|
اللي عنده خبره او معلومه يفيدني الله يسعدكم 🌸 السلام عليكم ورحمة الله وبركاته مساء الخير على الجميع تحيه طيبه من اخوكم الصغير بصراحه انا بنفسي اجرب القروبات الجماعيه بالسفر ياليت احد عنده فكره عن هالشي هذا يفيدني او اي شخص جربها من قبل وكيفية التسجيل هذا الشي اللي ببالي صراحه وقلت بجربه وراح استفيد من هالتجربه لما يكون معك مجموعه تستكشف البلد وتكون حريص على استكشاف المدن معهم اتمنى اللي يعرف يفيدني وسلامتكم يااخواني واخواتي 👏 |
صباح الخير 🌸 السلام عليكم ورحمة الله وبركاته الله يسعدكم نزلت موضوع عن السفر مع القروبات كيفية التسجيل واللي جربه ينزل لنا معلومات وين الأخت أبرار الله يسعدها أتوقع اني شفت لها تقرير عن السفر مع القروبات |
وعليكم السلام هلا والله موجوده 😁 اي نعم سافرت مع قروبات السفر معاهم حلو بصراحه خصوصا لدول مجهوله وصعبه زيارتها مثل امريكا الجنوبية ( رحت المكسيك و كولومبيا والاكوادور وتونس ) مع قروبات يعني دول افريقيا افضل اسافر مع قروب التسجيل عادي تشوف جدول رحلاتهم و اتسجل معاهم بالرحله اللي تناسبك وتدفع لهم عربون من مبلغ الرحله واهم يكملون لك كل شي ويقترحون عليك اي طيران دولي مممن تحجز فيه ( طبعا سعر الطيران الدولي مو من ضمن سعر الرحله ) ميزتهم : - توفير الوقت في البحث و عوار الراس عن السكن و الطيران و الانشطه والمواصلات والخ - اختيارهم افضل انواع السكن و المزارات السياحيه - اختيارهم لمناطق مجهوله لنا وسكن مختلف وتجارب مختلفه - ما تكون بروحك وتكون مع مجموعه بنفس الميول شي حلو يثري المعلومات وهم تكون صداقات العيوب : - نوعا ما بعض الوجهات و القروبات سعرها مرتفع وفي قروبات سعرها حلو - في قروبات لا سمح الله صار شي معاك تعبت او شي تخلي مسؤليتها ( وهذا الشي انا كلش ما حبيته ) .. حتى كانت النيه اني انا اسوي قروبات وهونت بسبب اني اخلي مسؤليتي عن المسافر معاي لو سألتني ترجعين تسافرين مع قروب ؟؟ بقولك اي بس بشرط يكون احد معاي اعرفه مثلا امي - اختي - رفيجتي الخ ما اكون بروحي وما اعرف احد من القروب .. |
اقتباس:
|
اقتباس:
المعلومات الجميلة |
القروبات نوعين 1 مكتب سياحي أو خبير سياحي ينظم رحلة ويعلن عنها تسجل معهم وهم يرتبون لك كل شي 2 فيه موقع اسمه viator.com اذا وصلت البلد يوفرون لك رحلات قروب لأي معلم سياحي وتلقى الاعلانات في موقعهم |
تلقاهم على الخاص |
اقتباس:
|
اقتباس:
|
اقتباس:
فعلاً جميع القروبات نفس النظام وشاهدت هذا الشئ أمام عيني ، لاكن ما أخفيك هيا ثقافة شعوب هما متربين كدا .......محد له شغل في الثاني ، وترى مافيها ضرر لابد من وجود ميزانية احتياطية مع المسافر + أنو يقدر يرتب رحلة ويلحق فيهم :56: الايجابية / انو البرنامج يمشي كما هو مخطط له :13: |
اقتباس:
|
اقتباس:
صدقتي أختي أبرار .. مشكلة إذا صادف أن من يتخلى عنك من هو كان المفروض يقف معك حتى لو شكلياً و خصوصاً في السفر !! مشكلة أن أغلب اللى ينظمون رحلات جماعية واضعين في حسابهم الكسب المادي في حين لو قاموا على الأقل بأضافة مبلغ بسيط تأمين للحالات الطارئة لكان هذا أفضل من أخلاء المسئولية على الأقل خصوصاً في الحالات المرضية لا سمح الله أو التى تتطلب مراجعات و تغيير جدول رحلة أحد أعضاء المجموعة ... لا يزال هناك بعد شاسع بين الأحتراف و التطبيق العشوائي |
اقتباس:
اي والله صدقت اهم شي التكسب .. ماهي مشكلة تأمين لان التأمين اجباري كل مسافر معاه المشكله اخلاقيا وذوقياً بس لو يتطمن على امورك وصحتك يومين بالكثير وبعدها توكل على الله او على الاقل يحطون معاك قايد محلي مو تنقط بروحك وعابل بنفسك انت بروحك |
في قروب سفر يمدحوه تديره سيدة بحرينية والحساب اسمه "XXXX" على انستقرام قوانين المنتدى تمنع الأعلان عن مواقع أو شركات سياحية |
اقتباس:
كــــيف !! ما توقعت ولا 1% ، المفروض جيتي معاهم يبقوا معاك أو على الاقل من ضمن القروب يحسبوا حساب أو حتى يكلموا احد وسيط لهم في نفس البلد حتى لو مو مجاني يكون قريب في حالة احتجتي أي شئ . على العموم وحدة من دروس كورونا هي التغطية التأمينية الطبية . وهذا اللي اعتمد عليه + أسوي معارف مسبقاً قبل سفري أو اختاري الوجهه وأستفيد من المعلومات اللي يعطوني هيا . وهذا مهم خصوصاً لمن يسافر لوحده |
اقتباس:
|
مرحبا أنا جربت اروح مع قروب وكذلك جربت اسوي قروب بنفسي القروبات بالعاده يبحث عن التوفير مثلا بتروح اوربا يحاول المدن الغالية مايمر عليها او يمرها مرور الكرام او يسكنك في اطراف المدن قبل التسجيل في اي قروب لابد أخذ تفاصيل كاملة عن خط السير ومايشمله وما لا يشمله همسه : ابعد عن المشاهير |
ان شاءالله توفقت بالتسجيل وعطنا خبرتك |
بالنسبه لي مرفوضه جمله و تفصيلا احس انى برحله مدرسيه متقيد بوقت نوم و وقت طلعه و وقت مزارات ناقص يحط لك وقت للحمام الله يكرمك التمرد شى جميل تتمرد على روتينك و على جدولك اذكر مشهور اعلن عن رحله للنرويج قلت لك مرفوضه ما فكره معي ولاكن الفضول قلت بشوف رحلته وش تشمل اكتشفت انها رحله ركض في ركض كل24 ساعه في مدينه (ارهاق) طبعا السعر الي هو حاطه طيران و فنادق و اكل بدون فعاليات و المنسق يحجز لك الفعاليات رتبت معه وصل سعر الرحله30000 في 9 ايام |
| الساعة الآن 12:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO