|
مجبوس دجاج وتكة لحم - رأس الخيمة . السلام عليكم ورحمة الله وبركاته . قرروا الشباب الذهاب لرحلة إلى إمارة رأس الخيمة وبالتحديد مخرج 116 , على ان تكون الرحلة فيها مبيت , وتم اختيار إمارة رأس الخيمة لطبيعتها البكر ووفرة الاشجار , وكان عددنا 10 أشخاص . لحظة الوصول . . وللاسف عند وصولنا ظهر يوم الجمعة واختيارنا للمنطقة التي سنقوم بالمبيت فيها , وجدنا انها مليئة بالمهملات ومخلفات الطعام للاسف . . والشباب ماقصروا وشمروا عن سواعدهم واخذنا اكثر عن 45 دقيقة في تنظيف المكان , وتم جمع أكثر عن 4 أكياس مهملات وتشوفون ألاكياس في الصورة . . . وتم تجهيز الخيم . . . وتجهيز الكرك :e045: . . . . ووقت العشاء كان اخوي حسين مجهزلنا تكة من شغل ايديه والطعم من الاخرررررر . واللي يبا المقادير و الطريقه يسجل :e301: . 6 كيلو من لحم الظهر تقطع قطع صغيرة - ملح - فلفل أسود - كيلو روب / زبادي - عدد 2 كيوي - بصل ابيض تقطع قطع صغيرة - لبنه صغيرة . يتم ضرب المقادير كل المقادير في الخلاط وخلط الخليط مع اللحم . واهم شي تعملون هذه الطريقة :66::66: . بعد خلط الخلطة مع اللحم وضع اللحم في - كيس الوسادة / لبس المخدة / غطاء الوسادة :66:كي يتم استخراج الماء من الروب ويتم نقع اللحم بـ خلاصة الروب , ووضعه في الثلاجة لمدة يوم كامل او يومين . . . . وعملية التصييخ :e343: . . . . . . |
وثاني يوم مع الشيف بوعبدالله - راشد المهيري . تجهيز العدة وجدر الضغط . . . . . . . وبعد ماجهزت الحمسة وضعنا اللحم وقلبناه على الحمسه . . . ووضع الماء في جدر الضغط . . وبعد ما استوى اللحم نشيل المرق ونضعه في جدر ثاني لطبخ العيش . . . ونشل اللحم بعد ما استوى العيش نصف طبخه , نضيف اللحم فوق العيش وكتم الجدر . . . . وصورة من السناب . . |
ماشاء الله ياعامر مبدع دائما وشيف من الدرجة الاولى وراعي بر جمعكم الله على الود والمحبة الرحلات الشبابية ممتعه جدا الصور تخلي الواحد يسعبل ويطيح ع وجهه :13: ماشاء الله الطبخ يفتح النفس بالعافية عليكم ايش الحكمة بعد خلط اللحم بالروب لمدة يوم كامل او يومين ليش ساعه او ساعتين ماتكفي الف شكر ويعطيك العافية |
اقتباس:
. الحكمة ياطويل العمر ان الكيوي والروب كل ما تم مدة اطول في اللحم كل ما طرا (استوى طري) ويخلي اللحم يذوب في الفم . وكل ما اللحم تم مدة اطول في الخلطة كانت نكهة اللحم اطيب . وشاكر لك مرورك العطر فارسنا الغالي |
عليكم السلام ياسلام عليك يا عامر تصوير جميل وطرح رااائع وبعد طباخ ما شاء الله عليك تنظيف المكان من المهملات بادرة رائعة اعحتني كثيراً شكراً على التقرير الخفيف الظريف |
يعطيكم العافيه على تنظيف المكان لما يكون المكان نظيف راحة نفسيه ولازم الكل يحس براحة الاخرين مثل ما يبي الراحة له التكة خووش طريقه عليكم بالعافيه والمجبوس ولا اروع صحة وهنا على قلبكم اليمعة مع الربع احلى شي عساها دووم يمعة فرح وأنس |
تسلم يابو حمد ماشاء الله حسين مبدع بالتكا ولا احسن شيف والكبسة روعة وتفتح النفس عليكم بالعافية ومعلم الكرك ما ننساه واضح يعدل الراس مشكلة الناس اللي تخيم وماتنظف بعد ماتنتهي ظاهرة منتشرة كثير للاسف ونتمنى الوعي يزيد جميل جدا انكم نظفتوا المكان لكم ولغيركم الله يديم المحبة وتكثر الطلعات شدوا حيلكم ترى الايام هذي الاجواء رائعة ودنا نستمتع بتقارير اكثر |
اذا جيت تطلع البر علمنا نروح معكم :14: ماشاء الله عليكم المكان حلو .. مشجار ورمل .. والطبخات ياسلام شكلها في الراس . الله يونسكم بالعافية ومشكور على تغطية الرحلة . |
كالعادة تقارير الأخ عامر الزعابي خرااااااااااااافة من كل النواحي وتجوووووع بعد التصوير تبارك الرحمن عجيب تسلم ديات المصور والطباخ وعليكم بالعافية اللي اكلتوه يا زين المجبوس الأحمر زينااااااااااااااااااااه طعمه يهبل ربي يدوم عليكم الوناسة والمحبة :58::58: |
جميل جداً |
وعليكم السلام ورحمة الله وبركاته ما شاء الله تبارك الرحمن إيش نوع الرز لو سمحت حبته طويله ليش رجعتو اللحم للقدر مره ثانيه علشان يسخن ؟؟؟؟ ما قصرت |
اقتباس:
شاكر لك مرورك العطر , وفعلا تنظيف المكان أو ترك المكان نظيف يعتبر ثقافة لايجيدها الا قلة من الناس |
اقتباس:
احب موسم الشتاء لانها تجمع الاصدقاء |
اقتباس:
اقتباس:
كل اسبوع طلعه بإذن الله |
اقتباس:
يشرفني حضورك باي وقت اخوي فهد |
اقتباس:
|
اقتباس:
|
اخوي ابو حمد اسعد الله اوقاتك مشاء الله تبارك الله طلعه جميلة والكل روعه واكثر ما شدني المكان الزين مشاء الله تبارك الله مكان يوسع الصدر الله يسعدك انت والشباب اللي معك . دمت في حفظ الله ،،، |
جميل ماشاءالله |
عوافي مبين الاكل لذيذ جدا استغرب من الناس اللي ماتنظف المكان وراها لازم الحكومه تخالفهم عليكم بالعافية الاكل شي خيال |
مشاء الله يعطيكم العافية |
شكراا |
ما شاء الله عليكم بالعافيه للأسف تعبنا من النصايح و الحكومة و الاعلام تعبوا من التنبيهات لكن لا حياة لمن تنادي احنا كل أسبوع نسير البر و نشوف المناظر اللي تقطع القلب ياكلون و يشربون و يستأنسون و اخر شيء يوصخون البقعه و يمشون احنا اذا كوب طايح ما نقدر نخليه يا ريت تكون هناك رقابة دائمة و مخالفة اللي يرمون المخلفات وراهم تسلم على التقرير |
بالعافية |
وعليكم السلام ورحمة الله وبركاته ما شاء الله تقرير مميز ولذيذ وصور ألذ بارك الله فيك وبجهودك الطيبة أخي الكريم عامر الزعابي ربي لا يغير عليكم ويديم اللمة الطيبة والمحبة ويحفظكم ويسعدكم |
عامر يا عامر شنو هالتقرير الخطيييير كله طلعاتكم البر اتهبل ما شاءالله وعليكم بالعافيه واااااو التكا طريقتها خطيرة حفظتها عندي شي شي المجبووووووووووس الاحمر خطير وفعلا هذا وقته والتصوير خطيير كفو عليكم ويزاكم الله خير في تنظيف المكان ونتمنى من الكل يحافظ على هالاماكن الحلوه .. ابدعت يا عامر ابدعت نطالبك بتقارير مثل هالتقرير الحلووو الله يحفظكم ويجمعكم على خير |
بارك الله فيك اخوي عامر وجزاكم الله خير عـ تنظيف المكان... والله يهدي الي وسخوهـ هذي المشكلة للاسف منتشرة في كل مكان... حتى عندنا في السعودية انا مدري وش يحسون فيه هالعالم الي يتركون مكانهم زبالة الله يكرمكم لو تسألهم هل ترضون انكم تجون في مكان وسخ مليان مخلفات هذولي لو يجون مكان مليان مخلفات بيجلسون عادي وسط المقمة ماهم بمنظفينها حتى لانفسهم لانهم وسخين اصلا الله يهديهم على كل يعطيك العافية على هالتقرير المشهي |
جميل جداً |
ما شاء الله يعطيك العافية |
|
ماشاءالله رحلة ممتعة وتقرير أمتع |
ياسلااااام والله رحلة حلوة في هالبلد الجميل |
ماشاءالله |
واضح ان الشغل خرافي جوعتنا يا شيخ:16::24::24::24::24: |
عليكم بالعافية بصراحة شي يهبل وعمل اكثر من رائع |
جزيت خيرا |
المكان جمبل ولقد احسست بالجوع:14: |
جميل |
عوافي |
تقرير رائع كل الشكر على جهدك |
| الساعة الآن 04:33 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO