|
اغرب اكلة اكلتها في سفراتك ..... ايها الاخوة والاخوة المسافرون الجميلين والمسافرات الماجدات ايها الشعب الكريم :24: كما في العنوان اغرب اكله اكلتها واين كانت ؟ وقبلها هل انت من النوع اللي يحب يجدد في الاكل وياكل من الاكل المحلي في البلدان التي تزورها او تدور مطعم عربي اعترف لو انك اكل تمساح بالصين :14: |
السلام عليكم و رحمة الله و بركاته .. يا هلا بك أخوي أبولجيـن ... و الله يا أنه عليك مواضيع تثير القريحة و تقلب و تنبش في الماضي السحيق :29::29: بصراحة لن أخرج كل ما في الجعبة من خبايا لأني جربت الكثير و الكثير من أنواع الأكل في شتى بلدان العالم و منها ما أستلذيت بأكله و منها كان من باب التجربة و لن أكررها (طبعاً مستبعد منه ما حرم الله علينا) ليست أغرب أكله و لكنها كانت من ألذها "لحم التمساح" أكلته في أمريكا كنت في رحلة عمل و تم دعوتنا إلى أحد أشهر المطاعم في الولاية كان من ضمن المقبلات قطع من لحم التماسيح ... و طبق البايلا الأسباني لا يزال عالق بالذاكرة (طبق بحري) أما المطاعم العربية و لا أفكر أمر عليها و لا أجربها و لا حتى تمر في قاموسي عندي قاعدة .. طالما أنك مسافر لا تترك فرصة تفوت و جرب أكل البلد اللى أنت فيه "يقهرني اللى يسافر أيطاليا و يدور مطعم عربي و في الديرة يزعجنا تكفون من يخبر مطعم أيطالي ممتاز" :(111): :4: :(111): الباقي عاد بيني و بينك أخاف أقول يغيرون لقبي من Abu Muataz :32::32::32: |
والله يابو لجين انا واحد اقشر في الأكل ما اكل اي شي معذب اهلي في البيت :32::32::32: لذلك ما احب اجرب اكل ما اعرفه نهائي في السفر مر على أنواع كثير من الاكل الغريب والبعض مقزز جداً خصوصاً في شرق اسيا لكن اغرب ما شفت اكله في الفلبين وهي عبارة عن صوص ميت داخل البيضة :29::29::29: تكسر البيضة وبالهناء والشفاء كل ما تذكرتها تلوع على بطني |
اقتباس:
هذا بيض بط يابو محمد مطبوخ على البخار بس يكون الجنين بدأ يتكون داخل البيضة يقولون زين للركب اسمه بالوت balut كنت اسمعه ينادي بالشوارع على عربية شاورت نفسي بس ما قدرت أتحمل الريحة :32: |
هلا أبو لجين يسعد أيامك جربت ستيك النعام في جنوب افريقيا ولقيت واحد ينادي في بوكيت تايلند سألته وش يبيع قال جراد قرمشت كم وحدة على السريع بس في بانكوك لقيت عربية يبيع صراصير متنوعة منها نوع خشب و مزارع و ثالث مقاس XL ما لقيت طريقة أصور الا أني اشتري منه بـ 5 بات :9: في باندونق مشهورين بالارانب كل أسبوع نأخذ واحد أغرب الاكلات شفتها في هونق كونق ثعابين و تماسيح والتسالي دود البحر :31: |
اقتباس:
اهلا اهلا .. بصديقنا الجميل :e306:صدقني ان ( اقرب طريق للمسافر .. ذكرياته ) اول اهنيك ( القدرة على التنويع في الاكل ) ميزه مهمه .. ليس الكل يجيدها .. :1: طلعت الذكريات ( يا أكّال التماسيح ) .. يوم جيت من امريكا ماصرت تسدح جنب المسبح بالاستراحه / ياعياااال ... ابو معتز اعترف بالتمساح ( اجل وشو مخبي ) شكله اكل اخطبوط ( أبك ابك ابك ) طلعت وحش حقيقي ياصديقي .. شكرا لمشاركتك .. وابخلي الباب ( مطرف) ( مفتوح على خفيف) ان بغيت ترجع للموضوع وتعترف .. هي خربانه خربانه تمسح تمسحه يابووووويا |
اقتباس:
اهلا اهلا ... شخص مرتب واكله مرتب ومنظم وفجأة يطب بصوص ميت ... لاااااحول .. والله الغلقه صدق :32: انا نفس نظامك مااقدر اطب باكلات غريبه ممكن تاكل شي دجاج بخبز بطريقه معينه في بلد ما اما الانواع الغريبه فوين النفس اللي تقبلها / شكلك مازلت تتذكر الصوص :32::32: تصدق اعرف واحد طقطق له تمساح ( ثني ) :25: |
اقتباس:
|
اقتباس:
|
اقتباس:
اما راع التمساح هذا رجل شجاع ما يتعامل غير مع الأشياء اللي تستاهل ويتفخر انه اكل تمساح اما راع الصوص والبيضة وش وجهه عند الرجال يقول انا اكلت صوص ميت :32::32::32::32: |
اقتباس:
يا هلا بك أخوي أبولجيـن ... على طارئ القدرة على التنويع في الأكل .. بالفعل فيه ناس كثير ما يقدرون يغيرون عن الأكل اللى أعتادوا عليه .. و أعرف ناس في السفر لازم يطبخ كبسات و مكرونات أو يروح يدور مطاعم عربية مهما كلفه الوقت أو الثمن!! شخصياً البلد الوحيد اللى عجزت أتاقلم مع أكلهم "الصين" و لكني هناك أخارج نفسي أما لحم التمساح .. "شئ خرافي و لذيذ" مستعد أعيد التجربة :32::32: و فيه سر خطير عن نوع أكل ما راح أعلن عنه نهائي مره كنا في سوبر ماركت مشهور يجيب أكل مستورد و شافوه عيالي و فضحوني "قالوا هذا اللى يأكله بابا" :32::32::32::32::32: |
اقتباس:
|
اقتباس:
|
انا ولله الحمد من المتنوعين بس لازم اسأل عن الشي قبل في المكسيك كليت صبار 🌵 مشوي طبق مشهور عندهم وكان لذيذ واخطبوط صغير في اليونان |
اقتباس:
ماش .. هذا سر بس المهم أنه مو لحم :25::25::25: |
اقتباس:
يا سلام على الأخطبوط :3::3: |
مااغامر حتى بالاكل مستحيل تقليدية جداً اغرب اكله جبن ابيض مع حبحب بمصر اكلتها ولذيذة واعتمدتها صراحة فشار بالكراميل اكلته ناسية وين وعجبني والله زوجي جرب بباريس الحلزون وكنت معاه يااني قلبت بطني وجاني غثيان من المنظر وانا ماذقته مره بلندن دخلنا مطعم صيني او ياباني ناسية وقريت بالمنيو لحم بط طلعت من المطعم نفسي ماتحملت الله يديم النعمة ولا يعاقبني |
اقتباس:
|
أغرب اكله شفتها في بانكوك يشوون العقارب على اعواد الخشب استغفر الله ما ادري شلون ياكلونهم :26: صورتهم وحطيتهم بالتقرير لكن مستحيل اكل |
اقتباس:
اهلا اهلا ... والله ياانت ختمت الغرائب كلها النعام اشوا شوي .. تحس انك تاكل طير لو انه طير دلخ :14: اما ربع تايلند وهونج كونج وماحولها فمن يهن الله فماله من مكرم ثقافه هالشعوب في الاكل ( دنيئه وحيوانيه من جد ) وياخوفي من الجراد .. يمكن انه ماهو جراد ههههههههههههه |
اقتباس:
يقاله نظيف .. يانعنبوا ذا الخشوم الفطس ياه :32::32: |
اقتباس:
والله شي جيد انك تنوع في الاكل وتاكل من اكل البلد ( البلدان الادميه اللي يطبخون دجاج او خبز بطريقه معينه او رز وغيرها ) وحمستنا لهالاكله ( السري) ياخوفي تكون سحليه :29: |
اقتباس:
وضع ابو معتز مايطمن اعبر عن قلقي |
يا هلا فيك اغرب أكله كلتها هي البيلا في مدريد و خينكالي في جورجيا. |
| الساعة الآن 01:57 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO