|
بخصوص تأجير السيارات ( الرخيص في اوربا ) تجاربكم اهلا بالشباب ... كل سفراتي لاوربا استاجر سياره والاسعار معروفه .. ولكني وجدت بعض ( منظري السفر ) يتكلم عن مواقع رخيصه ويدعي انك اذا حجزت مسبقا قبلها بأشهر قد تحصل على صفقات ( اليوم بـ 10 دولار ) .. والحقيقه انني اعرف كل المواقع ( الرسميه ) ومواقع ( بحث التاجير كرينتال كارز وكاياك وغيرها) ولم يظهر لي ولا مره سالفه العشره دولار ذي == عندكم تجارب .. او مواقع لديها فعلا اسعار مدهشه ( تؤيد مزاعم هولاء ) ؟ احدهم معروف جدا ( بن حتوته ) الرحاله الاردني .. مع اني لست حديث عهد بالسفر لكن نقول ( يمكن فيه شي يعرفه البعض واجهله) منكم نتعلم :1: |
بعض المرات شركات لها تخفيضات خاصة وشروط معينة اواشخاص متعاقدين مع الشركات ولهم خصم خاص وعملية تسويق خاصة لكن لاتوصل ل10 دولار |
اقتباس:
اهلا بن قوت الياقوت يامرحبا وكل عام وانت بخير والله هذا اللي فكرت فيه .. طول عمرنا نستاجر ونبحث بالمواقع الرسميه والوسيطه وغيرها .. ولاياصل ابدا لعشره دولارات التي وضع (بن حتوته ) وهو محترف سفر ( وضع للموضوع فيديو كامل ) وكله كلام عام بدون تحديد مصادر .. اختيار السياره وسياسه البنزين والتامين و و و ( ثم ركز مرارا على انه بذكائه) وانتهازه للفرص يحصل على صفقات رخيصه بزعمه المشكله الناس يشكرونه كثيرا باليوتيوب :14: / الان ضمن الموضات الجديده افتح فيديو وتكلم عن سفر بمئه دولار وخمسين دولار وسو فيها فاهم وكلم الناس عن دولارات بسيطه وبلا مصداقيه عاااادي ... الناس تعجبها سوالف ( رخص الاسعار ) لو ماطبقوها :14: |
توجد بعض المواقع لديها سيارات تعود لأشخاص ويقمون بتأجيرها أسعارها رخيصة مقارنة بالشركات الرسمية لكن لا تصل الى 10 دولار والشي الاخر لا توجد عليها أي ضمانات وان وجدت اغلبها مزور ولا يعتد بها كذلك اغلبها مستهلكه هذا النوع من التأجير لا انصح به خليك في السليم و ريح راسك |
اقتباس:
بالنسبة لتأجير السيارات توصل لي دعايات عديدة لكن لا اخذ بها لان ماعندي ثقة بها دائما اتعاقد مع الشركات الثقة ومن مواقعهم او عن طريق وسيط ثقة في اوروبا، لكن الجديد بالنسبة لي ان هناك شركات طيران اسعارها خيالية واسعارها منخفضة ويفضلها الشباب واصحاب الترحال الذين لا يحملون معهم حقائب مثل شركة WEZZ، وومحطتها الوحيده في الخليج ابوظبي حسب علمي، مثلا سعرالرحلة من ابوظبي الى فينا ذهاب وعودة 680 درهم اماراتي وشنطة على الظهر فقط |
اهلا بالشباب لقيت موقع شهير ... اسمه تورو TURO ولكنه يخدم المدن الامريكيه بكثره .. مع انه موجود في بعض العواصم الاوربيه ولكنه قليل جدا .. فكرته زي AIRBNB .. بس للسيارات ... الناس يأجرون سياراتهم ولكن المشكله مافيه خيار تامين ( مذكور ان التأمين ) بينك وبين صاحب السياره ... |
مراحب يابو لجين موقع Turo معروف بس حقيقة الواحد يبعد عنه عشان المشاكل اللي ما يغطيها تأمينه مثال لو انكسر القزاز يطالبك بحسابه وهكذا عدا أنها سيارة خاصة قديمة ماهو زي التأجير يلزمونهم بسنة معينة ممكن اذا حبيت تسوق سيارة تسلا أو ترانزام القديم أو كاديلاك أو أي سيارة فخمة ممكن تستخدم تورو أما للأيجار اليومي العادي الشركات أفضل مرة استأجرت سيارة في باندونق اندونيسيا من وحدة اندونيسية وقفت قدام كوفي شوب بالجبل وينزل حجز صغار ويطق القزاز بس طلعت نشمية قالت ما عليك منها التأمين يغطي وهذي القصة على ذكر التأجير من الناس العاديين |
| الساعة الآن 11:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO