|
ماهي بطاقة الفيزا المقبولة في امريكا؟ أسعد الله أوقاتكم بكل خير عندي بطاقة ماستر كارد من بنك الاهلي لكنها مسبقة الدفع (PREPAID) والارقام محفورة على البطاقة سألت موظف البنك وقالي بان ماقدر اشتري من المحلات هناك او الدفع الا اونلاين! طيب وش البطاقة الي مقبولة هناك سواء في محلات التسوف او ايجار السيارات او الفنادق مباشرة؟ هل بطاقة الصراف العادية وهي في الاساس فيزا او ماستركارد مقبولة هناك؟ |
يا هلا و مرحبا فيه عدة أنواع من البطاقات 1 مسبقة الدفع مثل اللي معاك تقدر تشتري فيها من أي مكان حتى الفنادق و السيارات طالما فيها رصيد لكن لو حبوا يعملوا حجز لمبلغ كتأمين ما يقدروا لعدم وجود هذه الخاصية 2 بطاقات فيزا وماستركارد عادية هذي مقبولة بكل مكان ويقدروا يعملوا حجز لمبلغ أو تفويض وبعدين يرجعوه للبطاقة 3 بطاقات السفر مثل بطاقة المسافر من الانماء وبطاقة السفر من الاستثمار وهذي اللي أفضل استخدامها بدلا عن مسبقة الدفع لأن سعر صرف العملات ثابت 3.75 للدولار وتشتري فيها بدون أي عمولات وهي لا تقبل التفويض أيضاً 4 بطاقة الصراف العادية مقبولة لكنها لا تقبل التفويض أيضاً وتحويل العملة يتم بسعر اليوم أخذها معي أيضاً للاحتياط لذا من يسافر لابد يكون معاه بطاقة فيزا عادية + بطاقة السفر يدفع لكل شي من بطاقة السفر وان احتاجوا تفويض يعطيهم البطاقة العادية |
لذا من يسافر لابد يكون معاه بطاقة فيزا عادية + بطاقة السفر يدفع لكل شي من بطاقة السفر وان احتاجوا تفويض يعطيهم البطاقة العادية :58::58::58: |
ابو غسان فيزا السفر تقبل حجز المبلغ جربتها كم مرة اخر مرة مع شركة Europcar حجزوا التأمين من بطاقة السفر وبعد 14 يوم من اعادة السيارة رجع التأمين |
اقتباس:
هلا أبو محمد اللي عملوه هو سحب وليس حجز ما يقدروا يعملوا تفويض عليها لأنها لا تقبل أساسا لو فتحت حساب بطاقة فيزا او ماستركارد اونلاين راح تلقى مكتوب " تفويض " امام العملية بينما تجد " شراء " أمامها في بطاقة السفر قبل كم يوم اشتريت من مطعم في نيويورك ببطاقة السفر و سحب المبلغ وعند الاستلام قال هذا الصنف مو موجود راح يرجع المبلغ لبطاقتك بعد 3 أيام تقريباً رجع للبطاقة وهذا نفس اللي تتكلم عنه الاختلاف هنا أنه لو شركة التأجير ما رجعت المبلغ لبطاقة السفر ما أقدر أثبت عليهم لأنها عملية شراء بينما في البطاقة العادية يبقى تفويض ومن حقي الاعتراض عليه ( المبلغ معلق ) والفنادق بالمناسبة نفس الشئ ممكن يحطوا عليك مبلغ لسبب غير صحيح مع البطاقة العادية من حقك تعترض عليهم اذا عندك الفاتورة لذا دايم أنصح باستخراج بطاقة عادية عند طلب تفويض أو حجز مبلغ للتأمين اما المشتروات بكافة أنواعها استخدم بطاقة السفر |
افضل بطاقة تعاملت معها هي بطاقة (السفر) من بنك السعودي الاستثمار جدا ممتازة من خلال سعر الصرف وسهولة استخدامها والتحويل عن طريق التطبيق وتعمل معك وين ما رحت في العالم. |
اشكركم جزيل الشكر على ردوردكم وتفاعلكم.. ** أبو غسان"" افهم من كلامك الزبدة هي رقم 2-3 فقط؟ وسوال الله يعطيك العافية وش معنى تفويض؟ وهل التفويض هذا مقصور فقط ببطاقة رقم 2؟ |
اقتباس:
نعم الزبدة هي 2 + 3 والتفويض ( تعليق المبلغ ) متوفر في 2 فقط خلال سفرك احرص يكون معاك 2 + 3 + 4 + 200 دولار أو يورو في تنقلاتك تحمل 3 + 4 + 100 دولار بالسيفتي تحتفظ بـ 2 + 100 دولار |
اقتباس:
الله يسعدك ويوفقك يابوغسان ردك الاول وهذا اوضح لي الشي الكثير جدا الي غايب عني وملخبطني .. الله لا يحرمك الاجر ان شاء الله. |
اقتباس:
والله يابو غسان انت رجل صاحب خبرة واعرف منا بكثير في هذه الامور لكن صاحبك راسه ناشف ومايفهم و مازلت اقول ان بطاقة السفر تقبل الحجز مثلها مثل الفيزا العادية شوف اللي صار معي في فيزا السفر على مدى استخدامي لها عند عملية الشراء بالبطاقة تظهر العملية في كشف الحساب ويكتب امامها كلمة ( مكتمله) عند عملية الشراء ببطاقة فيزا السفر في حالة الغاء العملية سواً بطلب منك او الفندق او شركة التأجير للعملية تظهر في كشف الحساب ويكتب امامها كلمة (refund) في حالة حجز المبلغ فقط لا تظهر في كشف الحساب لكنها تظهر في الموقع في خانة العمليات ويكتب امامها ( معلقه) وعند اعادة المبلغ تختفي تماماً ولا تظهر في الموقع ولا في كشف الحساب لذلك نستنتج مما سبق ان البطاقة تقبل حجز المبلغ مثلها مثل اي فيزا عادية |
اقتباس:
عزيز و غالي يابو محمد باب النقاش مفتوج للجميع و دايم نطلع بفوائد من هذي النقاشات عليك نور refund يعني استرجاع ما سحبوا من مبلغ مثل الفيزا البريطانية تدخل الفلوس حسابهم و اذا كان فيه خطأ تعمل refund وتطلع عندك بالحساب عملية دائن اما المبالغ المعلقة ما تظهر كعملية بل تبقى معلقة الى أن يتم فك التفويض بس لاحظ التالي أنا استأجرت سيارة بقيمة 1000 ريال و التأمين كان 200 ريال المفروض تظهر في كشف الحساب 1000 سحب + 200 مبلغ معلق لو استعملت بطاقة السفر راح يظهر سحب 1200 ريال وبعد فترة استرجاع 200 ريال وهذا ليس بتفويض الصحيح أن ادفع لهم ببطاقة السفر 1000 ريال و اعطيه الفيزا العادية يعمل تفويض بـ 200 ريال الفائدة ان هذي الـ 200 بالنص بينا لو سحب منها اي مبلغ لازم يعطيني مقابلها فاتورة والحكم بيننا شركة فيزا او ماستركارد بينما لو سحبها من بطاقة السفر لا حكم بيننا والموضوع يرجع لأمانته |
ماشاءالله بوغسان استفدت منك بشأن البطاقات بطاقة السفر يقابلها عندنا اي بطاقه احول لها مبلغ معين باختياري من حسابي الشخصي وهذه كلها عمليات شراء بدون تفويض والبطاقه العاديه للحساب الشخصي اللي ينزل عليها الراتب هذه فيها تفويض مثل مافهمت منك يعطيك العافيه |
اقتباس:
الله يسعدك أم حسين لما نقول البطاقة العادية نقصد بطاقة فيزا او ماستركارد المعتادة مش بطاقة الصراف التابعة لحسابي البنكي |
| الساعة الآن 12:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO