|
فين نسافر السلام عليكم ورحمه الله لو سمحتم اخواني احنا عائله نفكر نسافر بالشتاء ان شالله بس نبغي دوله زي تركيا يعني تجمع بين الطبيعه والمحلات والشوارع الحيويه وكل شي احنا مستبعدين تركيا فياليت تشورون علينا ولكم الاجر مدرة السفره10 ايام ان شالله شهر واحد والا اثنين ميلادي عز الشتاء |
رد: فين نسافر وعليكم السلام ورحمة الله وبركااته .. حياك أختي/ وردة جده .. س. تبغون ثلوج ولا أجواء دافئة .. س. معكم أطفال تحت 4 سنوات .. طبعاً تركيا مستبعدة من القائمة .. كم الميزانية المقدرة .. وعدد الأشخاص .. موفقين ،، |
رد: فين نسافر وعليكم السلام ورحمة الله وبركاته أوروبا وتركيا راح تكون جداً باردة وكثير من الأماكن السياحية مقفل أنصحكم بــ جنوب أفريقيا أو آسيا =============================== ينقل الموضوع لقسم الاستفسارات |
رد: فين نسافر هلا اخواني نبغي مكان فيه برد زي برد تركيا تجمع ثلوج وشوارع حيويه ومحلات وكذا لاننا رحناها الشتاء اللي فات وبردها محتمل الصراحه احنا فكرنا في لندن وباريس بس خفنا لاني قريت في النت مافيها امان والحين نفكر باسبانيا وايطاليا ايش رايكم احنا 5 كبار وطفل 12 سنه ياليت تقولون رايكم وكم الميزانيه اللي تكفينا عشرة ايام اكل وطلعات وفندق ومشاوير من غير التذاكر |
رد: فين نسافر اقتباس:
إذا مو هدفكم الأنشطة الثلجية مثل التزلج وغيرها وتبغوا طبيعة أنا مع مشرفنا أما شرق آسيا وتحديدا تايلاند أو ماليزيا أو سنغافورة ولا جنوب أفريقيا وهي تجمع كل اللي ذكرتيه وبشهر 1 و2 بيكون موسم الصيف عندهم لكن بتستمتعوا لأنها بلد متكامل سياحياً ولا يمل |
رد: فين نسافر بالتوفيق وانا اقترح عليك انتلاكن وضواحيها ولا انصح بشرق اسيا واتمنى لك التوفيق |
رد: فين نسافر أهلاً بك مرة أخرى أختنا/ وردة مكة .. البلد إللي على بالك (البوسنة) ثلوج وطبيعة وأنهار وشلالات وآمان .. جنوب أفريقيا راح تكون صيف .. موفقين ،، |
رد: فين نسافر براد وروعه حسب ما قرأت جنوب افريقيا |
رد: فين نسافر اذا تبغي برد بااااريس واسبانيا خيار موفق جدا الميزانية حسب طبيعة صرفكم اكثر شي يحمها نوعية الفنادق واماكنها ورحلة ممتعة يارب أرسلت بواسطة iPhone بإستخدام Tapatalk |
رد: فين نسافر مشكورين الله يسعدكم ماقصرتو انتو مافهمتو علي احنا نبغي برراد وثلج وشوارع وحركه وكوفيهات ونفسنا الصراحه بلندن وباريس او اسبانيا وباريس بس ابغي رايكم بامانه هل لندن وفرنسا مافيها امان صحيح والا كذب لاننا حصل لنا موقف مرعب بتركيا وحسبي الله ونعم الوكيل وصرنا نخاف واهم شي عندنا الامان اذا مافيها امان بلاشي ارجو المصداقيه وكم تكلف الرحله اذا صرفنا معتدل فنادق واكل وخروج |
رد: فين نسافر أمان يا أختي بس نصيحه أي تجمع عرب أبتعدي عنه |
رد: فين نسافر ليش لندن مو امان من قال لج لا روحي وانبسطي وبتدعين لنا مافيها اي خطر احنا رحنا لها العام واستمتعنا مافي زحمة والبرد محتمل روحي لندن وباريس روعه |
رد: فين نسافر مشكورين اخواني الله يوفقكم اخ فيصل ممكن تقلي ايش الاماكن اللى فيها تجمع العرب علشان ننتبهه الله يهديهم بس ليش كدا |
رد: فين نسافر والله يا أختي أنا شارع العرب ما أحبه لكن فيه ناس تروح له علشان مطاعم عربيه مقاهي ........... |
رد: فين نسافر لندن وكل بريطانيا جدا امان وشعب محترم وودود مره ... وكثير منهم يحب يسولف اذا حصل فرصة ... بالنسبة لنا الحمد لله نتمشى اوقات كثيرة على رجلينا او وسائل المواصلات العامة بلندن او غيرها وامان ( لاتحتكون بالناس اللي عند البارات بمعنى لو احد كلمكم سوو نفسكم ماسمعتوا وكملوا طريقكم والامور تمام ) ... وانا نفس فيصل منيب من اللي يحبون شارع العرب وفيه اماكن ثانيه احسن منه والوقت اللي بخليه فيه اخليه بمكان اجمل واوسع صدر احس اوروبا من اكثر الاماكن امن في العالم بشرط عدم الذهاب حول الاماكن اللي ميب زينه ( بارات مثلا ) ... |
رد: فين نسافر مشكورين اخواني ريحتوني كنت قلقانه |
| الساعة الآن 04:40 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO