|
تجاربكم في قروبات السفر اخواتي .. اخواني ايها المسافرون الجميلين ايتها المسافرات الماجدات ايها الشعب الكريم :D منذ سنوات ونحن نقرأ عن قروبات سياحيه ورحلات مشتركه تقدمها بعض الشركات بجدول مسبق .. اليوم الاول والثاني و و و الخ من جرب هالقروبات اين كان اتجاهك .. تقييمك للتجربه .. حدثنا عنها هل هي مريحه كم كانت تكلفتها ( هل فيها توفير عن سفرك في نفس الاتجاه لوحدك ) |
يا هلا أبولجيـن رغم أنه مضى لي ما يقارب الــــ 4 عقود في السفر و تجاربه لكنه لم يسبق لي أن جربت السفر مع ما يسمى القروبات السياحية .. ليس لأنها غير مناسبة و لكنها قناعة بأن ترتيب السفر من الشخص نفسه أفضل بكثير من الأرتباط بقروب يمشوني على مزاجهم !!! كثيرين يفضلها لأنها تريحه من عناء البحث و التنقلات و يعود منها بتجربة يعتبرها فريدة و يشاهق ينصح كل من حوله أو يعرفهم بتجربتها !!! "هذا رأيي و التفاصيل سأتركها لمن جرب فقد أكون قد ظلمت التجربة" |
يا هلا فيك انا رحت مع قروبات من سنه ونص في نظري السفر مع قروب كوني بنت الى دول اللاتينيه ممتاز صح التكلفه غاليه ولو كنت بروحي بتكون اقل بالسعر اللي ادفعه بس انا رحت عشان الامان مع قروب وخبرتهم في هالدول ووصولهم لاماكن انا ما راح اوصلها مثلا لو كنت بروحي. اما لو السفر معاهم لدول اوروبا لا عادي اقدر اسوي الرحله بنفسي واخططها مثل ما ابيها واسافر .. بس للامانه الرحلتين اللي رحتهم من سنه مع قروب الى تونس والمكسيك كانوا من الرحلات المحببه على قلبي .. خبرة الرحاله اللي معانا و معرفتهم بالتاريخ لهالدول خلاني اقول ابي اسافر معاهم .. وطبعا لاننسى انها اتسهل علينا في عملية البحث من كل النواحي حق اللي يبون الراحه والشي السهل |
تقيمي للرحلتين 10/10 بس الحين لو تقولي اروح تونس مع قروب اقول لا لاني عرفتها واقدر اسويها بروحي مثلا المغرب ما زرتها لكن عندي كمية معلومات حلوه عنها واقدر اسوي لها مخطط وازورها بروحي بس تونس كانت مجهوله بالنسبه لي |
اللي اشوفه ان التكاليف اقل احيانا الى النصف اذا بتجعلها مغامره فرديه ماهي مشتركه :e03e: |
اقتباس:
اهلا ابو معتز صباحك خير .. للامانه نفس فكرتي .. يمكن اننا " حرس قديم " وطيور بر .. ماتعودنا على الارتباط بالبرامج تحياتي لك |
اقتباس:
اهلا .. بالرحاله اتفق مع وجهة نظرك .. تجربه فيها خصوصيه بما انك سيدة فالسفر لوحدك الى هذه الدول ( المكسيك ) مثلا قد يحتوي بعض المخاطر الامنيه ... يبدو ان انطباعك جيد عن التجربه ... |
اقتباس:
جيد .. حدثينا عن جو القروب .. التكلفه والمده ... الجنسيات المشاركه هل كان فيه تناغم بعد يوم من البدايه مثلا .. هل بقي احد منهم الان ( فيه تواصل ) .. التعدديه جميله احيانا وروح الفريق تنشأ عنها احيانا علاقات جيده |
اقتباس:
قد تكون احيان مقاربه في السعر لو حسبنا فوائد المنظم وقدرتك على التحكم بمصروفاتك .. ولكن تظل تجربه محببه للبعض |
يسعد أيامك أبا لجين مثلكم حرس قديم والبارود بيدي في دول اخرى يعتبر هذا النوع سفر اقتصادي لكن عندنا يعتبر سفر مكلف المفروض لو سافرت معهم تكون التكلفة اقل من سفري لوحدي لكن الواقع ان التكلفة اعلى سفر القروبات انتشر مؤخرا عندنا وهذا جيد لأنه يعطي فرصة لمن لايقدر على السفر وحده شفت قروبات في جيزان وأبها وكنت اشوفهم بالفطور كل يوم خيار جميل للسفر لكن ما اتوقع يناسبني :e032: |
م اقد جربت احب انا اخطط وارووح القروبات اعتقد من وجهة نظري حسب اللي معك بالقروب يايكون الجميع ملتزم بالوقت ومحترم او يجيك شخص يكرهك ام الرحله واتكلم عن السياح وليس المنظم حاليا ول أول مره زوجي يفكر بقروب رغم ان مكتب سياحي اعطاني سعر تذاكر وسعر البكج الخاص بنفس قيمة القروب بس عشان الاوضاع الحاليه وكذا يفكر بقروب لوصار ماصار القروب يتكفل بك |
لا يمكن اسافر مع قروب نهائي ولا يناسبني ابداً ربما القروبات تناسب بعض الناس قليلي الخبرة بالسفر او يكون عائق اللغة للبعض الاخر كذلك الدول التي يكون الامن فيها محدود |
اقتباس:
التناغم بين القروب وايد حلو و انوجد في اول يوم الجنسيات كنا ماشاء الله مجلس التعاون الخليجي كامل والحمدلله في تواصل لما الحين مع بعض القروب |
اقتباس:
|
ممكن اجرب لو بسافر لحالي وبروح دول فيها مغامرات وسفاري واكتفتي اتمنى اجرب قروب نسائي واكسر حاجز الخوف والتوحد:31: |
| الساعة الآن 01:54 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO