|
هل تعرف الـ Couchsurfing ??? السلام عليكم أيها العرب المسافرون أتيت لكم بشئ عظيم قد يوفر عليكم بعضاً من الدراهم ويخلق لكم أصدقاء حول العالم انه Couchsurfing فكرته أنك تقدم خدمة مجانية لزوار مدينتك سواء تمشيات أو تخطيط أو حتى سكن مجاني للزوار واذا كان فيه اجتماع للأعضاء في مدينتك يبلغك بالوقت والمكان قابلت بنتين فرنش لهم شهر في نيوزلندا ما دفعوا ولا دولار بالسكن كله تنسيق مع أعضاء الكاوتش سيرفنق كنت أتوقع ما تنجح الفكرة عندنا بس شفت وحدة زارت الرياض وسكنت عن طريق الكاوتش سيرفنق يعني فيه تقبل للفكرة أنتوا وش رأيكم ؟؟؟ هذا موقعهم للي يحب يشيك عليه https://www.couchsurfing.com :10::10: |
يبيلنا نتعرف عليه عن قرب هههه |
عليكم السلام هلا ابو غسان ياخوي احنا من سنوات نقدم خدمات التخطيط والارشادات والنصائح والتوصيات والشروحات في العرب المسافرون ما بقى الا نوفر سكن :32::32::32: اتوقع مثل هذه الافكار تناسب الشباب كذلك الاشخاص اللي يحب يوفر في التكلفه واتوقع مها كانت الخدمات راح يكون السكن غير مريح وهذه القكر او فكرة مشابهه لها كانت مطبقة عندنا في بيوت الشباب |
اقتباس:
:32::32::32: صادق من زمان خدماتنا مجانية بس هذي تختلف بحيث أنت تكون رصيد من الصداقات واذا رحت لهم ببلدهم تسكن عندهم مجاناً الفكرة جميلة وتنفع للشباب أكثر طبعاً كل واحد له تقييم ويكتبون عنه اللي يسكنون عنده أو يتعاملون معاه بالنهاية أنت خلقت لنفسك اسم ومن هناك تبدأ البزنس :34: |
السلام عليكم و رحمة الله و بركاته .. و الله يا أبو غسان الفكرة ممتازة و بالتأكيد تطبيقها في الخارج بنء على أساس و أحتياج مدروس من الجميع .. بالأضافة إلى العادات الأجتماعية اللى تناسب الحياة لدى الأجانب .. في حين أنها لو طبقت لدينا قد يستثنى منها بعض النقاط و التى قد تؤثر على أشياء أخرى ... على سبيل المثال .. السكن قد لا يتناسب مع ما يبحث عنه الزائر أو الصديق الأجنبي لو حصل له زيارة السعودية إلا مع فئة الشباب المقيمين في سكن مستقل ... طبعاً لست معارض للفكرة بالعكس مؤيد و بشدة لها و سبق أن تناقشت مع أحد الزملاء على فكرة شبيهة نوعاً ما و قررنا درستها بشكل أعمق و قد تنشئ كمشرع في المستقبل ... (طبعاً الحقوق محفوظة) |
اقتباس:
نفس فكرة airbnb بس هذي ببلاش لكن الظاهر أنها ببلاش والصحيح أنك تحصل على أصدقاء حول العالم يوفرون لك سكن مجاني في مدنهم وقد تحصل على هدايا وأتوقع تضبطهم مع مرشد عن طريقك كمان كسر للروتين بحيث كل شهر مع صديق جديد من دولة جديدة تتعرف عليهم ويتعرفون عليك اشوفها win win |
فكره جميله ومكسب لتكوين صداقات حول العالم ولكن ما اعتقد تنجح في مجتمعنا !! ماعندنا شئ ببلاش . النظره الاجتماعيه راح تكون سلبيه للأسف!! لو اضيّف عندي ناس اجانب اول من بينظر لي بعين الاستغراب جاري !!! الفكره حلوه لكن يبغالها شغل مرتب :e10f: |
الفكره حلوه لكن ما تناسب مجتمعنا وعاداتنا فالضيف الغربي أكيد يتوقع سكن وطريقته بالعيش تختلف عننا فما يصير نخليه يسكن بالمقلط مثل أو الديوانيه وهو يتوقع انه بيتعرف على الأسره وياكل معاهم مثلا! تصلح لنا اذا زرناهم طبعا ولا تصلح لهم اذا زارونا ما عندي اي مشكله بأخذه واعطاءه فكرة عن البلد والتمشيات لكن السكن فيه مشكله له هو الفكره مثل ما قلت لكم جلوه وتضيف لك أصدقاء وثقافه أصليه من السكان أهل البلد الموقع غير مجاني حاليا |
اقتباس:
ممكن المجتمع ما تعود على الفكرة بس مع كثرة قدوم السياح الأجانب راح تصير مقبولة المدينة + مكة + جدة من قديم يستضيفوا الزوار كل سنة |
اقتباس:
صدقني هم يعرفون عاداتنا تماماً وما يجوا هنا الا مطلعين على كل شئ ولو بلغتهم أن فعل هذا الشئ خطأ ما راح يسووه كنوع من الاحترام أما مجتمعنا فهو تغير بسبب كثرة الناس اللي سافروا أو ابتعثوا للدراسة حالياً يطلب تبرع 6 ريال شهرياً بسبب كوفيد 19 |
اقتباس:
مكة والمدينه شرفها الله معروفين ضيوفهم لكن الضيف السائح بتكون هيئته غير واهتمامه سياحي بحت ،،،، لكن مثل ماقلت ياعمده مجتمعنا بدأ بتفتح ويتأقلم مع المحيط العالمي والشعوب الاخرى |
الفكرة مناسبة لهم لكن صعب تطبيقها عندنا |
كل شئ بالبداية صعب لكن بعدين نتعود عليه أعتقد أنه أسلوب جديد لخلق أصدقاء حول العالم بغض النظر عن الربح المادي |
اقتباس:
https://b.top4top.io/p_1682vx5wx0.jpg |
اقتباس:
شكلي متحمس اسجل |
الحقيقة الفكره رائعه جدا ولكن في بلدنا ماينفع هالشي فالعادات والتقاليد وقبلها ديننا لايسمح بذلك فمثلاً الزائر او السائح الاجنبي لايمكن يسكن مع عائلة ولايمكن مخالطتهم في اكلهم وشربه ومنامهم غكس لو شباب الوضع بيكون عادي جداً فيه موقع اسمه توربار فكرتة توفير مصاريف مع اشخاص لاتعرفهم من بلدان كثيره حول العالم ويمكن تكوين صداقات معهم الفكرة للبرنامج توربار بعد التسجيل تحدد وجهة سفرك وتبحث عن من سيسلفر الى وجهتك ويمكن مراسلته والاتفاق على السكن والمصاريف وباختصار تقسام مصاريف السكن والرحلات مع بعض |
عجبتني الفكرة :22: اي سائح من اسبانيا او ايرلندا مستعدة استضيفو ( من قدم السبت لقي الأحد ) :e348: |
مساكم الله بالخير .. من كم سنه سامع بالفكره بين الاوربيين :24:تحديدا .. وقروبات اصدقاء السفر .. اللي ممكن يستضيفونك مجانا .. الان نظموها وصارت بشكل اكبر واكثر احترافيه ::::: ممكن تنجح لدى فئة الشباب لدينا .. يكون عندهم استراحه مثلا واحدهم او كلهم ( هاوين تعارف) فيسوون دعوة ويجي عندهم سائح يهجولون معه كم يوم ::::: وخلونا على المكشوف ستنجح الفكره كثيرا عند الخلايجه في استضافه المسافرات اما المسافرين فما اعتقد انهم سيلاقون ترحيب كبير ::::: وبصراحه ربنا " وقتنا التالي " مااستغرب اي شي تعدينا مرحله الصدمه من كل شي |
الفكرة ذكرتني بفيلم ضمن الافلام الي شاهدتها ايام فترة الحظر فى الفيلم الاجانب عندهم موقع تبادل البيوت فى الاجازات بمعني كل واحد مقيم فى مدينة او بلد مختلف ويتبادلون البيوت لمدة معينة فى الفيلم وحدة كانت ساطنة بقصر في امريكا تبادلت مع وحدة ساكنة بكوخ فى الريف الانجليزي والغريب ان كل وحدة منهم استانست بالبيت الجديد وانبهرت بالشئ الى كان حصلت علية |
اقتباس:
الفيلم اسمه The Holiday يكفي فيه كيت ونسلت شفته أكثر من مرة وموجود على النتفلكس |
اقتباس:
|
اقتباس:
اسبانيا اوك بس ايرلندا !! |
:e2:e219:مقلط وحمام والفطور شكشوكة وفول وتميس وبراد شاهي منعنع الغدا كبسة دجاج وسلطة وكاس لبن العشا اجبان وبيض مسلوق وشاهي وعيالي داخلين خارجين عليه بقهوة وتمر ومعمول ينفع ياابوغسان الفكرة رائعة لكن يبغالنا مشوار طويل الى ان يتقبلها المجتمع |
اقتباس:
موافق موافق موافق :1: نورتي يا أم محمد |
حاولت اسجل فيه بس طلب مني الفيزا بصراحة ماني عارف وش السبب |
اقتباس:
اقتباس:
حسب أفادة الأخ أبو غسان ... حالياً يطليون ممن يرغب في التسجيل التبرع شهرياً |
اقتباس:
أكيد ينفع بس لو العشاء يكون البيك أفضل :e306: |
| الساعة الآن 12:04 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO