|
حين تغرد الطائرات ( فنتازيا ) اهلا بالشابات الماجدات :32:اهلا بالشباب الجميلين المرتبين سيداتي سادتي ايها المسافرون الكرام ايها الشعب الكريم :D بما انكم بحجر ولاهنا روحات ولا جيات ولاحتى بوكنج تطقطقون به وتحجزون وهمي .. خلونا نسولف عبر عدة اسألة ولك الحق ان تجاوب او لا فالامر اختياري / -متى كانت اول سفره والى اين ؟ - هل تذكر شعورك قبل السفر بيوم ؟ -هل تعرضت للنصب في سفراتك ( علمنا ماراح نعلم احد ) - بلد تشعر انه يعيش داخلك -بلد تقول لو اروح لعرعر ( ماطبيته مره ثانيه ) -هل تنام بالطيارة ( زي نومه اللقلق جالس ومنزل دقنك) :32: -عادة مزعجه تسويها بالسفر ودك تغيرها -اطول سفرة في حياتك كم كانت يوم / اقصر سفره :::: سوال المليون دولار :D وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. - .............. ( سوال مفتوح اسأل نفسك وجاوبنا ) بمعنى سوال كان ودك اننا سألناك اياه ::: بانتظار هطولكم كالمطر ابو معتز بيهطل ( بردية ) :32: اخر فرصه بيجي ( كالاعصار ) وكتبه ابولجين فهد ( وااااشرح لها ) |
:68::68: |
يا هلا ابو لجين موضوعك راح يفتح باب نقاش له اول ماله تالي ... :e201: -متى كانت اول سفره والى اين ؟ كانت تقريبا 2013 الى دبي - هل تذكر شعورك قبل السفر بيوم ؟ كانت تجربة جديدة وشي ودنا نسويه من زمان -هل تعرضت للنصب في سفراتك ( علمنا ماراح نعلم احد ) اذا استثنينا عدم معرفتنا بالاسعار بالسفرة الاولى لأي ديرة ... ما اذكر صارت معاي حوادث نصب ولله الحمد - بلد تشعر انه يعيش داخلك لندن مافيها كلام :e201: -بلد تقول لو اروح لعرعر ( ماطبيته مره ثانيه ) مصر "مع احترامي للشعب المصري" -هل تنام بالطيارة ( زي نومه اللقلق جالس ومنزل دقنك) ما اعرف انام نهائيا الا في حالة اكون تعبان حيل اخذ غفوة نص ساعة على الكرسي -عادة مزعجه تسويها بالسفر ودك تغيرها انسى اشرب ماي :1: -اطول سفرة في حياتك كم كانت يوم / اقصر سفره اطول سفرة كانت بحدود اسبوعين في تركيا وماليزيا وأقصر سفرة ثلاث ايام في لندن سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. مرات ودك تطول بالسفرة ومرات تمل من الديرة اللي رايح لها فالشعور يختلف حسب السفرة :32: |
السلام عليكم و رحمة الله و بركاته .. كالمعتاد .. أبو لجـين "مبدع" -متى كانت اول سفره والى اين ؟ لا أذكر العام بالتحديد و لكن كانت قبل أكثر من 40 عام إلى مدينة العين بالأمارات "مع الوالد الله يرحمه" - هل تذكر شعورك قبل السفر بيوم ؟ بالتأكيد .. لأنها أول مره أسافر فيها خارج الوطن لدولة فقط كنت أقرا عنها في الجغرافيا -هل تعرضت للنصب في سفراتك ( علمنا ماراح نعلم احد ) نعم .. و لكنها لا تترقي إلى أن تسمى عملية نصب أكثر من أن تكون أستغلال عدم معرفة بالشئ في وقته .. - بلد تشعر انه يعيش داخلك أمريكـــا -بلد تقول لو اروح لعرعر ( ماطبيته مره ثانيه ) ماليزيـــــــا -هل تنام بالطيارة ( زي نومه اللقلق جالس ومنزل دقنك) نادر .. فيما عدا بعض الرحلات "الطويلة" -عادة مزعجه تسويها بالسفر ودك تغيرها أتمنى أقلل من الملابس اللى أخذها معاي !! -اطول سفرة في حياتك كم كانت يوم / اقصر سفره أطول سفرة كانت 3 أشهر (عمل+سياحة) و أقصر سفرة 16 ساعة تقريباً( صد - رد ) و كانت رحلة دولية سوال المليون دولار وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. يختلف الشعور حسب السفرة .. و لكن في الغالب أجلس أترقب أن ألمح أنوار مدينتي من الأعلى و أحمد الله على سلامة الوصول سالماً معافى .. |
اقتباس:
اهلا اهلا .. خله يفتح باب نقاش .. ندور السوالف لين تفتح المطارات :) لفت نظري اختيارك للندن ( فخامه ) \ مصر .. كذبة كبرى رواها لنا عشاقها .. البلد اقل من عادي ( ان زرته مره تكفيك) وبعدين اول سفراتك لدبي العصريه الحديثه .. ثم تعشق لندن اكيد فصيله دمك ماتتطابق مع مصر :1: شعورك عند العوده فلكسيبل :14: توقعت انك بتقول حب الوطن وتسذا اجاباتك لطيفه استمتعت بها تحياتي لك |
اقتباس:
مصر ممكن تكون لها عشاقها "سابقا" لكن وضعها الحالي ما اعتقد يرقى لدولة سياحية ما تقدرينا لشعب مصر كانت دبي اول رحلة بالطيارة وفعلا كانت واعتقد لا زالت من ارقى المناطق اللي ممكن الواحد يروح لها ولكن بعد ما رحنا لندن تغيرت النظرة للرحلات الخارجية :1: اما حب الوطن موجود :34: الشرف لنا والشكر لك على فتح مثل هالمواضيع اللي يمكن تصبر الناس شهر شهرين لين تفتح المطارات بشكل رسمي مثل ما صار مع المانيا ودبي وتركيا |
مساء الخير متى كانت اول سفره والى اين ؟ اول سفره ايام الطفوله عام 1989 كانت الى امريكا مع جدتي وجدي (الله يرحمه) وخوالي والاهل - هل تذكر شعورك قبل السفر بيوم ؟ كنت طايره من الفرح بالذات انه السفر كان لعدد كبير من العائله مجتمعين -هل تعرضت للنصب في سفراتك ( علمنا ماراح نعلم احد ) لا الحمدلله - بلد تشعر انه يعيش داخلك النمسا 🇦🇹 -بلد تقول لو اروح لعرعر ( ماطبيته مره ثانيه ) مافي بلد ماعجبني بس مدينه (جنيف ) توبه اطبها ثاني مافيها غير نافوره وكم محل 😒 -هل تنام بالطيارة ( زي نومه اللقلق جالس ومنزل دقنك) مقدر انام بالطيارررره وحتى لو اوهمت نفسي بالنوم احس باللي حولي -عادة مزعجه تسويها بالسفر ودك تغيرها وقت الذهاب الشنط تصير فل من الملابس ومو كلها نستخدمها ووقت الرجعه مع الهدايا نحووس ونضطر نشتري شنطه جديده -اطول سفرة في حياتك كم كانت يوم / اقصر سفره اطولهم 3 شهور في امريكا اقصرهم دبي 5 ايام وش شعورك لاوقفت الطيارة وانت راجع لديرتك وجتك رساله على جوالك مرحبا بك في ( دولتك ) تحس انك سافرت من جد .. اول ما اشوف اضواء المدينه من الطائره احس بحنييييييين لمدينتي (جده) واقول مهما اروح اي مكان مافي مثل السعوديه بعيني 😍 واذاشفت رساله الجوال احس اني رجعت للامان 😌 واحمد الله على سلامتنا .. حبييت الموضوع لانه ذكرني باشياء جميله يعطيك العافيه |
جيت من آخر اول سفرة كانت : عام 2012 باريس وجنيف وانترلاكن وشاموني وفينا |
اقتباس:
افا يابو معتز ماليزيا :28: |
اقتباس:
|
| الساعة الآن 01:51 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO