|
استفتاء لسفرة الصيف السلام عليكم اول مره نتأخر في الحجز وهذا مسبب لي قلق كبير كل اسبوع احط بلد براسي وابحث عنها واحبها واتعلق فيها لكن يجي شي يخليني استبعدها -جنوب افريقيا -ايطاليا - ماليزيا(سبق زيارتها) السبب هذي المره في ترددنا بالبلد هو وجود فرد جديد في العائلة راح يكون عمر النتفة الصغيرة ان شاء الله ستة اشهر وقت السفر التاريخ المحدد للسفر من 4يوليو الى 25 ان شاءالله قابل للتغيير لكن المدة ثابتة الميزانية مو محددة لكن معقولة نوعاً ما افضل الرحلات الدايركت ولا مانع من استأجار سيارة اعضاء الرحلة زوجان وطفلان 13 و 11 وبيبي:18: نفضل المدن ولا مانع من زيارة خفيفة للارياف التسوق مهم لكن مو اساسي انتظر اقتراحاتكم :e326: |
اول شي الحمد لله عـ السلامة... ومبروك البنوتة وتتربى في عزكم *** ثاني شي عندي استفسار ممكن تذكرين عدد الايام |
الله يبارك فيك كاتبه الايام من ٤ الى ٢٥ بحدود العشرين يوم الى اثنين وعشرين يوم يعني ثلاث اسابيع سفر حلوة ومعقولة رغم اني افضل السفرات الطويلة بالصيف خاصة اني ماسافرت من الصيف الماضي لكن مع وجود بيبي مراااا صعبة |
وعليكم السلام الله يحفظ عائلتك صراحه لما تشوف تقارير مقدام و منيره عن إيطاليا أقولك توكلي علي الله مهما أغرانا أبوغسان بجنوب أفريقيا :17: |
السلام عليكم والله اني محتار بين سفري لتركيا او ماليزيا مع ان الوقت بداية شهر ابريل القادم فياليت تفيدوني لو تكرمتوا |
اقتباس:
يا سلام عين العقل :7: انا اقولج ايطاليا حب من اول مرة شبكي معاها النمسا و ممكن المانيا او سويسرا مثلا 3 ليالي ميونخ 5 زيلامسي 5 فيوجن او بيرتساو 6 برغامو |
ايطاليا حلوة لكنها حرررر بالصيف وانتو معاكم طفلة الا اذا رحتي الشمال الايطالي و ضميتي معاه مثلا النمسا و المانيا و سويسرا مع ان قبل3 سنوات رحنا ميلان و كومو بالصيف و الحر كان لا يطاق اغلب المحلات و الفنادق و المطاعم مو مكيفة هناك ماليزيا كنا هناك الصيف اللي راح تقريبا في نفس التوقيت و نفس الشي حرررر خصوصا بالحدايق شوفي جو جنوب افريفيا شلون و موفقين |
مديرنا وانت صادق تقاريرهم حمستي كثير رغم اني دايماً استبعد ايطاليا تسلم عالنصيحة |
ابو بيادر شهر ابريل وانت مغمض تركيا الله يسهل لكم |
منيرة حبيبتي انتي من الناس اللي الهموني بإيطاليا لا ماابغى اشبك معاها لاني العام الماضي زرت ميونخ والنمسا ابغاها طليانية بحته نفسي بميلان وروما وفينيس وكم منطقة ريفية لو يصير لوقانو ممكن مازرتها قبل وبنفس الوقت ابغاها خفيفة مافيها تعب |
ام ويمه جو جنوب افريقيا ممتاز بالصيف عندنا شتاء عندهم لكن اغلب الاماكن ماينفع فيها طفل بعمر نونوتي وهذا سبب حيرتي ولا القلب مع جنوب افريقيا |
الله يحفظ عايلتج طوق انا ارشح جنوب افريقيا .. إيطاليا حالاتها في ابريل و مايو |
اقتباس:
اذا بالشمال ترى الجو حلو بالعشرينات يعني 18-25 روما بتكون حارة و فينيسيا كذلك طيب شبكيها بسويسرا من ميلان الى شامونيه عبر نفق المونت بلان اذا تبينها ايطاليه بحته عيل استقري في بولزانو و ماحولها ثم برغامو عشان كومو و جاردا و لوجانو و لوكارنو ثم خذي طيارة الى نابولي و فيري على كابري :25: انا كان ودي ازورها بس الوقت محدود :26: |
اقتباس:
انا رحتها بنص سبتمبر الاجواء ولا اروع |
اي والله تقارير الاعضاء عن ايطاليا مغرية لكن حطي حرارة الجو في عين الاعتبار حتى ام حسين تقريرها عن اسكوتلندا حلوو ادنبره و غلاسكو .. تسوق و طبيعة و سياحة وتتميز عن ايطاليا بالجو |
ابرار جنوب افريقيا حتى زوجي يبغاها تحمس لها وكذا واحد من اصحابه راحوها لكن طيران طويل وفعاليات مايبغالها الا كبار مع ان الجو مايتفوت وقلبي متعلق فيها الله يسعد ابو غسان حطها براسي تدرين شكلي بستخير |
منيرة شامونية زرتها ٣ مرات الفكرة اني استقر بروما وميلان ومنها ازور المناطق المجاورة انا من عشاق المدن اكثر من الارياف للان ماتعمقت بإيطاليا لكن دخلت راسي بشوف جدولك والله يسهل تسلمين :e030: |
بو صلوح صادق الجو يحمس وام حسين ماشاءالله تقاريرها تجيب السعادة انا من باب التغيير قلت ايطاليا لان لنا اربع سنوات تقريبا نزور بريطانيا اسكتلند اتوقع الاجواء باردة بالصيف وهذي ميزة تسلم اخوي |
ايطاليا وماليزيا حر وايد بالصيف جنوب افريقيا جو معتدل بالصيف روحوا جنوب افريقيا افضل خصوصا ان السعودية تروح دايركت |
امون لا ماتروح دايركت على كيب تاون طيب والله اعلم بعزّم عليها طالما الاغلب قال جنوب افريقيا لكن بصبر يومين وبعدها بتوكل على الله |
جنوب افريقيا جربو سفرية مختلفة عن المعتاد والسفريات التقليدية مشكلتنا ماسكة معنا على نمط معين مانحاول نغير انت تقولين تحبين المدن اكثر حاولي تغيرين ذالمرة ارشح لك جنوب افريقيا... واستلمي ابوغسان لاتفكينه واثق انه بيرتب لكم جدول بيوتيفول *** من ناحية المدة تراك كاتبة من 4 جوليو الى 25 اوغست استغربت 51 يوم عشان كذا سئلتك كم يوم... ماطوفها ههههههه وبالتوفيق ان شاء الله |
جنوب افريقا جربو سفرية مختلفة عن المعتاد والسفريات التقليدية مشكلتنا ماسكة معنا على نمط معين مانحاول نغير انت تقولين تحبين المدن اكثر حاولي تغيرين ذالمرة ارشح لك جنوب افريقيا... واستلمي ابوغسان لاتفكينه واثق انه بيرتب لكم جدول بيوتيفول *** من ناحية المدة تراك كاتبة من 4 يوليو الى 25 اوغست استغربت 51 يوم عشان كذا سئلتك كم يوم... ماطوفها ههههههه وبالتوفيق ان شاء الله |
ايوا صح صححت الخطأ ابو غسان طفشته الله يجزاه خير مايقصر نشمي وجزاك الله خير على الترشيح |
طبعا جنوب افريقيا .. جنوب افريقيا .. جنوب افريقيا:18: ما في أي مجال للمقارنة مع ايطاليا وماليزيا ماليزيا هي البلد الوحيدة اللي زرتها من بلاد شرق آسيا، وكان هذا من حوالي عشر سنوات، وأعتبرها بلد عادية، ما حبيت الجو الحار والرطوبة،، لأني أكيد ما أبغي أطلع من الحر وأسير لبلاد حارة بعد. وايطاليا زرتها مرتين بس كان في شهر إبريل فالجو كان زين،، بس تعتبر مملة، وغالبية الدول الأوروبية نفس الشي (مقارنة مع جنوب افريقيا). من ناحية الجو : فجنوب افريقيا في الصيف عندنا يكون جوهم روعة لأنه شتاء. من ناحية الأماكن السياحية: ففيها أماكن كثيرة، ما يكفّيها شهر. من ناحية الطبيعة: فطبيعتها خضراء جميلة. من ناحية التسوق: ففيها المولات الراقية والبضاعة أرخص من عندنا ومن أوروبا، وفيها المحلات المحلية اللي تكون بعد بضاعتهم حلوة. من ناحية المصاريف: تعتبر وااايد رخيصة مقارنة بأي بلد ثانية على نفس مستوى الرقي. من ناحية الشعب: فأهلها ناس طيبين ومهذبين ويحبون المساعدة. وإن شاء الله بتزورونها وبتعرفين ليش قلت كل ها الكلام الكبار والصغار بيحصلون فيها كل اللي يبغونه أنا متأكدة إن عيالج واااايد بيستانسون بإذن الله لأنهم في أعمار عيالي لما سافرنا لها أول مرة في 2011 وهم السبب إن رجعنا لها في 2013 و 2016 طبعا السفر بشكل عام مع الأطفال الصغار متعب شوية، أنا بصراحة لما كانوا عيالي صغار كنت آخذ الخدامة وياي تساعدني، لأن الاجازة ما بتكون إجازة إذا بقضيها في خدمة 4 أطفال صغار، الله يبارك فيهم، كانت تكلفتها في السفر تعتبر بس في تذكرتها، لأنها كانت تتم في نفس الغرفة ويا عيالي. إن شاء الله بتتيسّر أموركم وبتقضون وقت ممتع وسعيد. |
ام نووووف شكراً لحماسك اللي حمسني عيالي الكبار متعودين على السفر معاي ومامنهم قلق القلق من النونو الصغيرة والعربية والتنقل فيها لكن انتي طمنتيني جزاك الله خير فعلاً ماليزيا زرتها زيك قبل ١٠ سنوات تقريباً او تسعة حبيناها لكن حر ورطوبة توكلنا على الله :e204:جنوب افريقيا:e204: |
رحلة سعيدة ان شاء الله ومبروك المولودة الجديدة الله يجعلها من مواليد السعادة |
أعتقد تأجلين إيطاليا السنة بحكم الأطفال والطفلة الصغيرة والجو وإذا ما أعتمدتي جنوب أفريقيا فأرشح الشمال الألماني تسكنين مدن وفي نفس الوقت تزورين قرى والتسوق متوفر والجو مناسب مثلا شوفي تقريري عن هانوفر و قرية وينتربيرق ، مناسبة جدا للأطفال ممكن أيضا تدمجين معها هامبورج أو كولون إن شاء الله قبل بداية الصيف راح أكتب عن إقليم جبال الهارز القريب من هانوفر ، وهو أيضا جميل ويستحق الزيارة |
اقتباس:
والله يبارك فيك:e304: |
اقتباس:
تسلم العام كنا بالمانيا وسويسرا والنمسا جزاك الله خير |
الله يحفظه لكم هاللي أخر سفرتكم:25: |
رحتوا لفين في الاخير ؟؟ جنوب افريقيا ولا ايطاليا ؟ |
ان شاءالله تكون سفره ممتعة |
اقتباس:
اهلي حبوا يشاركونا بالسفرة لكن قرر الوالد وكالعادة تكون بريطانيا رحنا مانشستر ليفربول البحيرات كارديف لندن |
اقتباس:
|
| الساعة الآن 01:34 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO