|
هل تعرف الـ Couchsurfing ??? السلام عليكم أيها العرب المسافرون أتيت لكم بشئ عظيم قد يوفر عليكم بعضاً من الدراهم ويخلق لكم أصدقاء حول العالم انه Couchsurfing فكرته أنك تقدم خدمة مجانية لزوار مدينتك سواء تمشيات أو تخطيط أو حتى سكن مجاني للزوار واذا كان فيه اجتماع للأعضاء في مدينتك يبلغك بالوقت والمكان قابلت بنتين فرنش لهم شهر في نيوزلندا ما دفعوا ولا دولار بالسكن كله تنسيق مع أعضاء الكاوتش سيرفنق كنت أتوقع ما تنجح الفكرة عندنا بس شفت وحدة زارت الرياض وسكنت عن طريق الكاوتش سيرفنق يعني فيه تقبل للفكرة أنتوا وش رأيكم ؟؟؟ هذا موقعهم للي يحب يشيك عليه https://www.couchsurfing.com :10::10: |
يبيلنا نتعرف عليه عن قرب هههه |
عليكم السلام هلا ابو غسان ياخوي احنا من سنوات نقدم خدمات التخطيط والارشادات والنصائح والتوصيات والشروحات في العرب المسافرون ما بقى الا نوفر سكن :32::32::32: اتوقع مثل هذه الافكار تناسب الشباب كذلك الاشخاص اللي يحب يوفر في التكلفه واتوقع مها كانت الخدمات راح يكون السكن غير مريح وهذه القكر او فكرة مشابهه لها كانت مطبقة عندنا في بيوت الشباب |
اقتباس:
:32::32::32: صادق من زمان خدماتنا مجانية بس هذي تختلف بحيث أنت تكون رصيد من الصداقات واذا رحت لهم ببلدهم تسكن عندهم مجاناً الفكرة جميلة وتنفع للشباب أكثر طبعاً كل واحد له تقييم ويكتبون عنه اللي يسكنون عنده أو يتعاملون معاه بالنهاية أنت خلقت لنفسك اسم ومن هناك تبدأ البزنس :34: |
السلام عليكم و رحمة الله و بركاته .. و الله يا أبو غسان الفكرة ممتازة و بالتأكيد تطبيقها في الخارج بنء على أساس و أحتياج مدروس من الجميع .. بالأضافة إلى العادات الأجتماعية اللى تناسب الحياة لدى الأجانب .. في حين أنها لو طبقت لدينا قد يستثنى منها بعض النقاط و التى قد تؤثر على أشياء أخرى ... على سبيل المثال .. السكن قد لا يتناسب مع ما يبحث عنه الزائر أو الصديق الأجنبي لو حصل له زيارة السعودية إلا مع فئة الشباب المقيمين في سكن مستقل ... طبعاً لست معارض للفكرة بالعكس مؤيد و بشدة لها و سبق أن تناقشت مع أحد الزملاء على فكرة شبيهة نوعاً ما و قررنا درستها بشكل أعمق و قد تنشئ كمشرع في المستقبل ... (طبعاً الحقوق محفوظة) |
اقتباس:
نفس فكرة airbnb بس هذي ببلاش لكن الظاهر أنها ببلاش والصحيح أنك تحصل على أصدقاء حول العالم يوفرون لك سكن مجاني في مدنهم وقد تحصل على هدايا وأتوقع تضبطهم مع مرشد عن طريقك كمان كسر للروتين بحيث كل شهر مع صديق جديد من دولة جديدة تتعرف عليهم ويتعرفون عليك اشوفها win win |
فكره جميله ومكسب لتكوين صداقات حول العالم ولكن ما اعتقد تنجح في مجتمعنا !! ماعندنا شئ ببلاش . النظره الاجتماعيه راح تكون سلبيه للأسف!! لو اضيّف عندي ناس اجانب اول من بينظر لي بعين الاستغراب جاري !!! الفكره حلوه لكن يبغالها شغل مرتب :e10f: |
الفكره حلوه لكن ما تناسب مجتمعنا وعاداتنا فالضيف الغربي أكيد يتوقع سكن وطريقته بالعيش تختلف عننا فما يصير نخليه يسكن بالمقلط مثل أو الديوانيه وهو يتوقع انه بيتعرف على الأسره وياكل معاهم مثلا! تصلح لنا اذا زرناهم طبعا ولا تصلح لهم اذا زارونا ما عندي اي مشكله بأخذه واعطاءه فكرة عن البلد والتمشيات لكن السكن فيه مشكله له هو الفكره مثل ما قلت لكم جلوه وتضيف لك أصدقاء وثقافه أصليه من السكان أهل البلد الموقع غير مجاني حاليا |
اقتباس:
ممكن المجتمع ما تعود على الفكرة بس مع كثرة قدوم السياح الأجانب راح تصير مقبولة المدينة + مكة + جدة من قديم يستضيفوا الزوار كل سنة |
اقتباس:
صدقني هم يعرفون عاداتنا تماماً وما يجوا هنا الا مطلعين على كل شئ ولو بلغتهم أن فعل هذا الشئ خطأ ما راح يسووه كنوع من الاحترام أما مجتمعنا فهو تغير بسبب كثرة الناس اللي سافروا أو ابتعثوا للدراسة حالياً يطلب تبرع 6 ريال شهرياً بسبب كوفيد 19 |
| الساعة الآن 11:59 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO