الانسب نكمل بقية البرنامج |
رد: احتاج مساعدتكم ضروري عريس ومسافر لاول مررره ماليزيا اقتباس:
حددت 11 يوم 2 سلانجور 3 لنكاوي 4 بييانغ 2 كوالالمبور |
رد: احتاج مساعدتكم ضروري عريس ومسافر لاول مررره ماليزيا يومين لكوالا غير مناسب و4 لبينانغ كثير عليها الافضل لثلاث مناطق 2 سلانجور 4 لنكاوي 5 كوالا واذا مصمم على بينانغ مع اني افضل لك 3 مناطق 2 سلانجور 3 لنكاوي 3 بينانغ 3 كوالا |
رد: احتاج مساعدتكم ضروري عريس ومسافر لاول مررره ماليزيا اضم صوتي لصوت المميز هاي مزمز. في التقسيم |
| الساعة الآن 11:52 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO