|
يامهـــاجرة باحساس ... بوح للطائرات :-) من ابولجين بن ابيه بن يعرب بن يشجب :14:الى " بنت الايرباص وآلها " ايتها الطائرة الموقرة أما بعد فانني اتمنى ان اصحبك في رحلاتك القادمه .. وأود فعلا .. ان اعبر السحابه وانا واياك في سنود وصعود .. وأود فعلا ان القي النظرة الاخيرة على جنبك وانا ادخل للمقصورة واتخيل رجال الانقاذ وهم ينظرون لظهر الطائرة وعلامات الانقاذ ( مربع متقطع وصورة مقص ) والخيال المأساوي الذي اشعر معه ان المحرك سيعمل فجأة ويجذبنا كحبات الفستق من على السلم / وأود فعلا ان ألقي تلك النظرة البلهاء للمضيفه وانا احاول ان اقول لها ( انني اعرف رقم مقعدي ) ( بي توينتي فور ) اقولها بانجليزيه لامعنى لها فالمضيفه عربيه :14: وهي من داخلها تتبرم وتلقي نظره ليس حرصا على راحتي بل لتضمن اني مسافر على هالرحله ( المقعد بالنسبه لها =صفر ) تدري اني ماني رايح بعايد / اشتقت لمطباتك وهي ترجني من سباتي وتقول لي اني في حلم جميل \ صوت رجيلاتك ايتها الطائرة وانتي تكفينها وتغلقين عليها ببطنك بعد الاقلاع "صوت سمفونيه " \ اشتقت للنظرة المختلسه التي انظر فيها للكابتن وهو يقرأ اوراقه (دايم لاشفت الكابتن ولاه جالس ويقرا ورقه ) / لامعنى لافكاري الغبيه وانا اتخيل الادراج اللي ببدايه المقصوره وهي تنفتح لو مالت الطائره ثم يجي ( عقلي الرياضي ) ويلفت انتباهي انها مقفله بطريقه المزلاج الخارجي (يعني تطمن ماراح ينفتح الدرج فجأه ) ياعبقري زمانه :14: ارجوك خوذيني من بريده .. واعيدي لي النظره المتذاكيه التي افعلها كل مره ... وانا انظر الى طريق المطار بعد ان نقلع / خوذيني هالمره بعيدا بعد انقطاع واعدك انني لن اشعر بالحنين للوطن :3: خوذيني ولن اعبث بالنافذه واغلقها لأوهم من بجانبي انني لا اهتم للمنظر وانني " متعود " على السفر / خوذيني معك ولن افتش الدرج اللي امام مقعدي 70 مره لاتاكد من انني لن انسا شي \ خوذيني معك بعيدا ولن اقرا تعليمات السلامه السخيفه ولن اتفلسف على جاري في المقعد عن الصلاة على المقعد "فكلهم يعرفون حكم الصلاة يالمفتي العام " :14: / بامكانك هذه المره فقط ان تجعلين المقاعد اللي خلفي كلها ورعان مزعجين هاتي ورعان الدنيا كلها بس ( خوذيني ) ايتها الطائرة اتعبتنا الطرقات والمطبات واشارات المرور .. نريد الفضاء والسرعة 900 وشوي .. حيث لاساهر ولا كامري ولافورد يطلع بوجهك فجأة :14: هذا وكلي امل ان تنظري لهالخطاب وتأشرين مجرد اشاره لي بالصعود تراي جاهز .. عندي بدلتين خضراء وسوداء وشورت جيشي من زمن 2010 وحقيبه بها باقي عملات مصر واندونيسيا وقطعة بوردنج خوذيني ولاتتركيني وسط الووحوش وحدي :14: ابولجين -بريدة ذات حنين 24 B |
أبولجيـن ... ما شاء الله وش خليت لـــ قيس أبن الملوح أَمُرُّ عَلى الدِيارِ دِيارِ لَيلى أُقَبِّلَ ذا الجِدارَ وَذا الجِدارا وَما حُبُّ الدِيارِ شَغَفنَ قَلبي وَلَكِن حُبُّ مَن سَكَنَ الدِيارا |
ابولجين المبدع المتفرد كم نحن مشتاقون الي هدير الطائرات |
خوذيني هالمره بعيدا بعد انقطاع واعدك انني لن اشعر بالحنين للوطن خوذيني ولن اعبث بالنافذه واغلقها لأوهم من بجانبي انني لا اهتم للمنظر وانني " متعود " على السفر / خوذيني معك ولن افتش الدرج اللي امام مقعدي 70 مره لاتاكد من انني لن انسا شي كلمات مؤثرة يابولجين هرمناااااا نبي نساااااافر ابدعت في القصيده |
ماركة مسجلة بإسم أبو لجين |
اقتباس:
اهلا اهلا .. بصاحبنا الجميل والله يبو معتز .. من يقرأ لنا كلنا احيانا يتوقع اننا ننام عند اسوار المطار والحقيقه غير ذلك .. المكان يحكم .. نحن هنا في منتدى سفر فطبيعي يكون البوح عن الاسفار .. واعترف انني اعشق السفر كتجربه حياتيه وليس فقط كمناظر سياحيه ... تحياتي لك ياصاحبي من بريدة ما بالمناسبه ابو الملوح قيس من بريدة ( ياولد ماهي هي ) :e13d::1: |
اقتباس:
اعجبتني ( هدير ) امشششششش :14: |
اقتباس:
ولعلها تنفع او تحن الطيارة :17: اقولك سر .. حاولت اقرا اسمك ( معرفك ) مدري وش معناه .. وش السالفه .. خلينا نسميك " سلمى " ونرتاح :38: |
اقتباس:
الماركه وجود سموك يااحسن رابع عضو في العالم :7: |
اشتقنا والله اشتقنا |
| الساعة الآن 05:30 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO