|
مساعدة لتخطيط مبكر جدا جدا السلام عليكم ورحمة الله وبركاته من الان بدا التخطيط لرحلة الاجازة للعام المقبل باذن الله ان ربي اعطانا عمر طبعا لايخفى على جميع الاعضاء ان ذي العطله اتكنسل كل التخطيط بسبب ظروف عائليه وباذن الله نفكر من الحين بس حبيت اخذ رايكم يالاعضاء طبعا لمدة بين 20-25 يوم بدون يوم السفر والرجوع اعمار الاطفال (( 12-9-4)) التاريخ 8 يونيو الى 4 يوليو 2019 المخطط الاول المانيا والنمسا وفرنسا او النمسا والمانيا وهولندا وبريطانيا او بريطانيا والمانيا وهولندا او الاكتفاء ببريطانيا فقط او المانيا وهولندا فقط طبعا ليه التخطيط مبكر عشان اعرف اللي لي واللي عليا والميزانيه مفتوحة بحدود المعقول ولازم اعرف اماكن الاطفال والاسترخاء لان ابغي شي يرضي الجميع ابغي خط سير مريح وسوال مهم كيف وضع ذوي الاحتياجات الخاصة لان عندي طفله عمرها 10 سنوات من ذوي الاحتياجات الخاصة محتار اخذها معنا او نخليها عند اهل زوجتي كيف الاوضاع وكيف الامور هناك في مين يقول الامور سهلة وفي من يقول صعب فحبيت استشيركم وسوال اخر فيزا الشنغن هل تطلع بسرعة لام حسن او تاخذ وقت لي اسبوعين وانا اقرا مواضيع هنا وهنا قلت لابد استعين بالخبراء وبعدها نخطط مزبوط ونستشير ودمتم بود اخوكم ابو حسن أرسلت بواسطة iPhone بإستخدام Tapatalk |
وعليكم السلام ورحمه الله وبركاتو ما شاء الله احب التخطيط المبكر خصوصا اذا في السفره اطفال ما اخفيك اني الفتره هذي مثل حالتك ابحث عن اوربا وهي احد الخيارات المطروحه للصيف القادم باذن الله لان سنتين نخطط ولكن تحصل ضروف تمنعنا من السفر ولله الحمد والمنه الخيره فيما اختاره الله ما شاء الله المده محترمه باذن الله تستمتع فيها لكن الافضل تحدد الميزانيه فبالنسبه ل 20يوم لعايله من خمس اشخاص رائي ميزانيه لاتقل عن 40000الف قبل اختيار الدول عليك اولا تسال عن الشينغن خصوصا ان ام حسن يمنيه وكثير من الدول تتشدد في الفيزه معاهم بسبب ضروفهم الخاصه واي دوله فيزتها اسهل لان هذا يحكم ثانيا انت بالسفر تبحث عن ماذا عن الطبيعه والجو الحلو او عن التسوق والن والمتاحف والقلاع ثالثا نوع المواصلات تحكم ايضا فاذا بتستتجر سياره لازم تحط في بالك اجار السياره وحاجتك للكار سيت الخاص للطفلىاوب 4سنوات واذا وجهتك باريس ولندن فراح تعتمد على المواصلات العامه افضل عن الزحمه رابعا بالنسبه للاميره من ذوي الهمم العاليه فهل تحتاج كرسي متحرك والافضل تقلل التنقل وايضا ان ايجار السياره واذا الرحله لمدينه تستخدم فيها المواصلات العامه هل يناسبها وهل سبق لك السفر معها وجهة نظري ومن متابعة السوشل ميديا حسيت ان بريطانيا تناسب العائله مع اطفال كبار ومحبي المدن والتسوق اكثر والاعتماد على التنقل فيها على المواصلات العامه والمترو ممكن تدخل موضوع ام حسين تحفه بريطانيه هالتقرير هولندا ماحبيتها سبحان الله احس ايضا ماتناسب الاطفال النمسا انا شخصيا اتمنى ازورها لكن بسبب منع النقاب الغيتها من الحسبه راح اقترح عليك الجدول اللي يناسب من وجهت نظري تم الإرسال من SM-G935F باستخدام Tapatalk |
اقتباس:
حياكي اختي الميزانيه بحدود 50 الف ماابغي اتجاوزها عشان تعويض عن السنة هذي لان فعلا هذي السنة ماامداني اوديهم ولامكان حتى داخل السعوديه يادوب مكة جدة بالنسبه للاماكن التاريخيه والقلاع وغيره مالها لزمة الا لو في شي جميل وراح ينبسطوا فيه العيال ممكن الاهم عندنا ملاهي ومنتزهات طبيعة استرخاء بحيرات وقليل من التسوق طبعا لابد منه بالنسبه للتنقل اكيد بيكون بسيارة ايجار اذا كم دولة او بالمواصلات العامة اما بنتي الصغيرة الله يشفيها نعم تحتاج كرسي متنقل ولسه بنستخير ونشوف الوضع كيف مع ان عمتي وعمي جزاهم ربي الجنة يقولون لاتشيلوها خلوها ترتاح افضل ماتتعب بس لسه نستخير والخيرة فيما اختاره الله وبخصوص الشنغن الكثير من الاصحاب قالوا مافي مشكله يعطوها دامك سعودي وبرضوا نحنا بنتوكل على الله وبنشوف اولا موضوع الفيزا هولندا للان مو بالبال بس امنيتي امر على قرية جيثورن بس اذا في مكان مثلها باي دوله اخرى بنستغنى عنها باذن الله تستفيدي انتي كمان من الموضوع أرسلت بواسطة iPhone بإستخدام Tapatalk |
المخطط الاول الوصول والمغادره مدينة ميونخ التذاكر ارخص من مدينتي واجار السياره افضل اذا الاستلام والتسليم من مدينه واحده الوصول ميونخ اذا الوصول باكر التوجه مباشره لغارمش يومين كونستانس ثلاث ايام رست (الغابات السوداء ) اربع ايام انتر لاكن اربع ايام مانيفيلد (قرية هايدي )توقف للراحه ليله كابرون و زيلاميسي والاوفر السكن بالقرى المحيطه بعيد عن الزحمه اربع ايام ميونخ ثلاث ايام جدول 21يوم https://uploads.tapatalk-cdn.com/201...31668c2874.jpg تم الإرسال من SM-G935F باستخدام Tapatalk |
ممكن تضيف ايطاليا وتزور البندقيه ممكن تغنيك عن جيثرون صحيح جدا جميله لكم عطيتك وجهت نظري ربي يكتب لكم الخير تم الإرسال من SM-G935F باستخدام Tapatalk |
اقتباس:
والله استبعدت ايطاليا بسبب اختي وزميل لي مايمدحوها وعندي ولد اختي في هولندا يدرس وراح القرية زيارة وقلي تستاهل تقعد فيها استرخاء ماله مثيل ولسه بنخطط ونشوف كيف الوضع أرسلت بواسطة iPhone بإستخدام Tapatalk |
واقتراحي الثاني ميونخ ثلاث ايام زيلامسي اربع ايام قرية هايدي يوم انترلاكن اربع ايام بادن بادن (الغابات السوداء) ثلاث ايام مونترو (منها زيارة جنيف وماحولها) ثلاث ايام قطار الى باريس اربع ايام جدول 22يوم https://uploads.tapatalk-cdn.com/201...233d58b896.jpg تم الإرسال من SM-G935F باستخدام Tapatalk |
وفعلا التذاكر من ميونخ ارخص تقريبا بد9500 ريال ولسه مابنسوي شي لين اتاكد من حسبه الفنادق وخط سير الرحلة الاكيد لان في زميل لي قلي روح بريطانيا روعة ويوم عرف المده طويله قال روح دول اروبا بس ماحدد لي خط سير أرسلت بواسطة iPhone بإستخدام Tapatalk |
وهذا اقتراح يضم جيثرون انا احاول تكون المسافات بالسياره مريحه الوصول ميونخ ثلاث ايام زيلاميسي خمس ايام بادن بادن اربع ايام باريس اربع ايام امستردام اربع ايام منها زياره جيثرون ومدينه الطواحين والاوت ليت عشرين يوم https://uploads.tapatalk-cdn.com/201...0191ba10ca.jpg تم الإرسال من SM-G935F باستخدام Tapatalk |
ولا تنسى اجار السياره يكون مرتفع اذا الاستلام والتسليم من دولتين مختلفتين انت اعكس الجداول حسب الارخص بالطيران اما السكن انصحك بالسكن بالشقق والاكواخ في للقرى حتى تستمتع بالطبيعه واعتمد على اكل يدك ارخص من المطاعم توجد بميونخ بقالات حلال تقضى منها هذا تخطيطي انا قارنت الاسعار كثير ولاحظت ان الفنادق غاليه و لاتحتوي على مكيفات اما الشقق بالطبيعه يكفي المنظر ودخلت موقعairbnb جدا جدا عجبتني الخيارات والاسعار لنفس السكن في بوكينج اغلى وانصحك خل السفر بعد عيد الفطر مباشره لان شهر يونيو من ملاحظتي هذي السنه للي سافرو جو هالشهر افضل من يوليو واوقست مجرد ملاحظه من المتابعه بالنسبه لبريطانيا السنهىالاعلاميه نهى نبيل كانت اجازتها فيها وقالت انهي ممتعه جدا لكن بالنسبه للي معاهم اطفال في دول فيهاىفعاليات اكثر واكثر متعه وارخص بالتوفيق تم الإرسال من SM-G935F باستخدام Tapatalk |
اقتباس:
الف شكر اختي ماقصرتي معلومات قيمة وفعلا الكل رشح لي هالموقع وبنقارن بينهم لسه الوقت طويل الاكل اصلا كل اللي عندي ماياكلوا كثير ماني شايل همه كثير كثر ماني شايل هم الفيزا والتنقل ايه نسيت اقول ان الرحلة اذا تمت باذن الله وطلعت الفيزا بتكون من 8 يونيو الى 4 يوليو باذن الرحمن أرسلت بواسطة iPhone بإستخدام Tapatalk |
اقتباس:
الجدول ذا ممتاز احسه مناسب من حيث توزيع الايام بشوف اسعار الفنادق والتنقلات بزيد ايام بادن وايام ميونخ وباريس وننتظر راي الباقيين أرسلت بواسطة iPhone بإستخدام Tapatalk |
بالنسبه للشينغن هل حجوزات الفنادق اللي اختارها قبل التقديم يمديني اغيرها بعدين او لازم استمر عليها أرسلت بواسطة iPhone بإستخدام Tapatalk |
اي تقدر تغيرها ماعندك مشكله لكن حط في بالك نقطه مهمه ان الشينغن تستخرجه من الدوله اللي بتجلس فيها اطول مده مثلا الجدول اللي اخترته اكثر عدد ايام المانيا (3ميونخ + 4الغابات السوداء سواء السكن في بادن بادن او رست او فريبورغ ) واذا تساوت عدد الايام بدولتين تختار الدوله اللي الوصول لها حتى اذا عدلت على حجوزات الفنادق لابد يكون الشينغن من الدوله الاكثر ايام لذلك اختار المخطط قبل التقديم للشينغن بالتوفيق تم الإرسال من SM-G935F باستخدام Tapatalk |
مساعدة لتخطيط مبكر جدا جدا اقتباس:
فاهم ذي النقطه والله لي فترة اقرا مواضيع اوروبا وانا احاول ارتب جدول مناسب للميزانيه وعدد الايام عشان اعرف وين اقدم الفيزا واجهز الامور من بدري عشان اول ماالاقي عرض طيران نحجز ونعمل الحجوزات ونقدم الفيزا أرسلت بواسطة iPhone بإستخدام Tapatalk |
https://r.tapatalk.com/shareLink?url...1&share_type=t شوف موضوع جديد لمديرنا الفاضل تم الإرسال من SM-G935F باستخدام Tapatalk |
طبعا المعنى انك تحجز حجوزات قابله للالغاء دفع مؤجل ومؤكده قبل التقديم للشينغن بعشر ايام وتخليه الى ان تصدر الشينغن واذا صدرت ولقيت حجز ارخص او شاغر بفندق اخر تقدر تلغي وتعدل تم الإرسال من SM-G935F باستخدام Tapatalk |
جزاك الله الف خير اتضحت الصورة الحين باقي نستقر على مخطط وعلى فنادق أرسلت بواسطة iPhone بإستخدام Tapatalk |
شوف هذا موضوع بعد سبق وقريته جدا مهم عند استخراج الشينغن لافراد الاسره https://r.tapatalk.com/shareLink?url...1&share_type=t كل ماذكرت موضوع من المواضيع اللي استفدت منها وقت بحثي راح احطها لك ممكن يفيدك واذا اخترت جدول ممكن ااعرض لك الشقق اللي عجبتني في airbnb اثناء بحثي وانت اطلع عليها بالتوفيق تم الإرسال من SM-G935F باستخدام Tapatalk |
وعليكم السلام عندي اقتراح بسيط بعد ماشفت كلامك اقتراحي رحلتك تكون المانيا النمسا هولندا ولو بتضيف تضيف دولة معاهم بتأشيرة الشينغن اوفرلك وارخص لك من وجع الرأس خصوصاً تأشيرتين يمكن تطول إذا ماطلعتها ويكون ضغط والخ وثاني شيء بما إنك رايح النمسا وألمانيا روح إيطاليا يومين او 3 في ميلانو حلوه كثيره وتستاهل وثالث شيء حجوزات الطيران احجزها من موقع الشركة نفسها مثلا طيران السعودية والخ احجز من موقع الشركة لعدت أسباب أهمها انك تقدر تعدل الحجوزات والخ وتغير الوجهه بسهوله بالنسبة لميزانية 50 ميزانية جداً حلوه ومع اني اشوف انها مرتفعة جداً خصوصاً انك بتحجز من الحين فكل شيء رخيص |
اقتباس:
حياك اخوي طبعا اكيد الحجز بيكون عن طريق الخطوط السعودية والاهم الطيران المباشر والارخص اخوي انا حطيت حد للميزانيه ماابغي اتجاوزه اذا فيه ارخص بيصير افضل فهمت علي مازلنا في مرحلة القراءة والتخطيط وباذن اله بستشير الاعضاء باي جدول احد يقترحه عليا ونتوصل لجدول مناسب باذن اللله شكرا لمرورك ولنصيحتك أرسلت بواسطة iPhone بإستخدام Tapatalk |
اقتباس:
باذن الله وانا كمان اذا استقريت على فنادق باخذ بشور الاعضاء باذن الله عندي الحين مخططين اضافيه للي اعطيتني هو الاول الوصول والمغادرة ميونخ ميونخ والتوجه فورا الى خمسة ايام انسبروك او كابرون خمسة ايام بادن بادن او فريبوغ اربع ايام كولون او اخن اربع ايام جثيورن ستة ايام هانوفر يوم ميونخ أرسلت بواسطة iPhone بإستخدام Tapatalk |
| الساعة الآن 12:40 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO