شبكة و منتديات العرب المسافرون - استفسار بخصوص دوله النمسا؟

اقتباس:

المشاركة الأصلية كتبت بواسطة Ma-ha-99 (المشاركة 442629)

السلام عليكم ورحمه الله

كما هو موضح بالاعلان

اهل الخبره يا ليت تفيدوني كم تقريبا تكلفه السفر للنمسا لمده 14 يوم ! طبعا عن طريق ميونخ والتكلمه بسياره مؤجره للنمسا
لعدد اثنين فقط ! طبعا الفنادق مو شرط 5 نجوم من 3-4 وكم تقريبا المصروف اليومي كامل الوجبات ؟ كذالك بعض التنزهات

وماهي افضل الاوقات للسفر للنمسا

و شكرا لكم تحياتي ..

وعليكم السلام ورحمة الله

بما ان التكلفة مهمه لك فاقترح التالي :
1- السيارة خذوها من الشركات نفسها مو من وسيط وعندهم سيارات صغيره ورخيصه ( لازم تاخذون تأمين شامل نسبة التحمل صفر ) يعني ماتدفعون اي شي لو صار اي شي ... السيارة من خارج المطار ممكن تكون ارخص بمبلغ حلو ..

2- بما انه صار معكم سيارة حددوا الاماكن اللي تبون وافتحوا خرايط قوقل وشوفوا القرى القريبة وسوو بحث عن سكن فيه في بوكينق او www.airbnb.com او اي موقع موثوثق .
موقع airbnb احجزوا من اماكن السكن اللي تقييمها زين وابتعدوا عن اللي الجديد + قبل تحجزون راسلوا صاحب الشقة لايكون اجرها لناس ثانين من موقع ثاني وتتفاجئون انه الغى حجزكم .
- 3 الاكل في النمسا والمانيا في المطاعم اسعاره معقوله جدا وممكن تمرون مراكز التسوق الكبيره مثل هوفر وتتسوقون للعشاء والفطور مثلا وفيه وجبات جاهزة ولذيذة بخيارات كثيرة مره وباسعار حلوه .

اوقات السفر بالنسة لي كلها حلوه
الصيف خضرة وجو جميل وفيه تكتمل الخضرة وتبلغ اخر مراحلها والكثير يفضلونه والتنقل يكون فيه سهل
الخريف الوان الشجر والطبيعه تكون مره جميله ومتعدده ولوحة الوان سبحان من ابدعها
الشتاء ثلوج وفعاليات شتوية وتزلج ولعب بالثلج + نزول السنو مرة ممتع وجبال الالب تكون عالم اخر في الشتاء
الربيع هو اقل الفصول يمكن جمال لاهو مع الشتاء ولا مع الصيف بس باخره تبدا الشلالات من الجبال تتحرك