|
حسب رايكم وخبرتكم سفرتنا الايطاليه السويسريه مساكم خير حابه اخذ رايكم ناويين نسافر انا وزوجي ١٨ يوم تقريبا ايطاليا وسويسرا ببداية سبتمبر الدخول لازم يكون من ايطاليا عشان الفيزا يعني الذهاب روما والعودة جنيف بس محتارين وين نروح فيهم شرايكم هل نروح روما وفيرونا وفينيسيا والشمال الايطالي وانترلاكن او روما وفينيسيا وميلان وانترلاكن وجنيف والريف الفرنسي اقترحو علي مخطط للمدن وتقسيم الايام حسب خبرتكم من تستاهل نكون فيها اكثر اول زياره لنا للدولتين بليييز كلكم ردو واكون لكم شاكره |
مساء النور حياك الله يعتمد على اللي تحبونه اكثر ايطاليا تميل للتاريخ اكثر بينما سويسرا لجانب الطبيعة اكثر كما ان الجو في سويسرا وفرنسا افضل اشوف هذا المخطط حلو بشرط استئجار سيارة روما 2 يوم فينيسيا 2 يوم ميلانو 3 يوم لوجانو سويسرا 2 يوم انترلاكن سويسرا 5 يوم جنيف 4 يوم من ميلانو الى لوجانو تزوروا بحيرة كومو من انترلاكن تزوروا لوزيرن الجميلة و قمة تتلس الثلجية ممكن الاقامة في جنيف او الريف الفرنسي بمدينة انسي |
خطط بوغسان حلوة ممكن من جنيف تزورون انسي و شامونيه Sent from my iPhone using Tapatalk |
المخطط لايطاليا نفس ماذكرتو روما وفينيسيا وميلان بس هل فينيسيا تستاهل يومين يعني احس بس الجندول المميز فيها مافيها شي ثاني سويسرا شرايكم بمخطط ٧ ايام انترلاكن وبعدها شامونيه ليلتين ومنها نزور انسي وبعدها جنيف ٣ ليالي نسكن في لوزان ليلتين ومنها نزور مونترو واخر ليلة في جنيف وبعدها عالمطار شرايكم واذا عندكم اي اقتراح مانستغني عن خبرتكم |
اقتباس:
صعب تسكنون ليلة وتطلعون راح يكون متعب عليكم باي مدينة مو بس فينيسيا اشوف 7 ايام كثيرة على انترلاكن الا اذا عندكم مخطط لزيارة اكثر من مدينة مثل لوزيرن و زيورخ خلال اقامتكم فيها واشوف لو تسكنون الثلاث ايام الاخيرة بجنيف اسهل لكم ومنها تزورون مونترو و لوزان برحلات يومية كلها حول 30 كلم اما التنقل من فندق لفندق راح يكون مرهق |
اقتباس:
الزيورخ بعيده لازم نسكن فيها اذا بنروحها صحيح التنقل من فندق لاخر صعبه بس المشكله اذا زرناهم ماراح نرجع الا بالليل وماندري كيف الطرق بالليل تكون |
اقتباس:
الطريق عادي جدا بالليل والافضل تقضوا النهار في مونترو وبداية المساء تروحوا الى لوزان فيها مطعم رائع على البحيرة و فندق موفنبيك اللي فيه الايسكريم المشهور |
اقتباس:
تقترح ان نسكن في جنيف ونروح زيارات لمونترو ولوزان ؟؟؟ شرايك بانترلاكن ٧ ايام ؟ وايش احلى انسي او شامونيه للسكن يومين والف شكر على تفاعلك وردودك |
اقتباس:
نعم اقترح كذا وهذا الفندق حلو https://www.booking.com/hotel/ch/sui...s=1&#hotelTmpl اشوف انسي احلى واكثر جركة اما انترلاكن تعتمد على مزاجكم ان كنتوا من النوع اللي يحب الهدوء والطبيعة راح تعجبكم وتمنون لو زادت الايام اما الناس اللي تحب الحركة والتسوق والاكشن راح تطفشلو طالت المدة |
| الساعة الآن 01:01 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO