|
محتار بسفرتي الاولى لدول اوروباء !!! السلام عليكم و رحمة الله و بركاته اخواني بما ان عندكم فكره عن دول اوروبا و كيف خطة السير و ايش المسموح و ايش الممنوع ابيكم تساعدوني السفره راح تكون من 13 الى 29 سبتمبر يعني 17 يوم كلها في دول اوروبا شهر سبتمبر كيف تكون الاجواء و الحيره عندي هي كيف اوزع ال17 يوم هذي و ايش الأفضل ارتب اول شي دولة الوصول عشان الفيزا او أوزع الايام بما ان هذي السفره الاولى لي لزيارة دول أوربا بس انا و المدام كنسلت فكرة اخذ الأطفال معاي ابي أزور اغلب دول اوروبا تهمني الطبيعه اكثر من التسوق ياليت تنورون لي دربي الله ينور لكم أيامكم |
مساعده يا اخوان و يا اخوات المعذره لكن اريد القليل من وقتكم بارك الله فيكم |
اقتباس:
سفرتكم بتكون بدايات الخريف يعني بتكون الاجواء بارده شوي بس جميله مره ... فصل الخريف ينافس فصل الصيف بقوه في جماله من حيث تغير الوان الشجر وتساقطه ... تقدر تزور : - جنوب المانيا + النمسا و شمال ايطاليا + انترلاكن +بادن بادن بادن والوصول والمغادرة من ميونخ او سالزبورغ |
اقتباس:
القراءة عن السفر وترتيب البرنامج متعة بحد ذاتها |
اقتباس:
و توزيع الايام كيف بحيث انه اعرف المنطقه اللي قريبه لها و بعدها |
اقتباس:
عارفه انهم ما يقصرون بيض الله وجهك و وجيههم و انا ما زلت مستمر في قراءتي عن الدول لكن المقصد في اختيار الجدول اخاف اختار شي بعيد و انقطع |
وعليكم السلام هلا يا غالي قراءة الاستفسارات بالبوابة راح تفيدك كثير لأن غالبها تخطيط لرحلات ما ذكرت الميزانية ؟ اتوقع 17 يوم لشخصين قد تكلف حول 40 الف بمعدل 2000 ريال لليوم تبدأ بتخطيط الرحلة ثم بناء على المخطط اللي استقريت عليه تستخرج الفيزا من الدولة الاكثر اقامة سواء المانيا او غيرها |
اقتباس:
ما عندك مشكله بالتكلفه لان اول سفره لاوروباء و الميزانية عندي زينه انا جالس اقرأ و ارتب في ورقه خارجيه مرات أضيف و مرات احذف لكن تلخبطت علي كثرة الأماكن و كيف الوصول اليها اذا بباص و الا غيره الرغبه أني أزور اغلب دول اوروبا ابي النمسا و ألمانيا و سويسرا لكن كيف الوصول و من وين اخذ السياره و هل الرخصه السعوديه تكفي |
اقتباس:
نعم الرخصة السعودية تكفي لكن ممكن تطلع رخصة دولية بـ 150 ﷼ لو متردد هذا مخطط ويكون الوصول والمغادرة ميونخ المانيا ميونخ استلام السيارة ومنها مباشرة الى بيرتساو النمسا 3 ايام تزور خلالها قارمس و انسبروك و زيفيلد انترلاكن سويسرا 5 ايام و مزاراتها معروفة القمم والبحيرات والمطل زيورخ سويسرا 2 يوم زيارة شلالات الراين والقمة الثلجية تتلس و لوزيرن كولمار فرنسا 3 ايام ومنها زيارة العاب يورب بارك بادن بادن المانيا 3 ايام و زيارة الغابات السوداء شتوتغارت المانيا 2 يوم و زيارة اوتلت ميتزنقن للتسوق ميونخ المانيا 2 يوم ممكن تقلل الايام حسب المتوفر لديك والفيزا تستخرج من المانيا https://www.arabtrvl.com/up/uploads/...1719937061.jpg |
اقتباس:
بالضبط انا ابي توجيه وش المناطق اللي حول بعض عشان ما اشطح لأماكن بعيده طيب يوم الوصول ما يحتاج اخذ يوم راحه في ميونخ و كم تبعد بيرتساو النمسا عن ميونخ |
اقتباس:
الامر يرجع لك المسافة حول ساعة بالسيارة |
اقتباس:
و من بكرا استأجر سياره و اطلع فيها لبيرتساو كذا تماااام ي اخوي |
اخوي ناصر متعة السفر لاوروبا لا تكتمل الا بالسواقة بنفسك. وبالغالب راح تستخدم قوقل ماب للملاحة هناك فنصيحتي ابدأ بالتالي : 1) من الآن جمّع الاماكن المفضلة التي ترغب بزيارتها عند سكنك في المدن التي حددها ابو غسان وراح تحصل بالمنتدى مادة غنية عن هذه الاماكن. 2) احفظ هذه الاماكن بالمفضلة عندك في قوقل ماب بالاضافة الى الفنادق او الشقق التي راح تسكن فيها. 3) اذا انتهيت من جمع كل الاماكن المفضلة في قوقل ماب راح تتضح الصورة بشكل كامل لك وراح تعرف الاماكن القريبة من كل مدينة وبذلك تقدر تخطط يومك. |
اقتباس:
من جد هذا اللي راح يصير باْذن الله شكرًا لك |
ماشاء الله ما قصروا الاخوان معاك رحلة ممتعه ان شاء الله في انتظار تجربتك |
باْذن الله الله يسلمك و لي عوده باْذن الله بتقرير واضح عن هالاماكن |
يا شباب ما حطيتوا لي زيلامسي مع مخطط الرحله هل يستاهل اروح لها لاني اشوف سنابات كثيره لها ورالبلد جميل ميونخ استلام السيارة ومنها مباشرة الى بيرتساو النمسا 3 ايام تزور خلالها قارمس و انسبروك و زيفيلد انترلاكن سويسرا 5 ايام و مزاراتها معروفة القمم والبحيرات والمطل زيورخ سويسرا 2 يوم زيارة شلالات الراين والقمة الثلجية تتلس و لوزيرن كولمار فرنسا 3 ايام ومنها زيارة العاب يورب بارك بادن بادن المانيا 3 ايام و زيارة الغابات السوداء شتوتغارت المانيا 2 يوم و زيارة اوتلت ميتزنقن للتسوق ميونخ المانيا 2 يوم |
عن تجربه العام الماضي استأجرت سيارة من مطار ميونخ وطلبوا مني رخصة دولية + رخصتي السعودية لاتنسى تشتري بطاقة لسيارتك اذا رحت سويسرا اذا طلعت من ميونخ روح الى بريشقادن فيها قرية وبحيرة اسمها كونق سي اجلس فيها يومين او ثلاثه قطعه من الجنة انصحك تروح زيلامسي بالنمسا والقرى اللي حولينها كابرون , سلفادين في لعبة سيارات الكارت صراحة رهيبه وفيها الزحليقية اتندورف وبحيرتها والسكن فيها ارخص من زيلامسي مترسل وبحيرتها كريميل وشلالها الشهير وادي غشتاين وبحيراته كلها هذي في نفس الطريق ونفس الوادي |
وش نوع البطاقة اللي اشتريها لسيارتي وين احطها زيلامسي بالجدول اللي ذكرته فوق لان عاجبني لكن ابي أضيف زيلامسي |
مساء الخير يا شباب انا موعد التبصيم بعد أسبوعين و قال لي صاحب المكتب لازم حجز طيران مؤكد و حجز فنادق مؤكد لان الفتره اللي راحت اغلب الجوازات رجعت و رفضوا يعملون تاشيره بسبب الحجوزات الوهميه او غير موكده سوالي صاحب المكتب قال لاتحجز من تطبيق البوكينق و هذا انا متعود عليه داخل السعوديه و سفراتي لشرق اسياء قال شف زي تطبيق المسافر او اَي تطبيق يكون الحجز عليه مؤكد وش رايكم ؟؟؟!!!! |
| الساعة الآن 08:21 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO