![]() |
ما رأيك في زيارة المواقع الأثرية المقدسة عند بعض الطوائف والديانات ؟ السلام عليكم ورحمة الله وبركاته. أنا مسافر قريباً بإذن الله وبمشيئته، وكنت أناقش أحد الأقارب في فكرة زيارة مواقع أثرية لكن للأسف تلك المواقع مقدسة عند بعض الطوائف والديانات، وأنا لا أناقش معكم الموضوع من ناحية شرعية، لكن اتكلم عن الزيارة بقصد رؤية العِمارة والهندسة المعمارية وجماليات النحت وعِملاقية بعض التماثيل وصنائع الإستعمار كالكنائس التي بناها البرتغاليون في جنوبِ شرقِ آسِيا. هذه وجهة رأيي فما رأيك أنت ؟ |
اقتباس:
زي ايش تقصد اي موقع ؟؟؟؟ تحياتي أرسلت بواسطة iPhone بإستخدام Tapatalk |
اقتباس:
|
هلابك اخوي صاحب الابتسامة... جعل ايامك كلها ابتسامة *** بالنسبة لي... اخر همي هالكنائس والمعابد والعياذ بالله كراي شخصي الابتعاد عنها افضل وحتى لاندخل في شبهات طبعا ما افتي ولكن حتى لا ادخل في موضوع زيارة هالامكان حتى لو كان للفرجة والاستطلاع فقط... في النهاية انا جئتها للزيارة وعملاقية بعض التماثيل ما راح تبهرني كثر ماتبهرني الجبال والوديان والطبيعة والتفكر بصنع الله لا بصنع البشر *** والشي بالشي يذكر قرات تقرير في احد المنتديات ان صاحبه دخل معبد في سيريلانكا للفرجة فقط بحد قوله وانا اصدقه ولا اشك لحظة ان دخوله غير كذا... ومن طقوس المعبد ان يلبس الزائر اسوارة من خيوط خاصة بالمعبد يلبسها كاهن المعبد للزائرين للذكرى وغير الزامية لكن صاحبنا هذا سمح للكاهن ان يلبسه الاسوارة نوع من التقليد وهو يشوف ان مافيها شي ودخل المعبد وتفرج وطلع ومازالت الاسوارة معه محتفظ فيها للذكرى هو يقول ان الي سواه بعد ماتناقشت معه في هذا الشي مجرد فضول وتجربة فريدة وقال لي انت متخلف ومازلت في العصر الحجري الغرب طلع لسطح القمر وانت زعلان عشان لبست اسوارة ودخلت معبد اتفرج بس انهيت نقاشي معه بعد ماقلت له الله يتوب علينا وعليك *** هذا الي انا اقصده التجربة والفضول يقودنا الى ماهو اكبر منها والانسان ضعيف والشيطان موجود اذا لماذا نعطي لضعفنا والشيطان الفرصة لاغوائنا *** هناك بدائل كثيرة للفرجة والاستمتاع عن الكنائس والمعابد حتى لو كانت نيتنا صافية هذي وجهة نظري *** وبالتوفيق للجميعِ |
انا مع اخوي بوفيصل اغلب المعابد الوثنيه تدخل بدفع نقود اكيد هذه النقود تكون للاعمال وخدمة هذه المعابد اذا احنا نشارك معاهم في السماح للشرك بالله وكذلك التعويذات الاساور او النقوش اللي تضع على الايدي او وضع الشموع كلها كانها وسائط بين الانسان وخالقه يعني اشراكهم بالعباده اعوذ بالله الله يبعدنا عن الشرك ولا إله إلا الله وحده لا شريك له |
من وجهة نظر شخصية لا ارى مشكلة في زيارة المواقع الاثرية سواء كانت كنيسة او متحف او سور و ما شابهها من باب انها تحفة معمارية مثل الدومو في ميلان والكولسيوم في روما وتمثال المسيح الشهير في ريو دي جانيرو وغيرها الكثير وهي جزء من ثقافة الشعب و اسلوب حياتهم بل ان الكثير يتمنى مقابلة الديلاي لاما لمعرفة سر الغموض المحيط به وقد فعل ذلك الكاتب انيس منصور و ذكره في كتابه " حول العالم في 200 يوم " |
في النفس عليها شيء و ما أفضلها الصراحة خاصة قليل العلم ممكن تدخل عليه الشبهات الا اذا بينظر لها بنظرة الناقد و ان فضلنا الله بدينه و خلقنا مسلمين و يشوف شقد هم في باطل ويستشعر نعمة الله علينا و يشوف اجتهادهم في باطلهم و يقول حق نفسه من الاولى بهالاجتهاد الي معاه الحق و متيقن منه او هذا الي يعبد صنم ولا يشرك بالله ويشفق على حالهم و يتمنى لهم الهداية اقصد يعني الواحد يقدر يغير نظرته و يصحح نيته لو دخل هذي الأماكن و مايكون منبهر بلي يشوفه و يدخل كأنه اسفنجه يتشرب كل شبهة تعرض عليه و يسوي كل شي مع الناس مثل الي لبس الاسوارة او بعض الاماكن الي تجبرك على الانحناء عند الدخول عند الآلهة او الصليب او مثل ماقالوا الاعضاء , بعض الاماكن الي تدفع عليها رسوم تروح في تنصير اخوانك في افريقيا مثلاً فممكن الواحد يدخل لو كان مفتح عينه لهالأمور , او بلاش منها مثل ماقال اخوي مخاوي البر , صنع الله في الطبيعة اجمل بكثير من صنع البشر |
من وجهة نظري اذا كانت الزيارات طبعا من غير دفع رسوم ما اشوف فيها شي ادخل واتطمش على الفن المعماري الموجود و الديانه المتبعه لدى الشعب لان بالاخير بتزيد من ايماني و بقول الحمدلله اني مسلمة .. |
اقتباس:
كفيت ووفيت انا معاك ما اعتقد اني اضيع وقتي بطريق قد يصل الى 40 دقيقه لزيارة معبد وتوجد اشياء كثيره توضح ثقافة الشعب من غير ديانتهم لانها ليست مهمه بالنسبه لي ممكن ازور اثار اسلاميه او نقوش وقلاع لكن معابد وكنايس ما تهمني |
سبحان الله كل شخص وتفكيره ورائه عني انا كنا لزم نسن اي سكن يصدف لنا يكون جنبها كنيسه و مدفن اموات كنت امشي اتفرج وانا عقلي شارد افكا تدور فراسي حول عتقداتهم وعلهم اللي الله ميزنا عنهم بالاسلام الحمدلله فوش لك فهالاماكن تقطع تذاكر وتحجز سكن حتى تشوف معتقدات خاطئه وتنكد جوك بكئابة مدساتهم لان فعلا الاسلام يشرح اللقلب وغيره يعجبك من شي غير عن دينك |
الساعة الآن 07:08 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO