|
مساعدة في تخطيط شهر العسل (النمسا,سلوفينيا,ايطاليا) السلام عليكم ورحمة الله بعد بحث وتخطيط وحوسة وصلت لهالمخطط المبدأي, لكن احتاج مساعدتكم لأني ماقد سافرت برا الخليج رحلتي لشهر العسل ان شاء الله بتكون في 4 اغسطس وراح تكون مدتها 15 يوم ان شاء الله المخطط الحالي كالتالي: -ابدأ من النمسا (مابين كابرون وزيلامسي وممكن اذا عندكم اقتراحات لمناطق حولها) لمدة 5 ايام. -سلوفينيا (بليد واذا عندكم اقتراح لمناطق حولها) لمدة 4 ايام. -ايطاليا (برغامو و غرادا) لمدة 4 ايام. -ايطاليا (ميلان) يومين. الإستفسارات: 1- تشوفون الجدول مناسب؟ 2-انا من الدمام, ارخص الرحلات ممكن احصلها من وين؟ الدمام او البحرين؟ 3- احجز الروحة لأي مطار والرجعة من اي مطار؟ من حيث الرخص والقرب من المناطق اللي ببدا منها وبنتهي فيها. 4-المسافة بين المناطق اللي بروحها, هل هي بسيطة بالسيارة ولا في مناطق اروحها طيران احسن؟ هذا مجرد مخطط مبدأي ممكن يتغير اذا عندكم اقتراحات احلى اهم الاشياء عندي, اروح بليد (الفعاليات اللي فيها عجبتني انا وزوجتي), واروح ميلان او فينيسيا وتكون في نهاية الرحلة (عشان التسوق من الآوت لت). انتظر ردكم واقتراحاتكم |
الف مبروك ترتيبك حلو بس بليد يكفيها يومين الذهاب ميونخ او انسبروك و العودة ميلان كل الرحله بالسياره ابشر بشوف لك حجوزات طيران مناسبة اهم شي طلع فيزا |
شكرا لك على ردك طيب السفر من سلوفينيا إلى برغامو كم ساعة؟ وهل تنصحين اني اسكن في برغامو واتنقل بينها وبين المناطق اللي حولها ولا ؟ وبما ان بليد يكفيها يومين, في مناطق اخرى تنصحين اروحلها يومين او 3 بس يكون فيها فعاليات مو اماكن استرخاء ؟ |
https://uploads.tapatalk-cdn.com/201...fc30e981fd.jpghttps://uploads.tapatalk-cdn.com/201...22dce6b82f.jpg https://uploads.tapatalk-cdn.com/201...996ef0ac55.jpg السعودية ارخص 2250 المقارنة كانت بينها وبين اللوفتهانزا Sent from my iPhone using Tapatalk |
اقتباس:
ممكن تتوقف في اوتلت فينيسيا سبق و تكلمت عنه في مواضيعي اي برغامو افضل للسكن اذا بترجع لموضوع اين تذهب في الشمال الايطالي https://www.arabtrvl.com/vb/t32312.html https://www.arabtrvl.com/vb/t32018.html اليومين زيد يوم في برغامو وفي النمسا يوم |
شكراً لك ����☺️ |
سؤال اخير اختي منيرة الصور اللي حطيتيها حقت اسعار التذاكر، عن طريق اي موقع باحثة عنها؟ |
دايركت من الخطوط السعودية و خطوط لوفتهنزا |
اختي منيرة.. عندي استفسارين مهمين ايش افضل شركة لإستئجار السيارة؟ وهل استأجرها من ميونخ وارجعها فميلان؟ وبالنسبة لحجوزات الفنادق, حجزتها عن طريق بوكنق, وواحد من الشباب قالي عن موقف حصل معاه ان الفندق حجز المبلغ ويوم دخل الفندق سحبو المبلغ غير المبلغ المحجوز وقالوله البنك الحجز ينفتح بعد 14 يوم وتورط في سفرته ان اللمت حق الفيزا نقص, هل في طريقة لحل هذي المشكلة؟ |
اقتباس:
مع الشركات المعروفة وشرط عدم وضع عدد كليومترات محددة عندك sixt hertz avis budget europe car جرب من محركات البحث مثل اكسبيديا و رينتال كارلز راح يقارن لك ويعطيك افضل الاسعار اذا خذتها خط واحد احتمال يكلفك كثير كون مكان الاستلام مختلف عن التسليم انا اذا حسيت المبلغ معقول و مايتعدي سعر تذاكر القطار بكثير اخذها خط اذا حسيت السعر عالي جدا اخذ قطار و ااجر من جديد في طرق كثيره للدفع عمل حجز للمبلغ ووقت السكن يقطعونه حجز ليله و الباقي وقت السكن او بدون اي مبلغ او قطع المبلغ كامل لذا مهم قراءة تفاصيل الدفع و الافضل قابل للاسترداد من ناحيتي افضل كامل المبلغ عشان وقت السفر فيزتي ماعليها التزامات |
بحثت عن اجار السيارات في اغلب المواقع كلهم يقولون مافي سيارات متوفرة مع العلم ان موعد السفرة بعد 5 شهور تقريباً اتوقع في شي غلط انا بنزل على ميونخ إلى النمسا مباشرة 4 ايام في النمسا ثم الى سلوفينيا 5 ايام ثم ايطاليا 5 ايام والعودة من ميلان ايش افضل طريقة للتنقل بينهم؟ |
لقيت الاجار على سيارة مرسيدس E ب 7500 ريال لل15 يوم الاستلام من ميونخ والتسليم في ميلان زيادة في سعر الأجار حوالي 2000 ريال فقط عشان التسليم في ميلان ايش الطريقة الأفضل؟ هل أستأجر من ميونخ واسلمها في النمسا وبعدها استأجر من سلوفينيا وارجعها مرة ثانية واستأجر من ايطاليا؟ وايش اسماء محطات القطار اللي من النمسا لسلوفينيا ومن سلوفينيا لبرغامو ؟ وهل المحطات فيها مكاتب تأجير سيارات؟ انتظر مشورتكم .. وجزاكم الله الف خير |
راح ابحث لك و ارد عليك انتوا كم شخص و شكثر عفشكم تحتاج سيارة ستيشن واقون او جيب ؟ |
Mercedes Benz C Class or similar Automatic transmission Unlimited mileage Fuel info: Full to full Munich Milan $1,203 total تقريبا ٤٥٠٠ ريال من اكسبيديا شركة هرتز |
احنا شخصين، عفشنا فالروحة شنطتين فالرجعة الله اعلم �� هالسعر مناسب، وحجم السيارة اتوقع انه مناسب شكراً لك ���� |
السي كلاس حلوه و العفش لو ماكفي الصندوق عندك الكراسي الخلفية عادي فرق بين فئة سي و اي حرام يعني وفرها لشي ثاني |
ايوه السيارة تكفي كويسة لكن فالبحث اللي انا بحثته قبل ماطلعلي الC كلاس الا manual transmission عشان كذا اخترت الاي كلاس خلاص ان شاء الله بحجزها ^_^ عندك نصايح اخرى ممكن احتاجها وقت السفر؟ وبالنسبة للكريدت كارد, عندي وحدة ماستر كارد ووحدة مسبقة الدفع تنصحيني ادفع للفنادق وهالامور بالمسبقة الدفع او الكريدت كارد؟ وكم احتاج اخذ معي كاش ؟ او كل الفلوس اخليها فالفيزا ؟ وبالنسبة للفعاليات احجزها من هنا ولا من هناك افضل؟ وفي سؤال حطيته في قسم تأشيرات السفر, هل السفارة تطلب كشف حساب لزوجتي ايضاً ولا يكفي كشف الحساب لي؟ |
اقتباس:
وفي الحالتين اكتب لها خطاب تحمل مصاريف من والى بلادك |
انا حجزت لجميع الفنادق الغاء مجاني بس متخوف انهم يسوون بلوك للمبلغ قبل ما اروح واذا رحت يسحبون المبلغ والبلوك ماينرفع ويصير علي مبالغ لسى مارجعت للفيزا لأنها قد صارت لواحد من الشباب سووله بلوك وبعد ما انسحب المبلغ ما انرفع البلوك الا بعد 7 ايام وبالنسبة للزوجة ماتعمل, فبسوي لها خطاب تحمل مصاريف والفعاليات اقصد مثلاً حجوزات ملاهي, حدائق, تلفريك وهذي الامور, اذا في فعاليات مثل القفز المظلي وكذا هل في حجز لها من هنا او اذا رحت احجز من هناك؟ |
اقتباس:
انخصم من حسابك ؟ اذا اي تمام اذا لا شوف نظامهم الدفع قبل السكن بفتره او اثناء السكن اذا قبل بفتره صفر المبالغ اللي عليك و سافر اذا لا احسب حسابك ان حد يضبط مدفوعاتك للبنك اول باول مافي شي اسمه حجز او بلوك للمبلغ بعد الوصول هم راح يخصمونه البلوك يكون الى قبل الوصول او للسيارة غالبا لا ملاهي ولا تلفريك كل شي حجزه هناك حسب ظروفك ووقتك القفز المظلي يفضل قبل يوم او يومين تكون متفق معاهم وحسب الجو |
لا الفنادق للحين ما انخصم المبلغ مكتوب قبل موعد الحجز باسبوع يعني في فنادق بيخصمون المبلغ قبل ما اسافر وفي فنادق بيخصمون بعد الوصول بكم يوم شكراً لك على مساعدتك جزاك الله خير ماقصرتي ^_^ |
طيب ممتاز لا تحاتي ماراح يحجزون شي بس اذا اللمت قليل خل مبلغ مع حد من هلك يدفعه اول مايستحق عشان تتصفر الفيزا واجبنا بالتوفيق و رحلة سعيده |
لا الحمد لله اللمت حق الفيزا كويس و الله يوفق الجميع سؤال.. امس حجزت السيارة وانخصم مبلغ من الفيزا ولاحظت سعر الصرف 5.3 على فيزا الرياض هل يعتبر مرتفع؟ وهل في بنك سعر الصرف عندهم افصل بفرق كبير عشان اقدم على فيزا من عندهم ولا ابقى على بنك الرياض؟ |
بنوك السعودية ماعندي فكرة عنها ان شاءالله الجماعه يردون عليك بس سعر اليورو تقريبا ٤،٨ ريال دايما لين تحجز او تستخدمها في المتجر استخدم عملة البلد عشان التحويل في صالحك يكون |
استفسرت من عدة بنوك وكلمت اشخاص والحمد لله وصلت لأفضل فيزا في سعر صرف اليورو في السعودية وقدمت عليها وان شاء الله بكرا اخذها اختي منيرة ادري اني ازعجتك بكثرة الاستفسارات لكن حبيت آخذ رايك بآخر شي في بيرقامو وبليد, حجزت شقق مو فنادق وماعندي علم صراحة عن المناطق اللي حجزت فيها وهل هي آمنة وكويسة للسكن او لا هذي الشقة اللي في بيرقامو http://www.booking.com/Share-BpJGtv وهذي الشقة اللي في بليد http://www.booking.com/Share-RpCMeJ اتوكل على الله او احجز في فنادق افضل؟ |
الله يوفقك ويسهل عليك |
امين وياك يارب شكراً ☺️ |
افضل فيزا هي الخاصه بالبنك السعودي للأستثمار |
حسب تقييمهم ممتاز بالتوفيق |
شكراً لكم خلاص حجزت الفنادق واستخرجت فيزا السفر من البنك السعودي للاستثمار دعواتكم ^_^ |
كل التوفيق ان شاءالله |
اتمنى لك التوفيق |
الأخت منيرة السلام عليكم ورحمة الله وبركاته سؤال عن سفرتك الى النمسا ، وشو أفضل المدن من حيث أسعار السكن والتسوق؟؟ سواء كان في السوبر ماركت أو في المولات. وشكرآ |
اقتباس:
السلام عليكم ورحمة الله وبركاتة .. بشّر كيف كانت الرحلة ووش ملاحظاتك ؟ افكر بنفس المخطط في نهاية مارس بإذن الله .. |
| الساعة الآن 12:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO