|
استفسار هام بخصوص السكن أعضاء المنتدى الأفاضل عندي استفسار بسيط وهو بأني حجزت يوم واحد في شقه وبعد فتره رجعت وحجزت بنفس المكان فطلع علي حجزين بنفس المكان فالمشكله تكمن في ان الضرائب من (رسوم التنظيف) أضيفت مرتين مع أن المتعارف عليه بأنها تخصم لمره واحده طيلةأيام الإقامه مالحل هل أستطيع مراسلة المضيف أو أتواصل مع من ؟؟ للعلم أنه خلال اليومين القادمين سوف يخصم المبلغ كاملا من الفيزا كم هو مبين في الحجز فكرت ألغي الحجز و أحجز بنفس المكان لكن قررت استشيركم في الأخير الاستفسار الآخر بخصوص استئجار السياره إن شاء الله أحجز قريب من النت ولأول مره في سفراتنا كنا نحجزها عند الوصول أغلب الشركات طلبنا غير متوفر الا في holiday autos مارأيكم فيه هل هو موثوق للعلم السياره نستلمها من مطار ميونخ ونسلمها في مطار زيوريخ وسؤال أخير وصولنا إن شاء الله لموينخ مساء فأيهما أفضل استلمها عند الوصول أو نأخذها من المطار أو الأماكن المنتشره في الصباح ونلجأ إلى تاكسي لتوصيلنا للفندق وهل القياده سهله في ميونخ بالذات ياليت ماتبخلون علي بنصائحكم القيمه |
1 هذي مايبغالها سؤال راسلوا المضيف وشوفوا رده لانه السيستم يتعامل مع حجزكم كانه حجزين 2 الشركة معروفة لكن لم يسبق لي استخدامها لكن في ميونخ ماتحتاجون سيارة ابدا مغطاة بالمواصلات العامة لذا استلام السيارة يكون بيوم خروجكم من ميونخ |
الله يعطيك العافيه تم خصم المبلغ كاملا شامله للرسوم والضرائب لليوم الأول ولم يم يأتي لي رد منهم ما أدري هل طريقتي صح أو خطأ راسلتهم عن طريق الموقع |
اذا قصدك airbnb نعم المراسلة عن طريق الموقع |
لا حجوزاتي في booking وتم خصم المبالغ كامله ولم أجد رد منهم تم مراسلتهم عن طريق البوكينق وكذلك رساله نصيه |
اقتباس:
اتصلي على رقمهم المجاني |
الله يجزاك خير طيب أخوي بخصوص حجز السياره ماحصلت بيورب كار ولا سكست ولا رنتال كار السياره المطلوبه غير متوفره لكن حصلت ب هيرتز وش رأيك فيهم بخصوص الوديعه وهل فيها إلغاء مجاني والخدمه ياليت تعطيني رد سريع وأكون شاكره لك لان عرفت عن سكست الوديعه غاليه وصولي لميونخ وعودتي من زيورخ |
اقتباس:
وبللنسبه للوديعه بختصار اذا كان التامين اللي تشترينه من الشركه شامل كل شي ونسبة التحمل اللي عليك صفر ياخذ وديعه مبلغ بسيط للنظافة السياره والبنزين اذا رجعتوها مو فل بحدود (1500الى 1900ريال ) وهذا الكلام على سكسيت ايضا وبالنسبه للالغاء المجاني تلقينه بشروط الحجز وبما انك وصولك ميونخ ومغادره زيورخ فسعر اللجلر بيضاف اليه سعر الاتجاه الواحد والتسليم بدوله اخر وهذا المبلغ لشحن السياره لميونخ ما جربت الشركه المذكوره لكن تعتبر عالميه وممتازه اتمنى باقي الاخوان يفيدونك بتجاربهم متى رحلتك وماهي السياره المطلوبه يعني كم عددكم وهل معكم اطفال ملاحظه لاتنسين استكر الخاص لسويسر من احد محطات البنزين على الطريق تم الإرسال من SM-G935F باستخدام Tapatalk |
الله يجزاك خير ي:e022: إلى الآن ماحجزت فيه لكن هي الشركه الوحيده المتوفره لنا طيب اختار غطاء سوبر وخدمة طوارئ |
رحلتي في أغسطس العدد 6 قرأت الكثير مايمدحون الشركه الكل يقول أنهم نصابين ويغيرون السياره لحجم أصغر والمسافه المقطوعه ممكن تكون محدوده يعني عكس اختياري |
اقتباس:
هل تحتاجون سيارة محددة ام نقل 6 اشخاص ؟ هل جربتي Europcar او Budget ؟ |
لايهم نوع السياره أهم شيء هيرتز نوع الوقود أتوقع بنزين لانه لايتوفر ديزل ورغبتنا بالديزل يوروب كار جربتها في المطار غير متوفر والمكاتب الأخرى تغلق قبل وصولنا ماأدري ايش الحل ياليت تساعدوني ولكم جزيل الشكر |
عطيني التاريخ بابضبط ابحث لك احس انك جدا متأخره بحجز السياره خصوصا انك تحتاجين سياره عائليه والتسليم والاستلام بدولتين منفصلتين على الاقل قبل السفر بشهرين او شهر ونص مخلصه جميييع حجوزاتك من سكن وسياره وطيران وفيزه تم الإرسال من SM-G935F باستخدام Tapatalk |
انتي اول ليله ساكنه في ميونخ ؟؟؟ والساعه كم الوصول ؟؟؟ تم الإرسال من SM-G935F باستخدام Tapatalk |
الوصول 9 أغسطس مطار ميونخ الساعه السابعه مساء والعوده 17 أول ليله مبيت في ميونخ |
حلو بما ان اول ليله مبيت بميونخ ليه ماتشوفين اقرب فرع للفندق اللي ساكنين فيه وتحجزين من ثاني يوم وتطلعين من المطار بسياره اوبر او تكسي المطار وثاني يوم الصبح ابوكم يروح لمكنب الأجار ويستلم السياره احس هذا انسب حل لكم بشوف لك حسب تاريخك تم الإرسال من SM-G935F باستخدام Tapatalk |
معليش انا راح اشطح شوي وادخلك في عالم الاقتصاد :32: دخلت قبل شوي وشفت فرق السعر بين الديزل والبنزين في المانيا فحصلت ان البنزين اغلى بالمتوسط حول 0.25 يورو فاذا عبيتوا السيارة بـ 80 لتر يطلع الفرق 0.25 * 80 = 20 يورو ولو افترضنا ان عبيتم السيارة طوال الرحلة 8 مرات يطلع المجموع 160 يورو يعني 700 ريال تقريبا. يعني لو صارت السيارة بنزين يمكن تتحملون حول هذا المبلغ الاضافي. |
علشان كذا مانبي بنزين لاننا بنتجول بالسياره لكذا دوله وكذا مكان |
شوفي اختي لقيت سياره عائليه في سكسيت استلام ميونخ الساعه ثمان الليل والتسليم زيورخ لكن السياره 9اشخاص والسعر غاالي هذا السعر من غرطير تامين والكيلو مترات غير محدود https://uploads.tapatalk-cdn.com/201...00dc138e05.jpghttps://uploads.tapatalk-cdn.com/201...f21cd10c26.jpg تم الإرسال من SM-G935F باستخدام Tapatalk |
وبعد اختيار التامين الشامل كل شي يصير السعر https://uploads.tapatalk-cdn.com/201...b47aff8637.jpghttps://uploads.tapatalk-cdn.com/201...8f9cfe05df.jpg تم الإرسال من SM-G935F باستخدام Tapatalk |
أختي أنا حاجزه كل شيء من بدري لكن السياره هي اللي تأخرنا فيها لان أبونا يبي يحجزها من المطار مباشره عند الوصول فقلت أجرب أفضل ممكن مانحصل أو تكون الأسعار نار توي أفهم قصدك سكني في منطقه Buch أتوقع مافيها مكاتب |
اقتباس:
قصدي من كلامي فوق انه في حال اذا ما حصلتوا ديزل فخذوا بنزين فهذا المبلغ يعتبر اكبر مبلغ تدفعونه زيادة ويمكن يصير اقل لانك راح تستخدون السيارة اسبوع واحد و بالتالي راح تعبونها 3 الى 4 مرات بالكثير يعني حدود 350 ريال فقط. |
مثل منتي شايفه في الصوره الثالثه يوجد ثلاث انواع للتامين الاول تتحملين مبلغ 5026 ريال عند حصول اي حادث لاقدر الله وقيمت الاجار الصوره للاولى والنوع الثاني تدفع مبلغ زياده على الاجار ويصير 8488 ريال وتتحملين 1966ريال اذا صار اي حادث والنوع الاخير هو الشامل كل شي وسعره في الصوره الاخيره وقيمة الوديعه يحددها نوع التامين تم الإرسال من SM-G935F باستخدام Tapatalk |
الله يسعدك اي داخله موقع شركة يورب كار وسيكست وماحصلت الا لخمس أشخاص وتسع |
يا بعدي ماقصرتي |
الله يجزاك خير أخوي الفارس فهمت عليك ماقصرت |
أخني (عشقي السفر ) طيب الوصول الساعه السابعه واستلام السياره الساعه الثامنه قرأت إنه لابد من اضافة ساعتين إلى ثلاث علشان اجراءات الوصول والزحمه ووووو يعني المفروض يكون استلامها الساعه العاشره أوالتاسعه والنصف لانه ممكن ينلغي حجزي صحيح الكلام هذا أو لا |
اقتباس:
ملاحظه مهمه انصحك تاخذين فيزا عاديه غير الفيزا المسبقه الدفع لان اقرأ بتويتر الفتره الاخيره يوجد حالات تم رفض البطاقه مسبقة الدفع وهذي الحوادث بمدن كثيره باوربا ومنهم ميونخ واغلب الشركات حتى سكسيت وهذي الحوادث تختلف فالبعض مشت اموره تمام بللفيزا المسبقه والبعض الاخر تم رفض البطاقه المسبقه وذلك حسب مزاج الموظف وانت وحظك واللي انرفضت بطاقاتهم انقسمو بين حالتين الاولى عندهم فيزا عاديه او ماستر كارت ودفعو فيها والبعض الاخر توهق ولم يستلم السياره لذلك احتياط وحتى لو حجزتو بالفيزا المسبقه قدمي على فيزا عاديه بحد اعلى منخفض جدا وخذيها احتياط وملاحظه اخرا اذا عك اطفال اصغر من 11سنه فضروووري استأجار كرسي اطفال على عددهم لانه يعد مخالفه في اوربا ان يضل الطفل بدون كرسي وتوجد 3انواع لكراسي الاطفال نوع للعمر اقل من سنه والنوع للثاني من سنه الى اربع والنوع الثالث من اربع الى اثنا عشر سنه اذا كان جسم الطفل اللي عمره 12 او11كبير وفلا يحتاج كرسي بالتوفيق تم الإرسال من SM-G935F باستخدام Tapatalk |
لا عادي وغير صحيح مايلغي الحجز لو تاخرتي ساعتين او اكثر وان شاء الله يمديك اذا وصولك 7 تستلمي السيارة 8 الوقت اللي استلمتي فيه السيارة ترجعيها بنفس الوقت او قبل ولو تاخرتي عن الوقت يحسب عليك زيادة يوم اخر رحلة سعيدة أن شاء الله |
زي ماقالت مشرفتنا ضروري كراسي الاطفال ولو تشترين منا ارخص من ايجارها مناك الطفل حتى لو كبير وطولة اقل من 120 لازم كرسي ههههههههه ترا مايدققون اذا اطول من متر بس لبسيهم احزمة الامان |
الله يعطيك العافيه أختي معنا فيزا مسبقة الدفع وفيزا عاديه مخصصه للسياره الله ييسرلنا وللجميع |
الله يعطيك العافيه أخوي فارس ماقصرت على المعلومه الله يجزاك خير اللهم آمين |
| الساعة الآن 12:22 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO