|
افضل وجهه لسياحه و الترفيه لشهر العسل السلام عليكم و رحمة الله و بركاته حبيت استفيد من خبرتكم و تجاربكم في السفر باختيار وجهه لقضاء شهر عسل ممتع انا بصراحه فكرت في هولندا امستردام و ضواحيها << علما حاب اروحها بس يمكن في وجهه تكون افضل بتكلفه اقل او ايطاليا جنوه و ضواحيها طبعا هذي اول سفره خارج دول الخليج او ايش تقترحون وجهه افضل لسفر احب اماكن يكون فيها ترفيه :14: و برضو ياليت تفيدوني مناحية الاسعار التقريبيه طبعا كل شخص و صرفيته و يقدر يتحكم بس متوسط التكلفه كم تكون سوا لهولندا او ايطاليا او اشياء من اقتراحاتكم بتكون كوجهه افضل و ممتعه طبعا سمعت (بالبرتغال و التشيك ولاتيفا و النمسا و البوسنه) << هذي يقولون رخيصه و اسبانيا ومدنها و كذالك روسيا .. الخ حست ولا عرفت وين الافضل فأنتم اهل الخبره و التجارب ان شاء الله نستفيد منكم و نضع خطه مرتبه لجدول سياحه و بالنسبه لمرشدين السياحه بالسائق كيف احصلهم طبعا موعد السفر قدامي سبع شهور لان بكون نهاية يوليو مع اغسطس بس ابي اتخذ قرار من الحين و عشان قبل موعد السفر بثلاث شهور ارتب الحجوزات تقبلو تحياتي |
و برضو سمعت عن دول اسيا ييحوس مخك ما تدرين وين تروح :24: |
وعليكم السلام 1000 مبروك مقدماً يعتمد على الميزانية اوروبا غالباً التكلفة 2000 ريال باليوم بدون تذاكر طيران اوروبا الشرقية مثل اوكرانيا البوسنة و جورجيا تحسب على 1500 ريال اوكرانيا جميلة و بدون فيزا ويكون فيها كثير خليجيين بالصيف الأجمل برأيي هي لندن بس اليوم على الأقل 2500 ريال بحيث تختصرها على 3 أيام البحيرات + 7 أيام لندن الكل ما راح يقصر معك بالاقتراحات وأهلاً بك بيننا |
اقتباس:
و يعطيك العافيه ورأيك اخذه بالاعتبار واعطيتني وجهه برضو جميله اني اطلع عليها التكلفه باليوم 2000 ريال تمع السكن اوب بدون السكن لانك ذكرت غير الطيران وولندن كذالك 2500 باليوم مع السكن ولا دون |
اعتقد من غير السكن مبرووووك مقدما والله يتمم عليكم ممكن اقترح كذا دوله من كذا قاره اوروبا : اليونان او البرتغال " الاجواء صيفيه بحر وجزر والخ" ايسلاند جو حلو وطبيعه افريقيا : دول عربية تونس او المغرب " الاجواء صيفية" وعندك جنوب افريقيا جو حلو وبارد شرق اسيا : اندونيسيا او فيتنام او تايوان " الاجواء رطبه ممطره بعض الاحيان " المصاريف من 1000 ريال الى 2000 من غير السكن وحسب صرفكم شلونكم مع الجو تبون جو براد وشتا و لا صيف ؟؟ |
اقتباس:
مع السكن بس تحجز من بدري على الأقل قبلها بـ 3 أشهر |
اقتباس:
لكن انا بعطيك نصيحة مختلفة عنهم ومن زاوية اخرى اختار دولة او مدينة فيها فعاليات كثيرة والمدينة فيها امان وبناتهم غير جميلات، بالنسبة لي ارشح اسطنبول وكذلك بانكوك وتقدر تتحكم في صرفك بهاتين المدينتين. مبروك مقدما |
وعليكم السلام ورحمة الله وبركاتة الف مبروك والله يتمم على خير يارب انا اشوف اذا تبغى فعاليات وفنادق من طراز عالي عليك بجنوب شرق اسيا ماليزيا اندونيسيا تايلاند اذا المدة اكثر من 18يوم اجمع مابين اندونيسيا و ماليزيا او مابين ماليزيا وتايلاند |
وعليكم السلام ورحمة الله وبركاته مبروك ألف مبروك و الله يتمم لك على خير ،،، الأخوان ما قصروا في النصائح واكيد نصائحهم من خلال خبرة او بحث واطلاع ،، بوجهة نظري اختيار الوجهة تحكمها أشياء كثيرة منها ما يلبي رغبات الشخص ومنها اشياء خارجة عن ارادة الشخص مثل اوضاع والاجراءات الاحترازية الخاصة بكورونا وهل الوجهة سهلة اجراءاتها ولا معقدة وقروشة . بعطيك رأيي بشكل مختصر وعلى افتراض انه الوجهات مافيها اي تعقيدات بخصوص كورونا والاوضاع ممتازة . اذا تبغى وجهات طبيعة خرافية واستجمام وترفيه بأسعار اقتصادية ( 300 الى 750 ريال مصروف يومي للشخص ) غير شامل الطيران والسكن ، عليك بشرق آسيا ماليزيا واندونيسيا وتايلند والفلبين الخ.. وصدقني راح تنبسط في شرق آسيا خصوصا الدول الاسلامية منها مثل اندونيسيا وماليزيا تجي تاخذ منتجعات فنادق على البحر مثلا وتشرح لهم انك شهر عسل وتبي خصوصية ما راح يستغربون طلبك لانه يعرفون انك مسلم ممكن يضبطك حسب الامكانية بشاليه او فيلا بشاطئ على البحر يمينك ويسارك مافيه احد ساكن تاخذ راحتك في الخصوصية . طبعا غير الفلل الخاصة وبمسبح خاص للشخص الي ما يبغى فنادق بتحصل هذه الخيارات . أيضا لا تنسى الاغلب بعد الزواج يكون كلفه الزواج مبلغ وقدره ويبي وجهة شهر العسل بأسعار مناسبة للميزانية المرصودة وهذا بتحصله ان شاء الله في شرق آسيا ، اتذكر سكنت في فندق 5 نجوم في جاكرتا ممتاز ونظيف بسعر لا يتجاوز ال 350 ريال في اليوم مع الضرائب . اذا ودك بأمريكا أو أوروبا او استراليا او نيوزيلاندا الخ.. تقدر تخليها لسفرات اخرى اذا الميزانية محدودة اما اذا الميزانية مفتوحة عندك روح وارشح لك حسب رغبتك بالترفيه امريكا لانها قارة ومليئة بخيارات الترفيه . اوروبا اذا الاجواء شتاء حاول تبعد عنها لأنه البرد راح يعيقك وممكن كثير اماكن تقفل بسبب الثلوج . تمنياتي لك بالتوفيق والمباركة في حياتك الجديدة |
اقتباس:
وعليكم السلام بالنسبة للأسعار كلما أبتعدت عن المدن الرئيسية والمناطق التي يكثر فيها الخليجيين تكون الأسعار أقل شرق آسيا أجواؤها إستوائية طوال العام إقتراحي إذا تريد ترفيه جرب هانوفر في ألمانيا مع جبال الهارز https://www.arabtrvl.com/vb/t27719.html https://www.arabtrvl.com/vb/t33883.html بداية السفر ستكون الأجواء حارة ولكنها تعتدل منتصف أغسطس ، لذلك إجعل الترفيه والحدائق آخر مدة السفر أو إذا إستطعت تاخير شهر العسل أنت في شهر عسل ومحتاج خصوصية ولا تحتاج مرشدين ، إستأجر سيارة والسواقة سهلة في هذه المناطق والعرب قليل فيها |
| الساعة الآن 03:18 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO