|
اول مره بسافر !! احتاج خبراتكم السلام عليكم ورحمة الله وبركاته الله يعافيكم انا اول مره بسافر برا المملكه 😭 فرحه كبيره لا توصف اللهم لك الحمد و حابه تفيدوني بخبراتكم وتجاربكم ما اعرف اي شي ابداً حتى بطاقة احوال ماعندي😁💔 اتمنى السفر لدول أوروبا منذو الطفوله 😢 و ماعندي ابداً فكره عنها اتمنى الاقي عندكم اجابه لهالأسئله : 1/افضل دول اوروبا للسياحه مع الاطفال انا اتمنى (باريس و سويسرا و النمسا ) و ماني عارفه لو في دول ثانيه حلوه 2/هدفي من الرحله سياحه و ترفيه ابي مناظر طبيعيه و بحيرات و انهار :yolks00360: و كذا ما ابي تسوق 3/عدد الأشخاص 5 :: 2 بالغين و 3 اطفال عمر 6 سنوات و سنتين و نص و سنه و نص 4/كم راح تكلف الرحله 14 يوم مثلاً شامل التداكر و الاقامه و المواصلات و المصاريف اليوميه 5/و افضل شهر للسفر لهاذي الدول بحيث يكون الجو مش بارد يعني ربيعي😍 مانبي ثلج 😣 6/ افضل وسيلة نقل بهالدول يعني نستأجر سياره او نستخدم وسائل النقل العام؟ 7/ ايش الأوراق المطلوبه لنا غير الجوازات؟ يعني فيزا و كذا :(39): 8/افضل برامج او خرائط او اجهزه نحتاجها معنا؟ |
رد: اول مره بسافر !! احتاج خبراتكم اقتباس:
|
رد: اول مره بسافر !! احتاج خبراتكم وعليكم السلام ورحمة الله وبركاته .. حياك أختنا/ Rooz .. يلزمك أختي استخراج بطاقة أحوال ثم بعد ذلك الجواز .. ومن ثم يتم أستخراج جوزات للأبناء أو ضمهم معك في الجواز .. أقترح عليكِ التفكير في تركيا كسفرة أولى لكم فهي بلد جميل وغني عن التعريف .. وستجدين ما يسرك من الأنهار والبحيرات وغيرها .. بخصوص المصاريف من تذاكر وغيرها .. فهي تعتمد على البلد الذي تنوون الذهاب إليه .. أفضل أجواء أوربا من نهاية شهر مايو (5) إلى شهر سبتمبر (9) الأجواء ربيعية .. بما أنها السفرة الأولى أنصحكم بأستئجار سيارة مع سائق .. الأوراق المطلوبة: الجواز .. فيزا أو الشنغن الأوربي وممكن تستفيدي أكثر من بوابة التأشيرات للوجهه المعتمدة .. من ناحية الخرائط أفضلها القارمن .. وممكن ما تحتاجون إليها في حال وجود سائق معكم متمكن .. في حال تحديد أي وجهه أختنا/ Rooz .. أدخلي البوابة المختصة والأخوة جميعاً في الخدمة .. موفقين ،، |
رد: اول مره بسافر !! احتاج خبراتكم الله يعافيكم ماقصرتو و جزاكم الله خير وجميله الدول اللي ذكرتوها بس لأن احتمال تكون السفره الأولى و الأخيره بعيد الشر بالنسبه لي الأهم باريس (حلم الطفوله ) اخذت جوله ع اقسام المنتدى و استفدت معلومات كثير واحترت بين سالزبررغ و زيلامسي و كابرون و زيوريخ و انترلاكن و كمان احترت من فين ابدا الرحله !! افضل باريس تكون ٦ ايام و تكون اول محطه او الأخيره بعد كذا ما ادري�� و مافهمت الفرق بين الفيزا و الشنغن�� اذا متشابهه سويسرا و النمسا ايهم افضل و ايش ممكن اضيف دوله ثانيه مميزه بدل اللي راح الغيها ؟ او اكتفي بدولتين و تكون الرحله بين مدنهم ؟ |
رد: اول مره بسافر !! احتاج خبراتكم حياك الله اختي روز اول شي وقبل كل شي .. كم الميزانية المعتمدة للرحلة تقريبا .. على ميزانيتكم راح نضبط لك جدول يعجبك ان شاء الله |
رد: اول مره بسافر !! احتاج خبراتكم الله يكتب لك السفره متي تاريخ السفره مهم جدا صعبه بالشتاء بتشوفين الانهار ومن تغني في انهار اوربا بالصيف |
رد: اول مره بسافر !! احتاج خبراتكم . |
رد: اول مره بسافر !! احتاج خبراتكم اشكركم اخواني ع تفاعلكم اخوي علي اتوقع الميزانيه راح تكون بحدود ٤٠ او ٥٠ الف !! اخوي فيصل لسه ماحجزنا بتكون ان شاء الله السنه الجايه و راح اختار بين شهر مايو و سبتمبر مثل كلام الأخ الفاضل ابو سلوى لان نبي اجواء ربيعيه او دافئه شوي اختي funny girl شكرا. ع النصيحه استشرت صاحباتي و اشارو علي بفرنسا و سويسرا و ايطاليا بس محتاره من فين تبدا الرحله و قالو لي سياره افضل للتنقل بينهم يعني رحلات الذهاب و الإياب من نفس الدوله عشان السياره !! هل المسافات بينهم طويله يعني نحتاج اكثر من ١٥ يوم عشان نتمشى فيهم براحتنا ماتكون كل الرحله تعب و ارهاق�� |
رد: اول مره بسافر !! احتاج خبراتكم . |
رد: اول مره بسافر !! احتاج خبراتكم ميزانية ممتازة جدا اقترح عليك : جدول الرحلة يكون .. الوصول الى باريس (فرنسا) .. والبقاء فيها 4 ليالي صباح اليوم الخامس الذهاب الى انسي (الريف الفرنسي) - يبعد عن باريس حدود 550 كيلو (5 ساعات بالسيارة ، طريق سريع) والبقاء فيها ليلتين ومن ثم التوجة الى انترلاكن (سويسرا) والبقاء فيها 4 ليالي - تبعد عن انسي بحدود 260 كيلو (ساعتين الى ساعتين ونصف بالسيارة) ومن ثم التوجة الى بادن بادن (المانيا) والبقاء فيها 3 ليالي - تبعد عن انترلاكن بحدود 314 كيلو (3 ساعات ونصف بالسيارة) وبعدها التوجه الى فرانكفورت (المانيا) والبقاء فيها ليلة وصباح اليوم الثاني التوجه الى المطار يصبح جدولك الوصول باريس - 4 ليالي انسي - ليلتين انترلاكن - 4 ليالي بادن بادن - 3 ليالي فرانكفورت - ليلة واحدة الاقلاع - فرانكفورت ايطاليا ما انصحك فيها ،، الجدول الي سويته لك اشوفه مناسب من وجهة نظري وبالنسبه للتنقلات - الافضل تستأجرون سيارة وتاخذون معاكم جهاز الخرائط قارمن - بالنسبه للسيارة ممكن تاخذونها من باريس وتسلمونها في مطار فرانكفورت ، راح ياخذون ضريبة التسليم في بلد آخر (مبلغ بسيط) ولاتشيلين هم ساعات الطريق ،، طرقهم ممتعة ومناظرها روعة وماتنمل وتقدورا بنص المسافة ترتاحوا شوي وتتقهوا على بحيرة او في حديقة وتكملوا واذا يحتاج اي تعديل الخبراء موجدين وماراح يقصرون معاك |
| الساعة الآن 12:50 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO