شبكة و منتديات العرب المسافرون - محتـار و ابي مساعدتكم ياهل الخبـرة ..

- البوابة السياحية (https://www.arabtrvl.com/vb/f16.html)

- - محتـار و ابي مساعدتكم ياهل الخبـرة .. (https://www.arabtrvl.com/vb/t34388.html)

محتـار و ابي مساعدتكم ياهل الخبـرة ..

السلام عليكم ورحمة الله وبركاته
الله يسعد جميع اوقاتكم بكل خير
ومبروك عليكم الشهر مقدماً

الموضوع ومافيه : انا زواجي بشهر 7 ميلادي و احترت و تعبت بتحديد الوجهه
لشهر العسـل .. وهو تقريبا اكثر شيء فكرت فيه ( تركيا ، ماليزيا )
لكن تركيا متردد بسبب الزحمه و ماليزيا خايف من الاجواء والرطوبه

فـ ابي مقترحاتكم لجـدول شهر عسل تكون تكلفته مايقارب الـ 15 الف
سواء بهالدولتين او دول غيرهم تكون فيها خصوصيه و طبيعه و اجواء حلوه

وعادي لو بتفاصيل المدن و كذا و الاماكن الجميله
بـ انتظار اقتراحاتكم وشوركم و افكاركم

اقتباس:

المشاركة الأصلية كتبت بواسطة Raw8an7rb (المشاركة 398209)

السلام عليكم ورحمة الله وبركاته
الله يسعد جميع اوقاتكم بكل خير
ومبروك عليكم الشهر مقدماً

وعليكم السلام ورحمه الله وبركاته

الله يبارك فيه والله يبلغك الشهر بصحته وعافيه

الموضوع ومافيه : انا زواجي بشهر 7 ميلادي و احترت و تعبت بتحديد الوجهه
لشهر العسـل .. وهو تقريبا اكثر شيء فكرت فيه ( تركيا ، ماليزيا )
لكن تركيا متردد بسبب الزحمه و ماليزيا خايف من الاجواء والرطوبه

الله يتمم لك على خير ويوفقك

الف الف مبروك

سفرك راح يكون في موسم مزدحم وانت ما حجزت طياره الى الان انصحك تستعجل بالحجز لان الأسعار الان زايده

والزحمه بتشوفها بكلا الدولتين لانه موسم عيد واجازه صيفيه

شوف اختبار الدولة يكون حسب ميولك اذا انت تحب الشواطئ والمسابح وملاهي ومدن فيها الهدوء والرومنسيه ومدن فيها الأنشطة وحياة المدن وشعب طيب ومحب وأمن فوجهتها هي ماليزيا

اما اذا تحب التاريخ والمطاعم والتسوق (اسطنبول) والطبيعة والشلالات والجبال ( الشمال التركي ) الشعب في الشمال التركي زي العسل اما في اسطنبول ممكن تحصل بعض النفسيات وتكون حريص بالتكسي وفلوسك من النشل خصوصا في الشوارع الضيقة وبالليل اللي ننصح تجنبها

وجهة نظري كعروسين انصحك بماليزيا وممكن تضيف لها اندونيسيا

فـ ابي مقترحاتكم لجـدول شهر عسل تكون تكلفته مايقارب الـ 15 الف

بما انك متاخر بالحجز والاسعار مرتفعة فأنصحك تزيد الميزانية 5000 ريال او تقلل المده لى13يوم
سواء بهالدولتين او دول غيرهم تكون فيها خصوصيه و طبيعه و اجواء حلوه

توجد خيارات كثير لشهر العسل لكن اللي يحكم انت وميولك
المالديف او تايلند او اندونيسيا او البوسنه او جورجيا او أذربيجان او شمال إيطاليا او سويسرا او اليونان
حمد يقدر يختار لك او يذكر صفات الكل انت تدخل كذا بوابه وأقر تقريرين من كل بوابه وتحكم وين تحب تروح

وعادي لو بتفاصيل المدن و كذا و الاماكن الجميله
بـ انتظار اقتراحاتكم وشوركم و افكاركم

أكرر سفرك يعتبر قريب والاسعار جدا مرتفعة لذلك انصحك تعجل باختيار الوجهه

بالتوفيق

إذا الميزانية تساعد اقترح عليك براغ أو فيينا.

وممكن منطقة بافوس بقبرص أو قرية ريفية من قرى المرتفعات فيها. يكون الجو لطيف في المرتفعات. لكن ربما قبرص ليست خيار مفضل لكل الناس.

وأرجو لك زواج مبارك والله يسعدكم.

مبروك مقدما يا غالي

اذا ما عندك خبرة سفر ارجح ماليزيا بلا جدال
اما تركيا نستبعدها بسبب الانتخابات خلال الصيف

لكن غالبا ماليزيا بالصيف اجواءها تكون شوي حارة او مثل اجواء جدة و دبي

لذا قد تفكر في مدينة كيب تاون جنوب افريقيا
اجواء باردة و اسعارها مناسبة جدا
شوف تقريري عنها قد تعجبك

بس مثل ما قالت مشرفتنا لابد من الاستعجال بالحجز و ترتيب الامور
وبعد اختيار الوجهة يا عريس راح نعطيك ملاحظاتنا حول الرحلة

وفقك الله يالحبيب..

إذا سمحوا لي خبراءنا الكبار، فأقول أن الحكم على شي فرع من تصوره ومافيه تفاصيل عن ايش اللي يناسبكم وايش لا.. خاصة أنك بترتب شي حساس وهو شهر العسل، فالقرار بيدك أولا وأخيرا شف وش المناسب لك، وأقاربك وين راحوا لأن غالبا الأذواق تكون متقاربة بينكم.. والناس بلاشك يختلفون.. وسبق أخذت بنصيحة أحد الإخوة هنا وكانت مناسبة لي، لكن ليست كذلك بالنسبة للأهل.. فالأمر شوي معقد والله يعينك ^^"
وعن رأيي أحد الأقارب ذهب لماليزيا واستمتع بالتجربة..

أسأل الله لك التوفيق

اعقلها وتوكل كلها ممتازة ومناسبة بس الحق على الحجوزات

ةالله يتمم لك على خير ويوفقك يالغالي

الله يعطيكم العافيه جميعا
ماقصرتوا بردودكم و تفاعلكم وتوضيحكم

واتا قررت ان الرحله تكون لـ تركيا
و تقريبا نسقت مع
شركة تورفور اربز للسياحه والسفر.
حصلتها بالموقع هنا
وبتكون بين اسطنبول و طرابزون و اوزونجول و ماجاورهم
مدتها بالكثر 13 يوم

فـ اللي عنده اقتراح يقدمه لي ولا موقع ينصحني فيه ولا مكان
اكون شاكر له

الشركة ان شاء الله انها معتمدة و عندهم اجابة لكل استفساراتك .. اقرا التقارير عن مدن تركيا عشان تعرف تختار بالضبط وين بتروح

و بعد ما تعطي الشركة المدن اللي تبيها و ينسقون لك الجدول اطلب منهم اسماء الفنادق اللي راح يحجزونها لك و شوفها على بوكينغ عشان تتطمن انها تناسبكم و التقييم يكون فيها مناسب

الف مبروك و بالتوفيق

الله يعطيك العافيه يام ريمه
ويبارك فيك ..

وشكراً للجميييع ❤️