|
استفسار ضروري تدخل (الله يسعدك) السلام عليكم ورحمة الله وبركاته اخواني الاعزاء بعد الاتفاق مع الشله وعددنا الكلي 4 اشخاص تم اختيار دولتين للسفر بعد اسبوع ونص تقريباً (تركيا: اسطنبول) و ( الفلبين:مانيلا) وميزانيتنا تقريباً 20 الف ريال شامله تذاكر وسكن واكل ومواصلات (يمدينا نروح الثنتين ويكفينا المبلغ ولا نختار وحده منهم ) ومحتارين الصراحه لأيهم نروح علماً ان سفرتنا تغيير جو ووناسه وابي مشورتكم يالغالين وانا بانتظاركم . |
و عليكم السلام و رحمة الله و بركاته ... المبلغ 20 ألف ريال ... (5000 ريال للشخص الواحد ) شاملة التذاكر الدولية +المواصلات +السكن + الأكل .... و تبون تروحون ... (تركيا: اسطنبول) و ( الفلبين:مانيلا) و تبون هناك ... تغيير جو ووناسه وسهرات أشك في ذلك .... !!! التذكرة للشخص الواحد ... سواء اسطنبول أو مانيلا على الخطوط السعودية ... 2200 ريال تقريباً بيكون باقي للشخص 2800 ريال ... لو أفترضنا .. السكن للشخص بيكون 200 ريال في اليوم (هذا في فندق نجمة وحده و طايحه) يعني 1000 ريال لمدة 5 ليالي ... بيبقى للشخص 1800 ريال ... الأكل 50 ريال باليوم (نواشف) 250 ريال بيقى له 1550 ريال ... عاد المواصلات و تغير الجو و ...و ... و الله أشوفها صعبة جداً على أي بلد من الأثنتين المختارة سواء رحتوا اشتنطبول أو مانيلا.. بالتوفيق .... |
هههههههههههه الله يسعدك يالغالي على رحابة صدرك السكن بيكون غرفتين فقط او شقه من 2 غرفه لكن مايمدينا على اسطنبول يعني حتى لو 10 ايام ☹️ |
اقتباس:
تبي نصيحتي .. لا تشتتون أنفسكم في كثرة البحث و الأراء .. ركزوا على مكان واحد و دام أن رحلتكم بعد أسبوع و نص أشوف الوقت يا دوب يكفيكم في ترتيب الحجوزات.. مثل الطيران و السكن .. و أنا اشوف اسطنبول أحسن خصوصاً أنكم تسافرون لأول مره و بميزانية محدودة .... يعني موضوع المواصلات أمره بسيط لأنكم تقدرون تستخدمون المواصلات العامة المترو و الترام و الباصات و بتوفرون كثير ... و أنتو شباب ما شاء الله " يمدحون المشي" :e201::e201: نصيحة .. أنسوا الفلبين و أحسموا أمركم على اسطنبول فقط .... و أبحثوا عن السكن في فنادق منطقة سيركجي قريبة من المناطق السياحية و المواصلات قريبة عليكم و كل شئ حولكم مطاعم و كل ما تحتاجون بالتوفيق ... |
اقتباس:
عشت الله يعافيك ويغنيك ماقصرت وتمينا عليها بحول الله وقوته وكتبت موضوع بالقسم الخاص بتركيا وان شاء الله يفيدونا اخوانا الاعزاء |
اقتباس:
ممتاز ... الخطوة الأولى .. أحجزوا التذاكر .. علشان ترتيب الجدول يكون واضح متى الذهاب و متى العودة عندكم الخطوط السعودية و الطيران التركي .... أو طيران ناس (ينزل مطار صبيحة في أسطنبول) شف اللى يناسبكم |
اوك الله لا يهينك بردلك خبر بس اححز اذا عندك خبره وممكن تفيدنا داخليا :e304: |
اقتباس:
أعتقد من الأفضل تركيز الأستفسارات في موضوع واحد ... و الأخ نـــواف رد عليك في أستفسارك في بوابة تركيا و أعطاك النصائح المفيدة بالنسبة للسكن و التنقلات و نحن بالخدمة |
| الساعة الآن 12:01 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO