![]() |
اقتراحاتكم لشهر العسل في اغسطس السلام عليكم ورحمة الله وبركاته مساء الخير على الجميع احتاج فزعتكم ومشورتكم لشهر العسل - ايش الدول المناسبه في شهر اغسطس ؟ لأني متوهق ولا ادري وين اروح ☹ اذا فيه برامج سياحيه لشهر اغسطس عطوني روابطهم اذا ما عليكم امر السؤال الثاني هل النرويج مناسبه في هذا الشهر؟ تنبيه: الميزانيه تقريباً بين 20-25 ومدة السفر 12 يوم واذا عندكم ملاحظات على عدد الايام اذكروا الايام المناسبه بحكم تجاربكم. تحياتي للجميع🌺 |
و عليكم السلام و رحمة الله و بركاته .. - ايش الدول المناسبه في شهر اغسطس ؟ كل الدول مناسبة للسفر في شهر أغسطس و لكن يعتمد على ميولك ممكن تسافر أوروبا أو أمريكا و لكني أرشح لك جنوب أفريقيا بقوة شهر أغسطس في جنوب أفريقيا يعتبر أحد فصول الشتاء و الأجواء جميلة السؤال الثاني هل النرويج مناسبه في هذا الشهر؟ نعم .. مناسبة للسفر و لكن النوريج تعتبر من الدول الغالية في كل شئ |
عليكم السلام الف مبروووووك ياعبدالله الله يوفقكم ويتمم لكم بخير اوروبا مناسبة في الصيف على لكن الاسعار ترتفع و تحتاج فيزا اذا كان عندك نية سفر لها رتب اومورك من الان واستخرج الفيزا بالنسبة للنرويج بلد جميل جداً لكنها غالي مره وما يناسبك في شهر العسل راح يسبب لك حرج كثير بلدان شرق اسيا جميلة جداً وفيها اشياء رائعه تناسب شهر العسل لكن جوها استوائي حار بعض الشي وميزتها انها لا تحتاج الى فيزا للسعوديين ما عدا سيرلنكا والهند جنوب افريقيا كما ذكر استاذنا ابو معتز خيار رائع وجوها بارد في اغسطس |
1000 مبروك مقدمًا ما قصروا الشباب فوق ترشيحي يروح لجنوب افريقيا لعدة أسباب بدون فيزا + رخيصة ممكن المبلغ يكفيكم 15 الى 20 يوم حسب صرفكم الاجواء باردة وممتعة والفنادق خلال هذا الوقت رخيصة لأنه مو موسم ممكن تدخل على البوابة وتشوف التقارير https://www.arabtrvl.com/vb/f183.html بلا شك النرويج وسويسرا جميلة كنها مرسومة رسم لكن غالية بنفس الوقت يعني تحتاج تخطط لها بوقت ثاني خاصة مع ارتفاع الأسعار حاليا اقل تكلفة من 40,000 ريال وفوق شرق آسيا خيار ثاني أرشح سنغافوره + بالي :e032: |
وعليكم السلام ورحمة الله وبركاته مسّاك الله بالنور ،، الف مبروك يا عريس والله يتمم لك على خير ، من رأيي خلّي اوروبا وقت ثاني غير شهر العسل لأنها غالية وانت تبي تدّلع اكيد شهر عسل تبي فنادق 5 نجوم و 4 نجوم وبلد ما يكون غالي مرة تاخذ راحتك في المصروف ،، انت ميزانيتك 25 الف وممكن تكون شاملة كل شيء ، نقول 5000 آلاف تذاكر طيران دولي وداخلي مثلا يصير يبقى لك 20 الف ريال ( بمعدل 1666 ريال يوميا ) ، قول بين 350 ريال الى 666 ريال في اليوم للسكن 5 نجوم او 4 نجوم ، و 1000 ريال في اليوم مصروف لك انت والمدام للمطاعم والترفيه وبعض الهدايا البسيطة والمشتريات . ارشح لك شرق آسيا واختار منها الي يناسب جوك بعد اطلاعك على التقارير في المنتدى : ماليزيا ، اندونيسيا ( بالي - بونشاك - جاكرتا ) ، تايلند جنوب افريقيا ما اعرف عنها شيء لكن ما قصروا الشباب فوق ونرشحها ايضا خصوصا انه ذكروا لك انها رخيصة وجوها شتوي بيكون في اغسطس . بالنسبة لسنغافورة انا رحتها شباب وبصراحة ما عجبتني ولا افكر ارجعها لأسباب كثيرة لكن بذكر لك الي يهمك انت : غالية مثل اوروبا ، تشابه ماليزيا لكن مسلمين اقل وعنصرية اكثر ، قلة توفر الاكل الحلال ، دولة صغيرة جدا ، جزيرة سنتوسا بعد المغرب كل شيء يقفل ولا فيه داون تاون وبتطفش ، العاصمة مثل ماليزيا يقفلون 10 مساء المولات واغلب المحلات . اذا لازم سنغافورة ، روح ماليزيا افضل لك مشابهة لها في التطور واكبر منها وافضل منها واسعارها ارخص ، |
كيب تاون او موريشوس نصائحكم السلام عليكم لو تكرمتوا ابي اسافر 12 يوم ولكن محتار بين كيب تاون وموريشوس يهمني رايكم الغرض من السفر شهر العسل .. وش الافضل بينهم من ناحية الانشطه والفعاليات والاسترخاء وايضاً تكاليف المعيشه والفنادق ؟ ولو تكرمتوا اذا تقدرون تساعدوني بمخطط للسفره أكون شاكر لكم ❤❤ تحياتي 🌺 |
اقتباس:
الله يجزاك خير وشاكر لك ومقدر اللحين احترت بين بالي وكيب تاون وموريشوس لا هنت يالغالي ❤ |
اقتباس:
الله يبارك فيك يالغالي وشكراً لردك الجميل غيرت الوجهه وصرت في حيره بين بالي وكيب تاون وموريشوس الله يكتب اللي فيه خير لا هنت يا عسل |
اقتباس:
الله يبارك فيك يالغالي بشوف تقارير عن كيب تاون اشوف كثير يمدحونها والله يكتب اللي فيه خير لا هنت يا عسل 🌺 |
اقتباس:
الله يبارك فيك وكفيتوا ووفيتوا انت والشباب وبشوف تقارير عن هذي المدن والله يكتب الله فيه لا هنت يا عسل 🌺 |
الساعة الآن 01:36 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO