|
مشورتكم لغشيم سفر...~ السلام عليكم ورحمه الله وبركاته اخواتي واخواني اعضاء هذا الصرح الجبار الي ليفتره اتابعه عبر تطبيق الجوال وماغير اتحسر متى تجي اجازتي من جمال اغلب التقارير لكن ظهرت لي مشكله ( ماعرفت وين اسافر ) :24: ابعطيكم ملخص عني لعل وعسى احد يلاقي الوجهه المناسبه :5: انا شخص ابعد ديره سافرت لها هي مصر وبصراحه ماقدرت اتحمل اكثر من 3 ايام مع اني كان المفترض اجلس 14 يوم واتمنى لو في اخوة مصريين مايزعلوا لكن فعلياً استصعبت ع نفسي التمشيه على النيل وبعض الاماكن بسبب بعض امور التسول وكذلك في بعض المطاعم كنت احتاج اني احفظ طلباتي عبر تطبيق منيو والسعر عشان اعرف اذا ان جالس يفلم علي في السعر وفي مطعمين فعليا لقيت السعر مضاعف لكن يوم وريته التطبيق قالي ممكن في خطأ لكن اعتبر وجبتك علينا :58: لفته جميله لكن سبقها نصب فما حسبت عندي لكن بشكل عام انا من زوار دولتين بس احس مليت الاولى البحرين اعشقها لـ 4 اسباب اولاً قريبه مني حيل ثانيا شعبها احسه منه وفينا حتى فيالمجادله في احيان اشعر وكأني في الأحساء اعرف اخارج نفسي :e201: ثالثاً في كم مطعم هناك انا مدمن عليه رابعاً : ( اعتذر من الاخوه والاخوات الملتزمين ) " اماكن الايف ميوزك والدي جي احسها جميله في البحرين اكثر من دبي واعيش فيها جوي محد يجيني ويتليقف او من يسمون بالفتاحات وظيفتهم بس يبونك تطلب لهم " الدوله الثانيه دبي اعشقها لـ 3 اسباب الأول ( مطاعم كثير جربتها وجباره ويمكن لسه في مطاعم ماجربتها ) الثاني : التطور وانا من الناس الي احب اشوف التطور العمراني وجو المدينه الثالث : لغتي الانجليزيه فاشله وهم عرب يعني الوضع وكأني في ديرتي ما اضيع لكن بشكل عام حسيت اني مليت دايم سفراتي لها الدولتين وودي اجدد تكلمت مع بعض زملاء العمل عن تركيا الي سبق لهم زيارتها لكن للأسف كرهوني فيها ما يذكرون الا عيوب فلذلك قلت اطرح استفساري هنا لعل وعسى الاقي اقتراح مناسب المعطيات " كيفني وانا مدرس رياضيات ) المبلغ المرصود بشكل كامل وشامل ( 18-24 الف ريال ) المده : 10-14 يوم الأفراد : لحالي فديتني :47: المود العام والتطلعات : مدن , تحضر , مطاعم ( م ط ا ع م ) , شوية بحر ههه واهم شي ( مــطــاعــم ) اعشق تجربة الاكل لأني سنه كامله اسوي رجيم وما اصدق تجي الاجازه عشان افلت الحزام التنقل : اتمنى تكون مدينه تستحمل قضاء هالمده وفيها فعاليات وما احتاج اتنقل من منطقه لمنطقه ( كسوول) تاريخ السفر : نهايه مارس تقريبا من 21 مارس او 20 ووو بـتس ما اعتقد ناقص شي :e017: |
اعطيك دولتين اوربيتين أوكرانيا وهنغاريا اما تركيا ابعد عنها انت تقول ماستحملت مصر بسبب المتسولين حاليا في تركيا الوضع أعظم بسبب اللاجئين مزعجين وشحاتين ومن يعرف انك خليجي مايخليك في حالك تركيا اختربت من بعد ماطبوها الصراحه انا رايح قبل ورحت حاليا قبل حيل حلوه وهاديه اما الحين ولا ببلاش بيمزانيتك هذه روح دول أوربا بتعيش الجو عدل هناك |
وعليكم السلام الله يحييك بيننا الشحادين موجودين حتى في لندن و باريس و السرقات كذلك وين ما سافرت راح يكون فيه سلبيات لكن متى ما زادت الايجابيات و قلت السلبيات كانت الرحلة ناجحة الموضوع هذا يعتمد على خبرة المسافر و طريقة تخطيطه لرحلته ارشح تستكشف شرق اسيا و تبدأ باندونيسيا فهناك لن تكون اللغة عائق ابدا وفيها مزارات و مطاعم بلا حصر ممكن تروح بالي وفيها المنتجعات والشواطئ الذهبية وقد تختار باندونق اللي يطلق عليها لقب باريس جافا او جاكرتا المدينة العالمية التي لا تنام |
المعذرة ع التأخر في الرد :12: اقتباس:
يعطيك الف عافيه ع هالتجاوب والاقتراح وصراحه قبل فتره كنت افكر بأكرانيا لكن سويت بحث ايامها عن موضوع الفود تور فيها لقيته مو ذاك الزود فلذلك غضيت نظر عنها اقتباس:
هلا بالـbig boss :1: الله يسعدك ع هالاقتراح الطيب بس سؤال محيرني ويمكن عندك اجابته عندك لأن شكلك قطعت اسيا زيارات :32: هل الاكل عندهم يستحق التجربه وفيه تنوع كبير ترى المده مو شوي واخوك في الله بطيني درجه آولى :e341: واذكر قريت مواضيع ان اندنوسيا مو الوجهه المناسبه لمتذوقي الطعام لصعوبة استساغة طعمه بالنسبه لأذواقنا كخليجيين |
اقتباس:
بل اندونيسيا فيها اكل لا يقاوم بس تعرف وين تروح المطاعم الخليجية في جاكرتا والجبل بكثرة لو انك من محبين الاكل الخليجي حتى الافطار الخليجي موجود لو حبيت لكن مطعم زي كامبونق داون في باندونق و مطاعم الارانب على شارع سيتيابودي باندونق وكذلك مخبز bread talk اتوقع تعجب كل شخص يزورها وهذا المخبز موجود حتى في مولات جاكرتا مطاعم الاسماك وكذلك التايلندية تعجبني برضه القائمة تطول لكن تاكد انك راح تلقى الاكل اللي يناسبك |
حياك الله بما ان من متذوقين المطاعم و تهمك انصحك في لنــــــــدن حتى لو ماعندك لغة راح اتمشي حالك |
اقتباس:
والظاهر شورك وهداية الله بخصوص المطاعم الخليجيه انا مليت منها بس كان مقصدي عن الاستساغه لأذواقنا ( مثال كوريا ماقدرت ابلع اكلهم الله يكرم النعمه ) وشيكت ع مطاعم جاكرتا عن طريق تريب ادفايزر الوضع شبه مشجع مع اني ما اداني البحري وبما انك خبير بإندنوسيا اعذرني ع كثرة اسئلتي وغثاثتي كيف تنصحني اقسم الـ 10-12 وفي اي مناطق اسكن غالباً اني ممكن استخدم airbnb للسكن الا اذا كان في فنادق افضل مع نادي وكذلك كيف راح تكون الاجواء غالبا في نهاية مارس ( يارب مو حر ورطوبه كاره الخبر بسبة رطوبتها ) همسه " بما ان عيد ملادي المجيد في 22 مارس وبيوافق سفري وش في فعاليه تستحق الواحد بجربها في هالمناسبه الوطنيه العظيمه هههه :25:" واخيراً اعتذر مره اخرى ع كثرة اسئلتي :3: |
بما ان عيد ميلادك اذا في منطاد يفضل تجربته او zip line Sent from my iPhone using Tapatalk |
اقتباس:
لندن مثلها مثل ايطاليا بما اني كنت ناوي ع ايطاليا كرهتها لسبب اني محتاج شنجن وانا رجل كسول ابي اسافر بدون قرف تسليم جواز وتأمين طبي وشوي يقولون اسكن هنا ولا تسكن هنا واللغه ما اتوقع ابد اني بقدر امشي حالي بدونها هناك عاد هذول هم حقين الانجليزي الفصحى :26: ــــــــــــــــــــــــــــــــــــــــــــــــــ ــ اقتباس:
اقتراح روعه مع اني والله احس اني اشوف مستقبلي https://i.gyazo.com/430b289f6353be47...b4f6578693.gif |
اقتباس:
الجو ربيعي حول 25 درجة و الامكار متقطعة بس شبه يومي اشوف تقسم المدة بين جاكرتا و باندونق اول ما توصل المطار تاخذ باص من هناك لباندونق https://www.cititrans.co.id/ وترجع معاهم لجاكرتا السكن في باندونق sensa hotel https://www.booking.com/hotel/id/sen...fs=1&#tab-main السكن في جاكرتا فندق سيبوترا وسط جاكرتا موصل فيه مول وقريب منه مول ضخم تامان اند انقريك https://www.booking.com/hotel/id/cip...fs=1&#tab-main اذا تحب تجرب الفنادق الخمس نجوم فندق موليا يعتبر خيار جيد https://www.booking.com/hotel/id/mul...fs=1&#tab-main و برضه فندق فيرمونت https://www.booking.com/hotel/id/fai...s=1&#hotelTmpl الموضوع يعتمد على ميزانيتك الفنادق في جاكرتا كثيرة الفعاليات كثيرة جدا لذا تحتاج ترتب جدولك مضبوط |
تركيا جدا جميله لكن كن منتبه |
رحلة سعيدة |
| الساعة الآن 04:28 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO