|
افضل دولة لتجهيز العروس ؟ السلام عليكم مثل ما تشوفون العنوان , ماهي افضل دولة لتجهيز العروس ؟ اقصد الشنط , الاكسسوارات , الملابس اكيد بتكون جودتها افضل واسعارها ارخص من دول الخليج :56: ما عرفت وين احط موضوعي فباختصار شديد افضل عاصمة لهالغرض ؟ ومتى افضل شهر للسفر لها للتخفيضات ؟ العرس شهر 10 |
وعليكم السلام ... لو حطيتيه بالبوابة السياحية ؟ البوابة السياحية - شبكة و منتديات العرب المسافرون شهر 10 هجري او ميلادي ؟ |
ينقل الى البوابة السياحية لمزيد من المشاركات |
ربنا يتمم لك بخير ويجعلها زيجة مباركة عليكم . أنصحك بلندن في فترة التخفيضات . موديلات وماركات اوروبية بجودة عالية و أسعار رخيصة فترة التخفيضات الصيفية في لندن تبدأ عادة من نصف يونيو لنهاية يوليو أما التخفيضات الشتوية فهي من 26-12 لغاية اخر شهر واحد ميلادي . أول يوم يسمونه Boxing Day لانه في اغلب المحلات تبدء التخفيضات 90% اول ساعه يفتحون فيها بعدين 80% ثاني ساعه ... عشان كده الزحمة موت و البوكس شغال . اكثر المحلات تلقاها في ريجنت ستريت واكسفورد استريت . وعندك مركز (بلوو وتر ) ماركات باسعار متوسطة هارولدز . ماركات عالميه فخمة . المتجر بالعادة اسعاره غاليه لكن في فترة التخفيضات ممكن تعمل صفقات ممتازة . شنط شانيل وديور أم 2000$ ممكن تحصلها أول يوم ب-200 $ Central Market Hall هذا بمثابة السوق الشعبي اسعاره رخيصه. ينفع للإكسسوارات والصناعات اليدوية و المفروشات ولبس كاجوال بريمارك في اكسفورد فيه كل شئ و اسعاره رخيصة . لا تطوفك بيستر فيليج هذا اوت لات (محلات ماركات وكلهم عليهم خصومات ) طول العام وفي موسم التخفيضات تنزل الأسعار أكثر . يبعد عن لندن ساعه تقريبا تقدر تاخذ الباص من فندق هيلتون الي باجواررود او كمبرلاند الي جنب اكسفورد رحله يوم كامل من الصبح لغاية اخر العصاري ويعطونك بالباص بطاقه خصم على جميع المحلات 10% يعني الزبده تذكرة الباص تطلع عليك ب بلاش. لو تدوري على بلد قريب وتكلفة سفر أقل. لا تفوتك دبي كمان في فترة التخفيضات . أسعار الماركات العالميه عليها تنزيل يوصل 80 % شنط جزم اكسسوارات ساعات يكفي دبي مول و مول الامارات يقولوا كمان ماليزيا وتايلند وأندونسيا رخيصة . بس للأمانة ما زرتها |
لندن والا دبي او تركيا الف الف مبروك مقدمااا |
اقتباس:
صح أم حسين فكرتيني بتركيا الله يفكرك بالشهادة . بس هي كمان اسعارها حلوة في فترة التخفيضات فقط. لكن في الأيام العادية صارت مثل أوروبا . أقصد السلع الجيدة طبعاً . |
ما شاء الله أم هيثم موسوعه وما تقصر بمعلوماتها أبدا الف مبروك مقدما وربنا يتمم بخير |
الف مبروك مقدماً تركيا ممتازة للتسوق ورخيصة |
انا مع أم هيثم لندن الافضل بكل تأكيد خاصة في موسم التخفيضات و فيه عطور و اكسسوارات حصرية لهاردوز و السيلفردج و جون لويس الاهم ان الاسعار فيها ثابته و واضحة للمشتري |
| الساعة الآن 04:23 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO