|
قضاء شهر العسل في أوروبا السلام عليكم ورحمة الله وبركاته أسعد الله أوقاتكم بكل خير .. أخواني وأخواتي الذين لديهم خيرة في دول أوربا .. أن شاء الله قررنا قضاء شهر العسل في شهر 6 /2018 في أوروبا وكان التخطيط المبدئي على النحو التالي ( باريس (5)أيام ، سويسرا (2) يومان، النمسا (2)يومان ، إيطاليا (5) أيام ) وأنا أول مره في حياتي أزورها وليس لدي خبرة في الدول ولا الآماكن . أرجو ممن لديه الخبرة مساعدتي من ناحية الآماكن الحلوة في هذي المدن وتقريبا كم التكلفة من طياران وفنادق وتقريبا مع الأكل والشرب والتسوق . وفيه تخطيط ثاني بما أني في شهر العسل أقتصرها في دولتين ( إيطاليا وباريس ) أو (ايطاليا والنمسا ) . أو إذا تقترحون علي تخطيط لدة 15 يوم في أوروبا مع الآماكن والفنادق أكون لكم من الشاكرين .:e204: |
وعليكم السلام ورحمة الله وبركاته الف مبروك والله يتمم لك على خير باريس 5 ليالي بالقطار الى زيورخ واستئجار سيارة والانطلاق الى انترلاكن 5 ليالي جنيف والريف الفرنسي 3 ليالي والعودة من جنيف ممكن زيادة 3 ايام تروح فيها ميلان للتسوق وتصير العودة من ميلان مخطط ثاني باريس 5 ليالي طيران الى فينيسيا ليلتين بالقطار الى ميلان 3 ليالي للتسوق وآخر يوم بالقطار الى لوغانو واستئجار سيارة والتوجه الى انترلاكن 5 ليالي جنيف والريف الفرنسي 3 ليالي والعودة من جنيف |
اقتباس:
الله يعطيك العافيه وما قصرت ، ومن ناحية التكلفة تقريبا كم تكلف ؟ وبرأيك خطتي كويسة ؟ |
شوف الاسعار تختلف على حسب الفترة اللي بتحجز فيها مثلا اذا حجزت الان ممكن يختلف السعر عليك في حدود 9000 ريال تكون اقل من خطوط طيران وفنادق والخ والف مبرووك مقدماً والافضل تزيد مدة الاقامة في النمسا وسويسرا ايطاليا وفرنسا خصوصا ميلانو اهنيك على اختيارتك |
اولا الف مبروك ياعريس والله يتمم لكم على خير أن شاء الله مدة 15 يوم تقدر تستفيد منها بشكل كبير لزيارة 3 دول والافضل تشطب النمسا من الجدول بما انك عريس تكفى 3 دول وكمان ترتاح من الهجوله والمسافات البعيده انا اقترح عليك 4 ايام باريس واعتقد تكفي لزيارة أهم الاماكن والمناطق السياحية في المدينة بعدها اطلع قطار ع جنيف ليلتين ومنها زيارة انسي الفرنسية تاجر سيارة من جنيف وتذهب الى انترلاكن 3 ايام + يوم في زيورخ بعدها تاخذ طيران ع فينيسيا يومين تاجر سيارة من فنيسيا ثالث يوم وتذهب الى ميلانو اخر ايامك ومنها تزور كومو وكذلك لوغانو السويسرية والعودة تكون من ميلانو يصير جدولك كالاتي: 4 ايام باريس 2 يومين جنيف + انسي 3 ايام انترلاكن 1 يوم زيورخ 2 يومين فينيسيا 3 ايام ميلانو --------------- ثانيا المصاريف 1- حجز الطيران يكون خلال هالفتره فالعروض والاسعار قد تكون مناسبة جدا وكل تاخير راح تتدبل الاسعار 2- الافضل تحجز الفنادق من الحين فكل تاخير اعرف ان الاسعار فيها ترتفع وكذلك فرصة ايجاد السكن والموقع المناسب تكون قليله فشد حيلك ياعريس خاصة اذا صامل ع السفر اما المصاريف الشخصيه حد 1000 ريال يومي وممكن تزيد شويا وعليك الحساب طبعا تقدر تقتصد كثير فمثلا الوجبات مو لازم كل وجبة غدا وعشاء في مطاعم فخمه او مطاعم عربية وتطلب اصناف كثيرة تقدر تستغني عنها فاسعار المطاعم غالية جدا ومرهقة للميزانية في اوروبا والبديل مطاعم وجبات سريعه /بيتزا/ شاورما.. ولايمنع تعزم العروسه يوم او يومين بمطاعم فخمة :13:بس بدون تبذير:e437: عندك بعض الانشطه تذاكرها غالية ممكن توصل 500 ريال للشخص هذي اسحب عليها ويوجد بدائل كثيره لها كمان عندك التسوق مو لازم فانت رايح سياحة وتنبسط مو رايح تتسوق إلا اذا فلوسك زايده هذا شيء تاني ولايمنع من هدايا رمزيه وتذكارية عشان العروسه :25: 1000 ريال في اليوم ممكن لو اقتصدت وصرفت باعتدال يصير 600 الى 700 ويمكن اقل وانت وشطارتك ياعريس وأهم شيء لاتهايط قدام العروسه :32:ترا بتصرف الفين مو الف:59: واخيرا الاماكن السياحية في كل دوله بتزورها ممكن تاخذ لك فره في البوابات وتقرأ التقارير وصدقني راح تصير خبير وترد ع الاستفسارات وانت لسى ماسافرت:58::1: سجل الاماكن اللي تعجبك وكمان خلي العروسه تاخذ فره كمان ع البوابات عشان تكملو بعض ويصير خلفيتكم 100% عن الاماكن اللي بتروحو لها واي استفسار او معلومة تنقصك حنا والاخوان هنا في الخدمة نعين ونعاون وجميع الاعضاء ان شاء الله مايقصرون شوف الجدول اذا ناسبك تمام او حدد الدول اللي تبيها بالضبط والايام واكيد الاعضاء بيعطونك اقتراحاتهم نتمنى لك رحلة ممتعه وسعيدة بإذن الله |
اقتباس:
الصراحة زي ما قلت أنا أول مرة أروح لأوروبا وما أعرف شي عنها ، المخطط جميل بس أنا أبغى ايش أهم المناطق الجميلة وأللي تصلح للمتزوجين الجدد ، والصراحة أنا أبغى أهم شي شمال أيطاليا وباريس ذولي المهمين عندي وودي أطول فيهم واهي شي أبغى أروح لديزني :58: ايش رايكم بالمخطط هذا ( باريس (5) أيام ، سويسرا (3)، وبعدين أيطاليا (5-6)أيام ) >>إذا حلو ايش الأماكن الحلوة وتستحق زيارتها في هذي الدول ؟ شاكر ومقدر لكم :5: |
مازلت أنتظركم |
الحمد لله أعتمد ثلاث دول ( باريس وإيطاليا و سلوفينيا ) .. إذا ممكن تساعدوني بالأماكن وأيضا التنقل أكون من الشاكرين لكم .. |
مبروك مقدما |
انصحك تزور كل بوابه وتضع استفسارك بقسم الاستفسارات بما أنك حددت اذا باريس يومين الي اربعه انصحك بالباص الأخضر وزياره ديزني لاند |
| الساعة الآن 06:32 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO