|
ارجو مساعدتي باختيار الوجهة لمدة قصيره السلام عليكم ارجو مساعدتي في اختيار الوجهه الهدف من الرحله الاستجمام ما احتاج شوبنق ابي طبيعه واسترخاء سبق وزرت تركيا المده تقريبا 5ل6 ايام ابتداء من 12 ابريل هل المفروض احجز من الحين كل شي تذاكر وفنادق وهل تنصحوني اختار بكج من شركه سياحيه او ارتب رحلتي بنفسي الاماكن اللي ودي ازورها ومحتاره بينهم ولازم اختار وحده منهم لان المده قصيره مع العلم ان الميزانيه محدوده ( سيرلنكا / ميروشيوس / بالي / سانتوريني / جورجيا / البوسنه ) او في اقتراح افضل يناسب وقتي وميزانيتي ومدة السفر غير ماليزيا وشكرا لكم مقدما :e32b: |
عليكم السلام سيرلنكا / ميروشوس / بالي هذي المناطق مناسبة وراح تبدا ترتيب رحلتك مباشرة بس عيبها كلها بعيدة 5 ايام ولا حق المشوار ايضاً التكلفه راح تكن متوسطه في الغالب وليست اقتصادية جورجيا / هذا الوقت غير مناسب لزيارتها الافضل انك تزورها في اخر مايو او في شهر جون حتى ترى الطبيعة الرائعة على صورتها الحقيقية سانتوريني / البوسنه /كيرلا / هذي البلدان تحتاج فيزا لذلك اذا اخترت احدها يجب ان تبدا في اجراءات الفيزا من اليوم تحسب لاي تأخير انا اشوف ان سيرلانكا مناسبه لك في التوقيت وايضاً المسافة لكن تحتاج اضافة يوم على البرنامج يعني 7 ايام اما الخيار الاخر اذا ما يهمك بعد المسافة عندك بالي خيار رااائع جداً لكن اذا اجازتك اقل 9 ايام ما تنفع بالنسبة للحجوزات اول شي حدد جهة السفر وعلى ضوئها تبدا الحجوزات |
ارشح سانتوريني ممكن الجمع بينها وبين اثينا لقربها وجمالها وتعدد الفعاليات فيها اما التاشيرة فهي سهلة وتطلع خلال اسبوع توجد تقارير عنها في بوابة دول اوروبا الاخرى الافضل الحجز من الان مع التقديم على الفيزا مباشرة ولا تروح من هنا الا كل شي محجوز عن طريق النت لان وقتك محدود و لا مجال فيه للبحث ممكن تقضي يوم وصول و يوم مغادرة في اثينا والباقي في سانتوريني وهذا تقرير رائع عنها وفيه السكن https://www.arabtrvl.com/vb/t7554.html |
انا ارشح موريشيوس وخيار ثاني تايوان |
طيب لو اظفت باريس او اسبانيا للقائمه تنفع وحده منهم مدة ٦ ايام ؟ وكم تستغرق رحلة سانتوريني وميرشيوس وسيرلنكا من الدمام او البحرين استبعدت جورجيا وبالي هل البوسنه تستحق او تكون مملة ٦ ايام ؟؟ |
لاهنتم يالخبراء ساعدوني بالاجابه وشكرا لكم |
أخوي في مجال تضيف باكو ( اذربيجان ) للوجهات قريبه وماتحتاج فيزه وممكن السفر لها بميزانيه معقوله وكافي عليها 6 أيام |
اقتباس:
اذا ودك في اسبانيا و اذا انت من محبي كرة القدم ارشح لك برشلونة او مدريد جوها جميل في هالفترة و تقدر تزور الملعب و المناطق السياحية الاساسية في المدينة نفسها عموما رايي دام رحلتك قصيرة مهما كانت الوجهة لا تختار مكان فيه تنقلات كثيرة يعني لا تختار مكان ب تحتاج فيه قطار او باص او سيارة بعد المطار عشان توصل لوجهتك الاساسية و تكون مدينة الوصول هي وجهتك عشان تستغل الوقت صح و ما تربكك و تتعبك كثرة التنقلات موفق |
اذربيجان متولعين فيها هالايام |
باريس يومين يوم ديزني بروكسل وبروج يومين او كلها في باريس اذا حبيت |
| الساعة الآن 01:36 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO