|
طلب مشوره من اهل الخبره السلام عليكم ورحمة الله وبركاته انا شاب ذو 24 ربيعاً من من مجتمع يرفض فكرة السفر رفض بات لم تسبق لي تجربة السفر نهائياً ولكنها حلم من احلامي التي اسعى لتحقيقه موضوعي هو طلب مشوره بشأن دوله تكون مناسبه لرغباتي قليلة التكاليف بامكاني الاستمتاع فيها بمفردي لاني من فتره ابحث عن زميل للرحله لكن الاهل والاصدقاء جميعهم يرفض اما لسبب مادي او لغيره ف طلبي كالتالي ارغب في الذهاب لدوله ريفيه ذات خضره وشلالات وغابات وايضا يكون فيها معالم تراثيه ممتعه لمحبي التراث وتكون ذات طايع حضاري يعني في اوقات المساء يكون فيها حياه مدنيه من مطاعم وانشطه تجاريه فيها متعه للمتسوق والمتفرج وفي نفس الوقت تكون تكاليف السفر لهذه البلده يسيره وتكاليف الاقامه ايضاً يعني اكل وشرب ونوم وتنقلات تكون ميسوره وفي متناول اليد البوسنه والهرسك تابعت لهم فلوقات ماحسيتها مدينه تستحق الزياره فقط خضره وبس ماتحقق رغبتي ك مسافر لاول مره ودي احقق اكبر قدر ممكن من المتعه عشان لو ماتكررت لي الفرصه مره ثانيه اكون استوفيت حقي في المره الاولى وشكراً واسف على كثر الكلام |
وياليت الدوله ماتحتاج فيزة دخول يعني تكون دوله من الي مسموح دخولها بدون فيزه اسهل لي يعني بعدين اتعلم واخذ |
و عليكم السلام و رحمة الله و بركاته .. حياك الله أخي الفاضل عبد العزيز .. حسب طلبك أتوقع تركيا راح تكون مناسبة فهي تشتمل على كل ما طلبت من طبيعة و تراث و تاريخ و مزارات كثيرة و تسوق ... هذا بالإضافة إلى الرخص في الأسعار من ناحية السكن و المعيشة .. و التنقلات ممكن للفرد أستخدم الموصلات العامة (الترام و المترو و الباصات أو العبارات البحرية) بكل سهولة في كافة أجراء أسطنبول و بالنسبة للفيزا فهي سهلة جداً جداً و يمكن الحصول عليها من المطار أثناء الوصول و بمبلغ 60 دولار ... بالتوفيق .. |
اقتباس:
لكن عندي استفسارات اذا تسمح كم ممكن تكلفني سفره كامله لمدة 10 ايام صرف معقول و هل شهر 12 هجري مناسب للسفر هناك او لا لان ماعرف طبعة المناخ عندهم ف مادري بيكون ربيع شتا خريف او صيف احتاج توجيهك طال عمرك |
اقتباس:
الله يعافيك ... بالنسبة لتكلفة السفر ..يصعب على الغير تحديد ميزانية لأي سفرة لأنه تحكمها عدة عوامل أهمها الشخص و طبيعته في الصرف .. و نوع السكن .. و لكن تقريباً لو أستبعدنا المشتريات الخاصة بالتسوق ممكن يكون المصروف اليومي ما بين 250-350 ريال لشخص واحد (السعر تقريبي فقط) أما شهر ذي الحجة فهو يقع في شهري 7-8 ميلادي و هي أشهر الصيف في تركيا .. فيما عدا الشمال التركي مثل طرابزون فالأجواء تكون أبرد من اسطنبول .. أقترح عليك قراءة تقارير البواية التركية فهي مليئة بالكثير م المعلومات المفيدة بتعطيك فكرة أكثر شمولية ... الرابط بوابة تركيــــــــــا |
اخي الكريم قرات طلباتك وهي تلخص وضع تركيا ومتوافقة معها تماما ريف وشلالات وتراث وبالليل فيه حركة المصرف لشخص يوميا 200 ل 300 ريال عدا السكن اما لجهة الوقت فبالصيف شهر 7 و8 اسطنبول حارة بااليل الطف اما الشمال التركي وطرابزون ابرد |
وفقك الله ورعاك بما انك تسافر ولأول مره، انصحك بدول اسيا مثل إندونيسيا وماليزيا، و اشجعك على ماليزيا اكثر بدرجة الأولى ، فيها تنوع سياحي، سواء في سيلانجور هناك المدينة المائية او في كوالالمبور الكثير من الأنشطة وأيضا جزيرة لانكاوي وبينانج، كما انها سهلة جدا في التنقلات وحتى في التعامل واسعارها مناسبة، 🎯 وأيضا انصحك بتركيا بدرجة الثانية بها تنوع من حيث الطبيعة والأنشطة، 🎯 واذا كنت تسافر تركيا في فترة الصيف فالشمال التركي يناسبك فقط واما اسطنبول وضواحيها الجو حار وزحمة 🌟 كما انصحك بأن يكون معك في السفر احد من الزملاء او الأصدقاء او الأخوة، ولا انصحك السفر بمفردك |
اقتباس:
لاني سمعت ان التنقل من اسطنبول ل اوزنجول محتاج طيران وكذى مكان الوصول له محتاج طيران او الافضل يكون استأجار سياره ف وش رايك وهل يلزمني رخصة قياده دولية او لا شكراً لك |
اقتباس:
صحيح اخواني وابوي جربو يسافرون ك رحلات صيد او عمل لكن سياحه ولي انا تحديداً الكل رافض يشاركني التجربه باعتبارها مضيعت وقت ومافيها فرق عن السعوديه |
اقتباس:
|
عليكم السلام اذا مسافر لوحدك تحتاج فعاليات وانشطة حتى لا تصاب بالملل وضالتك موجودة في بالي اندونيسيا اسعار متوسطه وعلى حسب ميزانيتك تستطيع السكن |
اولا .. اقرا تقارير النخب في هذا المنتدى الشامخ و شف الدولة اللي تناسب رغباتك .. طبعا استبعد بلدان اوروبا الغربية لغلاءها - استخدم المترو و الباصات في التنقل فهي ارخص واوفر وتبعد بك عن المشاكل .. طبعا طريقتها سهله جدا .. بتغلط مره او ثنتين وبعدين بتفهم طريقتها .. وتحصل الشباب كاتبين تقارير عنها .. لا تستخدم التكاسي الا اذا كنت مضطر وخلك باقصى درجات الحذر .. لان 99% من سواقين التكاسي في جميع دول العالم بينصبون عليك اذا لقو فرصة .. - ارشح لك تسكن في بيوت الشباب فهي ارخص - انتبه تثق في أي شخص يجي يعرض عليك خدمات ايا كانت .. اذا بغيت اي شي ابحث عنه بنفسك - احفظ محفظتك الرئسية و جواز سفرك في مكان آمن - احرص على ان تكون شنطة سفرك صغيره بقدر الامكان هذا ما يحضرني الان .. |
تسافر والعياذ بالله !! :17: تركيا اتوقع اسلس سفرة بتكون لك المسافة سهولة الدخول التكلفة الطيران 1700 شامل كل شي المصروف اليومي حنا كنا شخصين عائلة يعني قلنا بنصرف في اليوم حدود 400ريال واخذنا ميزانية ذلك والواقع متوسط المصروف اليومي للشخص 150ريال لكن تجيك ايام تصرف اكثر وايام اقل حسب احتياجاتك |
السلام عليك أخوي عبدالعزيز بما أن هذه أول سفرة في حياتك ولوحدك فأول شي تسويه تقرأ كثير في المنتدى حتى تقتنع بدوله معينه تناسبك وما في دولة ممكن تحقق كل طلباتك في سفرة وحدة ثانيا تجمع كل المعلومات التي تحتاجها في السفرة وتاخذ فكرة عن البلد والمناطق والمواقع السياحية وأماكن السكن والتسوق والمطاعم والتنقل هناك عدد من الدول توفر الفيزا من المطار أو ألكترونية وعليك قراءة المعلومات المتعلقة بها وخطواتها من بوابة التأشيرات وهي سهلة وبما أنك مسافر لوحدك ففكرة أنك تسوق سيارة بتكون ممتعه كثير لك وتساعدك على زيارة المناطق الخارجية وأرخص من إستئجار سيارة مع سائق ، بس كأول مرة تسافر فهذا محتاج جرأة كبيرة منك أو أنك تطلع مع قروبات سياحية ، في الفندق ممكن يساعدونك تحصل شركات وبرامج سياحية هناك دول تعتبر سهلة كأول مرة مثل ماليزيا وخصوصا للعرسان وإذا سفرتك بالصيف ممكن تجرب جزيرة موريشيوس فجوها مناسب وإذا بالشتاء ممكن تجرب تايوان أما أنك تسافر كأول مرة في حياتك وفي الصيف لتركيا ما أنصحك ، تعامل الشعب بيكرهك كل شي ثاني وبيخرب عليك متعه السفر وخصوصا تقول أنها يمكن تكون الوحيدة في العمر نصيحة إبحث عن بلد تعامل شعبها راقي ومحترم وما يضايق السياح |
انا اوافق مع ترشيح تركيا واذا المصروف وايد خلها اسبوع ووفر من سعر الفندق للتمشيات والله يسهل سفرتك باذن الله |
اقتباس:
وهالشي صعب علي من نواحي كثيره اهمها هو اني ماعرف الطرسقه اصلاً ولا اعرف من يودي ولا اضمن الي بركب معه اذا كان نصاب او لا وخاصه اني وحيد ممكن القا الي بيطمع فيني ف الافضل اخذ سياره اضمن لي واسهل لتنقلاتي لكني احتاج معلومات كافيه عن القياده هناك عشان يوم اروح ما اخبط كثير |
اقتباس:
لو تعرفون كيف احجز ارخص قولو لي |
اقتباس:
وانا بنفسي ودي اروح مكان اكثر متعه من تركيا لكن اغلب الدول المتاحه لميزانيتي كلها طبيعه فقط لاغير مثل البوسنه مافيها غير الطبيعه ف ماهي مؤهله انها تكون تجربه اولا لكن هذا مايمنع اخذ توجيهاتك عشان تكون رحلتي الاولى ممتعه |
اقتباس:
واذا تبي تستاجر سياره فنصيحة لازم تكون ملم بقوانين البلد وعندك المقدره المالية و اللغوية و الخبره الكافية عند حصول أي شي من مفاجآت القياده لو لاسمح الله .. والا بتورط نفسك في امور انت في غنى عنها .. |
اقتباس:
لكن بخصوص التنقلات بالباص او القطار كيف اعرف لهم و وين اماكنهم وكيف الطريقه انا اسف اني كثرت عليك لكن هذي بتكون اول تجربه وما اعرف شي نهائي ممكن اسافر ومن الجهل اجلس في نفس المدينه الي وصلت لها لين ارجع للسعوديه ولا اصير استفدت شي |
السلام عليكم أخي عبدالعزيز أنا أرشح لك تسافر تركيا أو ماليزيا بما إنك أول مرة وهذه تقاريري لها ، حاول تقراها كاملة حتى تكون فكرة عن الدولتين تقرير ماليزيا https://www.arabtrvl.com/vb/t27108.html تقرير تركيا https://www.arabtrvl.com/vb/t36345.html أنا سافرت للدولتين لأول مرة ومع العائلة بعد لكني اكتسبت خبرة ومعرفة بها من خلال قراءة تقارير المنتدى واليوتيوب والسناب قبل ما أسافر لها والحمدلله كانت الأمور تمام واستمتعنا بالرحلتين على فكرة في ماليزيا استخدمت الباصات فقط للتنقل من مدينة إلى أخرى ولم استخدم بتاتاً طيران داخلي وكان جدولي موزع على أربع مدن أتمنى إني أفدتك سائلاً الله لك التوفيق |
اقتباس:
السلام عليكم و رحمة الله و بركاته ... أتمنى تسمح لي أخوي عبدالعزيز بالمداخلة و الرد ... أنت تحتاج تخطو و تتخذ قرار حاسم بلا تردد و تفكيرك في عدم المقدرة على تدبير أمورك في السفرة لابد أن تتجاوزه بأن تقرأ التقارير و تعرف بأن كل شئ سهل لدرجة أنك تستطيع معرفة الأمكان قبل السفر لها و أنن تستطيع شراء تذاكر التنقلات و الفعاليات في أي مكان بالعالم قبل السفر .. و يتبقى عليك فقط عندما تصل الذهاب للمكان المراد زيارته و ابراز صورة الحجز من الجوال و الدخول الأمور تطورت لدرجة أنه بأمكانك أن تحجز رحلة طيران دولية و تختار مقعدك و وجبتك و أتت في بيتك قبل السفر ... لابد عند أتخاذ قرار السفر أن تتلاشئ من عقلك كل الأفكار المخيفة التى قد تقف عائق في أتمام رحلتك و عدم أستمتاعك بها ... نصيحة أخوية أن كنت ترى في نفسك عدم القدرة على السفر وحيداً أنتظر ختى يتسنى لأحد أقاربك أو زملائك في العمل السفر معك ... أو رأي أخر هناك قروبات شباب يسافرون رحلات جماعية مرتبة و تكون بقيادة شخص متمرس و خبير في السفر قد تجرب في السفر معهم حتى تأخذ فكرة و تجمع معلومات و تتولد لديك الرغبة في السفر حتى لو كنت وحيداً لاحقاً .... بالتوفيق |
اقتباس:
اول شي بعد ما تحدد الدوله اللي بتسافر لها بفتره كافية .. ابحث عن المدن اللي ودك تزورهن و ا ماكن الزياره في كل مدينة في القوقل ماب و علم عليهن واحفظهن بحسابك في القوقل ماب .. وبعدها ابحث عن محطات الباص او المترو او القطارات و علم عليهن بعدها سو لك برنامج تنقل يومي .. هذا كله لازم تسويه قبل السفر بفتره كافية .. بعدها سو حجوزات الفنادق بحيث تكون قريبه من محطات المترو او باصات خط البلده .. بالكلام العربي لازم تسوي محاكات للسفر قبل لا تسافر .. يعني لازم تعيش مخطط السفر بكل تفاصيله .. اهم شي مثل ما قلنا في البداية الشنطه لازم تكون صغيره جدا و يفضل لو تكون شنطة ظهر .. للمعلومية قوقل ماب هذا يعتبر افضل مرشد سياحي .. طريقة البحث .. افتح قوقل ماب و بعدها حدد المدينه وبعدها اكتب مثلا محطة الباصات الرئيسية في المدينه الفلانية .. بتطلع لك .. ومنها تعرف موقع محطة الباصات الرئيسية او اكتب اسم الفندق .. وبعدها اطلب التنقل من الفندق الى المكان اللي تبي تروح له .. بيعطيك جميع وسائل المواصلات اللي توصلك لذلك المكان وارقام الباصات و اوقاتهم .. وكم المسافه اللي تمشيها على رجليك .. زي الصوره المرفقه https://www.arabtrvl.com/up/uploads/...4509730951.png وهذا ارقام الباصات اللي توديك للمكان المحدد https://www.arabtrvl.com/up/uploads/...4494464031.png اهم شي لازم تطقطق و تتعلم على قوقل ماب قبل لا تروح و طبعا تبي تواجهك بعض المشاكل والضياع في اول سفره ولكن بعدها بتطور قدراتك حتى تصير محترف . و هذا نموذج ثاني في مدينه ثانية تبغى تذهب الى برج غلطه من مسجد السلطان احمد الطريقه كما هي واضحة في المخطط تمشي 200متر وبعدها تركب الترام المتجه الى كابتاش في الرصيف رقم T1 و تنزل في محطة كاراكوي و بعده تمشي لمسافة550 متر https://www.arabtrvl.com/up/uploads/...4653918831.png |
يسلمو |
اقتباس:
الله يجزاك خير ويسعدك دنيا واخره شكراً من القلب بخصوص تذاكر السفر من وين ارخص مكان يقدمهم لان دخلت موقعين نفس الخطوط التركيه واحد 2145 والثاني ب 3 الاف وشوي وكلهم درجة سياحيه وفيه عضو قالي تذاكر الطيران شامله ب 1700 ريال وين التطبيق الرخيص ذا |
اقتباس:
وخاصه اني بروح ع البركه بدون مكتب سياحي ف اسالتي كثير عشان يقل الخطا وتحصل المتعه المطلوبه |
اقتباس:
بالتوفيق يا غالي ... أحرص على أي معلومة تحصل عليها قبل السفر ستفيدك و أنها لا تضيف عبئ عليك في تنسيق رحلتك تمنياتنا لك برحلة موفقة سعيدة ماتعة |
اقتباس:
و كونك مبتدئ او محترف سفر .. التذاكر انصحك تشتريهن من نفس موقع الخطوط اللي بتروح عليها فقط .. حتى لو كانت أغلى .. وعادة ترا المواقع الوسيطة يسوون عمليات لف ودوران بتتعبك في السفر لانها مجرد كمبيوترات بحث .. اذا كانت غاليه فحاول تبحث في تواريخ ثانية .. او خطوط ثانيه وافضل طريقة ابحث في محرك البحث skyscanner او اي محرك بحث اخر وبعدها شف الخطوط اللي تناسبك .. بعد ما تحصل الخطوط المناسبة اذهب لموقع الخطوط نفسه بدون وسيط واحجز عن طريقهم .. طبعا التذاكر فيه انواع ودرجات و فئات و فيه شي غير مسترد .. حاول تدخل على الخطوط وتدرب على طريقة الحجز قبل لاتحجز |
بالإمكان الاستفادة من هذا الملف في ما يخص حجز التذاكر والفنادق والمواصلات https://www.arabtrvl.com/vb/t43603.html |
| الساعة الآن 07:56 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO